أستغفر الله العظيم ,, اللهم لك الحمد



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


10-11-2016, 05:43 AM
ahmed mahmoud mahamed متصل
عضو جديد
رقم العضوية: 769446
تاريخ التسجيل: Apr 2016
المشاركات: 4
إعجاب: 1
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

تجربتى الشخصية لانهاء اجراءات التخلف من التجنيد بعدما تعديت سن 30 سنة


تجربتى الشخصية لانهاء اجراءات

النهاردة حبيت اشاركم تجربتي لعل غيري يستفاد منها زي ما انا استفدت من المنتدي فى يوم من الايام
لاني شايف ان الموضوع الخاص بانهاء ورق التجنيد للي تخلف عن دخول الجيش وعدي سن الـ 30 فيه كلام كتير ولغط كتير بيخلي بعض الناس تخاف من انها تروح تنهي موقفها التجنيدي ... فافضل شئ انك تسأل حد خاض التجربة بنفسه

امبارح بس كانت محاكمتي ودفعت الغرامة الحمد لله ومستني اروح بعد اسبوعين عشان اخد صورة من الحكم واروح اطلع الشهادة
بس هابدأ معاكم من الاول خطوة خطوة وبشئ من التفصيل عشان ان شاء الله اخلي اللي هايروح مايتعبش او مايتوهش فى تفاصيل كتير
والموضوع قبل ما ادخل ف تفاصيل ... بسيط وغير معقد عكس ما ممكن بعض الناس ممكن تصورهولك او تخوفك منه

اولا انا كنت طالب فى كلية عملية وتم فصلي منها وكان عندي سنتها 29 سنة لاستنفاذ مرات الرسوب وتخلفت عن تقديم اوراقي للتجنيد فى خلال 30 يوم من زوال سبب تأجيل التجنيد (ظهور النتيجة) زي ما بيقول القانون وبالتالي اصبحت متخلف عن التجنيد
اخيرا قررت انهئ موقفي التجنيدى لما وصلت لسنة 31 سنة ونصف واتكل ع الله :)
واللي هاحكيه ده خاص بحالتي انا الشخصية يعني عشان بس ممكن يكون فيه ناس كانت ظروف تأجيلها مختلفة وبالتالي ممكن يكون مطلوب منها اجراءات اخري
لما قررت ده كانت بطاقتي الشخصية ضايعة وكنت محتار ساعتها هل ينفع اطلع بدل فاقد للبطاقة الاول ولا اروح التجنيد الاول لغاية اما عرفت اني عادي ممكن اطلع بطاقة شخصية من غير ما احدد موقفي من التجنيد وبالفعل طلعت بدل فاقد للبطاقة الحمد لله وبعدها علطول بدأت ف ان اعمل الورق المطلوب مني
وهو :
فيش جنائي بتطلعه من السجل المدني التابع ليه + طبعا البطاقة الشخصية + صورة منها + شهادة ميلاد كمبيوتر (لان منها لما تروح منطقة التجنيد التابع ليها هايطلعوا الرقم التجنيدي الثلاثي )
ولو كان معاك بطاقة 6 جند اللي فيها الرقم الثلاثي ده هايكون افضل طبعا
وزي ما قريت التعليمات لما روحت منطقة التجنيد انك لو كنت متزوج او مطلق او ارمل فانت مطلوب منك قيد عائلي
ومتخفش ابدا من حكاية انك تعمل فيش جنائي بنفسك

