أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > إدارة الشبكات و حلول ومشاكل الشبكات


مواضيع مميزة  


آخر عشرة مواضيع المواضيع النشطة


03-09-2007, 01:17 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

البداية والنهايات - 2 - قبل ما نشمر ايدينا


الحمد لله والصلاة والسلام على رسول الله
طيب علشان نبتدي محتاجين نعرف بعض التعريفات او المصطلحات ومنها ح نبتدي نفهم حاجات كتير في الشبكات وافتكر ان واحد من اساتذتي (الله يبارك له) علمني اني اعرف اسم الاداه ومن اسمها اقدر اعرف وظيفتها
يعني الجزء ده مهم جدا وكبدايه اذا كنا بندرس شبكات فايه المقصود بالشبكات Networks هي عبارة عن جهازين او اكتر متوصلين (بغض النظر عن طريقة التوصيل) من اجل التشارك sharing في موارد معينه resources , ممكن تكون ال resources عبارة عن معلومات (ملفات مثلا) او تكون اجهزة مثلا printer او scanner
الشبكة ممكن تكون نوعين اساسيين محكومه او هايصه يعني ايه ؟
فيه نوع من الشبكات بيكون محكوم وعليه سيطرة وادارة مركزيه centralize administration ودي بيكون Server based network
وفيه نوع تاني بيكون هايص , كل واحد بيكون مسئول عن جهازه وهو administrator نفسه ودي ال workgroup او ال peer to peer
نتكلم اولا عن النوع التاني workgroup ودي زي شبكات ال ADSL اللي عندنا في البيت وبيكون كل جهاز مسئول عن نفسه والمستخدم بيحدد هو عايز يشارك ايه في الشبكة وعايز مين يشوفها وما حدش يقدر يتحكم في الموضوع ده غير مستخدم الجهاز نفسه , طبعا لازم يكون ليه صلاحيات على الجهاز ودي بيحددها نوعية ال user account اللي داخل بيه

طبعا شبكة ال workgroup مش محتاجه مواصفات معينه جهازين فيهم كارت شبكه وبينهم كابل والامور تكتمل

البداية والنهايات ايدينا

اما بالنسبة لشبكة ال server based فدي بتكون عبارة عن مجموعة اجهزه workstations بغض النظر عن مواصفاتها و بيتحكم في الوظائف الخاصة بها جهاز server بيدير الشبكة وده لازم تكون مواصفاته متميزه طبعا بحسب الوظائف اللي بيأديها

البداية والنهايات ايدينا

في حالة ال server based بيبتدي يظهر مفهوم ال centralize administration وان الاجهزه اللي جوه المنظومه بتخضع لقواعد الشبكة وبيتحدد حدود كل جهاز ومستخدم حسب الصلاحيات اللي بياخدها من الـ network administrator وطبعا الموضوع ده زي ماله سلبيات من وجهة نظر المستخدم ( الحرية المحدودة ) فانه له ايجابيات كتييييير من كل وجهات النظر
يعني مثلا لو انت مستخدم في شبكة فالـ user account بتاعك تقدر تستخدمه على اي جهاز في الشبكة مجرد انك تدخل ال user name والـ password وتقدر كمان لما تفتح اي جهاز تشوف الـ desktop بتاعك و لو فتحت my documents ح تلاقي فيها المستندات الخاصة بيك العكس لو انت في workgroup فعلشان تستخدم جهاز غير جهاز محتاج الاول ان يتعمل لك user account عليه ولو ح تشتغل على جهاز ثالث لازم برضه يتكرر عليه نفس الموضوع
بالنسبة لل administrator الموضوع اوضح فيقدر من جهازه انه يتحكم في اجهزة الشبكة ويفحصها ويعرف مثلا درجة حرارة البروسيسور ويحل مشكله عند client ويقدر كمان يخلي اجهزة الشبكة ( او جزء منها ) مجرد ما الـ user يعمل logon يتم اعداد برنامج الاوفيس (مثلا) على جهازه حتى لو كان في اخر نقطه من الـ WAN
ايه هي الـ WAN هي الشبكة الواسعه wide area network تتخطى حدود جغرافية المبنى وممكن تكون اجهزتها في اكثر من بلد بخلاف الـ LAN الشبكة المحدوده local area network ودي الشبكة المحدوده بمكان معين ( مبنى مثلا )

