أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


13-10-2005, 05:53 PM
morshedy4321 غير متصل
عضو ماسـي
رقم العضوية: 25963
تاريخ التسجيل: Sep 2005
المشاركات: 1,111
إعجاب: 9
تلقى 66 إعجاب على 18 مشاركة
تلقى دعوات الى: 0 موضوع
    #1  

نكت×نكت×نكت سياسية رياضية طبية 0000الخ


نكت×نكت×نكت سياسية رياضية طبية 0000الخ
اليوم اقدم لكم مجموعة من احلى النكت
لكن قبل البدء لاتنسونى من الدعاء :praying:

ملحوظة مهمة جدا جدا اللى بيعانى من من اى مرض للقب لا يقرأ لانك فعلا هتضحك من القلب نكت×نكت×نكت سياسية رياضية طبية 0000الخ :biggrin2: :biggrin2:

اترككم مع النكت



إتنين طرش واقفين على محطة الأوتوبيس فدار بينهم هذا الحوار
-الأوتوبيس ده رايح مصر الجديدة ؟؟
-إيه ؟ على الحديدة ؟؟ ليه إنت طالب إحسان ؟؟
-بذرة الكتان ؟تلاقيها عند العطار
-الجزار ! إنت عاوز لحمة ؟؟
-زحمة ؟! معلش أصل ده معاد خروج الموظفين
-نور الدين ؟! معرفوش
-متشربوش ؟؟ ليه كفا الله الشر
-راس البر ! دا مصيف هادى
-المعادى ؟؟ دى ضاحية جميلة
-بليلة !!! إنت جعان
-عيان ؟؟ متروح للدكتور
-حنطور ؟! دى مواصلة جميلة توصلك لحاد الباب
-هباب ! و أنا إلى كنت فاكرك محترم
-إتخرم ؟؟ هو مين ؟؟
-أسبرين ؟؟ ليه إنت عنك صداع ؟؟
-قراع ؟ دا مرض خطير
-فطير ؟؟ده تقيل على المعدة و تمنه غالى
-خالى ؟؟ إنت تعرفه ؟؟ دا كبير فى السن
-جن ؟!#إنت راكبك عفريت !!!!
-كبريت ؟ عاوز تولع ؟؟
-أتدلع ! ليه مفيش حد غيرك أتدلع عليه
فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس
فقالهم : يانهاركم إسود . جواسيس ؟؟ طب تعالوا معايا على القسم نكت×نكت×نكت سياسية رياضية طبية 0000الخ







· سواق ماشى ع الطريق واحد لابس احمر فى احمر شاور له فوقف السواق و قاله انت مين و عايز اية قالة انا الفرفور الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس ابيض فى ابيض بيشاورلة ف السواق وقف
و قالة يا ترى انت بقى الفرفور الابيض فقالة الراجل فرفور اية رخصك يا روح امك نكت×نكت×نكت سياسية رياضية طبية 0000الخ


واحد اتجوز واحدة وبعد اربع شهور ونص مراته خلفت ولد
فسالها الواد دة جه ازاى واحنا متجوزين من اربع شهور ونص؟؟؟؟!!
قالت له انت متجوزنى من امتى؟؟؟
قال لها من اربع شهور ونص
قالت له انا متجوزاك من امتى
قال لها من 4 شهور ونص
قالته له كدة يبقوا تسعة .
فرد عليها ايوة كدة كنتى هتخلينى اشك فيكى :s_4:

· واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى نكت×نكت×نكت سياسية رياضية طبية 0000الخ

**************************************** **********************************

إخبرنى بصراحة يا عاطف ولا داعى للمجاملة أو النفاق
أمرك يا ريس
عاطف : أنا الأفضل ولا عبدالناصر ؟
عاطف : انت طبعا يا ريس .. جمال مين اللى كان بيخاف من الروس !!
طيب أنا الأفضل ولا السادات ؟
عاطف : سادات مين ياريس اللى كان بيخاف من الأمريكان !!
طيب أنا الأفضل ولا عمر بن الخطاب ؟
عاطف : انت طبعا يا ريس .. عمر بن الخطاب كان بيخاف من ربنا .. انت لأ :victory:


