أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


29-12-2005, 04:54 PM
shoOk غير متصل
الوسـام الذهبي
رقم العضوية: 19491
تاريخ التسجيل: Apr 2005
المشاركات: 2,079
إعجاب: 49
تلقى 102 إعجاب على 61 مشاركة
تلقى دعوات الى: 0 موضوع
    #1  

ليلى والذئب باللهجة الحلبية


salamo 3alykom
"got it by mail "

ليلى والذئب
كانت ليلى ماشية بالغابة بنص الليل ورايحة لعند نانتا! متل كل الحكايات
والذئب المسكين وقفها لليلى وسألها لوين رايحة يا ليلى؟
وردت عليه ليلى: وانت اش دخلك ولاك بهيم....اش عبتساوي هون بنصاص الليالي؟؟؟؟
وليش عبتسألني لوين رايحة؟؟ ولي عليك حيوان...ان شاء الله بتعفسك سيارة بلا نمرة وبلا شوفير يارزيل يا مبهدل يا قليل الحيا ما عندك خوات كني.....صعي قليل حس ووقح...تفو عليك
ومسكت ليلى الذئب من ادنو وشلفتو 7 متار وتابعت المسير لعند نانتا!!!!!
هون.....الذئب لقاها كبيرة كتير بحقو وقال لحالو: هلق بنت فصعونه ما بتطلع بطول أجري تشرشحني هيك بفصط الغابة قدام الحيوانات الرايحة واللي جاي وأنا الذئب ضروب وطراح... طيب ياليلى...إذا ما بفشل حنكك
المهم ياسادة ياكرام.... راح الذئب أخذ تكسي وطيران ...على بيت نانتا لليلى مشان يصل قبلا
دق الجرس...قامت العجوز اللي ورا الباب : مينو هاد عبيدق الباب؟؟؟
جاوب الذئب: أنا ليلى ..افتحيلي نانا
وأول ما فتحتلو الباب طلع فيها بنظرة شريرة من طرف عينو وقلا: يبلاكي بقتلك شقدك جدبة مين ما قلك أنا ليلى بتفتحيلو... لكن شلون بقولو عليكي ذكية وحربوقة؟؟؟؟
وركد وراها من غرفة لغرفة من غرفة لغرفة وهي عبتصيح وتولول... وكل ما تجي بدها تفتح تمها لتحكي يجرقها الذئب بالكف على بوزا...وبالأخير حصرها بزاوية القوضة وقلها: حاج تبعقي ختيارة الجن....وأكلا
وفي نفس اللحظة أنفتح باب المصعد وظهرت ليلى وقد سمعت ولاويل وعياط صادران من البيت...وباب صقاق مفتوح فنطت نط لجوا البيت وشافت الذئب بعدما أكل الجدة المسكينة... فخاطبها الذئب مستهزئاً: ديه ورجيني إش دا تعملي هلق...هههههه
وردت عليه ليلى وقد تطاير الشرر من عينيها: إيه أنا اللي بورجيك ياصقاقي يالقلوق
واستلت ليلى من تحت البلوزة على خصرها جنتيانة بطول 20سم وشرحت الذئب بها.
وقطعت أوصاله حتى خرجت نانتها من بطن الذئب وهنا كانت المفاجأة حين صرخت ليلى: ناناااااااا....لعمى أنتي مانك نانتي!!!!...مو انتي وأش عبتساوي هون؟؟؟
وأجابت العجوز بدهشة : عرفتك مو انتي ليلى بنت بنت جارتي أم عبدو اللي بالطابق الرابع؟؟
فأجابت ليلى متسائلة: ليش نحن بإينا طابق؟
وردت العجوز: هاد الطابق التالت...بس الأصنصور متشرك وبدال ما يطلع عالطابق الرابع عبيوقف بالطابق التالت
فأجابت ليلى معتذرة: ييه عدم المؤاخذة حجة...بس ما أكون أزعجتك...مزبوط
أنا ليلى وجيي عند نانتي...بس معناتا كل الحق عالأصنصور...كرمال النبي ما تواخذيني حجة.. وهلق بنضفلك البيت وبخليه متل الليرة
وقامت ليلى بتنظيف البيت من جثة ودماء الذئب ووضعتها في كيس الزبالة وشلفتو من عالبلكون (حفاظاً على التقاليد)
وثم أخذت ليلى سلتها ودخلت المصعد متوجهة إلى بيت نانتا
وتوتة
....توتة
خلصت الحتوتة







ta7yiate





المواضيع المشابهه
الموضوع كاتب الموضوع المنتدى مشاركات آخر مشاركة
قصة ليلى والذئب للاطفال Judy كتب و قصص للاطفال 1 29-12-2014 07:24 AM
نبات الحلتيت وسام الحمد الطب البشري - العلاج بالأدوية و الأعشاب الطبية 9 11-10-2014 05:48 PM
الراعي العربي والذئب الأمريكي أبو أدهم المنتدى الاسلامي 2 11-02-2010 05:29 PM
اللهجة الحلبية Nano Star صور - طرائف - الغاز - مسابقات - تسالي - مرح - نكت - فوازير 5 26-10-2005 05:47 PM
نهاية قصة ليلى والذئب (النسخة الحلبية ) Nano Star صور - طرائف - الغاز - مسابقات - تسالي - مرح - نكت - فوازير 7 25-10-2005 06:36 PM
29-12-2005, 05:27 PM
LONLY غير متصل
الوسـام الماسـي
رقم العضوية: 430
تاريخ التسجيل: Jun 2003
المشاركات: 4,406
إعجاب: 32
تلقى 55 إعجاب على 17 مشاركة
تلقى دعوات الى: 0 موضوع
    #2  
ابوس روحك ابوس وجك
تحياتي يا عسل


 


ليلى والذئب باللهجة الحلبية

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.