البداية والنهايات ايدينا

طبعا مش مجال التسويق لاهمية ال server based لكن الهدف اننا نوصل للمفهوم ونتخيل الامكانيات اللانهائية لادارة الشبكات
طيب نتكلم شوية عن ال server وايه حكايته
زي ما واضح من الاسم هو جهاز بيخدم باقي اجهزة الشبكة وبيقدم لهم خدمه او خدمات محدده طيب احنا عرفين ان اي جهاز عباره عن جزئين :-
- Hardware
- Operating System
وقلنا على السيرفر انه لازم تكون مواصفاته متناسبه مع حجم اللي مطلوب منه ينفذه على الشبكة , طيب بالنسبة لنظام التشغيل Operating system ايه المواصفات ؟ نفس الحكايه تكون مواصفات نظام التشغيل متناسبه مع اللي مطلوب منه ينفذه على الشبكة , يعني ممكن يكون عندك جهاز windows 98 وشغال سيرفر ؟ ايوه , ازاي ؟ ح اقولك

لو انت عندك جهاز على الشبكة موصل عليه printer ومخصصها لخدمة اجهزة الشبكة shared يبقى الجهاز ده سيرفر او على الاصح member server وهكذا لو انت عامل منتدى في الشبكه من خلال Apache Server ح يكون الجهاز اللي عليه الابتشي سيرفر حتى لو كان نظام التشغيل windows 95 يبقى مش كل سيرفر لازم يكون عليه windows server
اما بالنسبة لل windows 2003 فهو يطلق عليه NOS اختصار ل network operating system وده مجهز لانه يؤدي خدمات مركزيه كسيرفر مثل ادارة الشبكة او كخادم بريد
امال ايه ال domain ؟ المقصود بال domain ( نطاق بالعربي ) يعني عباره عن مجموعه من العناصر سواء كانت users او workstations او printers داخل نطاق معين network يتم ادارتها من خلال ادارة مركزية
يبقى انا لو عندي شبكة فيها اجهزة ومستخدمين وجهاز سيرفر اسمها مثلا test يبقى نقدر نقول ان عندنا دومين اسمه test و نقول ان الجهاز اللي اسمه pc1 عضو في الدومين member of test domain ولو عايز ندخل الجهاز في الشبكه يبقى احنا ح نعمل له join to test domain يعني باختصار ان ال domain هو النطاق الافتراضي للشبكة ( مش فاهم يعني ايه )
طبعا ح نفرق بين شبكتنا وبين الانترنت يعني مثلا لو ال domain name بتاعنا test.com وعندك mail على الشبكه اسمه

sheen@test.com يقدر اي جهاز داخل شبكتك يبعت لك ميل على الميل ده
طيب لو واحد بيحاول يبعتلك من اي ميل خارجي yahoo ح يجيله رسالة خطأ يقوله: انا ما اعرفش دومين اسمه test.com وبالتالي ما اعرفش مستخدم اسمه sheen علشان ابعت له الميل عليه ولو عايز اتعامل معاه ( ارسال واستقبال ) يبقى لازم يتعمل له registration الاول على الانترنت وكمان يتعمل DNS record علشان الدنيا كلها تعرف ( حلوه دي ) مين الميل
يعني بطريقة تانيه انت ممكن تعمل الدومين بتاعك اسمه microsoft.com وتعمل لنفسك يوزر عليه اسمه bill ويبقى الميل بتعاك