مرة سيادة الريس حسني مبارك مد إيده في جيبه لقي 5 مليون جنيه!! فزعل قوي
وخاف
وقال إيه الفلوس دي؟ دي الفلوس دي حرام؟
فسأل أحد مساعديه فدله على طريق الشيخ طنطاوي رئيس الأزهر وقال له: اسأل
الشيخ
,هو يقول لك الحل.
ما كدبش خبر وجري على طنطاوي وحكا له القصة فرد: 5 مليون بس إيه النزاهة
دي؟
بسيطة خالص يا ريس ما تزعلش نفسك؟ كل اللي هتعمله هتروح وتطوف حول الكعبة
10
مرات.
الريس راح لقي عمنا عاطف عبيد فقال له: أنت بتعمل إيه هنا؟ أنت هتلف كام
لفة؟
عمنا عاطف:78 لفة.
الريس: يخرب بيتك ؟ ده أنت خربت البلد!!
عمنا عاطف: أنت جاي علي انا؟ روح شوف علاء ابنك جايب موتوسيكل وبقاله 3
أيام
بيلف :roro2:


بيقولك حسني كان عاوز يغيـر دولارات و مش لاقي في السوق , فراح منادي عاطف:
مفيش دولارات في السوق ليه يا ابن الهرمه ؟ -
عاطف :الحج و العمرة ياباشا خلصوا على الاحتياطي -
بقولك ايه ..حج ابه وبتاع ايه .. من السنة الجاية الحج يبقى في مصر -
عاطف:يا باشا .. ازاي بس -
اتصرف -
بعد يومين رجع عاطف و قاله : كله تمام يا باشا خلاص الحج حيبقى عندنا
الريس: طب و الكعبة حتعمل فيها ايه ؟ -
حنعملها في ميدان الحجاز - مصر الجديدة و يبقوا يلفوا حواليها -
الريس: طب و السعي ؟ -
ياباشا يبقوا يجروا في طريق صلاح سالم لغاية المطار و يرجعوا -
الريس: و عرفه ؟ -
يطلعوا المقطم ياباشا -
الريس: طب و رجم إبليس يا فالح ؟ -
;) إتعب معانا شوية بقى يا ريس -


بيقولك كمال الجنزوري جالو بعد ما شالوا من الوزارة وقالوا عايز أعرف انت
شيلتنى ليه ياريس
قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه
قالوا يا كمال يا حبيبي التغيير سُنة الحياة ،
قالوا طيب ممكن أسالك سؤال اومال ليه انت الوحيد اللى مابتتغيرش
قالوا ياحبيبي تغييركم انتم سُنة لكن أنا وجودي " فرض " :mad2:

**************************************** **********************************

الموساد قرر أنه يشغل جاسوس صعيدى عنده بعد طول بحث أستقروا على هريدى
راحوا لهريدى و أخدوه تل أبيب و قعدوا يدربوه 6 شهور و بعدها قالو ليه أنه
كدة جاهز للمهمة بتاعته
هريدى : يعنى حارجع مصر
مدرب الموساد : أيوة .. تروح و تنفذ كل التعليمات اللى قلنالك عليها
هريدى : طب ازاى حاتصل بيكم
مدرب الموساد : لا لا .. انت ماتتصلش .. احنا لما نحب نتصل بيك حانبعتلك مندوب
يقوللك ازايك و ازاى امك .. تعرف أنه تبعنا .. ماشى يا هريدى
هريدى : تحت أمرك يا فندم
و بالفعل رجع هريدى مصر .. و بعد شهرين أحس الموساد انه لازم يتصل بهريدى ..
فراحوا باعتينله مندوب
المندوب لبواب العمارة بتاعت هريدى : هو هريدى ساكن فى أنهى شقة
البواب : أنهى هريدى يا بيه .. العمارة فيها 4 هريدى
المندوب خاف لحسن العملية تنكشف : قولى شقة أى واحد فيهم
البواب : عندك واحد ساكن فى الدور الأول
طلع المندوب و خبط على الشقة اللى فى الدور الأول
المندوب : أنت هريدى .. ازايك و ازاى أمك
هريدى : أنت عايز هريدى الداسوس .. هو ساكن فى الدور الرابع :blab:



واحد نذل ابوه طرده من البيت وهو طالع كتب على السور ، مقر حركة طالبان






كمسرى ماشى فى جنازة بيقول يا جماعة الجنازة فضيا قدام

اتنين صعايدة عاوزين يشربو سجاير ومش معاهم قالو ندخل ميتم بيوزعو سجاير هناك ،
دخلو قعدو جمب واحد فى الصيوان بيدخن
قال الاول : انفاس معدودة
وقال التانى : كلنا لها
رد الراجل : محدش واخد منها حاجة






واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة :7_1_106v:


مره واحد احول سجل في الجيش...... حطوه في قسم القصف العشوائي

.مره واحد مسطول اوى راجع بيتهم الساعه اتنين بليل فاخته فتحت له الباب قام ضربها بالقلم على وشها طاخ وقالها كنتى فين لحد دلوقتى.

.واحد سكران فتح التلاجه وبص للجلي ...وجده بيرتعش :قالوه متخفش هاخد عصير :20:

صومالى ركبه عفريت العفريت مات من الجوع نكت×نكت×نكت سياسية رياضية طبية 0000الخ

سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه

مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون

مرة واحد خد مراته جنينه ال حيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين

محشش سأل واحدة اسمك ايه؟ اجابت : أسماء. فقال: يعني ما فيش اسم محدد







مرة واحد راح السودان بالليل ملأش حد

مرة واحد بلدياتنا عرف ان الجلد موضة مشى عريان

ظابط مرور لقى شقته ديقه عملها إتجاه واحد

مرة واحد بتاع سمك ابنه مات فماشى فى الجنازة يقول :كان صاحى وبيلعب

مرة واحد بلدياتنا وقع فى حفرة نزلولوا حبل طلع مخنوق

وحدة تقول لحبيبها أهلى مسافرين والبيت فاضى قالها أقرئى قرأن ومتخافيش

مرة اثنين بلدياتنا في الجيش فالصول بيسال الاول ايه ده قله البندجيه يافندم قله بندجية ايه ياهريدي دي وطنك دي امك فراح للعسكري التاني قاله ايه دي قاله دي ام هريدي يا فندم

واحد عم بقول لخطيبته انا مش غني ولا عندي مرسيدس ويخت زى محمود بس انا بحبك خطيبته: وانا كمان بحبك لكن احكي لي اكتر عن محمود

ديك و فرخه معديين من قدام محل شاورما ..الديك بيقولها شوفى اللى بيحصل للى مبتسمعش كلام جوزها

واحد قال لأبنه نابليون وهو أدك كان أول واحد في الفصل رد الواد على والده نابليون وهو أدك يا بابا كان إمبراطور

مرة واحد توأم شاف اخوه، قلو انت فين من الصبح يخرب شكلك، امي خلتني استحما مرتين

مره واحدة عجوزة عندها 80 سنه لقت مصباح علاء الدين طلع لها الجنى طلبت منه تصغر 30 سنه بقى عندها 50 سنه وطلبت منه يصغرها 20 سنه بقى عندها 30 سنه طلبت منه يصغرها 10 سنين بقى عندها 20سنه طلبت منه يصغرها 10 سنين ـــ جلها الحصبه ماتت

واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا وى دلوقتى لسا جنبي مسك ايدها بحنيه و قالها مش عارف ليه حاسس انك نحس :(

واحد ملحن دخل مبنى ماسبيرو علشان يعتمدوه ملحن فقالوله كل جمله نقولهالك لحنها .. فاقالوله..لحن واحد حرامى راح ملحنها.. قالوله اتنين حراميه.. راح ملحنها..قالوله بقه شله حراميه قالهم بلادى بلادى بلادى

مره استاذ.تربيه فنيه حب يختبر التلاميذ..فقل لهم انا عيزكم ترسموا حمار غيبا.....فاوقف تلميذ وقال طيب لو سمحت يااستاذ..اخرج بره علاشان محدش يغش





واحد داسته عربيه سيات مات من الضحك

مره واحد فك مفترس معرفش يربطه

قزم عطس..... راسه اتخبطت فى الارض

واحـد احـول حـس بالـبـرد وهـو نـايـم ... قـام وغـطـى اخـوه

واحد كسلان اوى اتجوز واحده حامل :41:


اثنين مديرين ... واحــد عــام ... وواحــد غـــرق


في واحد كريم تزوج واحدة كريمة جابو ولد ادوه للجيران


مره واحد اسمه مفتاح مات اهله مزعلوش عليه عشان عندهم نسخه غيره

واحده ست اشتركت فى من سيربح المليون جوزها طلقها عشان اتصلت بصديق

واحد قعد يعلم ولاده النداله لما مات رموه فى الزباله


واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه
لسه مولع من شوية


صعيدي ساكن في الدور الخامس وبعد ما نزل الصبح افتكر انه نسى نظارة الشمس والمنديل فنادى علي زوجته وقالها ارمي النظارة والمنديل
فرمت زوجته النظارة فانكسرت فقال لها خلي المنديل انا طالع اخذه

طبيب عيون بيحب وشايل وردة فى ايديه
وقال لحبيبته شايفة الوردة دى ياحياتى
قالتله اه
قام ونقلها الى اليد الاخرى وقالها طب كده


الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح


· مرة مدرس رياضة اتجوز مدرسة رياضة خلفوا ولد متساوى الساقين

· ايه الفرق بين الاسبوع وموس الحلاقة والصحراء؟؟؟؟؟؟؟؟؟؟؟؟ الاسبوع فيه حد ، والموس فيه حدين ، والصحراء ما فيهاش حد

· واحد أحول راح يجيب أبوه من المطار باس الشنطة وشال أبوه

· تايه بيسأل واحد ماشى فى الشارع اية اسرع طريق اروح بيه للمستشفى ؟؟ قالوة غمض عينك وعدى الشارع


· مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص الثاني رد عليه بس انا مش علي الاول قاله وكمان غيرت اسمك

· اتنين مساطيل حبوا يسرقوا عماره فقالوا لبعض احنا ناخد العمارة بعيد ونسرقها برحتنا ، فقلعوا الهدوم وقعدوا يزقوا فى العمارة يزقوا ، جه واحد من وراهم وسرق الهدوم ، فواحد منهم بص ورا ملقاش الهدوم فقال له كفاية كدة احنا بعدنا اوى

· محشش يسأل محشش تتوقع الجمعة يوافق آخر الشهر ؟ رد عليه : لو ضغطنا عليه يمكن يوافق

· واحد ندل فتح مصنع بيبسي كتب على كل علبة : رج جيدا قبل الفتح

· واحد راح للدكتور بيقولوا يا دكتور كل ما اكلم واحد ينام مني ........... يا دكتور ........... يا دكتور

· بلدياتنا فتح محل انابيب غاز .. فجّر اسطوانتين فى وسط البلد .. دعاية

· واحدة راحت تخطب لابنها .. ام العروسة بتسألها ... وياترى ابنك بيدخن ؟؟؟ ردت عليها : لا لا لا الحمد لله ، ابنى ما بيدخنش..... الا اذا سكر

· واحد بيقول لصاحبه ... الحق الثعبان دخل غرفة حماتك ... قاله: سيبه يستاهل

· ثعبان نظره ضعيف يوم ما حب واحده..... طلعت خرطوم

· بلدياتنا ماسك قنبله وعمال يحدفها من الإيد دى للايد دى ، قابله واحد تانى قال له :يخرب بيتك ولما تنفجر فى وشك ، قاله : ماتخافش معايه غيرها

· بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا !!

س1:ماهو وجة الشبة بين الكمبيوتر والتاكسي والحفرة؟؟؟؟؟؟؟؟؟؟؟؟؟؟؟؟؟؟؟
الكمبيوتر.............حاسب الــي
التاكسي.............حاسب يا اسطى
الحفرة.............حاسب لاتقع


س2:ماهي قمة الحيرة؟؟؟؟؟؟؟؟؟؟؟؟؟؟
يقال لك اجلس في ركن غرفة مستديرة

س3:سؤال يجيب علية الطالب؟؟؟؟؟؟؟؟؟
قطار يسير بسرعة 90كلم\الساعة ويتوقف في 8 محطات
وسرعة الرياح 132م\الثانية
فما اسم سائق القطار!!!!!!!!!!!؟

