أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > صيانة الكمبيوتر وحلول الحاسب الألي - هاردوير


مواضيع مميزة  


آخر عشرة مواضيع المواضيع النشطة


06-04-2007, 09:41 PM
dangerhide غير متصل
عضو جديد
رقم العضوية: 73664
تاريخ التسجيل: Apr 2007
المشاركات: 1
إعجاب: 0
تلقى 4 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

ماذا يعنى الكمبيوتر


الكمبيوتر
الحمد لله والصلاه والسلام على خاتم الانبياء والمرسلين
فى الموضوع ده هندرس الكمبيوتر ومكوناته ولغته وكيفيه عمل البرنامج وكيف يعمل والفيروسات والهكر يعنى تقريبا كل حاجه عن الكمبيوتر
ملحوظه :
1) كل الكلام الى هيتقال اما هيكون من التجربه اللى مريت بيها _ او من دراستى فانا طالب فى كليه الهندسه وبندرس البرمجه وغيرها _ او من منتديا ت ومواقع اخرى
2) الى شاف اى كلمه غلط ارجو منه التصحيح فانا لست معصوما
اولاالكمبيوتر
يعنى ايه كمبيوتر :
هو عباره عن أله machine تستخدم لمعالجه البيانات او الممعلومات dataprocessing or processing of information
طيب حلو
يعنى ايه معالجه :
المعالجه نقدر نقول عليها انها عمليه تحليل للبيانات والمعلومات الداخله للحاسب ليه؟ علشان نحصل منها على معلومات اخرى اوبيانات اخرى او افكار اخرى ليه برضه ؟ علشان نتوصل لحل للمشكله الى حدانا
او
ممكن نقول ان المعالجه هى عمليه تحويل البيانات والمعلومات من صوره معقده الى صوره سهله يسهل التعامل معها نقدر نوضحها بمثل هندسى لما يجى المهندس عاوز ينشئ مبنى بيرسمه على انه ايزومترك isometric يعنى ثلاثى ابعاد وله بيرسمه على المساقط الثلاثه طبعا بيرسمه على المساقط الثلاثه ليه علشان نقدر نفهم شكل المبنى ونقدر نتعامل معاه بالضبط كده المعالجه بتحول الحاجه الصعبه الى حاجه سهله .
طيب حلو كده
طيب ممكن نسمع او نثبت ان الحاسب له قدره على الذكاء او التفكير خد بالك المقصود من الذكاء والتفكير هنا مش يعنى عبقرى لاة يعنى القدره على التعامل مع البيانات والمعلومات الداخله اليه وبتالى مش غريب علينا لما نسمع واحد بيقول ان الكمبيوتر بيفكر ده كل العمليه ان نفهم ايه الوراء الكلام زى مواحد قال ايام الرسول انى اكره الحق واحب الفتنه وكان المقصود انه بيكره الموت وبيحب الاولاد والنساء .


الكمبيوتر


ديه صوره توضيحيه للكلام ده الى انا قلته
ان شاء الله هنتكلم المره الجايه عن النظره الفلسفيه للحاسب وتاريخ الحاسب




من مواضيعي:
- ماذا يعنى الكمبيوتر

المواضيع المشابهه
الموضوع كاتب الموضوع المنتدى مشاركات آخر مشاركة
لا اعرف ماذا يعني المال شروق الامل المنتدى العام 8 16-04-2014 11:35 PM
هل يتم إقامة دعوى فرز وتجنيب لتركة جدى أم ماذا؟ abu musa مُسْتَشارُكَ القّانُونيْ 1 31-10-2010 11:16 PM
ماذا يعني لك الخروج من سجن ذاتك؟ nmouhal المنتدى العام 5 13-10-2010 02:23 PM
ماذا يعني ملف md5 khleji برامج 7 04-02-2007 02:39 PM
اخواني ماذا يعني امتدد ملف mdf المبرمج برامج 4 11-09-2003 07:15 PM

07-04-2007, 12:49 AM
Egy_7aker غير متصل
عضوية الشرف
رقم العضوية: 606
تاريخ التسجيل: Jul 2003
المشاركات: 6,155
إعجاب: 3
تلقى 397 إعجاب على 101 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #2  
جزاك الله خيرا و فى انتظار باقى الشرح .....


