أستغفر الله العظيم ... سبحان الله وبحمده



العودة   منتديات داماس > منتدى البرمجة العام > لغات البرمجة


مواضيع مميزة  


آخر عشرة مواضيع المواضيع النشطة


05-09-2007, 10:45 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,244
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
    #1  

البدايه والنهايات - 3 - أملأ حياتك بالكابلات


الحمد لله والصلاة والسلام على رسول الله
من كام سنه فاتت كنت لما تحب توصل جهازين او تعمل شبكه لازم تجيب فني شبكات واسمه في السوق Technician وكانت مهمته انه يقوم بتجهيز ال Duct او المسار اللي ح تمشي فيه الكابلات و يجهز الكابل و يوصل له النهايات الطرفيه و بعدين يجربه و يوصل والحساب ياياشمهندس , لكن النهارده الوضع اختلف واعتقد ان ما فيش IT ما يعرفش يجهز كابلاته علشان كده ح نخصص الدرس ده للكابلات وانواعها وازاي نوصل شبكتنا وايه نوع الكابلات المناسبه لينا بحيث اننا حتى لو ما وصلناهاش بايدينا ( زي الفايبر مثلا ) فاننا ما نسيبش حد يشتغلنا و ان شاء الله بعد الدرس ح تلاقي نفسك بتتكلم في الفايبر و الجيبيك وكمان الباتش بانل
ح نتناول في درسنا اليوم بأذن الله الانواع الثلاثه الرئيسية للكابلات وهي :-
ال كوأكسيال Coaxial
اليو تي بي UTP Cat 5
الالياف الضوئية Fiber optical


كابلات ال كوأكسيال Coaxial
_
ياه كان زمان .
لا تستطيع الا ان تقول هذه الجمله ممصمصا شفاتك عندما تستمع الى اسم Coaxial فهو البداية بالنسبة لنا و ان كنت لا اعرف هل تباع هذه الكابلات حاليا ام لا ؟ لكن ايه اللي يمنع اننا نتكلم عليها
هي بالظبط تشبه جدا كابلات الدش و نفس التكوين لكن الفرق بينها و بينه في المقاومه الداخليه للاسلاك وطبعا جودة الكابل
البدايه والنهايات أملأ حياتك بالكابلات
وطبعا اي كابل ( ايا كان نوعه ) لازم له وحده نهاية طرفيه ( زي فيشة الكهرباء ما لازم تركب في اخر السلك ) وفي حالو ال Coaxial فان الكابل ينتهي ب BNC و يتم تركيبه في كارت الشبكه ( خلي بالك ان كارت الشبكه لازم يكون خاص بال Coaxial )
البدايه والنهايات أملأ حياتك بالكابلات
و ال Coaxial سرعته up to 10 Mbps وهو عباره عن نوعين اساسيين رفيع وسميك
الرفيع بيديك طول لغاية 200 متر بين ولكن السميك ممكن يوصل اشارة لغاية 500 متر
الميزه الاساسيه كانت في كابلات Coaxial انها بتستحمل , يعني الكرسي بتاعك يدوس عليها رايح جاي ما فيش مشاكل .
ياه كان زمان

