اللهم لك الحمد والشكر كما ينبغي لجـلال وجهك وعظيم سلطـانك وعلو مكـانك
 
 

العودة   منتديات داماس > المنتديات العامة > منتدى الشعر والادب
 

Advertisement

 
28-04-2005, 08:29 PM
شاعر الحرمان غير متصل
عضو جديد
رقم العضوية: 18019
تاريخ التسجيل: Mar 2005
المشاركات: 13
دُعي الى: 0 موضوع
    #1  
منتدى الشعر والادب

الى عشاق الزجل اللبناني


قصيدة الشر

أنا بقلبي فتحت للشر ملهى شغله ما حدا قبلي عملها
انا الشر التبعتو عن فصاحة وقوافي بتسكر السامع جملها




انا شرّي عطا النحلة الصراحه ببخّة سمّها تحمي عسلها

انا شرّي متل سكــة فلاحـــة جرحت الارض تا يفرّخ سبلها

انا شرّي متل مبضع جراحة بضعت الروح تا اشفي عللها

انا شرّي عطا للفرن راحه حرقت اللقمة الغيري اكلها

انا شرّي متل يوم المناحه جمعت الناس تا فرق زعلها

ولوما سلاح شرّي بكل ساحة يحافظ عالضعاف من القوايا

النعجة كانت بتاكل حملها

زين شعيب 1924-2005






المواضيع المتشابهه
الموضوع كاتب الموضوع المنتدى مشاركات آخر مشاركة
الاتحاد يخسر أمام النجمة اللبناني بهدف وحيد Admin شؤون ثقافية واقتصادية عربية ودولية 0 06-04-2010 08:10 PM
شاهد الطفل اللبناني ماذا يقول raedms صور - طرائف - الغاز - مسابقات - تسالي - مرح - نكت - فوازير 12 17-03-2010 07:49 PM
حزب اللات اللبناني شامل باسييف المنتدى الاسلامي 0 06-06-2009 04:07 AM
المختصر المفيد في التعريف بحزب الله اللبناني عاشق حزب الله المنتدى العام 9 13-06-2007 02:48 AM
أي بي أم تطرح تكنولوجيا خوادم جديدة في السوق اللبناني jabour اخر الاخبار في العلوم والتكنولوجيا والتقنية 4 15-02-2006 03:18 PM

28-04-2005, 11:28 PM
المستشار غير متصل
مستشار قانوني
رقم العضوية: 788
تاريخ التسجيل: Aug 2003
المشاركات: 3,598
دُعي الى: 1 موضوع
    #2  
يا أخي الكريم مشاركة رااااائعة بالفعل
لم أكن لأتوقع أن أقرأ في أي منتدى مثل هذه المشاركة الجميلة
بالفعل أنا من عشاق الزجل اللبناني وأتمنى أن تتحفنا بالمزيد من هذه الابداعات




بسم الله الرحمن الرحيم
كبر مقتاً عند الله أن تقولوا ما لا تفعلون
صدق الله العظيم

01-05-2005, 02:28 PM
شاعر الحرمان غير متصل
عضو جديد
رقم العضوية: 18019
تاريخ التسجيل: Mar 2005
المشاركات: 13
دُعي الى: 0 موضوع
    #3  
هلا حبيبي * والله مقصرين مع هالمنتدى الرائع.
تكرم عيونك وعيون كل اعضاء المنتدى الكرام * ان شاء الله رح خلي هاي المحطة متجددة دائما بقصائد لعمالقة الزجل اللبناني .


جيران
جيران وعيو عالدني وربيو التنين
بالمدرسي وطلعو سوى من المدرسي
وحب الطفوليه كبر بالزهرتين
كبر العبير بزر ورده مكبّسي

ما كان اسمو حب أول مبتداه
كان كلمه ضايعه بصفنة إله
صار اسمو حب بعد الانتباه
والحب صار جنون بعد الهودسي


وبفصل جوع العاطفة بزهو الغصون
حجر ضمير الأهل عالحلم الحنون
وعملو القطيعة وعمرو بين العيون
حواجز على قلب الضحايا مأسسي

وكلّلوها عالغني حتى تعيش
وتشبع فساطين وبرانيط ريش
ومش بالمليح البنت قبلت بالوحيش
وتباركت من لمس ايد مقدسي

وصارت لغير رفيقها الخلقت الو
وداب الحلو عا شفاف ما داقو الحلو
ورفيقها ضيّع أمل مستقبلو
من بعد ما دفنو القمر بالمحبسي

