أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام > شؤون ثقافية واقتصادية


مواضيع مميزة  


آخر عشرة مواضيع المواضيع النشطة


05-01-2017, 09:19 PM
محمدعيدشحاته غير متصل
عضو جديد
رقم العضوية: 307945
تاريخ التسجيل: Sep 2009
المشاركات: 5
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #1  

اعمل أربع ساعات فقط في الإسبوع !! ملخص كتاب تيموثي فيريس





تخيل سمير بيقبض 100 ألف جنيه في السنة ومصطفى بيقبض 50 ألف

من المنطقي إنك تقول إن سمير أعنى من مصطفي !!


طيب لو قلتلك إن سمير بيشتغل 12:10 ساعة في اليوم عشان يوصل للرقم دا

ومصطفى بيشتغل ساعتين بس في اليوم !!


فرقت صح !

وأكيد انت عدلت قعدتك دلوقت وركزت معايا وعايز تعرف ايه دا 9_^


سمير شغله بيلزمه إنه يعيش مدينة المعيشة فيها أغلى 5 أضعاف مصطفى

ولازم يروح الشغل كل يوم لآنه مرتبط بمكان وساعات عمل محددين

أما مصطفى فممكن يشتغل في أي مكان ، لا فيه وقت ولا دولة ولا مكان مربتط بيه !!



المثال دا بيوضح الفرق بين

الدخل التقليدي والدخل النسبي ، وكمان الفرق بين النظرة التقليدية للغنى



اللى بس بتركز في الموضوع على الفلوس وانها عامل التقييم الوحيد !!


أما النظرة الجديدة اللى الكتاب بيتكلم عنها ففيها 3 عوامل :
  • الفلوس
  • الوقت
  • الحرية
دكتور حسن دكتور شاطر عنده عيادة كبيرة ، ونجح إنه يعمل سمعة كويسة والناس بقت بتثق فيه وعيادته

شغالة كويس ، هو بنى نظام ناجح وبقى يحقق دخل كبير بيوفر له حياة كويسة بس فيه نقطة ضعف قاتلة

لو هو حصله ظروف ومقدرش يروح بنفسه العيادة ويشغلها فكدا دخله وشغله هيتأثر ، خلينا نسيب دلوقت

البدايل اللى ممكن يعملها على جنزي انه يجيب دكتور كويس بداله أو إنه يأجر العيادة لدكتور تاني

بس برضه دا مش هيوقف النزيف بس مش هيمنع إنه بدأ يتأثر !!

سمعة وشغل العيادة والنظام اللى عمله كله مبني على شخصه هو ، فـ أي تغيير لعدم وجوده

هيأثر على شغله ، دا حتى لو حتى فكر ياخد أسرته عشان يصيف فالعيادة هتتقفل والكشوفات هتوقف !

وفي الفترة دي مدخراته هتبقى بتنزل بالسالب




اعمل أربع ساعات الإسبوع ملخص


وانت بتبني حياتك خليك فاكر المثال دا كويس ومتشوفش الموضوع من بعد واحد بس


خلينا نرجع لورا شوية !! انت محتاج

الفلوس ليه ؟!!



الفلوس نفسها ملهاش قيمة !


انت محتاج الفلوس عشان القوة إللى بتوفرهالك ، نمط الحياة اللى بييجي مع الغنى


الغنى اللى ممكن نختصره في شوية حاجات بتشتريها لما تحتاجها !!


لكن أهم حاجة في نمط حياة الغنى هو امتلاكك القدرة على انك تعمل اللى انت عايزه في حياتك


في الوقت اللى انت عايزه ..


يبقى يا فرحتي لما تمتلك الفلوس وتقدر تمتلك الحاجات المادية اللى نفسك فيها ، بس معندكش الحرية


ولا قادر تتحكم في حياتك ووقتك مش ملكك ، هتشتري اللى انت عايزه بس مش هتستمتع بحاجة!!



# امسح الغموض عن القلق



انت عايز تعمل حاجة معينة بس متردد وخايف أي حاجة ، المهم عمال تسوف ومش قادر تنفذ !


اكتب بمنتهى الوضوح أسوا تصور ممكن يحصل لو أنت أخدت القرار الفعلي


وبعدين قيم المشكلة إللى انت كتبتها من 1 لـ 10 على حسب خطورتها ، هتلاقيك اديتها أقل من 5 !


وهتكتشف إنها أي كلام !


الغموض والمجهول بيغذوا القلق وبيكبروه ، ولو قدرت تمنع عنه الغموض بانك تكتب تصور كامل عنه


هتشيل العدسة اللى عليه وهتشوفه بحجمه الحقيقي وهيبقى سهل إنك تتغلب عليه أيا كان .



