أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > إدارة الشبكات و حلول ومشاكل الشبكات


مواضيع مميزة  


آخر عشرة مواضيع المواضيع النشطة


12-09-2007, 08:51 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

6 - ويندوز 2003 سيرفر


الحمد لله والصلاة والسلام على رسول الله

اليوم ان شاء الله وبعد ما جهزنا جهاز ال Client ونزلنا عليه نسخة XP ح نجهز السيرفر اللي ح يكون Domain Controller وح ننزل عليه نسخة 2003 Server .
قبل ما نشتغل نجهز النسخه وبغض النظر عن تقسيمات الويندوز سيرفر ح نبعد عن ال Web edition لانها ضعيفه وممكن نختار standard edition ومادمنا مش دافعين فلوس يبق الاحسن enterprise edition و بالنسبة للـ data center edition صعب جدا تلاقيها او تشتريها
المهم النسخه اللي نشتغل بيها ماتكونش متعدله , يعني ماينفعش اجيب سي دي مكتوب عليه Motawa7ish server 2003 واشتغل عليها , لازم تكون النسخه اصليه او منسوخه من اسطوانه اصليه وما حصلش عليها اي افتكاسات ب N Lite او غيره اللهم الا اذا حبيت تعمل لها ملف SIF بنفسك و بالبرنامج الاصلي بتاع الويندوز لكن من غير نزع مكونات او ضغط او ان النسخه تكون 13 في 1
طبعا نلاحظ تقسيم الهارد و التركيز الشديد وياريت الهارد كله يتفرمت علشان نكون متطمنين لان في اغلب الاحواب الجهاز اللي بيتعمل domain controller ما بيتغيرلوش ويندوز الا لما الـ IT Dept. كلهم يترفدوا مره واحده علشان كده لازم ننسى خالص حكاية ويندوز كل اسبوع
وبالمناسبه ح نتعود يكون معانا كشكول او اجنده بنكتب عليها كل حاجه اتعملت على الجهاز من اول نسخة الويندوز و بعدين كل التعديلات اللي تمت والكشكول ده ح ينفعنا جدا جدا في حالة اي مشكله او لو حبينا نرجع الوضع لحاله معينه
قبل ما نبتدي احب انصح بان الجهاز اللي يتعمل Domain Controller لازم يكون brand وياريت على الاقل يكون Server Family ( مش شرط يكون دبابه من ابو 10 الاف دولار) لكن على الاقل سيرفر فاميلي وده سعره فوق الالف دولار بشويه يعني قريب من سعر التجميع لكن مجرد المقارنه بين ال Fan بتاعته وبتاعة التجميع ح تعرف السبب

فدي fan من اللي بنستخدمها ونجيبها من ال mall

ويندوز سيرفر

ودي fan جهاز brand

ويندوز سيرفر

ح تقول انا في ترتيبي اني ما اشغلش السيرفر على طول واني اقفله بالليل ح ارد عليك انك ماتعرفش ظروف شركتك بعدين ح تكون ايه جايز تضطر انك تخلي السيرفر online 24 ساعه وساعتها لو السيرفر بتاعك local Assembled ابقى قوللي ادور لك على شغل معايا .
طيب مواصفة السيرفر ح تجيبها ازاي ؟ ماتتكسفش انك تسال اصحابك وفي المنتديات وشركات الكمبيوتر ( بس اكتر من شركه ) والمهم انك تركز على السعه علشان اكيد ح تستخدم اكتر من هارد , ولو الميزانيه محدوده ما تتخدعش بال Tape Backup لانه خلاص راحت عليه و كذلك الهاردات ال سكازي لانها غاليه جدا جدا , والمهم انك تتاكد ان السيرفر اللي ح تختاره موجود له Drivers متوافق مع windows 2003 server
نبدأ بسم الله


نضع السي دي البوتابل في السي دي روم ( او نعمل لها mount اذا كنا بنشتغل على برنامج Virtual PC ) وتظهر لنا اول شاشه نضغط اي زرار بسرعه

ويندوز سيرفر

ونكمل مع نفس خطوات اعداد الاكس بي



ويندوز سيرفر




ويندوز سيرفر


واخيرا
نبدا في تقسيم الهارد
نختار البارتيشن المطلوب الغاؤه ونضغط D للالغاء


ويندوز سيرفر

طبعا ناخد بالنا من نقطه مهمه جدا اننا ما نعملش Dual system على السيرفر وبخاصة لو كان Domain controller لاغراض ال security يعني ما يكونش على الجهاز الا نسخة الويندوز سيرفر اللي شغالين عليها
تاني حاجه اكرر اننا نكون حذرين جدا هنا ونتاكد ان مافيش data مهمه على الهارد او بارتيشن عايزين نحافظ عليه
نختار البارتيشن
ونضغط D
رسالة تاكيد