07-04-2007, 12:56 PM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  

ورحمه الله وبركاته
اسف لاننى دخلت باسم تانى لان حصل شويه مشاكل كل لما اكتب كلمه السر مش راضى يخش على المنتدى ولما بعت الايميل بتاعى علشان يبعتلى كلمه سر تانيه بقالى 24 ساعه مستنى ومش بعت حاجه فدخلت بايميل تانى
نكمل الموضوع :
قلت ان احنا هنتكلم عن النظره الفلسفيه للحاسب
الحاسب لو نظرنالوا بدقه اكتر هنجد انه آله زى اى آله زى الآله الحسبه او اى جهاز اخر لكن الحاسب لا يتخصص فى حاجه معينه بل بيعمل كل حاجه فهو ممكن يكون آله حاسبه وممكن يكون موجه للصواريخ وممكن يكون منظم للاعمال العامه فى الشركات وممكن يكون راديو او تلفزيون ولكن الاجهزه الاخرى بتعمل وظيفتها وبس .
وبالنسبه للنظره التانيه :
انه مش معقد زى ما احنا معتقدين دة هو معقد وفى نفس الوقت مش معقد ازاى يعنى ؟
هقوللكم دلوقتى انا لسه قايل ان الحاسب ممكن يكون تلفزيون او راديو او آله حاسبه او موجه صواريخ او متحكم فى الطائرات دى كلها حجات صعبه ومعقده لكن لو نظرنا لعمل كل وحده هنلاقى حاجتين بس مطلوبين علشان يعمل العمل ده
1) وجود اجهزه الادخال والاخراج المناسبه .
2) وجود الاوامر الداله على العمل اللى هى بنسميها البرنامج الان البرنامج ما هو الاشويه اوامر هنشرحه قريبا .
دلوقتى وجدنا التعقيد وفى نفس الوقت السهوله والبساطه
من ناحيه تانيه :
1) لغه الحاسب هى نظام الرقمى الثنائى يعنى رقمين ( 0,1 )
2) لما نجى نشرح اللغه دي ممكن كل واحد يشوفها يحلف انه مش هيخش الموضوع ده تانى
فهى لغه بتتكون من رقمين بس ولكنها معقده وصعبه وهنشوف كده لما نشرحها ان شاء الله
تاريخ الحاسب

كانت البدايه فى حاجه الانسان الى العد
1) بدء باستخدام يده علشان يعد
2) ظهر الترميز يعنى استخدام الرموز زى الرموز الهيروغليفيه المصريه ومع ازدياد عدد السكان تطورت اشكال الرموز الى ان وصلت الى الحاله اللى عليها دلوقتى
بالمناسبه ان اول الخوارزمى هو الى وضع الاعداد العربيه (0,9) وهو الى جعل الرقم يأخد القيمه بتعته من شكله ومن مكانه وسيبوكم من الناس الى بتقول ان الاعداد العربيه من اصل هندى الكلام دة غلط واحنا مش فى صدده دلوقتى
3)بعد كده ظهرت الالات الحاسبه البدائيه مثل العداده
4) بعد كده ظهرت آله حاسبه اكثر تقدما مثل حاسبه بسكال والفكره بتاعتها بتستخدم لغايه دلوقتى
5) وطبعا مع الزياده فى الصعوبه والاعداد والعمليات ظهر الحاسب الالى
يعنى كانت بدايه الحاسب الالى هو العمليات الحسابيه والحاجه الى تسهيل العمليات الصعبه
اجيال الحاسب
الجيل الاول : كان بيعتمد على الصمامات وده كان بطييييييييييئ جدا
الجيل الثانى :بدئ يستخده الترانزسستورات 1955
الجيلالثالث: بدء يستخدم الدوائر الالكتونيه صغيره ومتوسطه الابعاد الدائره الالكترونيه يعنى شويه ترانزستورات فى بعض . 1965
الجيل الرابه : استخدم دوائر الكترونيه عاليه وكبيره الابعاد .1975
الجيل الخامس : استخدمدوائر الكترونيه فائقه الابعاد يعنى الدائره الواحده ممكن يكون فيها ملايين الترانزستورات وده طبعا اكثر سرعه واكثر مساحه وكفائه
للعلم يقال ان سرعه الحاسبات ومساحتها بتتضاعف كل 18 شهر
ويقال ايضا انى اخر التطور ممكن يصل لحاسبات تشتغل على النظام الالكتونات ينى لو الكتون بيدور فى اتجاه معين ياخد الرقم 0 والاى بيدور فى الاتجاه المعاكس ياخد الرقم واحد
ولكن الى موجود دلوقتى هو النمط الى بيعمل على الذرات
اسف والله يمكن اكون سرحت شويه اعذورنى الموضوع ممكن يكون صعب
هنتكلم المره الجايه عن مكونات الحاسب
و ورحمه الله وبركاته