bill@microsoft.com طبعا الكلام ده جوه الدومين بتاعك لكن هل تتخيل ان ممكن الكلام ده ينفع على الانترنت , طبعا الكلام ده local فقط .
نفس الكلام ده بينطبق على ال IP address هو عنوان البروتوكول اللي الاجهزة على الشبكة بتتكلم بيه مع بعضها وبيكون لكل جهاز IP address خاص بيه , طيب لو انت كان جهازك على الشبكة واخد 192.168.1.212 هل ينفع انك لو كتبت الاي بي ده في اي browser تقدر تدخل على جهازك ؟ لأ طبعا لان الاي بي ده Not Real يبقى علشان تقدر انك توصل لجهازك من اي مكان من خلال الانترنت يبقى لازم يكون ال IP الخاص بجهازك Real IP ( طبعا فيه حلول تانيه لكن مش مجالها ) ومن هنا نركز على معلومه حلوه احنا عندنا 3 مفاهيم لل IP
الاول : Real IP وده رقم منفرد Unique مش متكرر على مستوى الانترنت يعني ما ينفعش ان يكون فيه موقعين على الانترنت وليهم نفس ال real IP
الثاني : Static IP وده معناه انك تكون معرف ال IP للجهاز manual ومثبته له وده يكون رقم منفرد Unique على مستوى شبكتك يعني ممكن اي شبكة تانيه يكون مستخدم فيها اي بي زيه على جهاز تاني ( يعني ممكن تقفل الشقه و تضرب عيالك وما تسيبهمش الا لما يقولوا عليك انك طرزان لكن في الحقيقه فيه طرزان واحد بس في الغابه ) طبعا اكيد لو انت مدي لجهازك static IP وكنت حاجز ال IP ده من شركة ISP ح يكون ال IP ده مش بس static لكن real كمان
الثالث : Dynamic IP وده باختصار خدمه بتكون على الشبكة اسمها DHCP بتقوم باعطاء IP للاجهزة اللي على الشبكة و طبعا من الاسم واضح ان ال IP اللي الجهاز اخده النهارده من ال DHCP ممكن تاني يوم يتغير و ياخد IP تاني
طيب ايه السيرفر الاساسي في الدومين ؟
اسمه Domain Controller وهو اللي بيتحكم في الشبكة وده واضح من اسمه وبيكون فيه بيانات عناصر الشبكة يبقى انت لو حاولت تفتح جهاز من اجهزة الدومين فبمجرد ما تكتب ال user name ال password يقوم الجهاز بالاتصال بال DC ويسأله مجموعه من الاسئله مثل:-
هل يوجد لديك هذا المستخدم ؟
هل كلمة السر صحيحه ؟
هل من حقه الدخول على هذا الجهاز وفي هذا الوقت ؟
وبناء على اجابة السيرفر يتم السماح للمستخدم بالدخول من عدمه
وهكذا اذا اراد المستخدم الدخول على shared folder على الشبكة فانه يتم الاستفسار من ال DC عن صلاحيات المستخدم وهكذا
اخر حاجه ح نتكلم عليها هي ال user account وده الحساب اللي المستخدم بيتعامل بيه على الجهاز بمفرده ( لو كان الجهاز مش داخل شبكة ) وساعتها بيكون local user account او بيتعامل به على الشبكة ( طبعا بنتكلم على server based) وبيكون ساعتها اسمه domain user account
طيب الـ local user account بيتعمل على جهاز المستخدم و وحدوده بتكون داخل الجهاز فقط اما بالنسبه للـ domain user account فبيتعمل على ال DC وبيكون صالح للاستخدام على اي جهاز او مع اي عنصر من عناصر ال Domain
ونقدر نقسم انواع الـ user account الى فئتين اساسيتين :-
- Administrator حساب له صلاحيات لادارة الشبكة والتحكم بها
- Limited User حساب محدود الصلاحيات ( ما يعرفش حتى يغير ساعة الجهاز )
طبعا يفترض ان نكون ملمين بهذه المعلومات (وننظر اليها انها من البديهيات) قبل ان نبدأ في هذه الدورة ولكنني اذكرها من منطلق توحيد المفاهيم او الاتفاق على ارضية مشتركة للحوار بيني وبينكم قبل ان نبدأ في العملي
والله المستعان
سبحانك اللهم وبحمدك , أشهد ألا اله الا أنت , أستغفرك وأتوب اليك





المواضيع المشابهه
الموضوع كاتب الموضوع المنتدى مشاركات آخر مشاركة
البداية رمضان...؟! محب الصحابه المنتدى الاسلامي 3 27-07-2011 05:57 PM
البدايه والنهايات - 3 - أملأ حياتك بالكابلات sharara لغات البرمجة 26 30-08-2008 03:33 AM
البداية والنهايات في صنعة الشبكات - المقدمه sharara إدارة الشبكات و حلول ومشاكل الشبكات 82 09-01-2008 08:33 PM
البداية والنهايات في صنعة الشبكات - دليل الدورة - 4 سبتمبر sharara إدارة الشبكات و حلول ومشاكل الشبكات 0 03-09-2007 08:26 PM
لماذا لم يتم شرح php من البداية tiger_man_20 تطوير المواقع 1 09-07-2004 10:33 PM

03-09-2007, 01:56 PM
ابن الربيع غير متصل
عضو جديد
رقم العضوية: 71917
تاريخ التسجيل: Mar 2007
المشاركات: 21
إعجاب: 5
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #2  
بارك الله فيك أخي
وإن شاء الله بداية خير وبركة
ومتابعين معك بإذن الله
بالتوفيق

03-09-2007, 05:38 PM
ABO AL FWARES غير متصل
عضو ذهبي
رقم العضوية: 71002
تاريخ التسجيل: Mar 2007
الإقامة: Syria
المشاركات: 938
إعجاب: 71
تلقى 783 إعجاب على 116 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  
جزيل الشكر والعرفان لأخي الفاضل واستاذنا القدير شرارة على هذا الدرس القيم