ويندوز سيرفر

نحدد المساحه المطلوبه لانشاء البارتيشن ونضغط Enter

ويندوز سيرفر

تم انشاء البارتيشن , نضغط Enter لبدء اعداد الويندوز سيرفر على هذا البارتيشن

ويندوز سيرفر

اختيار ال File system وطريقة الفورمات ( اكيد NTFS ) ما ينفعش FAT لل DC

ويندوز سيرفر

جاري الفورمات

ويندوز سيرفر

بعد الفورمات نسخ الملفات

ويندوز سيرفر

بالمناسبه المرحله دي اسمها text mode

ويندوز سيرفر

مش ح نضايقه , سيبوه براحته

ويندوز سيرفر

ح يخلص ويعمل ريستارت

ويندوز سيرفر

خلص وبيعمل ريستارت

ويندوز سيرفر

واخيرا GUI وح نقدر نستخدم الماوس

ويندوز سيرفر

طبعا مالناش دعوه بالعداد

ويندوز سيرفر

ويندو عجيبه مالهاش اي لازمه بس مجرد التنبيه , نضغط next

ويندوز سيرفر

ونريح شويه

ويندوز سيرفر

اعدادات اللغه المهمه جدا ( اللي ذاكرناها في الاكس بي )

ويندوز سيرفر

نختار Languages tap

ويندوز سيرفر

وبعدين نعلم على right to lift وبعدها ضروري apply وبعدين Details

ويندوز سيرفر

كده نقدر نضيف ال keyboard العربي

ويندوز سيرفر

ويندوز سيرفر

وطبعا Ok

ويندوز سيرفر

نتاكد من ظهور ال keyboard وبعدها Ok

ويندوز سيرفر

مهم جدا الترميز والا ح نقابل مشاكل في قراءة العربي

ويندوز سيرفر

وبعدين Ok

ويندوز سيرفر

واخيرا next

ويندوز سيرفر

اسم المستخدم والشركة و بعدها Next

ويندوز سيرفر

طبعا ما ننساش ال CD Key ونيجي بعدها لحاجه مهمه جدا هي ال CAL

ويندوز سيرفر

ايه المقصود بال CAL ؟هي اختصار ل Client Access License لو فهمت حاجه ابقى قابلني
الحكايه باختصار ان مايكروسوف بتبيع لك ترخيص الويندوز لاستخدامه على جهاز ال client اللي ممكن يستخدمه جوه الشبكه ( مثلا ترخيص Windows XP ) و كمان ح تبيع لك ترخيص الويندوز سيرفر الخاص بال Domain Controller اللي ح يدير الشبكه (مثلا ترخيص Windows Server Enterprise 2003 ) حلو كده ؟
لكن علشان ال client يشوف ال domain controller ويدخل عليه ويستفاد منه كسيرفر للشبكه ما ينفعش من غير ترخيص ثالث اسمه CAL ( يعني زي كده وصلة السخان ) شفت ازاي , وطبعا ال CAL بتكون نوعين نوع على جهاز ال client او نوع مركزي على السيرفر ونركز في النوعين دول
النوع الاول : Per server وفيها بيكون الترخيص مركزي بمعني اننا بنخطر السيرفر بعدد التراخيص ال CAL الممنوحه ( 10 على سبيل المثال ) ووقتها فان السيرفر بيسمح لعدد من الاجهزه مطابقه لعدد التراخيص بالتعامل معه بغض النظر عن عد الاجهزة على الشبكة و لكن العبرة بالمتصل فعلا ( concurrent connection) ودي الميزه في هذا النظام انك لن تلتزم بشراء تراخيص للعدد الكلي لاجهزة الشبكة ولكنك تشتري تراخيص بعدد الاتصالات اللحظيه , ح اوضحها لك نفترض ان عندك 20 client و نصف الاجهزه بيشتغل ورديه صباحيه و النصف الاخر بيشتعل ورديه مسائية ففي هذه الحالة لن تكون مطالبا بشراء 20 ترخيص ولكنك ستقوم بشراء 10 فقط وهو ما يعادل الحد الاقصى لعدد الاجهزة المتصله بالشبكة في اي لحظة , طيب لو افترضنا ان احد اجهزة الورديه المسائية قام المستخدم بتشغيله في الورديه الصباحيه وحاول الدخول على الشبكة هنا حالتان الاولى ان يكون عدد الاجهزة المتصله تقل من 10 و بالتالي ففي هذه الحاله يستطيع هذا الجهاز الدخول على الشبكة اما الحالة الثانيه فانه لو كانت الاجهزة الصباحية كلها متصله فساعتها سوف يكون رقم هذا الجهاز هو 11 وبالتالي فلن يستطيع الدخول على الشبكة الا بطريقة من اثنين الاولى ان ينتظر حتى يقوم احد الاجهزة العشرة بالخروج من الشبكة ويدخل الافندي مكانه والطريقة الثانية ان يتم اضافة ترخيص على السيرفر من ال Administrative tools ويصبح عدد التراخيص 11 وبالتالي يستطيع الجهاز الدخول على الشبكه
النوع الثاني : ان يتم تحديد التراخيص على اجهزة ال client بحيث يصبح كل client حامل ترخيص دخوله على الشبكة وهذا النوع يعتبر مفيد في حالة وجود اكثر من سيرفر على الشبكة وبالتالي يستطيع الكلاينت الدخول على اي سيرفر دون شراء تراخيص اضافيه
وباختصار اذا كنت شغال بطريقة ( حالف ولا أبطله ولا أشتريه ) فالجأ للطريقة الاولى وبحبح ايدك في عدد التراخيص