وسافر عا غير بلاد من درب الهوى
بس الهوى ما بينفعوا غيار الهوا
من مخدِّر النسيان ما وفر دوا
منشان ينسى الحب . . لكن ما نسي

و رفيقتو ال جنيو عليها اهلها
وطاعت أوامرهم بأول جهلها
ضلت خبايا نفسها تندهلها
تا ترد مركبها عا مطرح ما رسي

وراحت تَ تسأل وين شاطيها الأمين
وعالشط صار يدلها برق الحنين
ورجعت لقلب الحبها بيدر سنين
وسجن الشرايع هدموه العاشقين
وبحجارتو للحب عملو مدرسي


خليل روكز 1922-1962




01-05-2005, 02:40 PM
شاعر الحرمان غير متصل
عضو جديد
رقم العضوية: 18019
تاريخ التسجيل: Mar 2005
المشاركات: 13
دُعي الى: 0 موضوع
    #4  
محبوبتي


محبوبتي، عمري انكتب إلها!

بوصيك يا قلبي لا تزعلها..

ضلَّك اسرقها من عيون الناس

وخـود الدلال وروح دلِّلها..

ولملم شذا من طيب هالانفاس

وشـوف بحياتك ما أجملها!

تمنى الفجر بشـفافها ينباس

وعاجوانحو العصفور يحملها

وحتى الربيع بقدّ ها الميّاس

وبيـن الورد والكاس نزّلها

فزعـان يشربها حنين الكاس

ولما يجـوع الورد ياكلهـا..



يا كاس، حاج بريقها تسـكر

وتمزج عصير الخمر بالسكر

وانكان رح بتضل تعمل هيك

قلبـي بيدعي عليك تتكسَّـر

و يا ورد، يا أحمر دخل عينيك

يا أبيض الشَّـفاف يا أصفر

تا تدبل بتدعي دموعي عليك

ان جربت تاكل تمها الأحمر

ويا تمها الدوبتني حواليــك

سقيتك ندي وسـقيتني كوثر

ما تلومني ن قرَّبت كاسي ليك

سكران قلبي فيك، والسكران

بيصير يشتقلو العطش أكثر



سكران بدي ضل ضـايع بيـن

الكاس والتِّـم الـ بيغنيلـو

شو صار لولا الكاس من كاسين

يغمى عا خيو وما حدا يشيلو

الله!! نيّـال النـظر بالعيــن

لمّــا بيقشعهن مقابيلــو

كاسك وتمك متـل شي طفلين

وطفـل للتـاني بيكاغيلـو



وكل طفل عم يشرب تا ينسى القهر

ويرد ذات الخمـر لرفيقـو

متل البيشيل من الزهر ما زهـر

وبيعود يسقي الزهر من ريقو



دخلك يا قلبي عصور واسـقيها

وخليلهـا الكاسـات مليانـي

وارتاح ســاعة مـا تلاقيهـا

صارت خمس كاسات شرباني

ويـا فرحتك لمـا بترويــها

ومتـل النبيـد تصير شعلاني

وتحكي الكلمة وما تكفيـهــا

وتقــول بـدِّي نـام نعساني

خدها يا قلبي، وروح غفِّيهــا

وغنيلها، بشـوقي وتحنانــي

يـا رب خليني، وخليهـــا

قلب..عم يخفـق لتـاني قلــب


وســكران دايـخ حدّ سـكراني

طليع حمــدان




02-05-2005, 04:50 AM
el_shawadify غير متصل
عضو فعال
رقم العضوية: 19609
تاريخ التسجيل: Apr 2005
المشاركات: 66
دُعي الى: 0 موضوع
    #6  
ماااااااااااا أروع ما اخترت، ولا أملك إلا أن أقول كما قال أخر المستشار
"الله يسلم إيديك على ها التحف الجميلة"



08-05-2005, 07:23 PM
شاعر الحرمان غير متصل
عضو جديد
رقم العضوية: 18019
تاريخ التسجيل: Mar 2005
المشاركات: 13
دُعي الى: 0 موضوع
    #7  
يا موطني ويا أرض أجدادي الكرام
من خلفك الأجيال بتمر بسكوت

بيحمل نسيم الفجر من أرزك سلام
لمهاجرينك من مناظر عشتروت

خلقت عا ترابك أنا حفنة هيام
ومني وصية يا وطن لما بموت

يدفنوني بين آهات الغرام

تحت الغطيطة بكوخ رعيان الجدي
عا حفة الوادي بعشّ العنكبوت





rss  rss 2.0  html   xml  sitemap 

Powered by vBulletin® Version
Copyright ©2000 - 2014, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.