كان فيه نجار مسن يعمل بجانب شاطىء النيل ، وبينما هو منهمك بالعمل
سقط منشاره فى النهر ، فجلس يبكى على ضياعه ، وكان هناك جنيه تراقبه فحضرت إليه
وسألته لما يبكى ، فقال سقط منشارى بالنهر ، فغطست وخرجت بمنشار من ذهب وسألته
أهذا هو فرد وقال لا ، فغطست مره أخرى وخرجت بمنشار من فضه وسالته أهذا هو ، فرد
وقال لا ، فغطست مره أخرى وخرجت بمنشاره الحديدى وسألته أهذا هو فقال نعم وقد
إرتسمت السعاده عليه لحصوله على منشاره مره أخرى ، وقامت الجنيه بإهدائه
منشارى الذهب والفضه لأمانته وصدقه

وذات يوم أخر كان نفس الرجل يتنزه مع زوجته على شاطىء النهر ، فإنزلقت
قدماها وسقطت فى النهر ، فجلس يبكى ، فحضرت الجنيه وسألته ما يبكيك ، فقال
زوجتى سقطت فى النهر ، فغطست الجنيه وخرجت بنانسى عجرم ، وسالته أهذه هى ، فقال
نعم هى زوجتى ، فغضبت الجنيه وقالت لما تكذب أيها المخادع ، فرد الرجل : أنا لم
أكذب ، ولكن خشيت أن أقول لا فتغطسى وتخرجى إلين خلف وعندما أقولا إنها ليست
زوجتى تغطسى وتخرجى زوجتى ، فإذا قلت نعم هى زوجتى ، ستقومى بإهدائى
نانسى و إلين لصدقى ، وأنا رجل عجوز لا يمكننى أن أكون متزوجاً لثلاث ، فرضيت
بنانسى فقط والسلام


رجل نساى اوى ذهب للحج وعند رمى الجمارات سال نفسه انا رميت اتنين ولا تلاته فاعاد رميهم مره اخرى
ثم ذهب للطواف فسال نفسه مره اخرى لفيت سته وله سبعه فاعاد الطواف
وعند نزوله من الطائره سال نفسه نسيت ايه يا جورج

في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا

واحد عصبي اتجوز واحده عصبيه, يوم الولاده... الولد بيقول للدكتور وسع إنت ..
ابعد ...أنا خأنزل لوحدي

واحد بلدياتنا دخل الجيش ووقف حراسة على بوابة معسكر عدى عليه الشاويش
وقاله:اللواء "فريد" جه؟
قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟
قاله لسه ما جاش. وبعد ساعة أخرى رجع له تانى وسأله اللواء "فريد" جه؟
قال له لسه ما جاش. وبعد ساعة جه اللواء "فريد"
قاله العسكرى : أنت فين الشاويش "محمد" حيخرب بيتك.

واحد مسطول بيسأل واحد مسطول ثاني: اسم دولة أوروبية لو حطيت على أخر حرف فيها
نقطة تصير اسم عالم ذرة
أم التاني قله أنا غلب حماري
آم الأول قله: الدولة هي قطر ولما تحط نقطة حتصير قطز
أم التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟


مرة ولد صغير يروح كل للبقال يقوله "يا عمو يا عمو عندك جبنه بيضه" الراجل
يقوله "ايوة يا ابنى عندى" يقوله "طيب ادينى جبنه رومى" تانى يوم "يا عمو يا
عمو عندك قلم رصاص يقوله ايوة يقوله طيب ادينى قلم جاف. لما الراجل زهق يا عينى
و طلعت عينه فقرر يشتكى لابو الولد. لما ابو الولد جه حكى له الحكايه قام قال
للبقال "لا لا ميصحش الكلام دة ابدا اسمع انت معاك عصايه البقال قاله ايوة قاله
"خلاص اضربه قلمين

اتنين مساطيل اعدين يحششو في المقابر ومرت جنازة فواحد بيقول للتاني هي جنازة
مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس فقال الاولاني يا حول
الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي
جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية


البوليس عمل كبسة على شوية شمامين و لفت نظره ان فيهم عيل صغير قوي واخد ركن

لواحده وعمال يسحب , فقام مقرب منه و سأله: و الشمام الصغير اسمه ايه؟
قام الواد رد عليه و قاله : كنتلوب يا باشا.