08-04-2007, 09:43 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #4  

السلامم عليكم ورحمه الله وبركاته
هتكلم النهاردهعن عتاد ومكونات الحاسب
قيل ما اتكلم عن العتاد تنكلم عن انواعه :
1) الحاسبات المركزيه او كبيره الابعاد large scale computer system :
الحاسبات ديه بتمتاز بكبر الحجم وتقام فى غرف كامله وتحاط باجهه ممغنطه تسمى بقوارئ الكروت cards reader
وتتكلف تكلفه عاليع لانشائها
2) منظومه حواسب المصغره : او تقدر تسميها الحواسب الشخصيه اللى هى بتاعتنا ديه وتستخدم فى مجالات كثيره ولكنها محدوده
3) الحاسبات فائقه الصغر microcomputer system: تمتاز بصغر الحجم .
4) الخادمات :كثيره الاستخدام فى الشبكات علشان هى الى بتكون المركز الرئيسى للشبكات ولازم تمتاز بالقوه لتستوعب الاجهزه الى فى الشبكه ولكن فى الوقت الى احنا فيه عدنا نستخدم الكمبيوتر الشخصى كخادمات يعنى قل الفرق بين الحاسب الشخصى والخادمات




ديه صوره توضيحيه للحاسب وانواعه
انا ان شاء الله هقف على كده علشان الموضوع الجاى طويل وانا مش عاوز اطول عليكم ان شاء الله المره الجايه هشرح المكونات الاساسيه للحاسب

09-04-2007, 06:54 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #6  
البسلام عليكم ورحمه الله وبركاته
هنتكلم النهارده عن عتاد الحاسب :
وحدات الادخال :
هى الوحدات المتخصصه فى ادخال البيانات والمعلومات الى الحاسب وطبعا تدخل البيانات والمعلومات الى الحاسب بعد تشفيرها اى تحويلها للغه التى يفهمها الحاسب .
وطبعا مش هذكر وحدات الادخال انت شوف اى حاجه بدخل بيها المعلومات الى الحاسب وتبقى وحدات ادخال
وحدات الذاكره :
الوظيفه الاساسيه لوحدات الذاكره هة تخزين البانات ايا كان شكلها
وهناك نوعان من التخزين :
1) تخزين اساسى :
وهى ذاكره سريعه الاداء وتعمل بمعدل السرعات الالكترونيه وهى اما عباره عن دوائر ممغنطه , او دوائر شباه موصلات وتتكون الذاكره من عدد كبير من خلايا التخزين وكل خليه لها القدره على تخزين رقم ثنائى bit .
2) التخزين الثانوى :
هو بمثابه تعزيز للتخزين الرئيسى عند الحاجه للتخزين الكبير
الوحدات الحسابيه والمنطقيه :
هى التى يتم فيها معظم العمليات داخل الحاسب من جمع وطرح وضرب وغيرها من العمليات حسب نوع الاوامر المقدمه الى الحاسب وهى الجزء الرئسي فى عمليه المعالجه المركزيه .
تحتوى هذه الوحدات على خلايا تسمى خلايا التخزين السريع ويتم فيها حفظ معطيات العمليه مؤقتا وتعرف registers
المسجلات وتمتاز بأن زمن الدخول لها اسرع 5 او 10 مرات من نظيره الخاص بالذاكره .
وحدات التحكم :
تهتم بعمليه التوفيق والتنسيق بين اجزاء الحاسب ووحداته المختلفه وهى التى تقوم بأصدار اشارات التوقيت التى تحكم انتقال البيانات .
لا تتركز هذه الوحدات فى مكان معين وطبعا ديه حاجه منطقيه ازاى هتتحكم فى انتقال البيانات وهى بتتركز فى مكان معين .
وحدات اخراج :
هى الوحدات التى يتم عن طريقها اخراج البانات الى المستخدم بعد ان تمت عمليه معالجتها وطبعا مش بتخرج للمستخدم على لغه الحاسب ولكن بيتم عمليه تشفيرها مره تانيه علشان نقدر نفهمها .
يسلام يا اخى لو بتظهر البيانات فى شكل النظام الثنائى ياسلام بيتهيالى كنا هنتعب لما نجمع 5+5 =10 كنا هنتعب بجد وبكره نشوف كده .

