أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > العاب كمبيوتر PC Games


مواضيع مميزة  


آخر عشرة مواضيع المواضيع النشطة


21-02-2006, 09:52 PM
snake_2010 غير متصل
عضو ماسـي
رقم العضوية: 18894
تاريخ التسجيل: Mar 2005
الإقامة: Cairo - El-Zitoun
المشاركات: 1,278
إعجاب: 15
تلقى 140 إعجاب على 63 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

ده تقرير عن لعبة PrinCe Of Persia The Two Thrones


تقرير PrinCe Persia Thrones

تقرير PrinCe Persia Thrones ,,,,,

يامساء الفل علي كل عضو وعضوة في المنتدي وياصباح الفل اذا كنت بتقري الموضوع الصبح

اولا ده تقرير عن لعبة
PrinCe Of Persia The Two Thrones
زي ماهو مكتوب في العنوان ولكن ده بعد اما لعبتها وقفلتها تقريبا وبقول تقريبا لان المرحلة الاخيرة ماعدتهاش ولكن اخويا هو اللي عداها وانا شفت الفيديوهات وفهمت ايه اللي حصل وقاتلت الامير الشرير وكدة " طبعا ماحدش فاهم الحتة دي الا اللي لعبها وخلصها" علشان كدة برجو من كل عضو قفلها يقول رايه كااااااااااااااملا في اللعبة عن طريق اسئلة هحطها في الاخر ان شاء الله

بسم الله نبدا بقي ,,,,,
اسم اللعبة :-
PrinCe Of Persia The Two Thrones
تاريخ صدور اللعبة :-
لسة من كام يوم


قصة اللعبة :-
ملحوظة:- " كل صور الشخصيات ستوضع لاحقا "
تبدا اللعبة من حيث انتهي الجزء الثاني للعبة حيث تبدا بفيديو لسفينة تمخر عباب البحر ( حلوة دي ) وعلي متنها الامير ويوجد صوت انثي تحكي قصة الامير من الاول ثم يتضح ان الانثي دي هي Kailina والتي تشكر الامير علي انقاذها حياتها ويرد عليها انه لن يحدث لها اذي في بابلون ويقول لها ان هم خلاص قربوا علي الوطن وفجاة يري ان المدينة مشتعلة ويضرب عليهم اسهم ثم يضرب عليهم كرة نارية ضخمة فتشق السفينة ويجد كايلينا عائمة علي لوح خشب ومن هنا تبدا اللعبة حيث انك وصلت للشاطيء علي قطعة من السفينة وتبدا اللعبة . وبلاش بقي اكمل علشان محرقشي اللعبة ليكم ياجميل لانها رائعة بجد



شخصيات اللعبة :-

1- The Normal Prince
وده الامير العادي اللي كان موجود في كل الاجزاء اللي فاتت ودي صورته من الجزء التاني للعبة... وطبعا اسلحته في الجزء ده كتير بس من احسنها جدا سيف والده عندما يجده في اواخر اللعبة



2- The DarK PrinCe
وهو الجانب الشرير للامير ويظهر في اللعبة عندما يعدي الامير بواسطة رمال الزمن عندما تقتل كايلينا في اللعبة .. وسلاحه الاساسي هي السلسة التي تظهر في الصورة



3- KailiNa
وهي امبراطورة الزمن وطبعا كل اللي لعب الجزء التاني عارفها منه وهي في الجزء ده طبعا كانت راجعة مع البرنس ولكن للاسف حدثت تطورات مما ادي الي اسرها بيد الاعداء وقتلها ولكن هي ايضا الراوية الاساسية للقصة لان الجزء معمول علي اساس انه قصة تحكيها كايلينا




4- FaraH
وطبعا دي غنية عن التعريف وكانت موجودة في الجزء الاول من اللعبة والكل كان يتسائل عن مكانها في الجزء التاني ولكنها لم تظهر وظهرت في الجزء التالت لتساعد الامير وتنقذه في العديد من المرات وببراعة شديدة ولكن للاسف هي ناسية الامير تماما طبعا لان الامير لعب في مجري الزمن في الجزء التاني وبالتالي نسيته ولكن اخر مشهد خاااااااااااااالص هي بتساله بتقوله انا لسة معرفتش انت عرفت اسمي ازاي فقالها ان الناس يتعتقد ان الزمن كالنهر يجري في اتجاه واحد ولكن هو بقي غير اتجاهه يعني هيقولها الحكاية من الاول ( وبصراحة الي عامل الشخصية دي فناااان لانها عاجباني جدا ) وسلاحها الاساسي هو القوس وهي بارعة جدا في استخدامه