كابلات اليو تي بي UTP Cat 5
_
ركز جامد لان اغلب شغلك ح يكون مع ال UTP وممكن ما تشوفش اصلا اي نوع من التانيين .
مسمى ال UTP اختصارا ل Unshielded twisted pair وده بسبب ان الكابل عباره عن 8 اسلاك متجمعه في اربعة ازواج وكل زوج بيكون ملفوف Twist وكل سلك منهم له لون
البدايه والنهايات أملأ حياتك بالكابلات
والكابل بينتهي بنهاية طرفية اسمها RJ45 ( مثل سلك التليفون ولكن التليفون بينتهي ب RJ 11 )
البدايه والنهايات أملأ حياتك بالكابلات
سرعة الكابل up to 100 Mbps وده بالنسبه لنوع ال Cat5 ( وهي الفئة الشائعه والتي سنعمل بها ) وبالنسبه لل Cat6 ( فئة حديثه ) فسرعته up to 1000 Mbps
ومادمنا نتحدث عن السرعه ناخد بالنا من حاجتين مهمين جدا :-
الاولى : ان السرعه بتكون بال Bit وليس بال Byte
الثانيه : ان السرعه لما يتقال عليها Up to معناها ان ده الحد الاقصى للسرعه وليس السرعه ح تكون كده على طول لان سرعة نقل البيانات على الشبكه بتتاثر بعوامل كتير و اخطرها هي ال Bottle nick الموجوده في الشبكه , يعني ايه ؟
نفترض اننا موصلين جهازين بكابل 100 ميجا و لكن كارت احد الاجهزة 10 ميجا ! مش ح اكمل لأنها اكيد وصلت
الثالثه : ان السرعه عباره عن سرعتين رايح وجاي
او Send و Receive
او Upload و Download
و طبعا ما بتحسش بأهمية الموضوع ده الا لما بتحتاج انك تعمل Upload بسرعه عاليه على الانترنت لأن نسبة ال Upload : Download في الانترنت مابتكونش 1:1 لأ العادي بتاعها انها بتكون 1:4 واحيانا 1:10 وده وضع طبيعي لأن في الانترنت انت بتطلب صفحه Upload ولما بتتفتح على جهازك Download
لكن تخيل انك تكون شغال VPN ساعتها لازم تكون سرعة ال Upload عاليه
نرجع لموضوعنا , الكابلات بتتجمع في الاخر داخل السويتش Switch من خلال ال RJ
البدايه والنهايات أملأ حياتك بالكابلات
يالا بينا نشتغل شويه ومن غير فلفسه ح نتعلم ازاي نأرج الكابل ( نركب له RJ ) بأستخدام الأراجه Crimp
البدايه والنهايات أملأ حياتك بالكابلات
لأ وح اقولك كمان ازاي تتستت Test الكابل بال tester
البدايه والنهايات أملأ حياتك بالكابلات
هي دي لغة الصنعه و بالتدريج ح تلاقيها سهله
الحاجات اللي ح نستخدمها رخيصه جدا ومتوافره و ارخص بكتير من اننا نشتري كابلات جاهزه ( بغض النظر عن الجوده ) او نخلي حد يعملهالنا .
ح نحتاج :-
كابل UTP Cat5 بطول مناسب
كمية من ال RJ 45 انت فعلي ح تركب 2 فقط لكن في الاول ح تبوظ كتييير
أراجه Crimp
وأخيرا Tester لو عايز
طبعا الكلام ده مش ح يكلفك يعني مثلا ال Crimp وال Tester كل واحد بحوالي 15 :20 جنيه (فيه Tester ديجيتال بحوالي 400 جنيه ) وال RJ بحوالي نصف جنيه
يابلاش صنعه مطلوبه في السوق و عدتها رخيصه
ما علينا نجهز الكابل و نمسك الاراجه Crimp باليمين
البدايه والنهايات أملأ حياتك بالكابلات
ونقطع الكابل
البدايه والنهايات أملأ حياتك بالكابلات
نقشر الكابل بالاراجه ( ننزع غلاف الكابل ) ونكون حذرين حتى لا نخدش غلاف الاسلاك وطبعا الاراجه فيها سلاحين سلاح لقطع الكابل و سلاح يادوب بيشرخ الغلاف الخارجي ونقدر بعدها نسحب الغلاف ونبقى قشرنا الكابل
البدايه والنهايات أملأ حياتك بالكابلات
البدايه والنهايات أملأ حياتك بالكابلات
نفرد الاسلاك
البدايه والنهايات أملأ حياتك بالكابلات
البدايه والنهايات أملأ حياتك بالكابلات
البدايه والنهايات أملأ حياتك بالكابلات
نساوي اطراف الاسلاك بسلاح القطع بالاراجه ونخلي بالنا ان الاسلاك ما تكونش طويله
البدايه والنهايات أملأ حياتك بالكابلات
ندخل الاسلاك في ال RJ
وناخد بالنا من الترتيب :-
بني
بني ابيض
اخضر
ازرق ابيض
ازرق
اخضر ابيض
اصفر
اصفر ابيض
نتاكد كمان ان الترتيب ما اتغيرش و احنا بندخل الاسلاك لان من الوارد جدا ان طرفين يدخلوا مكان بعض
البدايه والنهايات أملأ حياتك بالكابلات
البدايه والنهايات أملأ حياتك بالكابلات