ديه صوره توضيحيه للجهاز بشكل عام وهنتكلم عليها المره الجايه ان شاء الله






وديه صوره للكلام الى اتكلمنا عليه من شويه
تعريفات هامه
البايت : هو وحده للتعبير عن حجم او سعه الذاكره والبايت = 8 بي
byte =8bit
والبت هو الرقم الثنائى
...................................................................... .........................................
الكلمه : هى وحده المعالجه يعنى ايه .
يعنى لما تتم عمليه المعالجه فهى يتتم على الكلمه وهى ممكن تتكون من عدد x من الارقام الثنائيه وممكن تساوى البايت او مضاعفاته .
...................................................................... .....................................
الذاكره المقروءه : اتكلمنا قبل كده عن الذاكره الرئيسيه ( read_write memory )
اما الذاكره ديه فهى ذاكره read only memory يعنى للقراءه وفقط وبتستخدم فى تخزين البرامج الدائمه التى يستعان بها من قبل المستخدم او تستخدم للقيام بعمل عمليه مراجعه على مكونات الحاسب الماديه عند بدء التشغيل .
هناك نوعيات من الذاكره المقروءه مثل ذاكره مقروءه يمكن برمجتها ويتم اعاده برمجتها مره واحدة من قبل المستخدم
او ذاكره يمكن مسحها واعاده برمجتها مره اخرى
الاولى تختصر PROM
الثانيه تختصر EPROM
ان شاء الله المره الجايه هنتعمق اكثر فى مكونات الحاسب ونبتدى نتعرف اكثر عليها جزئيه حزئيه
و ورحمه الله وبركاته

09-04-2007, 10:24 AM
ahmdatef غير متصل
عضوية الشرف
رقم العضوية: 22769
تاريخ التسجيل: Jul 2005
الإقامة: مصر
المشاركات: 11,074
إعجاب: 1,894
تلقى 1,142 إعجاب على 237 مشاركة
تلقى دعوات الى: 8 موضوع
مواضيع لم تعجبه: 0
تلقى 0 عدم اعجاب على 0 مشاركة
    #7  
بارك الله فيك و ننتظر المزيد إن شاء الله



10-04-2007, 07:08 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #8  
ورحمه الله وبركاته

قبل ان ابدء اود ان اشكر كل من مر بالموضوع فمشكورين جدا اخوانى على الردود
كنت قلت المره الى فاتت ان احنا هنتكلم عن مكونات الحاسب من نظره ثانيه وبطريقه اعمق من الاولى
بسم الله
هنبدأ بعليه النظام او صندوق النظام او ما يدعى بالكيسه
التعريف: هو الصندوق الذى يحوى جميع الاجزاء الداخليه لللحاسب وهو بمثابه الجدار الواقى الذى يحمى الاجزاء الداخليه للحاسب من التلف او الضرر مثل سقوط الاجسام عليها او واحد بهزر معاك فرماك بالميه وانت قاعد على الكمبيوتر .
ديه صوره توضيحيه



وهذه صوره اكثر توضيحا لعلبه او صدوق النظام



وان شاء الله هنتكلم المره القادمه عن المزر بورد

14-04-2007, 10:38 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #10  

ورحمه الله وبركاته
قبل ان اقوم بالشرح اود ان اتقدم بالاعتذار لكم نظرا لتأخرى فى تكمله الموضوع وهذا راجع لظروف قد مرت بى وها انا ذا اكمل موضوعى راجيا من سيادتكم تقبل عذرى والتماس العذر لى
بسم الله
هنتكلم المره ديه عن المزر بورد motherboard
المزر بورد: هى الاهم فى الحاسب وتكمن اهميتها فى انها هى الاساس فى ان يعمل الجهاز دون خلل ويرجع ذلك الى :
1)من وظائفها انا تسمح لجميع اجزاء الحاسب بتبادل المعلومات طبقا للاوامر الداخله لها لانجاز امر ما وكذلك تعممل على التنسيق بين اجزاء الحاسب .
2) تحدد نوع وسرعه المعالج وكذلك الذاكره العشوائيه( الرامات ) ومدى قابليه الحاسب للترقيه
احب ان اخبركم انى عندى جهاز لا يقبل كرت شاشه الا من نوع pci ولايمكن تركيب كروت من نوع اخر عليه وكما انه لايقبل قرص مرن تزيد مساحته عن 20 جيجا . ومن هنا اقول ان المزر بورد هى الاجزء الاهم فى عمليه ترقيه الحاسب .
3) وكذلك تحدد نوع الاجهزه الملحقه التى يمكن اضافتها للحاسب وتلاحظ ذلك فى usb هناكك بعض الاجهزه لا تحتوى على مكان لادخاله بها اما الاجهزه الحديثه فتحتوى على مكان لادخالها وكذلك الحال للموبايلات .
4) وبشكل عام فأن جوده اللوحه الام تؤثر وبشكل اساسى فى اداء الحاسب .
وهذه صوره توضح المزر بورد