ويندوز سيرفر

اسم الجهاز وكلمة السر وطبعا تستطيع تغيير اسم الجهاز بعد انتهاء تنزيل الويندوز

ويندوز سيرفر

اعداد الوقت

ويندوز سيرفر

ياريت نشغل وقتنا بالتسبيح والاستغفار

ويندوز سيرفر

ويندوز سيرفر

الموضوع طويل وممكن تسيبه وتنام

ويندوز سيرفر

ويندوز سيرفر

ويندوز سيرفر

طبعا ح يخلص ويعمل restart

ويندوز سيرفر

ويندوز سيرفر

واخيرا

ويندوز سيرفر

نضغط alt+ctrl+del

ويندوز سيرفر

وندخل كلمة السر

ويندوز سيرفر



واخيرا

ويندوز سيرفر

طبعا ال wizard ده ممكن تستخدمه لو هربت منك الامور لكن دلوقتي ح نقفله

ويندوز سيرفر

ومبارك عليكم النسخه

ويندوز سيرفر

اللهم لا تجعلنا من الاخسرين اعمالا
والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك





المواضيع المشابهه
الموضوع كاتب الموضوع المنتدى مشاركات آخر مشاركة
طلب :: ويندوز سيرفر 2003 Ahmad Saleh تحميل أنظمة التشغيل ويندوز وحزم التحديثات واللغات والتفعيل Loaders, Activator 2 09-08-2012 05:07 PM
أريد سيرفر مجانى لاستضافة مواقع عليه ويندوز xp أو ويندوز سيفر 2003 phenomenon برامج 0 17-04-2008 01:47 PM
طلب ويندوز سيرفر 2003 poody_saeed2003 برامج 2 22-04-2006 08:13 PM
ويندوز 2003 سيرفر 10× 1 I-HSSAN برامج 5 15-07-2005 04:33 AM
Windows 2003 Enterprise Server ويندوز 2003 سيرفر انتربرايس رابط سريع ومن موقع مايكروسوفت حمله من هن rawhi 019 برامج 4 20-10-2004 03:26 AM

12-09-2007, 09:38 PM
alamosha غير متصل
عضو فعال
رقم العضوية: 56532
تاريخ التسجيل: Oct 2006
الإقامة: Somewhere There :)
المشاركات: 103
إعجاب: 42
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #2  

يسعدني ان اكون من اول من يرد علي هذه المشاركه
و هحاول ادور علي النسخه دي وانزلها
ورمضان كريم

من مواضيعي:
- حكاية جواب

12-09-2007, 11:15 PM
الأسمري غير متصل
عضو ذهبي
رقم العضوية: 17050
تاريخ التسجيل: Jan 2005
المشاركات: 836
إعجاب: 277
تلقى 142 إعجاب على 21 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  
معلومات قيمة أخي الحبيب sharara بارك الله فيك .

ورمضان مبارك علينا وعليك وكل عام وانت بخير .


13-09-2007, 10:54 PM
المأثور غير متصل
عضو مميز
رقم العضوية: 522
تاريخ التسجيل: Jul 2003
المشاركات: 204
إعجاب: 275
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #4  
جزاك الله خيرا
ورمضان مبارك علينا وعليك

بصراحة شرح فوق الممتاز
سؤال سريع

لماذا تختار حذف البارتشين بدل من الفورمات في تنصيب الوندوز


14-09-2007, 02:08 PM
alamosha غير متصل
عضو فعال
رقم العضوية: 56532
تاريخ التسجيل: Oct 2006
الإقامة: Somewhere There :)
المشاركات: 103
إعجاب: 42
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #6  

