أستغفر الله العظيم ... سبحان الله وبحمده



العودة   منتديات داماس > المنتديات العامة > اخر الاخبار في العلوم والتكنولوجيا والتقنية


مواضيع مميزة  


آخر عشرة مواضيع المواضيع النشطة


29-01-2018, 09:46 AM
4uonly غير متصل
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 2,705
إعجاب: 33
تلقى 1,372 إعجاب على 662 مشاركة
تلقى دعوات الى: 74 موضوع
    #1  

لماذا العالم بينفق ملايين الدولارات في أبحاث الفضاء رغم انتشار الفقر والمجاعات على الأرض؟


لماذا العالم بينفق ملايين الدولارات في أبحاث الفضاء رغم انتشار الفقر والمجاعات على الأرض؟

ليه العالم بينفق ملايين الدولارات في أبحاث الفضاء
رغم انتشار الفقر والمجاعات على الأرض؟

السؤال ده لاقيته انتشر فجأة
وناس كتير بتسأله مصحوبا بشتايم ولعنات وتعجب
من غباء بعض البشر !!

للوهلة الأولى
هتشوف السؤال منطقي ويستحق التأمل
لكن لو أعطيت لعقلك بضع دقائق للتفكير
ولأصابعك بضع دقائق للبحث
هتكتشف أنه سؤال ساذج جدًا
ويخلينا نتعجب من جهل كثير من البشر !
لأن البشرية جنت فوائد هائلة من وراء تلك الأبحــاث
لو كانوا يعلمون
فـ تعالوا نلقي الضوء على 3 فوائد فقط منها :

1. الاختراعات :
كتير مننا ميعرفش إن في اختراعات وتقنيات
كتير جدا بنستخدمها كل يوم
تم تطوريها في الأصل لأغراض استكشاف الفضاء
وللتغلب على التحديات اللي بتواجهم
أثناء إرسال الآلات ورواد الفضاء للأعلي
لكن العلماء والمهندسين قدروا يستفيدوا منها
لصنع أجهزة تخدم الإنسان على الأرض
منها على سبيل المثال لا الحصر :
- الخلايا الشمسية :
الخلايا الشمسية اللي بنشوفها فوق المبانى والبيوت
وحتى على الآلة الحاسبة اللي وفرت المليارات للبشر
وأصبحت أهم مصدر طاقة نظيفة متجددة
كانت بفضل ناسا
لأن تقنية تحويل أشعة الشمس لمصدر طاقة
بدأتها ناسا لما شكلت اتحاد يتكون من 28 عضو
اسمه هيئة البحوث البيئية للطائرات وتكنولوجيا الاستشعار ( ERAST ) اختصار لـ :
( The Environmental Research Aircraft and Sensor Technology )
وكان الهدف هو تطوير طائرة بدون طيار
تستطيع الطيران على علو مرتفع لمدة ايام
عن طريق استهلاك الطاقة الشمسية فقط
.
- الطريق السريع المحزّز أو Grooven Runway
الشكل الجديد للطرق السريعة
اللي قلل نسبة حوادث الطرق بنسبة 85%
جاء في الأصل من بحثنا عن آليات جديدة
لتسهيل هبوط المركبات الفضائية !
شوف يا مؤمن
.
- فلاتر الماء :
نظرا لأن قطرة الماء هي أغلى شيء في الفضاء
لذلك ناسا كانت الرائدة في صناعة تكنولوجيا
فلترة المياة
لتعيد استخدامها من جديد في مركبات الفضاء
ونجحوا بالفعل
وادينا بنستخدم التقنية دي في كل مكان دلوقتي
حسيت بحاجة ؟
.
- الاطراف الصناعية :
نتيجة لتمويل ناسا المستمر في المجال ده
لتطوير أنظمة العضلات الصناعية
لاستخدامها في روبوتات الفضاء
والانشطة خارج مركبة الفضاء
خرجت ناسا للبشرية بأعظم اختراع وهو :
الأطراف الصناعية
اللي غيرت حياة ملايين من الناس للأفضل
.
- الأقمار الصناعية :
من المعروف
ان قبل ما ناسا ترسل رواد للفضاء المجهول
أرسلت أقمار صناعية تدور حول الأرض الأول
لمراقبة الفضاء والحركة في الخارج
وإرسال البيانات للعلماء
دلوقتي آلاف الأقمار دي
هي اللي ربطت العالم كله ببعض
وهي اللي بتراقب الأعاصير
والبراكين المحتملة الحدوث على الأرض لتحذيرنا
.
- كاشف الدخان :
في كل مبنى كبير أو مول هتلاقي بتاعة بلاستيك
في السقف كده
بتكشف عن وجود أي دخان
وبتدي إنذار لتنبيه الناس
بوجود حريق في المكان ده
هل تعلم أن أول كاشف دخان اخترعته ناسا لتركيبه
في المركبات الفضائية
للكشف عن وجود حريق أو غازات سامة في المكان؟!
.
- ترمومتر الأذن : تكنولوجيا الأشعة تحت الحمراء
كانت بتستخدم في قياس درجة حرارة النجوم
هي نفس التكنولوجيا اللي بيستخدمها الترمومتر
الذي يلتقط درجة حرارة الجسم لدينا
عن طريق الكشف عن كمية الطاقة المنبعثة
من طبلة الأذن
.
- زراعة القوقعة أو cohlear implant :
في مجال الطب تمكن Adam Kissiah
بسبب مشكلة السمع بتاعته
من ابتكار جهاز جديد لاعادة السمع
رغم انه لم يتلقى أي تدريب طبي
ولكنه استفاد من خبرته
في العمل بمركز كينيدي للفضاء !
شوف إزاي ؟!
.
غير تطوير تقنيات الاتصالات
اللي شقلبت كياننا رأسا على عقب
زي التلفزيون والانترنت والموبايل
وكذلك تطوير نظام الـ GPS
وغيرها من التقنيات والأدوات
- اللي ممكن تبص علي مزيد منها في المصادر -
اللي بنستخدمها يوميا
ونحن لا ندري أن تلك الأبحاث
كان لها الفضل الأكبر في ظهورها لنا
==============