نتأكد ان الاطراف دخلت لغاية اخر ال RJ وان الترتيب مظبوط
ندخل ال RJ في المكان الخاص به داخل ال Crimp من غير ما نتفتون عليها ( الخواجه ما بيركبش حاجه بالشاكوش )
البدايه والنهايات أملأ حياتك بالكابلات
بسم الله نضغط على ال Crimp
البدايه والنهايات أملأ حياتك بالكابلات
كمان جامد لغاية ما نتاكد ان الاطراف النحاسية الموجوده في ظهر ال RJ لم تعد بارزه بل انغرست ( حلوه دي ) داخل ال RJ ولامست الاسلاك
البدايه والنهايات أملأ حياتك بالكابلات
و مبروك عليك اول تأريجه و نكرر نفس العمليه بنفس ترتيب الالوان في الطرف الثاني من الكابل وبعد ما نخلص نركب الطرفين في قطعتين ال Tester و نسمي الله ونشغل التيستر ,
ان شاء الله ال 8 لمبات الموجوده في كل ناحيه تنور مع اللي قدامها وكده يكون شغلك مظبوط
ولو ما حصلش ( وده غالبا اللي ح يحصل في الاول ) يبقى يا حلو اقطع السلك وركب RJ جديد
الموضوع ممتع واعتقد انه مش مكلف ومش محتاج اكتر من مشوار لاي Computer mall
عموما ممكن نراجع مع بعض خطوات تركيب ال RJ
البدايه والنهايات أملأ حياتك بالكابلات
البدايه والنهايات أملأ حياتك بالكابلات
البدايه والنهايات أملأ حياتك بالكابلات
البدايه والنهايات أملأ حياتك بالكابلات
البدايه والنهايات أملأ حياتك بالكابلات
نسيب ال crimp ونكمل مذاكره
طريقة التوصيل المستخدمه دي خاصة بالتوصيل ال standard وفيه بتكون كل الكابلات موصله بين جهاز وسويتش وفيه طريقه تانيه اسمها cross cable دي بتستعمل لو بتوصل جهازين ببعض من غير سويتش يعني كل طرف من طرفي الكابل في جهاز ( وكلمه في ودنك الطريقة ال standard بتنفع برضه لو بتوصل جهازين الا في حالات نادره ما قابلتنيش من كام سنه )
عايزين نتخيل دلوقتي شبكتك اللي عملتها بالكابل ده شكلها ايه
جهاز متوصل بكابل و الطرف الثاني من الكابل متوصل بالسويتش والموضوع ده متكرر بعدد اجهزة الشبكه وطبعا السويتش ممكن يكون على الارض او متثبت بمسامير على الحائط
بص يا عم الكلام ده حلو قوي بالنسبه لجهازين تلاته او حتى في شبكة ADSL يعني وانت ف بيتكم لكن لو في شركتك يبقى ح تترفد ! ليه ؟ ح اقولك
احنا اتفقنا اننا بنلعب لعبة استراتيجية واحنا كده نعتبر خلصنا اول مرحله نبتدي بقى نزوق الشبكه وندلعها ونصرف عليها شوية فلوس
يعني بالنسبه للسويتش ح نجيب Rack
البدايه والنهايات أملأ حياتك بالكابلات
ونحدد له مكان ونضع فيه السويتشات و نوصل الكابلات بالسويتش من خلال ال Rack وكمان ولزوم الشياكه نمدد الكابلات داخل Duct وبلاش المسامير ع الحيطه
ولو عايزين كمان رفاهيه ما نوصلش الكابل دايركت على السويتش لأ احنا بنوصلع على حاجه اسمها Batch panel
البدايه والنهايات أملأ حياتك بالكابلات
ونوصل بين بورتات ال batch panel وال switch باستخدام batch cord
البدايه والنهايات أملأ حياتك بالكابلات
بيني وبينك الباتش كورد عباره عن كابل UTP نضيف شويه
زهقتوا من الرفاهيه ؟ لسه ! طيب
اقفل الراك وكفايه عليه كده وتعالى عند الكمبيوتر
ايه ده انت موصله بالكابل على طول !!!
لأ كده غلط الكتاب ما بيقولش كده !!!!!!!!!
اقطع ال RJ وركب على الحيطه Face plates
البدايه والنهايات أملأ حياتك بالكابلات
ووصل الكابل بيه وده باختصار ال Female اذا اعتبرنا ان ال RJ هو ال Male وفي الاخربنجيب كابل راكب في طرفيه RJ ونوصل بين الجهاز من ناحيه و ال Face plates من الناحيه الاخرى
اخر حاجه في ال UTP نفترض ان عندنا كابلين عايزين متارجين نوصلهم ببعض علشان نخليهم كابل واحد طويل نعمل ايه ؟
بنستخدم connector
وهو قطعه بلاستيك عباره عن 2 Female بيستخدم للتوصيل بين 2 ار جى
طيب لو فوجئت ان كابل ال ADSL اللي طوله 120 متر اتقطع اعمل ايه ؟
عند مكان القطع وركب RJ من كل ناحيه ووصل بينهم بال connector وماتنساش تأمن عليه كويس بالشكرتون وكفايه كده ونخش ع الفايبر