عبد العاطي عنده مركب صيد ، المكان اللى بيصطاد فيه فيه نوعين من السمك ، النوع الأول منتشر أكتر

بنسبة 90 % والنوع التاني نادر نسبة انتشاره 10 % ، كل نوع من الأسماك دي له طٌعم مختلف وعبد العاطي

المفروض يختار نوع طعم واحد يستخدمه في الصيد ، فالمنطقي إنه يختار طعم نوع السكم المنتشر !

بس كل الناس هتفكر زيه ! وكل المنافسين هيعملوا نفس الموضوع !

وهتبقى فرصة وحصة عبد العاطي في السمك دا أقل من فرصة نجاحه مع السمك النادر !


الناس شايفة ومقتنعة انها مش هتقدر تحقق غير الحاجات العادية والمتوسطة !


عشان كدا المنافسة على الأهداف المتوسطة أكبر بكتير من المنافسة على الحاجات الكبيرة


اللى انت شايفه غير معقول ساعات بيكون اسهل من المعقول والمنافسة عليه أقل



# الإزالة



خالد العملاء عنده في الشركة 30 % منهم بيسببوا مشاكل بصورة مبالغ فيها وعلى طول طلبات

وشكاوي بداعي وبدون داعي وبيستنزفوا مجهود الشركة ، بس هو بيكره الخسارة فبيضطر يقدم تنازلات

علشان يرضيهم ! ميعرفش إن دي خسارة مربحة بس بعد ما يعرف هيتوقف عن المعاملة الخاصة اللى كان

بيعاملها للجزء المتعب ومع الوقت هيخسر تلتين العملاء المتعبين هيمشوا ويسيبوا الشركة والتلت هيفضل

ويوافق على النظام الجديد ، هو أينعم كدا خسر

20 % من اجمالي عملاؤه بس عرف يوفر 80 % من جهده


اللى كان بيضيع عليهم ، وهيقدر بعد كدا يستغل الوقت والجهد اللى وفره في مكسب تاني .



اعمل أربع ساعات الإسبوع ملخص




* احذف كل المهام اللى مش هتحققلك الإنتاجية المطلوبة ، وبعد ما تخلص قراءة الموضوع دا


دور على النت على قاعدة 20-80 ( مبدأ باريتو ) وطبقها على حياتك ومرن نفسك على حياتك .


* مرن نفسك على مبدأ إن اللي مش هتقدر تصلحه أو اللي مش هيحقق لك انتاجية = اتخلص منه


وسيب مكانه لحاجة تانية تملاه ..


* تعزيز وتنمية نقط قوتك هيضاعف التأثير ، لكن اصلاح نقاط ضعف هيؤدي لتحسن تدريجي بسيط !


* أي شخص عنده نقاط قوة ونقاط ضعف ، اتربى على انه يكسب كل حاجة


فلو بيشتغل على نفسه فيقسم وقته : نص يزود بيه نقط قوته ، ونص يصلح بيه نقاط ضعفه


بس الأفضل والأمتع والأسهل والأكتر انتاجية انك توجه وقتك ومجهودك كله لمضاعفة نقط قوتك بس !


نقط

ضعفك لو صلحتها هتتقدم ببطئ وأقصى درجة هتوصلها إنك هتبقى عادي ومتوسط في النقطة



اللي انت ضعيف فيها ، لكن نقط قوتك لو ضاعفتها هتبقى مميز جداً فيها .




# الإنشغال الدائم = كسل



حسام عنده مشروع صغير ، ومع بداية مكسبه انشغل ومبقاش بيقعد مع أسرته ، ومبقاش بيخرج

هو بيترجم انشغاله على انه نجاح !

بس انشغاله دا مش دليل نجاح ، الإنشغال الدائم دليل الفشل وكسل الإدارة
، انشغالك وعدم امتلاكك للوقت

= دا معناه عدم امتلاكك للأولويات ، معناه كسل في التفكير وتنفيذ الأعمال بعشوائية !





# فن عدم الإنهاء




منال اتعودت من وهي صغيرة انها تخلص طبق أكلها للآخر ، اتزرع فيها انها لازم تخلص أي حاجة للنهاية

حتى بعد ما كبرت والحاجة مش عجباها ، لازم تكملها للنهاية !

ولو فكرت .. فكرت بس ! انها متنهيهاش بتحس بتأنيب ضمير وانها ضيعت مجهودها على الفاضي



انسحب على طول أول لما تحس انك عايز تنسحب ..!