2. حماية جنسنا البشري :
مع دراسة التغيرات المناخية للكواكب الأخرى حولنا
بيزيد فهمنا ودقة تنبؤنا بالتغيرات والمخاطر
اللي ممكن تحصل علي كوكبنا
وتمويل تلك الأبحاث
وإرسال بعثات الى الكويكبات التى حولنا
هتمدنا بالمعلومات اللي تمكنا من ابعادهم عننا
وحماية الأرض من مواجهة محتومة
لو اقتضت الضرورة ذلك
غير إن كوكب الأرض
مش هيكون مكان آمن للبشر للأبد
بل هيكون في أخطار تهدد
بانقراض الجنس البشري بعد حوالي ألف سنة
من الآن
سواء بسبب البشر والحروب النووية
أو أسباب طبيعية مثل :
الأوبة والكوارث الطبيعية والكلام ده جه علي لسان كبار العلماء منهم ستيفن هوكينج
فكان لازم نوجد بديل للكوكب الأرزق
لنلجأ إليه وقت الضرورة
للحفاظ على جنسنا البشري
===========

3. الغاية الثقافية وتلبية للغريزة البشرية :
استكشاف الفضاء هدف في حد ذاته
لإرضاء رغبتنا الملحة كبشر
في إيجاد أجوبة منطقية علمية على الأسئلة الكبرى
عن أصل الحياة ونشأة الكون
وما هو حجمنا في الكون ده
وهل نحن الوحيدين فيه ؟
وغيرها من الأسئلة الوجودية
اللي كان لازم يسعى البشر للإجابة عنها
لريح عقله وفكره
غير ان الاستشكاف من طبيعتنا كـ بشر
بداية من القبائل البدائية في الغابات الأفريقية
اللي كانوا بيعرضوا حياتهم للخطر
في سبيل استكشاف
أماكن جديدة وقارات جديدة وبحار جديدة
فكان طبيعي ومنطقي إن غريزتنا الاستكشافية
تجعلنا نتطلع للسماء واستكشافها
ومحاولة فهم ماهية الأشياء اللي بتنور بالليل دي
.
ده ميمنعش اننا لازم نوجه جهودنا وأموالنا

لمواجهة المجاعات والفقر في جميع أنحاء العالم
بس بلاش الأسئلة الساذجة دي لأن عيب نكون
داخلين على 2017 ولسه بنسألها

لكن ممكن نسال السؤال صح :
ليه العالم بينفق مليارات الدولارات في كورة القدم
" وإن كانت مفيدة كالرياضة "
والمخدرات والدعارة وصناعة السلاح
وآلاف الأطنان من الطعام بيترمي
رغم وجود ملايين بيموتوا من الجوع كل عام
وملايين بياكلوا من الزبالة ؟!




