الحمد لله والصلاة والسلام على رسول الله
بسم الله كده نبتدي في الجد وشغل العملي و اول جزء في العملي هو تنزيل نسخة اكس بي Windows XP , يا راجل هو الموضوع محتاج ؟ ايوه محتاج ومهم جدا جدا و ح اقولكم ليه
طبعا كلنا عندنا نسخ شغاله SIF ( يعني اللي بتنزل لوحدها توماتيكي ) واصارحكم اني احيانا باحس بذنب كبير بسبب كتاب ( اصنع نسخة الويندوز الخاصة بك بنفسك ) مش لان النسخ اللي اتعملت سهلت الموضوع لكن لان انتشار النسخ دي اتسبب في ان كتير مننا مش مهتم بانه يعرف ايه هي مراحل تنصيب الويندوز وممكن يفاجأ بانه اتدبس عند صاحبه او قدام زبون في نسخة ويندوز عاديه ( مافيهاش SIF ) و يقوم عامل فورمات لبارتيشن مهم .
بسبب كده لازم نبتدي دراستنا باننا نتعلم ننزل نسخة XP خطوه بخطوه ونعرف ايه الاختيارات اللي بتقابلنا
طيب نبتدي
نجهز نسخة ويندوز bootable ( وما تكونش توماتيكي ) يعني ما فيهاش ملف SIF , طيب لو مافيش عندنا غير نسخه من اياهم نعمل ايه ؟ نروح على فولدر I386 جوه ال ISO Source ونشيل ملف اسمه winnt.sif وبعدين نقفل الايزو ونكمل سواء نحرقه على اسطوانه او نستعمله ببرنامج Virtual PC

ندخل الاسطوانه جوه ال CD Rom بتظهر لنا اول شاشه

طبعا نلحق ندوس اي زر بسرعه و على طول تبتدي النسخه تنزل

لو عندك هارد سكازي اضغط F6 ( بعض النسخ مش ح تشوف الهارد ال SATA الا لو ضغطت F6)


اختيار انك تعمل Repair لو فيه نسخه قديمه او Enter لتنزيل الويندوز , طبعا Enter

اتفاقية ال EULA اضغط F8 وما ينفعش ما توافقش عليها

المتعه ابتدت مع تقسيم الهارد , وده مهم جدا جدا لو بنشتغل على هارد عليه نسخه قديمه او عليه بارتشن عليه DATA عايزين نحافظ عليها
هنا طبعا الهارد Blank ما فيش اي بارتيشنات عليه
ممكن نضغط Enter وساعتها ح تنزل النسخه على المساحه الفارغه ( كامل الهارد ) , او ندوس C علشان نبتدي نقسم الهارد وده اللي ح نختاره

ح تطلع شاشه بتخليني احدد مساحة البارتيشن اللي ح يتم انشاؤه قد ايه

باكتب المساحه اللي انا عايزها وباضغط Enter

تم انشاء البارتيشن ونركز هنا شويه , لان لو احنا بنتعامل مع هارد عليه داتا او نسخة تانيه عايزين نحافظ عليها ح نلاقي الشكل قريب للي موجود ده

زي ما هو واضح ان فيه مساحه معموله بارتيشن ( اللي احنا عملناها )
الموضوع محتاج مننا تركيز في التعامل مع الهارد في الجزئية دي بحيث اني لما اتعامل مع هارد بانزل عليه ويندوز اكون محدد قبل ما اشتغل الهارد ده عليه حاجه مهمه ولا لأ وايه البارتيشنات اللي عايز احافظ عليها وايه اللي ممكن امسحه او انزل الزيندوز عليه.
طبعا لازم اكون متاكد من ان البارتيشن اللي ح امسحه ماعليهوش حاجه مهمه ( ياما حصلت مصايب بسبب الموضوع ده )
ولو باشتغل بنسخه متعدله SIF لازم اكون مجربها على هارد فاضي علشان اتاكد انها مش بتقطع البارتيشنات مع نفسها ( ياما حصلت بلاوي برضه بسبب الموضوع ده )
المهم اني عايز اوصلكم لانكم تتعاملوا مع تقسيم الهارد بمرونه وكمان بعدم اندفاع
دلوقتي نتحرك بالسهم ونقف على المساحه ال unpartitioned ونضغط Enter علشان نقسمها , وح نعملها كلها المره دي بارتيشن واحد .