بتاكل سندوتش مش عاجبك ، بتقرأ كتاب ، بتتفرج على أي حاجة أول لما تحس انك مش عايز تكلمه

= أقفله على طول بدون تأنيب للضمير على التمن اللى انت دفعته ومتدفعش تمن أكتر في تضييع وقتك

على حاجة انت مش شايفها مفيدة

وتمرينك البسيط على الأمور البسيطة دي هيساعدك انك تاخد قرارات على مستوى أكبر





# اقطع الإنقطاع




شوف بريدك مرة أو مرتين في اليوم بالكتير ... واقفل

اشعارات التلفون وانت شغال



والحاجات اللي لازم تعملها وبتقاطع عملك = جمعها واعملها كلها مع بعض

متنفذش كل مهمة في يوم لوحدها وتزود عدد مرات انقطاع عملك .

= يعني انقطع عن العمل مرة واحدة في اليوم لمدة ساعة تعمل فيها كل حاجة

ومتنقطعش عن العمل 6 مرات في اليوم كل مرة 10 دقايق



متوصلش مكتبك ولا تقعد قدام الكمبيوتر مثلا بدون قائمة بالأولويات اللي هتنفذها النهارده !


وإلا هتلاقي نفسك بتقلب في الفيس وبتضيع وقتك في حاجات ومنشورات ملهاش أي لازمة !!




# الواقع ممكن التفاوض معه




القواعد اللي بتحكم العالم مجموعة أوهام الناس اتفقت عليها واتفاقهم عليها حولها لقوانين ثابتة !


معظم القواعد ممكن كسرها بدون أي

عواقب !





# المغفرة وليس الإذن




لو الحاجة اللي هتعملها مش هتأذي اللي حواليك وهم مانعينك بالقوة من غير أي تبرير منطقي


الأسهل إنك تنفذها بدون ما تطلب اذنهم ، ولا تعطيهم فرصة انهم يقولوا : لا ، وابقى بررها بعد كدا


مثال على كدا ( وهو غير أخلاقي ^_^ )

حسن عايز يركب عربية أبوه ، وه عارف إن أبوه مش موافق ، ولو قاله مش هيرضى

فهو هيروح ويركب العربية ^_^

هو قبل التنفيذ أبوه ممكن يقف قدام العربية ويمنعه من الحركة ، لكن لو اتحرك بالعربية خلاص

أبوه هيفكر ألف مرة قبل ما يقف قدام العربية وهي بتجري


طلب المغفرة بعد ما الأمر أصببح واقع ، أسهل 100 مرة من طلبه بالإذن واحنا لسه على البر .





# اهرب من الخطط المؤجلة




الظروف عمرها ما هتبقى مثالية ، ولو ربطت بيها خططك المؤجلة = عمرها ما هتشوف النور


لو تخيلنا عمارة ( بتمثل سوق العمل ) وكل دور بيمثل درجة من درجات العمل

الدور الأول : بيمثل العبودية الكاملة : عمل فيه المجهود والوقت أكبر ما يمكن والحرية أقل ما يمكن

والدور الأخير : بيمثل العكس تماماً : أقل قدر من المجهود والوقت وأكبر قدر من الحرية



الميكنة والتشغيل الذاتي هم الأسانسير والمصعد اللي هينقلك من الأدوار من تحت لفوق

والطريقة اللي هتقدر تبرجم بيها الطيار الآلي الخاص بيك هو اللي هيمكنك من الوصول لأعلى دور ممكن

اللي هتقدر تحقق فيه أكبر نجاح على المستوى المهني وتقدر تحقق أكبر استمتاع بحياتك .



تفويض الخدمات مقابل أجر والإكتفاء بالإدارة مبقاش واقف على

الأفراد بس !



بل الشركات والدول بقت بتتبناه هي كمان ، وتلاقي شركة تصنيع التلفونات وبيعها مكسبها كله أصلاً

من تصنيع التلفونات وبيعها = مبتصنعش بنفسها ولا تلفون ! وبتكتفي بالأفكار وهندسة المنتج

= وتوكل وتتعهد لشركات ومصانع في الصين مثلاً ودول تانية بالتطبيق ، وبتكتفي هي بالإشراف فقط



أي حاجة انت بتقوم بيها وممكن استبدالك بشخص ينفذها عنك ومعاك الموارد = ادفع التمن


واستبدل نفسك بحد تاني مكانك يقوم بيها ، واستعين بمصادر خارجية ومتعملش كل حاجة بنفسك .


وفيه مواقع بتساعدك انك توكل اشخاص للقيام بالمهام بدلاً منك زي : خمسات و مستقل .


انت ممكن في البداية ميبقاش معاك الموارد انك تقدر تميكن الخطوات وتضطر تعمل كل حاجة بنفسك


بس تبقى حاطط في دماغك ان دي تاني خطوة وبمجرد ما الموارد تتوفر وتقدر تستبدل حاجة بتعملها بشخص


يعملها مكانك نفذ على طول وابدأ اختبار الغياب وشيل نفسك من المعادلة واحدة واحدة لحد ما توصل


في الآخر انك متعملش أي حاجة بايدك والخطوات كلها في أشخاص غيرك بينفذوها وانت مجرد مشرف !