المواضيع المشابهه
الموضوع كاتب الموضوع المنتدى مشاركات آخر مشاركة
من هو مايك مان؟ تعرف على الرجل الذى حقق ملايين الدولارات من تجارة الدومينات تاجر دومين الربح من الانترنت 0 20-12-2016 09:02 PM
تريد أن تربح ملايين الدولارات في دقائق reed أرشيف المواضيع المخالفة والمحذوفات 1 28-12-2008 07:40 PM
شاهد درب التبانة على بعد10 ملايين سنة ضوئيّة من الأرض eXPerience badara المنتدى العام 6 18-04-2008 12:31 PM
لرؤية الأرض من الفضاء بعيون NASA اسامة العمري برامج 19 05-02-2006 03:01 PM
غوغل تشارك ناسا أبحاث الفضاء jabour اخر الاخبار في العلوم والتكنولوجيا والتقنية 0 26-01-2006 12:57 PM
29-01-2018, 11:50 AM
4uonly غير متصل
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 2,705
إعجاب: 33
تلقى 1,372 إعجاب على 662 مشاركة
تلقى دعوات الى: 74 موضوع
    #3  
المشاركة الأصلية كتبت بواسطة zaza-14 
موضوع في غاية الأهمية ، يعطيك العافية اخي
شكرا لمرورك اخى الكريم

29-01-2018, 12:01 PM
abdo_shahba متصل
عضو محترف
رقم العضوية: 919477
تاريخ التسجيل: Mar 2017
الإقامة: Egypt
المشاركات: 602
إعجاب: 312
تلقى 238 إعجاب على 184 مشاركة
تلقى دعوات الى: 28 موضوع
    #4  
بارك الله فيك
لقد لمحت إلى موضوع هام وفي الحقيقة معقد للغاية
نتمنى ألا يكون هناك فقيرا أو محتاج



29-01-2018, 02:32 PM
4uonly غير متصل
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 2,705
إعجاب: 33
تلقى 1,372 إعجاب على 662 مشاركة
تلقى دعوات الى: 74 موضوع
    #5  
المشاركة الأصلية كتبت بواسطة abdo_shahba 
بارك الله فيك
لقد لمحت إلى موضوع هام وفي الحقيقة معقد للغاية
نتمنى ألا يكون هناك فقيرا أو محتاج
شكرا لمرورك اخى الكريم

29-01-2018, 07:03 PM
أسيرالشوق غير متصل
الوسـام الماسـي
رقم العضوية: 46842
تاريخ التسجيل: Jul 2006
المشاركات: 16,149
إعجاب: 877
تلقى 2,618 إعجاب على 2,352 مشاركة
تلقى دعوات الى: 678 موضوع
    #6  
بارك الله فيك
شكراً لك على الطرح الرائع


30-01-2018, 11:22 AM
4uonly غير متصل
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 2,705
إعجاب: 33
تلقى 1,372 إعجاب على 662 مشاركة
تلقى دعوات الى: 74 موضوع
    #7  
المشاركة الأصلية كتبت بواسطة أسيرالشوق 
بارك الله فيك
شكراً لك على الطرح الرائع
شكرا لمرورك اخى الكريم

31-01-2018, 04:46 AM
mohamed ebrahem غير متصل
الوسـام الماسـي
رقم العضوية: 531434
تاريخ التسجيل: Dec 2014
المشاركات: 11,309
إعجاب: 1,447
تلقى 2,967 إعجاب على 2,223 مشاركة
تلقى دعوات الى: 230 موضوع
    #8  
لك الشكر ولكنه لايكفى واللغة لاتسعف اذن دمت متألقا مع وافر التحية


31-01-2018, 09:57 AM
4uonly غير متصل
VIP
رقم العضوية: 805185
تاريخ التسجيل: Jul 2016
الإقامة: CAIRO -EGYPT
المشاركات: 2,705
إعجاب: 33
تلقى 1,372 إعجاب على 662 مشاركة
تلقى دعوات الى: 74 موضوع
    #9  
المشاركة الأصلية كتبت بواسطة mohamed ebrahem 
لك الشكر ولكنه لايكفى واللغة لاتسعف اذن دمت متألقا مع وافر التحية
شكرا لمرورك اخى الكريم

 


لماذا العالم بينفق ملايين الدولارات في أبحاث الفضاء رغم انتشار الفقر والمجاعات على الأرض؟

English

Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.