كابلات الفايبر Fiber
_
جينا للباشا الفايبر , طبعا باشا اذا كانت سرعته 2 Gbps وكمان مصفح armored ومش كده وبس لا ده انت تفرد على اطواااااال وكام كيلو متر من غير ما يقول عايز ريبيتر او الاشاره تضعف , ايوه ياعم ده بيوصلوا بيه بين البلاد
نقل الداتا فيه بيتم من خلال الضوء و بالمناسبه لو حبيت تجرب الفايبر سليم ولا فيه قطع ركز كشاف نور في طرف و شوف النور ظاهر في الناحية التانيه و لا لأ !! فعلا الفايبر شيء عجيب وكمان تركيبه اعجب
البدايه والنهايات أملأ حياتك بالكابلات
ما علينا هو مش اسلاك لأ ده cores و بيتعد ب كذا كور
ولو حبينا نستخدمه في توصيل شبكه بنستخدم اثنين core
وبدال ال RJ المستخدم في ال UTP بنستخدم SC Connector في الفايبر
البدايه والنهايات أملأ حياتك بالكابلات
بس استنى علشان العكننه ابتدت مالهوش crimp لأ ده بيتلحم فيه والموضوع معقد جدا و الغلطه بفوره وال SC غالي وكلهم كام واحد معدودين اللي بيشتغلوه والباقس سماسره
احنا قلنا ان ال armored fiber مسلح ومضاد حتى للقوارض وما يتقطعش غير بمنشار ؟ لأ ما قلناش
بس خلي بالك انه ممكن يتكسر علشان كده تركيبه ليه اصول فنيه وحفر وفرش رمل وتمديد في مواسير و المهم انك لو فيه عندك زوايا في المسار تستخدم غرف تفتيش علشان الكابل ياخد فيها الدوران براحته , مش باقول باشا
طيب على اعتبار اننا طبعا مش ح نستخدم الفايبر الا لو عندنا مسافات كبيره في الشبكه وشغل outdoor نعمل ايه وازاي الباشا ده ح يتعامل مع المسكين ال UTP
بص يا اخي احنا قلنا ان الفايبر بيتلحم فيه SC connector
و بعد كده بنستخدم media converter
البدايه والنهايات أملأ حياتك بالكابلات
وبنوصل ال SC ( خلي بالك قلنا اتنين لاننا بنستخدم 2 كور ) بال media converter ونوصل كابل UTP بال media converter من الناحية الاخرى ومنه على السويتش و مبروك عليك
البدايه والنهايات أملأ حياتك بالكابلات
بالنسبة للفايبر فيه طرق كتير جدا جدا للربط مع شبكة UTP لكن نصيحه وعن سابق تجربه اوفر طريقه هي ال media converter ولو مش عاجبك ممكن تستخدم switch يكون فيه بورت fiber بس خد في بالك ان البورت يكون بيقبل SC والا ح تضطر تستخدم قطعه اسمها جيبيك للتوصيل بين ال SC وبين ال switch ودي غاليه جدا , وبالمناسبه برضه السويتش اللي بيتعامل مع ال sc connector اغلى بكتير من السويتش اللي بيتعامل مع ال جيبيك
خد بالك ان الفايبر لو اتكسر ح تحتاج انك تلحمه و الموضوع ده صعب جدا جدا علشان كده الاسهل انك تامن الفايبر كويس .
بالمناسبه الفايبر بيختبر بجهاز اسمه فلوك ويقدر يحدد لك لو فيه عطل مكانه فين
وفيه حاجه مشتركه بين الفايبر و اليو تي بي انك لو عايز تعرف طول الكابل قد ايه ح تلاقي الطول مطبوع بتكرارعلى الكابل ح تطرح الرقم اللي في اخر الكابل من الرقم اللي في اول الكابل والفرق هو طول الكابل
اللهم اجعل كل اعمالنا خالصة لوجهك الكريم

والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك





المواضيع المشابهه
الموضوع كاتب الموضوع المنتدى مشاركات آخر مشاركة
تصميم للأم----3دي abo caram خلفيات فوتوشوب - فريمات وزخارف للفوتوشوب GFX 4 24-03-2013 02:55 PM
اجمد نغمه اسلاميه ممكن تسمعها فى حياتك (ستغير حياتك هذه البسيطه) abodagoma1 المنتدى الاسلامي 3 07-05-2012 12:05 PM
البداية والنهايات في صنعة الشبكات - المقدمه sharara إدارة الشبكات و حلول ومشاكل الشبكات 82 09-01-2008 08:33 PM
البداية والنهايات - 2 - قبل ما نشمر ايدينا sharara إدارة الشبكات و حلول ومشاكل الشبكات 21 24-11-2007 02:52 PM
البداية والنهايات في صنعة الشبكات - دليل الدورة - 4 سبتمبر sharara إدارة الشبكات و حلول ومشاكل الشبكات 0 03-09-2007 08:26 PM