اريد ان اعرف منك بعض المعلومات بخصوص Windows Server 2003 Enterprise
لاني وجدت الكثير من النسخ
اريد مثلا ان اتعرف علي مساحة القرص حيث انني نزلت نسخه مساحتها 516 ميجا
وهناك بعض النسخ بمساحات 920 ميجا وبعضهم يفوق الجيجا
ارجو ان تفيدنا
وبارك الله فيك ورحم والدتك ووفقك الي ما يحب ويرضي
ورمضان كريم

14-09-2007, 02:30 PM
pepsi_labeb غير متصل
عضوية الشرف
رقم العضوية: 33997
تاريخ التسجيل: Feb 2006
المشاركات: 2,284
إعجاب: 826
تلقى 1,164 إعجاب على 123 مشاركة
تلقى دعوات الى: 2 موضوع
مواضيع لم تعجبه: 0
تلقى 0 عدم اعجاب على 0 مشاركة
    #8  
بارك الله فيك أنا متابعك

شرحك جميل واضح ربنا يكتبه في ميزان حسناتك ويرحم والدتك وكل المسلمين

رمضان كريم


14-09-2007, 03:25 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #9  
الحمد لله والصلاة والسلام على رسول الله


الأسمري
hatem20
مصطفى القادوم
pepsi_labeb

جزاكم الله خيرا

اخي
المأثور
الحكايه وما فيها اني بالغي كل التقسيم اللى على الهارد لاني عايز يكون متقسم من الصفر بطريقتي انا واتاكد ان ما يكونش فيه اي بارتيشنات علشان اضمن ان ما يكونش فيه فايروس كده ولا كده
وبرضه اضمن ان ما يكونش فيه لوجيك درايف

اخي
alamosha
اولا مصدر النسخه ايه
يعني نبعد عن اي نسخه متعدله او نسخ الكل في واحد
انا نزلت نسخ انتربرايز كتير وكانت كلها مظبوطه ولله الحمد
والحجم يتراوح من فوق الخمسمائة ميجا الى ما فوق الستمائة ميجا
واختلاف الحجم ( الاختلاف الطفيف اللي في حدود 100 ميجا ) يكون راجع الى اختلاف الاصدارات
وانا حاليا اشتغلت الشرح بنسخه R2 اوريجينال تقريبا نفس الحجم

والله المستعان

14-09-2007, 10:34 PM
ahmedsayed غير متصل
عضو جديد
رقم العضوية: 31926
تاريخ التسجيل: Jan 2006
المشاركات: 21
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #10  

استاذي العزيز بارك الله فيك وبحق يعجز لساني عن شكرك علي ما تقدمه في تلك الدورة (صنعه الشبكات) فلقد طالعت الكثير من المواضيع المهتمه بذلك الموضوع فلم اجد اسهل ولا ادق مما تقدمه ولا امتع من ذلك فارجو الاستمرار بما تقدم وبارك الله فيك


15-09-2007, 05:41 PM
ابن الربيع غير متصل
عضو جديد
رقم العضوية: 71917
تاريخ التسجيل: Mar 2007
المشاركات: 21
إعجاب: 5
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #11  
إبداع * إبداع

بارك الله فيك أخي شرارة ونفع بك

في موازين حسناتك إن شاء الله

16-09-2007, 10:23 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #12  
اخي ahmedsayed
اخي ابن الربيع

شكرا للمتابعه

17-09-2007, 12:58 AM
ابو حسين غير متصل
عضو ذهبي
رقم العضوية: 218
تاريخ التسجيل: May 2003
المشاركات: 905
إعجاب: 585
تلقى 3 إعجاب على 3 مشاركة
تلقى دعوات الى: 598 موضوع
مواضيع لم تعجبه: 0
تلقى 0 عدم اعجاب على 0 مشاركة
    #13  
بارك الله فيك اخي ابو احمد على الشرح الرائع

رمضان كريم


19-09-2007, 09:06 AM
abas_elgen غير متصل
عضو محترف
رقم العضوية: 67720
تاريخ التسجيل: Mar 2007
الإقامة: ٍSaudi Arabia
المشاركات: 591
إعجاب: 347
تلقى 13 إعجاب على 13 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #14  
الف شكر لك أستاذي
ومتابع لك من أول الشرح
سر على بركة الله
وفي انتظار بقية الشرح

19-09-2007, 12:07 PM
elsayed seleim غير متصل
عضو فعال
رقم العضوية: 28770
تاريخ التسجيل: Nov 2005
المشاركات: 137
إعجاب: 0
تلقى 2 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #15  
مشكور اخى العزيز وبارك الله فيك وياريت لو فية لنكات وروابط لنسخة ويندوز سيرفر تكون كويسه يبقى جزاك الله خير

وتقبل اسمى تحياتى على الشرح الرائع


 


6 - ويندوز 2003 سيرفر


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.