قابلت مذيعة اثنان مساطيل
سالت الاول : مصر بالنسبالك ايه ؟
فقال: مصر دى امى.
ثم سالت الثانى :وانت مصر بالنسبالك ايه؟
قال:مأدرش اتكلم عن أم واحد صحبى

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية
ميه رميته بيها الاسد طلع يجرى رد عليه واحد من اللى قاعدين قاله صح انا قابلت
نفس الاسد ضربته بالقلم ايدى اتبلت

مره واحد بيقول لواحد صاحبه اسكت مش انا حماتى ماتت امبارح قاله لا حول الله يا
رب ماتت ازاى الست دى
قاله وانا واقف معاها فى البلكونه وقعت من الدور الخامس
قاله لا حول الله يا رب دى موته وحشه قوى
قاله لا ماهى ماوقعتش على الارض قاله
امال ماتت ازاى قاله وقعت على سلك الكهرباء
قاله يا ساتر يارب دى موته وحشه قوى ماتت من الكهرباء طبعا
قاله لا يا عم ماهى الكهرباء كانت مقطوعه
قاله امال ماتت ازاى بس
قاله اصل السلك نطرها فى حمام السباحه
قاله لا اله الا الله ماتت غرقانه
قاله بس يا عم اعوز بالله ماهو اول ما نزلت فى الميه الطشه رفعتها على منط الحمام وطلعت عندى فى البلكونه تانى
قاله امال انت بتقول ماتت ازاى
قاله اصلى لما زهقت قمت خانقها

مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن
وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها

واحد ضابط مظلات امه حلمها ما بيخيبش. كان عنده عرض أمام الوزير ...قالتله بلاش
تنط عشان أنا حلمت ان البراشوت مش هيفتح. المهم جه ينط ... خاف وافتكر فزميله
سأله أيه الحكاية؟؟ فلما قاله رد عليه زميله ...ولا يهمك خذ البراشوت بتاعي
وهات البراشوت بتاعك. نط صاحبنا وفتح البراشوات .أتفتح معاه شوية ولقى زميله
نارل بسرعة وبيصرخ .
الله يخرب بيت أمـــــــــــــــك

قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي
الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى
فارسلت لهم الاوقاف شيخا آخر وحذرته من الاطالة.
وصل الامام الجديد فدخل المسجد وصعد المنبر وحيّا المصلين وسأل:
اتعرفون قصة سيدنا يوسف عليه السلام؟
فرد المصلون كلهم: نعم .
فنظر الامام الى المؤذن وقال: اقم الصلاة.
ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟
فرد المصلون : نعم.
فقال لهم : ماتجوش الجمعة الجايـــة

اتنين مساطيل قاعدين في استاد القاهرة ، واحد بيقول للتاني :تقدر تلفلي الملعب
ده في اد ايه ؟
التاني : الفهولك في سجارتين


صعيدي ماسك ثلجة..وقال :بس أموت واعرف بتنقط من ويين؟؟!!

-مرة واحد صعيدى حب يقوم بدرى حط قنبلة تحت المخدة

-واحد منهم راح يكشف عند دكتور ..الدكتور قاله انزل اعمل (اشاعة)
نزل الشارع وفضل بعلو صوته (الهرم وقع ) (الهرم وقع).


مقاول احضر مجموعة من الصعايدة لبناء كنيسة وطبعاً عارفين الصعايدة بيحبوا
الغناء اثناء العمل قعدوا يغنوا " هيلا هيلا صلوا عا النبي " المقاول سمعهم
قالهم هاتخربوا بيتي مش معقول تبنوا كنيسة وتغنوا " صلوا عا النبي " غنوا
اي حاجة تانية ، في اليوم التالي سمعهم بيغنوا " هيلا هيلا بص عا الحيطة " نظر
للحائط وجد مكتوبا عليه " صلوا عا النبي "

واحد صعيدي شغال في السعودية بعت لى أمه كيلو شيكولاته فاتصلت عليه وقالتله
الصابون اللي بعته بيوسخ الهدوم