- وده والله مش فاكر اسمه بس ه الملك اللي بيقتل كايلينا ثم يقتل نفسه ويتحول الي شيء شبيه بالعقارب ولكن في طراظ مختلف شوية ( نيو لوك يعني )
ومفيش صورة له كمان بس ان شاء الله هجيله


دول تقريبا الشخصيات الاساسية اللي في القصة بالاضافة الي رجل عجوز تقريبا كان في الجزء الاول بس انا معرفوش لاني ملعبتش الجزء الاول.... بس هو اللي هينقذ الامير وفرح من موقف محرج جداااااااااااااااااا.
اعداء الامـــــــــــير :-(Enemies)

1- DarK Archer
السلاح الاساسي:- القوس وهو سريع جدا جدا في استخدامه وبصراحة كان اكتر واحد في الاعداء العاديين اللي كان بيغلبني الا لو قتلته بالقتل السريع




2- Sand Gate GuarD
وهو حامي البوابات الزمنية الموجودة في المدينة وعن طريقها بيقدر ينادي علي جنود اخرين زي باك اب يعني بس لازم تقتلوا بسرعة قبل اما يغرس السف في البواية زي الصورة علشان مايجيبش النجدة لانها لو جت بتطلع عينك بجد ...وسلاحه السيف وطلب النجدة



3-DarK GuarD
وهو الحارس العادي وبصراحة ده اسهلهم علي الاطلاق .... وسلاحه السيف



4- StoNe GuardiaN
وهو حارس الحديقة وده هيقابلك مرة واحدة فقط وده حله بسيط جدا جدا اولا انت هتضرب في رجله لغاية لما يديك العلامة ان انت تضغط حرف الــ e قوم ضاغط هيقوم طالع عليه والخنجر هيزرق قوم ضارب هيقوم غارس الخنجر فيه بعدها بقي دي مفاجاة ... انت اللي هتوجه الوحش علشان يكسر ليك البوابات الكبيرة وهتفضل ماشي بيه شوية وبعدين هيقع ويموت بس خللي بالك لان توجيهه صعب شوية




5- Hunter Hounds
ودول زي الاسود اللي كانوا في الجزء التاني بس دول اصعب لان كل اما يقربوا منك بيسحبوا كرات البور منك فلازم تقتلهم بسرعة جدا




6- The Twins
التوام ... ودول اصعب مرحلة في رايي علي الاطلاق في اللعبة كلها واللي يعديها يبقي خلاص عدي في اللعبة وطريقة تعديتهم صعبة جدا وعايزة صبر شديد وهي كالاتي :-
"انت اضرب بتاع السيف واستني لغاية لما الزمن يبطيء هتلاقي ببتاع البلطة جاي من وراك عايز يضربك قوم متدحرج بالمسطرة واضربه في ضهره واول اما تلاقي بتاع السيف جاي علشان يضربك اتددحرج تاني واضرب في بتاع البلطة لغاية لما ييجيلك الاشارة ان انت تضغط علي e قوم ضاغط واستني لغاية لما الخنجر يزرق واضرب هتلاقيه نط علي التاني والخنجر يزرق برضه قوم ضارب وبعدين برضه كرر نفس الحكاية تاني ولما تلاقي نفسك هتتزنق قوم مستخدم التبطيء واصبرررررررررررررررررررررررررررررررررررررررررررررر رررررر لان المرحلة دي بجد اصعب واحدة ده حتي اصعب من الملك الاخير بجد فهي عايزة صبر وسرعة وانتباه جامد " ده ردي علي احد الاخوة الي قالي اموتهم ازاي ويارب تعرفوا بس تنفذوه وصورهم اهي :-








7- Enchanteress

ودول صعبين في الاول لكن بيموتوا بسرعة بسيف ابو البرنس اللي هتلاقيه في اللعبة ان شاء الله ودول برضه لازم السرعة معاهم شوية