- توجهت لمنطقة التجنيد والتعبئة بالقاهرة (الهايكستب) ووصلت هناك حوالي الساعة 10:30
- اول بوابة هاتقابلك هايسألك المجند سبب دخولك هاتقوله هانهي اجراءات التخلف من التجنيد (وياريت ما تروحش ومعاك شنطة لانك هاتضطر تسيبها برا فى اي مكان وبرده مش هاينفع يدخلوا معاك اي مرافق)
- لما تدخل هايقابلك علطول مجند لتفتيشك ولتسليم الموبايل (ما تنساش تقفله الاول :) )
- هاتدخل وهاتخليك ماشي علطول في ممشي لغاية ما يقابلك قدامك علطول (ناحية اليمين ) مكتب اسمه مكتب النماذج هاتقف في الطوابير الموجودة لغاية اما توصل للشباك وهاتقول للراجل عايز ملف انهاء اجراءات التخلف من التجنيد هايسألك عن سنة الميلاد هاتقوله وع اساسها هايقولك المبلغ المطلوب منك ( انا دفعت حوالي 70 ج) وهاتاخد الملف اللي هو عبارة عن ملف ازرق جواه ورقة صفرا
- بعدها هاتكمل طريقك فى الممشي لغاية ما يقابلك فى وشك مبني كبير هاتدخله وهاتتوجه لشباك رقم (8)
- بس طبعا قبل ما تتوجه للشباك هاتقعد الاول ع الكراسي الموجودة فى المبني عشان تملا الجزء اللي فوق من الورقة الصفرا اللي هي عبارة عن بياناتك وما تملاش اي حاجة تانية
- بعدها هاتتوجه للشباك وهاتقول للمجند عايز انهي اجراءات التخلف من التجنيد وهاتقدمله الورقة الصفراء وصورة البطاقة وشهادة الميلاد عشان يسخدمها ف انه يطلع الرقم الثلاثي التجنيدي من الكمبيوتر اللي معاه (هاتخلي الفولدر الازرق نفسه معاك)
- هايقولك استريح شوية لغاية اما انادي ع اسمك .. ( هو طبعا بياخد عدد من الملفات من بعض الاشخاض وبيروح يعمل استعلام عنهم وبيرجع)
- لما يجي وينادي ع اسمك هايديك ورقة اسمها ( ايضاح معاملة) وهو بيدهالك ممكن يسألك انت قدمت للجيش قبل كدا ؟ طلعت شهادة تأجيل قبل كدا ؟ وطبعا قولتله لا ع السؤالين وهايقولك اختم الورقة دي من الامن برا
- هاتتوجه لشباك موجود قبل البوابة اللي اتفتشت عندها ع اليمين ( ف نفس الصف الموجود فيه الشباك اللي سلمت فيه الموبايل بس قبله مش بعده) عشان تختمها من المجند اللي واقف فيه
- هاترجع تاني لشباك 8 وتديه الورقة بعد اما ختمتها وهايقولك استريح شوية
- هاتستني شوية لغاية اما يرجع وينادي ع اسمك (ف حالتي كان مجند تاني خالص اللي نادي عليا) هايطلب البطاقة للفحص فقط والفيش الجنائي والفولدر الازرق عشان يحط فيه الورق كله اللي هايبقي فيه ورق القضية بتاعتك وهايسألك برده قدمت ف الجيش قبل كدا وهكذا وهايزود ف الاسئلة يعني ممكن يسألك بتشتغل ايه ؟ عندك كام سنة ؟ عشان يكتب اللي بتقوله ف الورق اللي معاه
- وانت واقف معاه هايملا ورقة صغيرة باسمك وبالرقم الثلاثي التجنيدي وبالميعاد اللي المفروض تروح فيه المحكمة العسكرية وهايدهالك وهايقولك دي اللي هاتتوجه بيها للمحكمة العسكرية فى مدينة نصر - زهراء الحي العاشر فى الميعاد المحدد عشان تقدمها هناك وانك لازم تصورها عشان الصورة هاتسلمها للهايكستب لما تاخد صورة الحكم ان شاء الله

بس دي كانت اول مرحلة والمرحلة التانية هاتبقي انك تتوجه للمحكمة العسكرية ف اليوم المكتوب فى الورقة اللي معاك
وان شاء الله هاشرح في التعليق الجاي اللي حصل لما روحت المحكمة العسكرية بالتفاصيل برده

تجربتى الشخصية لانهاء اجراءات :)





المواضيع المشابهه
الموضوع كاتب الموضوع المنتدى مشاركات آخر مشاركة
هل لازم بطاقة الرقم القومي تكون سارية عند الذهاب لانهاء التخلف عن التجنيد؟ selim999 مُسْتَشارُكَ القّانُونيْ 1 21-08-2016 11:59 PM
انهاء اجراءات التخلف عن التجنيد تجربه طازة 2016 عابد الرحمن مُسْتَشارُكَ القّانُونيْ 3 28-07-2016 08:41 PM
اخواني: نرجو مشاركتكم بتجارب فعلية لمن انهي اجراءات التخلف عن التجنيد بعد سن 30 Mahmoud Morsy مُسْتَشارُكَ القّانُونيْ 9 13-02-2015 12:54 AM
مساعده ضرورى فى انهاء اجراءات التخلف عن التجنيد soliman ibarahim مُسْتَشارُكَ القّانُونيْ 10 23-12-2014 04:51 PM
تجربة فعلية لانهاء اجراءات تخلف التجنيد (فوق 30 عام)-منطقة الاسكندرية ddsf مُسْتَشارُكَ القّانُونيْ 12 14-08-2014 10:51 PM

10-11-2016, 08:44 AM
سعد الدين متصل
المسؤول الفني
رقم العضوية: 3
تاريخ التسجيل: Mar 2003
الإقامة: Türkiye
المشاركات: 33,623
إعجاب: 7,500
تلقى 15,580 إعجاب على 5,211 مشاركة
تلقى دعوات الى: 4127 موضوع
مواضيع لم تعجبه: 15
تلقى عدم اعجاب واحد على مشاركة واحدة
    #2  
ممتاز جدا الله ينور عليك