والمره القادمه سأتكلم عن كيفيه اختيار المزر بورد






14-04-2007, 10:58 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #11  

كيف تختار المزر بورد



وهناك عوامل اخرى :
1) وجود daul bios وهى هامه حيث مضمونها احتواء المزر بورد على رقاقتى بيوس بحيث اذا اعطبت احداهما امكن استخدام الاخرى
2) وجود woke on lan : ومعناه ان الوحه الام تتنبه لوصول بيانات من الشركه المحليه فيقظ الجهاز لاستقبالها .
عامل الشكل
عامل الشكل هو الوصف العام للوحه الام والذى يحدد الصفات الفزيائيه للوحه ويجب على كل لوحه ان تتوافق مع عامل شكل ما ويحدد عامل الشل اشياء كثيره فى اللوحه منها مثلا مكان وحده المعالجه المركزيه .
عوامل الشكل :
على حسب معلوماتى القيمه نوعا ما هناك نوعان لعامل الشكل :
الاول AT : وكان يستخدم فى المعالجات القديمه
الثانى ATX: وهو الذى يستخدم فى المعالجات الحديثه مثل بانتيوم 3,4

وهنا نكون قد انتهينا من المزر بورد والمره القادمه سنتحدث عن الذاكره العشوائيه .

والسلام عليكو ورحمه الله وبركاته


17-04-2007, 09:53 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #12  

ورحمه الله وبركاته
اكمل الشرح وسنتحدث عن الذاكره العشوائيه
اولا ماهى الذاكره العشوائيه :
من المعلوم لدينا ان القرص الصلب هو الذى تخزن فيه البيانات ولكن نظرا لان القرص الصلب لا يمكنه مجارات سرعه المعالج processor لذا لابد من تخزين البيانات فى وسط تخزين سريع يمكنه ان يجارى سرعه المعالج لحين الانتهاء من عمليه المعالجه ثم بعد ذلك يتم تخزينها فى القرص الصلب .
هذه هى الذاكره العشوائيه .
سأضرب مثل للتوضيح :
وليكن انا نجار ( المعالج ) وسأقوم بعمليه نجاره على قطعه خشب ( الملفات التى سيتم معالجتها ) ومن هنا فيوجد مكانين اخزن فيهما الشغله المكان الاول وهو الذى احفظ فيه الشغله التى لم تتم عمليه المعالجه عليها فانا احفظها فى مكان قريب حتى استطيع الحصول عليها بسرعه لاكمال العمليه عليها ( وهذه بالظبط الذاكره العشوائيه فهى ذاكره سريع تجارى سرعه المعالج وبالتالى فهو يتعامل معها لحين الانتهاء من عمليه المعالجه علىالبيانات المحفوظه بها ) والمخزن الثانى وهو القرص الصلب الذى اضع فيه الشغله بعد الانتهاء من عمليه المعالجه عليها .
احنا كده بقينا فهمين يعنى ايه ذاكره عشوائيه
تأثر الذلكره العشوائيه على الحاسب :
يصبح الحاسب اسرع بشكل عام عند اضافه المزيد من الذاكره وخاصه عند التعامل مع بيانات كبيره الحجم .
2)نوع الذاكره يلعب دورا كبيرا فى سرعه الحاسب وفى امكانيه ترقيه الحاسب فيما بعد .
3)قد لا يمكن تشغيل بعض البرامج اذا كان الذاكره العشوائيه قليله .
4)كميه الذاكره تلعب دورا فى كميه الاخطاء والمشاكل التى قد تواجهك اثناء عملك على الحاسب
5)وقد ننسبب الذاكره المعطوبه بتوقف الحاسب بتكرار دون وجود اسباب حقيقيه .
شكل الذاكره العشوائيه :
تتركب الذاكره العشوائيه من شرائح صغيره معقد تسمى DIP وتركب هذه الشرائح على الواح تسمى MODULE
وتختلف الذاكره العشوائيه طبقا لحجم الذاكره وكذلك لعدد الشرائح التى تحويها
ودي صوره توضيحيه للذاكره العشوائيه و شكلها