والله يجزيك الخير ويرحم والديك ويسكنكم فسيح جناته

خالص تحياتي وتقديري لك


03-09-2007, 06:27 PM
ahmed_asg غير متصل
عضو محترف
رقم العضوية: 79612
تاريخ التسجيل: May 2007
المشاركات: 604
إعجاب: 143
تلقى 19 إعجاب على 8 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #4  
جزاك الله خيرا أخونا شرارة
ونسأل الله أن نستفيد مما تقدمه لنا وأن يكون في ميزان حسناتك وحسناتنا
إن شاء الله


أملي أن يرضى الله عني

03-09-2007, 06:29 PM
أبي أتعلم غير متصل
عضو جديد
رقم العضوية: 98740
تاريخ التسجيل: Sep 2007
المشاركات: 10
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #5  
جزااااااااااك الله كل خير ويجعل جميع ماتقدمه في موازين أعمالك وحسناتك وبالتوفيق ان شاء الله


04-09-2007, 01:37 AM
الأسمري غير متصل
عضو ذهبي
رقم العضوية: 17050
تاريخ التسجيل: Jan 2005
المشاركات: 836
إعجاب: 277
تلقى 142 إعجاب على 21 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #6  
بارك الله فيك ،،،

وبداية موفقة إن شاء الله لأني حاسس إني فهمت معاني كثير من المصطلحات الشبكية اللي كنت أقرأ عنها .


04-09-2007, 12:43 PM
majdi yousif غير متصل
عضو جديد
رقم العضوية: 59753
تاريخ التسجيل: Dec 2006
المشاركات: 2
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #7  

جزاك الله خيرا واسكن والدتك فسيح جناتة فخيركم من تعلم علما وعلمة

04-09-2007, 03:39 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #8  

اخوتي
ابن الربيع

ABO AL FWARES

ahmed_asg

الأسمري

majdi yousif


جزاكم الله خيرا على متابعتكم واهتمامكم وتشجيعكم

اخي
أبي أتعلم

وانا كمان ابي اتعلم

اخي
majdi yousif
مرحبا بك معنا واتمنى ان تستفيد وتفيد باذن الخالق



ماتنسوش متابعة دليل الدوره باستمرار
البداية والنهايات في صنعة الشبكات - دليل الدورة - 4 سبتمبر


04-09-2007, 11:48 PM
hatem_lhse غير متصل
عضو فعال
رقم العضوية: 64820
تاريخ التسجيل: Feb 2007
المشاركات: 92
إعجاب: 12
تلقى 6 إعجاب على 2 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #9  
اثابك الله على المجهود الرائع وسقاق من انهار الجنة
ما شاء اول درس ومليئ بالعلومات القيمة جزاك الله خيرا على كل حرف



05-09-2007, 10:49 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #10  
الحمد لله و الصلاة و السلام على رسول الله

بحمد الله الدرس الثالث نزل :

أملأ حياتك بالكابلات

/vb/t90136-post717008.html

والله المستعان

06-09-2007, 01:28 PM
sharara غير متصل
عضوية الشرف
رقم العضوية: 1967
تاريخ التسجيل: Oct 2003
المشاركات: 1,255
إعجاب: 26
تلقى 383 إعجاب على 42 مشاركة
تلقى دعوات الى: 1 موضوع
مواضيع لم تعجبه: 0
تلقى 0 عدم اعجاب على 0 مشاركة
    #12  
المشاركة الأصلية كتبت بواسطة aboloes 
أخي sharara جزاك الله خير وجعله في موازين حسناك
بالتوفيق
جزانا واياكم كل خير وشد حيلك

07-09-2007, 08:32 PM
hatem20 غير متصل
عضوية الشرف
رقم العضوية: 87699
تاريخ التسجيل: Jul 2007
المشاركات: 9,909
إعجاب: 3,763
تلقى 3,684 إعجاب على 492 مشاركة
تلقى دعوات الى: 1926 موضوع
مواضيع لم تعجبه: 0
تلقى 0 عدم اعجاب على 0 مشاركة
    #13  
بارك الله فيك أستاذ شرارة ..... شرحك ممتع للغاية ,, بانتظار باقي الدروس
<><><><><><>
رحم الله والدتك وأسكنها فسيح جناته .


09-09-2007, 02:48 PM
mooma_max غير متصل
عضوية الشرف
رقم العضوية: 31845
تاريخ التسجيل: Jan 2006
المشاركات: 3,443
إعجاب: 802
تلقى 875 إعجاب على 82 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #15  
بارك الله فيك أخى العزيز

تقبل تحياتى على هذه المعلومات الرائعه والشرح الشيق

وها هو ملف بى دى إف للدرس والشرح

من

هنا


 


البداية والنهايات - 2 - قبل ما نشمر ايدينا


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.