صعيدي بيشتغل راعي غنم في السعودية، سألوه أهله: بتشتغل إيه ؟ قال : بفسح المعيز

مرة صعيدي بلع ريقه إتسمم

صعيدي يسألوه .. إزاي الإجازة بأستراليا ؟ قال : من كثر مزارعها ودك تصير خروف

صعيدى حب يروح حفلة تنكريه راح قطع دراعه

ثلاثة صعايدة قرروا أن يعملوا مزرعة كتاكيت فحفروا حفرة وألقوا فيها الكتاكيت
وأغلقو الحفرة وأنتظرو يوم ولم تطلع شجرة الكتاكيت وأعادو المحاولة عدة
مرات ولم تنجح فقررو أن يكلموا أخوهم الذي يدرس في أمريكا و يحضر الدراسات
العليا فقال لهم أرسلوا لي بعض العينات من التربة

صعايدة صنعوا باص بالعرض ليه؟
عشان يركبون كلهم قدام


صعيدي واقف ينقط ماء ..! ليه ؟؟؟؟
اسمه حنفي؟؟

واحد صعيدي اخد ابنه للدكتور فلما ابنه دخل يكشف طلع الدكتور يقول لبلدياتنا ان
ابنه مات فطلع الولد يقول لابوه انا ممتش يابا فرد ابوه يقول له انكتم ياله
انت هتفهم احسن من الدكتور ؟؟؟


صعيدى فى طيارة
المضيفة سالت اللى جنبو
تشرب ايه يا بيه؟
رد الراكب : اشرب عصير برتقال يا برتقالة انتى
ثم سالت الصعيدى : وانت ... تشرب ايه يا اخويا
رد الصعيدى : لبن يا جاموسى انتي

سئلوا صعيدى : ليه قتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه قتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة


مرة واحد بيحلم كل يوم بماتشات ... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي

صيدلي اتجوز صيدلانية... خلفوا تركبية...
بدل ما يهشتكوها.. كانوا بيرجوها


واحد بلديتنا حب يعمل ارهابى.. خطف ابنه.. محدش سأل عليه قتله

واحد أعمى فتّح ... من الفرحة اتشل

مره واحد صعيدى حلم انه بيحفر فى بير غويييييط.. صحى لقى ايده فى مناخيره

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها


مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟


واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب ادى الى موووووووت

واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة

ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟

واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو

واحد سنانه كلها طايرة ما عدا الانياب... قدم علي وظيفة عينوه خرامة

مرة صرصار كان ميت علي نفسه م الضحك .. ليه؟ علشان كان بيجري وراه واحد احول...

واحد صعيدي نزل يتمشي.. جابوه من ع الحدود

واحد اسود اتجوز واحدة سودة زيه.. جابوا ولد ابيض.. سموه مش ممكن

فرخة اتجوزت فيل... جابوا تشيكن فيليه

مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب

صعيدي اشتري كمبيوتر... شال ال
mouse وحط جاموسة


واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟

بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!
قاله متأكد انك بتطلع المعلقة من الكوباية بعد ما تقلب؟؟؟؟؟


بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك

كان فيه خمسة صعايدة سموا نفسهم الشجعان التلاتة

واحد أحول بيتفرج علي فيلم عاطفي... (بدل ما يدمع ريل).......... (بعد ما ريل.. الريالة طلعت علي ودنه)

مرة واحد محشش اتصل على بيت قال محمد موجود قالوا الرقم غلط قالهم... طيب
بتردوا ليه :mad2:


امانة على كل قرأ هذا الموضوع واعجبة ان يقوم بالدعاء لى :praying: :praying:






المواضيع المشابهه
الموضوع كاتب الموضوع المنتدى مشاركات آخر مشاركة
مصطلحات ومعاني سياسية ،، منى صور - طرائف - الغاز - مسابقات - تسالي - مرح - نكت - فوازير 16 01-11-2013 05:09 AM
العاب وادوات رياضية بالتقسيط مشايات كهرباء واجهزة تخسيس رياضية وبالتقسيط شريف جمال الأدوات والتجهيزات الرياضية 0 15-05-2012 03:55 AM
اجهزة رياضية،اجهزة رياضية للتخسيس .. بالتقسيط فقط من شركة كينج سبورت mayah amer الأدوات والتجهيزات الرياضية 0 20-09-2011 10:56 PM
ممكن موسيقى رياضية تصلح لمقاطع رياضية منوعة المونديال برامج تحرير الفيديو وتحويل الصيغ وبرامج الصوتيات والملتيميديا 0 14-08-2007 09:28 AM
نكتة سياسية أســامــة صور - طرائف - الغاز - مسابقات - تسالي - مرح - نكت - فوازير 8 12-02-2007 09:38 PM
13-10-2005, 10:56 PM
morshedy4321 غير متصل
عضو ماسـي
رقم العضوية: 25963
تاريخ التسجيل: Sep 2005
المشاركات: 1,111
إعجاب: 9
تلقى 66 إعجاب على 18 مشاركة
تلقى دعوات الى: 0 موضوع
    #3  
الاخ ( lllbassam80lll ) شرفنى مرورك الكريم ودمت بالف خير :party5:

13-10-2005, 11:49 PM
shoOk غير متصل
الوسـام الذهبي
رقم العضوية: 19491
تاريخ التسجيل: Apr 2005
المشاركات: 2,079
إعجاب: 49
تلقى 102 إعجاب على 61 مشاركة
تلقى دعوات الى: 0 موضوع
    #4  
روح يا مرشد ربنا يوفئك ويهنيك ويسترها معاك دنيا واخره


14-10-2005, 11:44 AM
morshedy4321 غير متصل
عضو ماسـي
رقم العضوية: 25963
تاريخ التسجيل: Sep 2005
المشاركات: 1,111
إعجاب: 9
تلقى 66 إعجاب على 18 مشاركة
تلقى دعوات الى: 0 موضوع
    #5  
الاخ shoOK نورت بالمشاركة الجميله لك منى ارق التحيه

14-10-2005, 08:24 PM
Akram Elsaiegh غير متصل
عضو ماسـي
رقم العضوية: 16220
تاريخ التسجيل: Dec 2004
المشاركات: 1,465
إعجاب: 5
تلقى 25 إعجاب على 15 مشاركة
تلقى دعوات الى: 1 موضوع
    #6  
:biggrin2::biggrin2::biggrin2::biggrin2: :biggrin2::biggrin2::biggrin2::biggrin2: :biggrin2::biggrin2::biggrin2::biggrin2: :biggrin2:
النكت جميله جدا فعلا ربنا يخليك لينا :s_45::s_45::s_45:


14-10-2005, 08:39 PM
morshedy4321 غير متصل
عضو ماسـي
رقم العضوية: 25963
تاريخ التسجيل: Sep 2005
المشاركات: 1,111
إعجاب: 9
تلقى 66 إعجاب على 18 مشاركة
تلقى دعوات الى: 0 موضوع
    #7  
مرورك عندى اجمل من النكت يالغالى :4: :4: akram elsaiegh:4: :4: ربنا يخليك لينا وميحرمناش من مشكاركاتك المتميزه :8: :8:

05-10-2006, 02:34 AM
abo-m3azab غير متصل
عضو جديد
رقم العضوية: 26038
تاريخ التسجيل: Sep 2005
المشاركات: 5
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #8  
السلام الى اهل السلام

شكرا على النكت

ورمضان كريم والله اكرم

05-10-2006, 03:31 AM
Super_Star غير متصل
عضو فعال
رقم العضوية: 39323
تاريخ التسجيل: Apr 2006
المشاركات: 65
إعجاب: 1
تلقى 2 إعجاب على 2 مشاركة
تلقى دعوات الى: 0 موضوع
    #9  
**** (رمضان كريم ) ****
نكت جميله جدا وممتعه
مع تحياتي (super_star)


06-10-2006, 01:25 AM
intelboard غير متصل
عضو محترف
رقم العضوية: 34094
تاريخ التسجيل: Feb 2006
المشاركات: 576
إعجاب: 7
تلقى 80 إعجاب على 29 مشاركة
تلقى دعوات الى: 0 موضوع
    #10  
كل سنة وانت طيب أخي فعلا نكت جميلة بارك الله فيك


06-10-2006, 09:39 AM
dina4567 غير متصل
عضـو
رقم العضوية: 30238
تاريخ التسجيل: Dec 2005
المشاركات: 260
إعجاب: 2
تلقى 12 إعجاب على 11 مشاركة
تلقى دعوات الى: 0 موضوع
    #11  
جزاك الله كـــــــــــــــــــــــــل خير

و بارك الله فيك


رمضان كريم


 


نكت×نكت×نكت سياسية رياضية طبية 0000الخ

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.