أستغفر الله العظيم ... سبحان الله وبحمده


العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


15-05-2018, 05:39 AM
nice.tshir غير متصل
عضو مشارك
رقم العضوية: 1026198
تاريخ التسجيل: Mar 2018
المشاركات: 43
إعجاب: 2
تلقى 6 إعجاب على 6 مشاركة
تلقى دعوات الى: 0 موضوع
    #1  

جارة بتهدد بمنعنا من دخول شقتنا التمليك! ما العمل؟


جارة بتهدد بمنعنا من دخول شقتنا التمليك! ما العمل؟
اخويا له شقة في مصر تمليك مقفولة لانه بيشتغل في الخليج وجيرانه عارفين كده
على مدار 5 سنين كان الجيران بيطالبوا بفلوس نظير صيانة مكناش بنشوف منها اي حاجة وحتى لما حطوا كراسي في كل دور محطوش في الدور بتاعنا ولما حصل ان فيه ماسورة اتكسرت في المنور اتصلوا بينا وفضلوا سايبين المية غرقانة في المنور من غير ما يعملوا اي حاجة برغم المبالغ الكبيرة اللي كانوا بيطالبوا بيها بشكل دوري
ده غير انه بيستغلوا السطوح فوقينا في تركيب الاطباق وهاربين الدنيا ورفضوا بردو يعملوا فيه اي حاجة بحجة اننا دور اخير واحنا اللي مسئولين عنه برغم انتفاعهم بيه

غالبا طمعوا لما عرفوا ان اخويا في الخليج وعشان كده بيطلبوا فلوس من غير حساب علما بان اخويا حاليا بيعاني ووضعه على كف عفريت بسبب الازمات المالية في الخليج والازمات السياسية

المهم اتصلت بينا الجارة مطالبة بمبلغ تاني كبير بحجة الصيانة ولما والدي اعترض وقاللها مفيش حاجة بتتعمل بنشوفها وان كمية الحاجات اللي بيتعملها صيانة مبالغ فيها

قالتله طب هتدخلوا ازاي ( على اساس انه تم تغيير مفتاح العمارة ) بس هي ملهاش معنى غير انها ناوية على شر ونبرتها كمان بتقول كده
السؤال دلوقتي ايه التصرف والاجراءات اللي ممكن تتاخد؟ وهل لو تم استخدام تصوير فيديو لاثبات التهديد امتى يبقى التصوير قانوني؟ لو انا واقف في الشارع برة باب العمارة يعتبر تصوير في مكان عام؟
انا متمناش الموضوع يكبر وخصوصا ان والدي ووالدتي سنهم كبير ومش حمل شد عصبي ومواجهات من النوع ده
ويعلم ربنا لو كان فيه صيانة بجد كنا دفعنا برغم ضيق الحال زي ما كنا بندفع السنين اللي فاتت بس بعد ما اتاكدنا انه نصب علني ولما لقوا ان اخويا بيشتغل في الخليج طمعوا وبقت واضحة رفضنا اننا نستمر في السكوت عن سرقتنا
واخيرا حسبي الله ونعم الوكيل في كل واحد بيستحل فلوس غيره





المواضيع المشابهه
الموضوع كاتب الموضوع المنتدى مشاركات آخر مشاركة
مشكلة عند دخول الويندوز يطلب رقم سري مع العلم ان محطتش رقم سري spaudr صيانة الكمبيوتر وحلول الحاسب الألي - هاردوير 2 19-10-2013 09:13 PM
عاصفة الكويت بالصور ... يارب سترك يارب ommarime صور - طرائف - الغاز - مسابقات - تسالي - مرح - نكت - فوازير 9 27-03-2011 10:40 AM
لمين بتهدي هالعبارة؟؟؟؟؟ قمرالشام صور - طرائف - الغاز - مسابقات - تسالي - مرح - نكت - فوازير 15 11-01-2011 06:30 PM
استفسارقانونى هام مالك العقار استولى على شقتنا الحناوى1 مُسْتَشارُكَ القّانُونيْ 6 08-08-2010 03:50 PM
توقف متصفح الويندوز فيستا عن العمل عند دخول مجلد الافلام comprehensive صيانة الكمبيوتر وحلول الحاسب الألي - هاردوير 1 11-02-2010 01:38 PM
02-06-2018, 10:23 AM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,346
إعجاب: 2
تلقى 115 إعجاب على 78 مشاركة
تلقى دعوات الى: 1385 موضوع
    #2  
حضرتكم سالتوا قبل كده تقريبا وانا رديت
سيادتك تاخدى المحامي الخاص بيكي .. ويعمل اجراءات قاانونية امام النيابه او الشرطه حسب اختياره وتقديره للامور .. لييييييييييييييييه ؟
لان عاده المواطن لما هو بيروح مع نفسه ممكن تتحل المشكلة .. ولكن جزئيا .. او تكون النتيجه تجريم عكسي .. اي انقلاب الامور على الشاكي لان حضرتك قررت تعتمد على نفسك في نظام قانوني للاسف معقد.

اكيد فيه محامي حواليكم كويس .. المسألة تتحل بهدوء وبالقانون وحتدخلوا الشقه .. وممكن يبوسوا ايديكم كمان عشان تاخدوا اللي دفعتوه .. القانون فيه امور كتيره ومتشعبه ..

شوفوا محامي قريب منكم وتثقوا فيه والموضوع حله بسييييييط ان شاء الله
ولو حضرتكم في اسكندريه او القاهرة كلموني خاص .. بالتوفيق


هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com
الإستشارات المجانية في المنتدى فقط !!

المكتب : القاهرة - الاسكندريه

 


جارة بتهدد بمنعنا من دخول شقتنا التمليك! ما العمل؟

English

Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.