عسى ان شاء الله يستفيد من تجربتك الاخوة الاعضاء

بارك الله بك


10-11-2016, 07:29 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,775
إعجاب: 1,043
تلقى 419 إعجاب على 59 مشاركة
تلقى دعوات الى: 912 موضوع
مواضيع لم تعجبه: 0
تلقى 0 عدم اعجاب على 0 مشاركة
    #3  
بالتوفيق يا غالى


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
والاستشارات التليفونية مدفوعة مقدما فودافون رصيد
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

12-11-2016, 03:01 AM
ahmed mahmoud mahamed متصل
عضو جديد
رقم العضوية: 769446
تاريخ التسجيل: Apr 2016
المشاركات: 4
إعجاب: 1
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #4  
المشاركة الأصلية كتبت بواسطة سعد الدين 
ممتاز جدا الله ينور عليك

عسى ان شاء الله يستفيد من تجربتك الاخوة الاعضاء

بارك الله بك
المشاركة الأصلية كتبت بواسطة gamal gamal 
بالتوفيق يا غالى
اشكركم جزيلا على الرد
وربنا يجعله ف ميزان حسناتنا جميعا

12-11-2016, 03:52 AM
ahmed mahmoud mahamed متصل
عضو جديد
رقم العضوية: 769446
تاريخ التسجيل: Apr 2016
المشاركات: 4
إعجاب: 1
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #5  
اكمل بقي حكاية اليوم التاني في مهمة الحصول علي شهادة التخلف من التجنيد
اليوم التاني اللي هو يوم المحاكمة
طبعا هاتروح للمحكمة العسكرية الكائنة فى مدينة نصر - زهراء الحي العاشر (ده لو كنت تبع منطقة التجنيد اللي في الهايكستب) فى اليوم المحدد ليك ف الاعلان اللي خدته من منطقة التجنيد
مبنى المحكمة العسكرية نفسه موجود فى شارع رئيسي بتعدي منه العربيات والاتوبيسات لكن المدخل اللي بتدخل منه في شارع جانبي
نصيحتي ان بلاش يروح معاك مرافق لانك اولا مش محتاجه فى الاجراءات
ثانيا هو نفسه ممكن يزهق من كتر فترات الانتظار لوحده لان معظم الوقت هاتبقي انت ف مكان وهو منتظرك ف مكان برا سواء ف مرحلة المحاكمة او في مرحلة النيابة لدفع الغرامة
والورق اللي انت هاتحتاجه ف المحكمة الاعلان والبطاقة الشخصية فقط لاغير
الي جانب طبعا مبلغ الغرامة اللي يعني لو عايز تعمل حسابك اوي فخد 5000 جنيه او 4000 لانها ان شاء الله مش هاتزيد عن كدا
وحتي لو كنت واخد مبلغ واتحسب عليك مبلغ اكبر مش هاتبقي فيه مشكلة لانك ممكن بعد ما تسمع الحكم عليك تروح وتيجي تاني يوم او في خلال اسبوع عشان تدفع الغرامة
- لما توصل للمحكمة عند البوابة الرئيسية (وهي اول بوابة ع اليمين ) هايسألك المجند عن السبب هاتوريه الاعلان ولو كان يعني معاك مرافق وحاول يمنعه اتحايل شوية وهو هايدخله عادي (انا نفسي كان معايا 2 مرافق ودخلوا معايا عادي)
- هاتدخل من اول ممر يقابلك شمال هاتلاقي استراحة كراسي وبعدها بوابة صغيرة وهي دي مدخل لمجمع قاعات المحكمة هاتسأل الامن اللي واقف عليها عن ميعاد دخول محاكمة المتخلفين عن التجنيد هايقولك 10 او 10 ونص علي حسب ظروف اليوم ده ( انا شخصيا وصلت بدري شويتين 9 الصبح ودخلنا 11 الا ربع)
- طبعا هاتلاقي ناس كتير منتظرة ف الاستراحة دي ولما يجي الموعد المجند هاينادي ع الناس ان المتخلفين عن التجنيد يقفوا قدام البوابة ف طابور عشان يدخلهم منبها ان اللي هايدخل هو صاحب الشأن بس من غير اي مرافق
- هاتقف ف الطابور ومعاك البطاقة والاعلان عشان يشوفها المجند وانت داخل
- لما تدخل هاتقابلك بوابة للتفتيش الالكتروني ومكان عشان تسيب فيه الموبايل ولما تعدي وتدخل علي القاعات بتاعة المحكمة هاتدخل في اول قاعة تقابلك ع الشمال (قاعة 5 )