محسن عنده موقع الكتروني صغير بيبع المنتجات المصنوعة يدوياً على الإنترنت ، في الأول ولقلة موارده

كان بيعمل كل حاجة بنفسه ، كان بيرد على العملاء ويصمم الحملات الإعلانية وكان بيتفق مغ البياعين

ويودي المنتجات لشركات الشحن وبمجر دما المشروع وقف على رجله بقى يوكل أشخاص مكانه يقوموا بالمهام

بدل منه ، ويستبدل الحاجات اللى كان بيعملها بنفسه بموظف وركز هو على الإدارة والإشراف والتفكير

في الأول كان عدم تواجده معناه توقف العملية كلها ، دلوقت وهو نايم أو بيتفسح = شغله كله ماشي !



فـ ميكن الدخل = تصنع الحـرية



.:: الخلاصة ::.
المال ليس عامل التقييم الوحيد :


متبصش للأمور من منظور الفلوس بس


الحرية و

الوقت قبل الفلوس ، ممكن تلاقي نفسك غني على الورق


بس معندكش الوقت ولا الحرية انك تستمتع باللي معاك ، الفلوس اللي بتخسرها ممكن تعوضها


لكن كل دقيقة بتخسرها مش هترجع تاني .
ركز على المهم فقط :


امسح كل الحاجات اللي مش شغالة .. كل الناس اللي بتشدك لتحت


امسح الـ 80 % من شغلك اللي بيجيبوا 20 % من النتايج


و ركز على الحاجات القليلة اللي بتجيب نتايج كبيرة .
تبنى وضع الطيار الآلي :


ابني نظام يستبدلك انت

شخصيا


قسم شغلك لأجزاء ومهام صغيرة


وباستخدام الطيار الآلي وكل ناس تقوم بالمهام بدلاً منك وشيل نفسك من الصورة واحدة واحدة



كدا تقدر تمتلك عملك مش هو اللي يمكتلكك .. ^_^


Sponsors







المواضيع المشابهه
الموضوع كاتب الموضوع المنتدى مشاركات آخر مشاركة
هل تعلم ما هى أهم أربع ساعات فى اليوم ؟ abo_mahmoud المنتدى الاسلامي 4 18-07-2013 02:41 PM
أربع كلمات تفوق في أجرها ساعات من الذكر aamifi المنتدى الاسلامي 1 06-04-2013 08:26 PM
لقطة الإسبوع في أوروبّـا والعالم‎ al-mobrmg رياضة - أندية كرة القدم - بطولات دولية - بطولات عربية 3 20-05-2010 06:47 PM
أربع كلمات في الفجر قبل الشروق=عبادة أكثر من ثلاث ساعات..كيف؟؟؟ همسه غلا المنتدى الاسلامي 12 31-01-2009 02:19 PM
موضوع الإسبوع الـ 3 يسعد صباحك المنتدى العام 27 16-08-2008 12:55 AM

05-01-2017, 11:59 PM
أنيس غير متصل
مشرف المنتديات العامة
رقم العضوية: 445600
تاريخ التسجيل: Jan 2014
المشاركات: 4,322
إعجاب: 3,696
تلقى 2,656 إعجاب على 1,523 مشاركة
تلقى دعوات الى: 670 موضوع
    #2  
الموضوع متعلق بالشأن الاقتصادي ونقله إلى النافذة المخصصة قد يكون أكثر فائدة
سيتم نقله إلى نافذة شؤون ثقافية وإقتصادية , ولك أجمل التقدير والشكر ..


كلمتك هي هويَّتك ولفظك هو ذاتك , فتمثل بقول الله عزَّ وجل :
أَلَمْ تَرَ كَيْفَ ضَرَبَ اللَّهُ مَثَلًا كَلِمَةً طَيِّبَةً كَشَجَرَةٍ طَيِّبَةٍ أَصْلُهَا ثَابِتٌ وَفَرْعُهَا فِي السَّمَاءِ (24)
تُؤْتِي أُكُلَهَا كُلَّ حِينٍ بِإِذْنِ رَبِّهَا وَيَضْرِبُ اللَّهُ الْأَمْثَالَ لِلنَّاسِ لَعَلَّهُمْ يَتَذَكَّرُونَ (25) إبراهيم

13-05-2017, 02:47 AM
boojasem غير متصل
عضو جديد
رقم العضوية: 302860
تاريخ التسجيل: Aug 2009
المشاركات: 23
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
شكرا لك على الموضوع

 


اعمل أربع ساعات فقط في الإسبوع !! ملخص كتاب تيموثي فيريس

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.