05-09-2007, 11:36 PM
ابن الربيع غير متصل
عضو جديد
رقم العضوية: 71917
تاريخ التسجيل: Mar 2007
المشاركات: 21
إعجاب: 5
تلقى 0 إعجاب على 0 مشاركة
تلقى دعوات الى: 0 موضوع
    #3  
رائع جدا

بارك الله فيك وفي موازين حسناتك

في انتظار بقية الدروس يامعلم ...

06-09-2007, 01:28 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,244
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
    #4  
جزانا الله واياكم كل خير

06-09-2007, 01:53 PM
new2002 غير متصل
عضو جديد
رقم العضوية: 83957
تاريخ التسجيل: Jun 2007
المشاركات: 11
إعجاب: 1
تلقى 0 إعجاب على 0 مشاركة
تلقى دعوات الى: 0 موضوع
    #5  
اخى الكريم كم سعر المتر كبل الفايبر وال sc والكونفرت فى مصر


06-09-2007, 08:32 PM
أبي أتعلم غير متصل
عضو جديد
رقم العضوية: 98740
تاريخ التسجيل: Sep 2007
المشاركات: 10
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #7  
جزاك الله خير ونفع بعلمك


06-09-2007, 11:24 PM
kmeey غير متصل
عضو جديد
رقم العضوية: 55963
تاريخ التسجيل: Oct 2006
المشاركات: 4
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #8  
شرح جميل ورائع

بارك الله فيك أخي الحبيب

07-09-2007, 11:48 AM
elkhshap غير متصل
عضو محترف
رقم العضوية: 37432
تاريخ التسجيل: Mar 2006
الإقامة: Egypt
المشاركات: 411
إعجاب: 0
تلقى 41 إعجاب على 14 مشاركة
تلقى دعوات الى: 0 موضوع
    #9  
الله ينوري يا معلم شراره
بجد ربنا يوفقئك
بس سؤال ملوش دعوه بالموضوع
انت منين فى مصر عشان تقول ترعه المحمودية
انا عمتنا من دمنهور

ومستنى باقى الشرح بفارغ الصبر


07-09-2007, 12:06 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,244
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
    #10  
aboloes
أبي أتعلم
kmeey

شكرا لكم

اخي
new2002
سعر كابل الفايبر المتر حوالي 20 جنيه
وال SC في حدود 100 او 150 جنيه
وال converter بيكون منه انواع
فيه النوع الزلنطحي بحوالي 400 جنيه وانت وحظك معاه
وال Dlink وده محترم جدا بحوالي من 750 الى 800 جنيه

08-09-2007, 08:42 AM
hatem_lhse غير متصل
عضو فعال
رقم العضوية: 64820
تاريخ التسجيل: Feb 2007
المشاركات: 92
إعجاب: 12
تلقى 6 إعجاب على 2 مشاركة
تلقى دعوات الى: 0 موضوع
    #13  
جزاك الله الله خيرا وجمعنا ووالدينا في الفردوس الاعلى


08-09-2007, 03:26 PM
khaled helal غير متصل
عضوية الشرف
رقم العضوية: 58049
تاريخ التسجيل: Nov 2006
الإقامة: alex
المشاركات: 9,201
إعجاب: 5,168
تلقى 3,124 إعجاب على 529 مشاركة
تلقى دعوات الى: 1848 موضوع
    #14  
بارك الله فيك مشرفنا الغالى شرارة معلومات قيمة




لا تحـــــــزن على دمعـــــــة سقطـــــت من عينـــــك

فقـــــد ســقــــــط معهــــــا ...

شخـــــص لا يسـتحـــــــــقـك







09-09-2007, 02:20 AM
mohd غير متصل
عضو مشارك
رقم العضوية: 1836
تاريخ التسجيل: Oct 2003
المشاركات: 32
إعجاب: 0
تلقى 3 إعجاب على 2 مشاركة
تلقى دعوات الى: 0 موضوع
    #15  
الله يجزيك الف خير
واسال الله ان ينفع بك و يجعل جهدك في ميزان حسناتك و حسنات والديك



 


البدايه والنهايات - 3 - أملأ حياتك بالكابلات

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.