أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


15-08-2007, 02:43 AM
ابو سليمان غير متصل
الوسـام الماسـي
رقم العضوية: 63411
تاريخ التسجيل: Jan 2007
المشاركات: 2,907
إعجاب: 714
تلقى 503 إعجاب على 137 مشاركة
تلقى دعوات الى: 5 موضوع
    #1  

مشاهد كلمات الشاعر عبدالرحمن بن مساعد


كلمات الشاعر عبدالرحمن بن مساعد

المشهد الاول

وحدة مزيونة بالحيل.......و حبيبة ...

بس تخون!!

وش اسوي بجمالها؟؟

بياخذها الزمان و تبقى عجوز..

عادي..طاح الحطب .. و حلوة الحياة





المشهد الثاني


ملتزم ..


يصلي كل الفروض..


و اذا تعب..... فوت صلاة الفجر


واذا شبع راحت صلاة العصر ..


و عنده دش....و يكذب كثير


و اذا صحى الصبح ....مشط اللحية


عادي..طاح الحطب.. و حلوة الحياة



المشهد الثالث


غني و ظالم ..

يطرد المساكين...و يستغل الضعوف

مغرور و فاسق..

و مجلسه عامر ..

كلٍ يبهر له..

و مع ذلك يجمع حسنات...من كثر اللي يسبونه

عادي...طاح الحطب.... و حلوة الحياة


المشهد الرابع


يكد يدرس و يشتغل..

لاجل يبني مستقبله..

تزوج و جاب عيال ..ثم تقاعد

صار يسكن في مكان...و أم عياله في مكان

والسبب العيال..

صار دار المسنين بيتهم..

عادي...طاح الحطب.... و حلوة الحياة

المشهد الخامس

تغازل و تاخذ ارقام..

و تطلع مع هذا.....و تواعد هذاك..

و يوم طاح الفاس في الراس..

بكت ..

و راحت تشكي لامها غدر الزمان..

طبطبت عليها امها وقالت:

ولا يهمك ...سفرة لمصر.. وشوية سيولة

و ترجعين بنت...

عادي...طاح الحطب... و حلوة الحياة


المشهد السادس

مرفوع الكفن أبيض ..

وصاحبه وسط البياض...

بعضهم يبكي...و بعضهم عادي

دفنوه..و تبكبكوا

شوي

و اخر الليل سكارى...

عادي...طاح الحطب... و حلوة الحياة




المشهد السابع

سيارة مسرعة ..

و تدعس لها واحد..

مسكين هندي..

و العسكري صديق الطايش ..

والخطا نصه على الهندي..

والباقي على أبو الطايش ..

و في الليل..الطايش يلعب بلوت

عادي...طاح الحطب ... و حلوة الحياة

المشهد الثامن

قارورة مويه ..

ما تضره ...طايحة في السيارة

يناظرها بغضب .. زعلان منها

و يفتح الشباك ...و رماها وسط الطريق

واذا اجتمع مع الشباب قال:

متى بنتحضر؟؟؟

عادي...طاح الحطب ... و حلوة الحياة

المشهد التاسع

اهم شي الثوب نظيف....و الشماغ مكوي..

و القلم ماركة...والساعة تضوي..

و الجزمة جلد...والسيارة عجب ..

و تلفونه ما

يسكت..

إما بنات..

أو البنوك تبي فلوسها...

..عادي...طاح الحطب.. و حلوة الحياة


المشهد العاشر

سطحية ...و مغرورة

غبية..و متكبرة...و يا ريتها حلوة

تبي زوج مواصفات..

ما يقول لا...ويكره الاستراحات

لازم وسيم...و انيق...و متعلم..و دخله ممتاز

و يحب السفر...

و بعد سنين...تلاقي

نفسها في الانترنت

تدور واحد يقبل بها..

عادي..طاح

الحطب... و حلوة الحياة

المشهد الحادي عشر

فتح الكمبيوتر..

و دخل للمنتدى..و كلامه ما يتعدى ان الموضوع روعة و رهيب

و هو ما قراه و لا يعرف كاتبه..

بس يبي يزيد المواضيع موضوع ..

ويزيد همومنا هم...

علشان يصير صاحب الألف موضوع..

و يتميز..

والمشكلة انه يتميز ..

عادي..طاح الحطب.. و حلوة الحياة

المشهد الأخير

الكذب اثم...ومع ذلك نستخدمه

و ندري ان هذا حرام..و مع ذلك نجربه

نتذكر السهرة و الفرح و السفر..


و ننسى الجالسين على كتوفنا ..

و نتناسى ان معهم كتاب يسجل افعالنا و نياتنا..

كل شي محسوب..

حتى النظر ..

نسينا ان ورانا يوم..علاماته قربت

ومع ذلك كلنا ناسين..

أن بقيت على حالك تتناسى ..لازم تعرف

إن ذاك اليوم مهوب عادي

وانت الحطب

و ما به حياة





من اجل تصفح اسرع
لانحتاج للتواقيع والصور


المواضيع المشابهه
الموضوع كاتب الموضوع المنتدى مشاركات آخر مشاركة
سارح كلمات الشاعر نادر الأسيوطي الشاعر نادر الأسيوطي منتدى الشعر العربي والخواطر والنثر 1 12-06-2015 01:29 AM
برنامج يتيح لك حماية كلمات المرور الخاصة بك وذلك بتوليد كلمات مرور قوية Password Depot Pro aymn.almasry برامج 0 14-11-2013 12:27 PM
كلمات من الشاعر الرقيق د. عبد الرحمن العشماوي abcman منتدى الشعر العربي والخواطر والنثر 2 02-12-2006 05:16 PM
 


مشاهد كلمات الشاعر عبدالرحمن بن مساعد

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.