20-04-2007, 11:42 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #13  

الموضوع النهارده عن انواع الذاكره العشوائيه .
اولا فى عندنا نوعين للذاكره العشوائيه :
1) ذاكره ديناميكيه ( D RAM):
تمتاز هذه الذاكره بالبطئ من ناحيه السرعه و الاقل من ناحيه الثمن .
2) الذاكره الاستاتيكيه ( S RAM) :
تمتاز هذه الذاكره بالسرعه ولكنها اكبر ثمنا من الذاكره الديناميكيه .
الذاكره الديناميكيه
للعلم هذه الصوره قديمه نوعا ما



شوف ديه بقه
الرام الاستاتيكى بتصل فيه زمن الوصول الى 4,5 ، 5 ، 6 ننانوثانيه فرق كبير طبعا ولكن كله بتمنه
تركيب الذاكره العشوائيه :
1)النوع سواء كان sd او edo او غيرها مما سبق ذكره ولكن يجب التأكد ان لوحه الام تدعمه .
2)الحجم بعض اللوحات لا تقبل الا احجام معينه
اخبركم ان عندى جهاز لا يقبل رامات تتجاوز 32ميجا .
3)نوع الشريحه simmاو dimm وكذلك يجب ان تدعمه اللوحه الام .
معلومه
سرعه الرام تساوى سرعه ناقل النظام
اقف على كده وان شاء الله هنتكلم المره القادمه عن الفرق بين الرام والروم
و ورحمه الله وبركاته

25-04-2007, 10:34 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #14  
اخوانى الاعضاء انى اعتذر لسيادتكم عن بطئ متابعتى للموضوع وذلك نظرا لاننى امر بأمتحانات الكليه ارجو منكم ان تعذورونى فأنى
تعذونى لاننى ستأوقف هذه الفتره عمن متابعه هذا الموضوع ولكننى سأظل متابع للمنتدى
ادعو الله بأن يوفقنى
سيتم الاكمال قريبا بعد الانتهاء من اامتحانات

28-04-2007, 06:00 AM
dangerhidden غير متصل
موقوف
رقم العضوية: 73746
تاريخ التسجيل: Apr 2007
المشاركات: 21
إعجاب: 2
تلقى 3 شكر على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #15  

اعتذر عن بطئى الشديد فى اكمال الموضوع ولكنى كنت قد عذرت ذلك
اليوم سنتحدث عن الفرق بين الروم والرام
اولا الروم : هى ذاكره للقرأه فقط ولا يمكن للمعالج التغيير عليها او التعامل معها
اما الرام فقد سبق ذكرها بأنها ذاكره يستطيع المعالج التعامل معها
طيب
ايه هى انواع الروم :
الروم الها اربع انواع
الاول : ROM وهى روم للقرأه فقط ولا يمكن الكتابه عليها ولا يمكن تغيير محتوياتها بمجرد خروجها من المصنع
الثانى : P ROM وهو الروم القابل للكتابه وهذا الروم يمكن الكتابه عليه بواسطه المستخدم ويكثر استخدام هذا الروم فى الشركات
الثالث : EPROM وهو الروم القابل للكتابه واعاده الكتابه والفرق بينه وبين السابق له هو انه يمكن اعاده الكتابه عليه اكثر من مره
الرابع EEP ROM وهو الروم الذى يمكن اعاده برمجته ويمكن تغيير محتوياته ببرنامج خاص و يستخدم لتخزين نظام البيوس على اللوحه الام ويسمى flash bios اى ان رقاقه البيوس من هذا النوع يمكن تغيير محتوياتها برمجيا وعاده مايكون البرنامج الخاص بذلك مرفق مع اللوحه الاوم

الفرق بين الرام والروم




هذه الصوره تحدد الفرق بينهما
فى المره القادمه سنتحدث عن القرص الصلب

 


ماذا يعنى الكمبيوتر


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.