نقدر دلوقتي نختار البارتيشن اللي ح ننزل عليه الويندوز ونضغط Enter
]
بيظهر لي اربعة اختيارات ولو فيه نسخه قديمه ح يبقوا خمسه , طيب ايه الاربعه ؟
الاختيار بين ال Format العادي وال Quick format طبعا بنختار ال Quick لانه عباره عن مسح الهارد اكثر منه Format فعلي وبالتالي ومادمنا كلنا عندنا هيستيريا تنزيل الزيندوز وبنغير النسخه اسرع من يبقى لو كل مره ح نختار format يبقى مش ح نلاقي الهارد بعد كده
وكمان بيدي لنا اختيار بين نوعين من تقسيم الهارد FAT و NTFS وطبعا انا مش ح اتنرفز لكن عيب قوي لما تكون راجل IT او حتى بتاع صيانه وتقول ان ال FAT احسن من NTFS طبعا لأ لأن NTFS بيدي مميزات جامده جدا جدا و بالذات في الشبكات ومنها ان ال security ممكن يتحدد للفولدر صلاحيات وكمان ال encryption وغير كده ال quota انك بتحدد لكل مستخدم مساحه معينه من البارتيشن ما يتخطاهاش
ح نختار نعمل NTFS مع Quick format

يبدأ عمل الفورمات


وبعد الانتهاء سيقوم بنسخ الملفات الى الهارد


طبعا لو بنشتغل على نسخه فيها فولدرات OEM ( مثلا خلفيات او فونتات ضايفينها على السورس ) ح نلاحظ ان المؤشر بعد ما يوصل 100% ح يبتدي نسخ الملفات الاضافية دي بعد ما يخلص نسخ ملفات الويندوز الاصلية

ح يعمل reboot وبكده تنتهي اول مرحله

وبيبتدي يظهر ال boot screen لاول مره

والان بدأ تجهيز النسخه ونجهز علشان ح نبتدي نجاوب على اسئلته

مهم جدا جدا ادخال اعدادات اللغه

بنختار هنا علشان النسخه تدعم اللغه العربيه , ولو ما اخترناش ح نقضيها انجليزي

وطبعا Apply مهمه قبل ما نكمل علشان تفتح لنا اللغه العربي في باقي الاختيارات

جاري التطبيق وبكده ح تظهر لنا امكانية اضافة اللغة العربيه

بعد ما يخلص نضغط على Details لاضافة ال Keyboard العربي


ومن ثالث tab واسمه Advanced ح نختار اللغه العربيه كترميز لل non-Unicode علشان مانلاقيش بعض الملفات اللي بالعربي غير مقروءة زي ماتكون هيروغليفي


وبعد كده ادخال الاسم واسم الشركة

والسيريال الخاص بالنسخه 25 رقم

والاسم اللي ح تختاره للجهاز ( ممكن تغيره بعدين ) وكلمة سر الادمين ( واوعى تنساها )

ونظبط التوقيت وبعدها نسيبه ونستريح شويه


ونخلي الاختيار بتاع ال Network على ال default لاننا ح نعدله بعدين , طبعا ممكن تختار Custom Setting وتبتدي تعدل في ال Setup خبرتي بتقولك بلاش فلفسه

ونفس الكلام خليه برضه على اختيار workgroup

وخلاص الباقي فرجه , يعني لو وراك حاجه سيبه لغاية ما يعمل ريستارت



بيعدل اعدادات الشاشه ( ليس في كل الحالات ) ومافيش قدامك غير اختيار واحد OK

بيجهز لل First login

مابحبش ال automatic update

ونعمل skip الا لو عايزين نعمل activate

واخيرا ندخل اسم المستخدم

نسيبه يتلم على نفسه وماحدش يخضه

واخيرا مبارك عليكم النسخه

والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك

بارك الله فيك اخى شرارة


ولكن النسخ المعدلة سهلت الكلام ده كتير

تقبل منى خالص الشكر والتقدير

خـــــالد هـــــــــلال

معاك حق لكن بشرط انك تكون انت اللي عاملها
خلي بالك اننا بنتكلم عن الموضوع من وجهة نظر ال IT ودي كل واحد فيها له احتياجاته

الف شكر لك اخي الباش مهندس احمد

وشخصيا لا استخدم SIF واستخدم طريقتك


بارك الله فيك على مجهودك وتعبك في ايصال المعلومات

رحم الله والديك .. وبانتظار جديدك ... نقبل مروري ... وكل عام وانت بخير

بارك الله فيك مشرفنا الغالي .


معلومات قيمة جدا .

جزاك الله خيرا انا ايضا استخدم هة الطريقة

بارك الله فيك مشرفنا الغالي .. شرح رائع جدا

بانتظار باقي الدروس .

مشكووووور على باشا على الدرس

وأنا عن نفسي ما أحب نسخ الوندوز المعدلة

بارك الله فيك ...

اخوتي الكرام

real_pal
الأسمري
hatem_lhse
hatem20
ابن الربيع


جزاكم الله خيرا على المتابعه والتفاعل

شكرا لك أخي.

عفوا اخي

الحمد لله والصلاة والسلام على رسول الله

الدرس السادس نزل باسم
ويندوز 2003 سيرفر

على الرابط
6 - ويندوز 2003 سيرفر

درس روعه للمبتداين

للي مهتم بال IT


وبالتوفيق اخي الكريم

شــــــــــــــــــــرح اكثر من رائع