العودة   منتديات داماس > المنتديات العامة > منتدى الشعر العربي والخواطر والنثر



إضافة رد
22-02-2018, 10:32 AM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,393
تلقى دعوات الى: 80 موضوع
إعجاب: 175
تلقى 3,120 إعجاب على 1,642 مشاركة
 
جاني ابويا في المنام...

جاني ابويا في المنام...
اتفرد جنبي ونام
قالي فينك يابن ضهري
حتي مستخسر زيارة؟؟؟
قلتله في الدنيا يابا
قالي دنيتكم خسارة
قلتله مطحون يابويا في الرحايا
بجري جري الوحش فيها
من صباحي ولمساية
قاللي يابني عيش حياتك...
ارض ربك وارض ذاتك
قاللي اسألني انا
مش هينفعك الا عملك
اعمل الصالح تملي
زكي يابني
صوم وصلي
خلي حسناتك تعلي
خلي ذكر الله تملي فوق لسانك
ادعي يابني في كل لحظة
مش عشاني .....لأ عشانك
ده الدعا هيعلي شانك
ما تلمس ايدك حرام
ولا يدخل جيبك حرام
بالحرام يابني بتضيق القبور
قلتله ويش حاله قبرك؟
قاللي يابني كله نور
قد ايه ربك رحيم
قد ايه ربك غفور
كنت رايح له وشايل
فوق كتافي الف ذنب
بس كان جوايا قلب
ماعرفش الا يحب
ربنا رحمته اوسع
مما يتصور خيالك

ابتسمت في ضي وشه
وقولتله دي مكتوبالك
ذدني يابا في النصيحة
قاللي هاقولها لك صريحة
اوعي يابني في مرة
تظلم
او تكون أداة لظالم
وانصف المظلوم تملي
خلي قلبك بيت مظالم
خلي يابني البال من امك
زيها مايشلش همك
في رضاها السعد يابني
مهما تعلي ولا تبني
خلي بالك من ولادك
هما دول مالك و زادك
هما دولة امتدادك
قلتله نفسي اجيلك
قالي كل شئ يابني بأوان
كل واحد له أوانه
بالمكان وبالزمان

قمت بايسه فوق جبينه
ولمست بشوق عيونه
وصحيت م النوم بفرحة
شفت ابويا في المنام
من حلاوة الحلم نفسي
كل مااقوم تاني ....انام




27-03-2018, 10:45 PM
molanmasr
عضو جديد
رقم العضوية: 1022058
تاريخ التسجيل: Jan 2018
المشاركات: 22
تلقى دعوات الى: 0 موضوع
إعجاب: 2
Thanked 1 Time in 1 Post
 
الله يرحمه ويسكنه فسيح الجنان

28-03-2018, 10:53 AM
حنايا الروح
VIP
رقم العضوية: 997228
تاريخ التسجيل: Nov 2017
الإقامة: جمهورية مصر العربية
المشاركات: 1,437
تلقى دعوات الى: 11 موضوع
إعجاب: 2,510
تلقى 2,286 إعجاب على 1,118 مشاركة
 
الله يرحمه ويجعل مثواه الفردوس الاعلي

بارك الله فيك وجزاك خيرا
كل التقدير والاحترام

19-04-2018, 09:14 AM
4uonly
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 4,393
تلقى دعوات الى: 80 موضوع
إعجاب: 175
تلقى 3,120 إعجاب على 1,642 مشاركة
 
المشاركة الأصلية كتبت بواسطة حنايا الروح 
الله يرحمه ويجعل مثواه الفردوس الاعلي

بارك الله فيك وجزاك خيرا
كل التقدير والاحترام
شكرا لمرورك اختى الكريمة


جاني ابويا في المنام...



Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.