8- Thrall
ودول من اصعب الجنود في اللعبة لان قتلهم بيتطلب مجهود ودول بياخدوا 5 حركات في القتل السريع بالامير العادي مع ان اي جندي تاني بياخد حركتين بس


9- The Big Monster
وده اول وحش هتقابله في العبة وطريقة تمويته عايزة صبر ودقة وانتباه
طريقة تمويته "
ياجميل الحل ياسيدي انك لما تطلع فوق اوعي تنط استني لغاية لما الشاشة تتغير الوانها يعني الاشارة انك تضغط حرف الــ E واصبر لما الخنجر يزرق واضرب وبعدين متشغطشي علي حاجة نهائي هتلاقيه خدك في ايده ومسكك متخافشي واستتني لغاية لما الخنجر يزرق تاني واضرب في ايده هتلاقيه طيرك في الهوا بعدين هتلاقيك نزلت علي لسانه والخنجر ازرق قوم ضارب هتلاقي عين من عينيه اتعمت وهيرميك علي الارض كويٍٍس؟؟؟

قوم بقي جاري وطالع فوق من الناحية التانية واعمل نفس الحكاية بالظبط بس خللي بالك في اختلاف يعني في التانية انت هتضغط e وهتضرب لما الخنجر يزرق وبعدين وهو لسة هيمسكك هتلاقي الخنجر ازرق اضرب هتلاقي بيترنح هيقوم البرنس طالع فوق راسه والخنجر ازرق قوم ضارب بعددها انت هتقع وهو طبعا كدة اتعمي

قوم بقي جاي من وراه واقعد اضرب في رجليه ولما تلاقيه واقف علي رجل واحدة اضرب فيها بسرعة علشان يقع واول اما يقع هتلاقي الالوان اتغيرت اضغط E هتلاقيه طلع فوق والخنجر هيزرق اضرب وبعدين هتضرب كمان 3 مرات لما الخنجر يزرق وهيموت بس ياسيدي :d

شوفت بقي اسهل من كدة هههههههه
انا عارف انها مش سهلة ولا برضه صعبة هي عايزة بس تركيز وصبر ولو موفقتش في اي ضربة رجع الزمن تاني من الــ R واعملها تاني وان شاء الله هتنجح
10- The Flying Girl
ودي بقي مفترررررررررررررررررررررررية وطريقة تمويتها اهي ومقتبسها برضه من ردي لاحد الاعضاء
"في مرحلة الاخت السريعة دي انت الاول بتقعد تضربها وانت البرنس العادي عن طريق ان انت تروح علي الحيطة وتقوم ضارب هيقوم عامل حركة ان هو يضربها من النص دي وبعدين في وسط الضرب هتتحول دارك برنس وهتقعد هي تطير من مكان الي مكان وانت وراها ساعتها بقي اول اما تقرب ليها لازم تبطيء الزمن علشان تعرف تضربها وهي هتموت في الاخر ان شاء الله بس لازم السرعة جدااااااااااااااااااااااا والدقة علشان متموتشي ومتضيعشي كرات البور في ترجيع نفسك بدل التبطيء "
تقرير PrinCe Persia Thrones





المواضيع المشابهه
الموضوع كاتب الموضوع المنتدى مشاركات آخر مشاركة
ابغي لعبة Prince Of Persia : The Two Thrones setup العاب كمبيوتر PC Games 4 29-09-2009 07:36 PM
حصريا Prince Of Persia The 2 Thrones yasser37 العاب كمبيوتر PC Games 6 13-08-2008 03:14 PM
طلب لعبة Prince of Persia: The Two Thrones smarting العاب كمبيوتر PC Games 7 07-07-2007 04:25 PM
Prince of Persia - The Two Thrones the king العاب كمبيوتر PC Games 6 19-01-2006 11:58 PM
Prince.Of.Persia.The.Two.Thrones saloom العاب كمبيوتر PC Games 0 17-12-2005 07:04 PM

24-02-2006, 06:54 PM
snake_2010 غير متصل
عضو ماسـي
رقم العضوية: 18894
تاريخ التسجيل: Mar 2005
الإقامة: Cairo - El-Zitoun
المشاركات: 1,278
إعجاب: 15
تلقى 140 إعجاب على 63 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  

 


ده تقرير عن لعبة PrinCe Of Persia The Two Thrones


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.