- حاول تبقي واقف ف الاوائل ف الطابور اللي كان ع البوابة عشان لما تدخل قاعة المحكمة تلاقي مكان تقعد فيه لان بسبب العدد الكبير اللي هايكون معاك هاتلاقي تقريبا نص العدد قاعد والنص التاني واقف
- فى حالتي استينا تقريبا ساعة جوا قاعة المحكمة علي ما القاضي دخل وكان برتبة عقيد ومعاه ملازم اول ومجند معاه الملفات وبينادي ع الاسامي
- هايبدأ ينادي اسم اسم واللي بينادي عليه بيروح للقاضي وبيديله البطاقة وبيسأله سؤال او اتنين بالكتير .. السؤال الاساسي كان مجتش ليه الجيش ؟ والتاني وكان قليل لما يسأله بتشتغل ايه ؟
- حاول فى اجابتك ماتبقاش اوفر اوي ف السبب لان ممكن تقول سبب قوي جدا ممكن كان يمنعك فعلا من انك تدخل الجيش ويديلك نفس الغرامة لشخص مقالش سبب قوي
الناس اللي كانت معايا مثلا فيه اللي قال لما اتخرجت من الكلية او المدرسة كنت باصرف ع اخواتي ووالدتي
وفيه اللي قال اني كنت باشتغل في محافظة بعيدة عن مقر اقامتي وكان صعب اسيب الشغل
وهكذا ...
- لكن احب اطمن الناس ان ف يوم محاكمتي 95% من الناس اللي كانت معايا خدوا 3500 جنيه .. وانا شخصيا اخدت الغرامة دي مفيش غير عدد قليل جدا اللي خد 4000 وفيه تقريبا اتنين بس خدوا 5000
ومفيش غير واحد بس اللي خد 10 الاف جنيه ودي كانت حالة منفردة يعني لانه قال للقاضي انه كان عايش ف امريكا فطبعا القاضي قاله امريكا يبقي تدفع بقي
- انت لما بيسألك بيقولك الغرامة (القاضي بيحتفظ بالبطاقة مش بتاخدها معاك) وبتاخد نفسك وبتخرج برا القاعة وبتقف برا لغاية ما حد يقلكوا روحوا للنيابة استنوا هناك عشان تدفعوا الغرامة
- النيابة العسكرية او زي ما بيسموها س28 عشان تروحلها انت بتخرج برا خالص من البوابة الرئيسية بتاعة المحكمة وبتدخل ع البوابة اللي بعدها علطول هاتلاقي استراحة برده ومظلة الناس بتقعد فيها لغاية ما المجند ينادي ع الناس عشان تدخل تدفع
- الواحد للاسف كان مفكر ان الموضوع هايبقي وقت قليل بقي وهادخل ادفع وكدا بس نعمل ايه بقي ف الروتين وعدم الاحساس بقيمة الوقت بتاعة الناس
- قعدنا استنينا حوالي 3 ساعات عشان ينادوا علينا عشان نقف تاني ف طابور عشان يدخلونا مبني النيابة لدفع الغرامة
- لما تقف ف الطابور هاينبه المجند عليكوا ان اللي معاه مبلغ الغرامة هو اللي يقف واللي مش معاه المبلغ كامل يروح ويجي لما يجمع الغرامة كاملة
- باختصار هاتدخلوا واحد واحد وتعدوا ع التفتيش برده وتسيبوا الموبايل تاني ولما كلكم تدخلوا هايوقفوكم شوية قصاد المبني اللي المفروض بتدفعوا فيه لغاية ما يجي مجند معاه ورقه هاينادي عليكم اسم اسم عشان يعرف مين اللي حضر يدفع ومين لأ وعشان يأكد عليكوا ان المبلغ اللي سمعتوه ف المحكمة هو اللي قاله
- بعدها هاتستنوا ساعة ولا حاجة كمان او علي حسب بقي مدي سرعة المجندين ف تجهيز الوصولات بتاعة الدفع
- واول لما تجهز هايجي مجند ينادي ع مجموعة من الاسامي وهايدخلها واحد واحد عشان يدفع المبلغ وياخد الوصل علطول ويخرج من اوضة الدفع دي ويدخل ف الاوضة اللي جنبها عشان مجند تاني يكتب اسمك وارقام الوصل اللي معاك وتبصم وتاخد البطاقة اللي كنت سبتها ف المحكمة
- وبالمناسبة انت بتاخد وصلين ملصوقين ف بعض واحد بتاع الغرامة والتاني بقيمة 2 جنيه الا ربع
- والمجند بينبه عليكوا كذا مرة انك بتاخد الوصلين دول وبتيجي بعد 15 يوم ( ممكن بعده لكن مش قبله) عشان تطلع فى الدور الرابع لمكتب اسمه نيابة شمال او شرق فى نفس المبني اللي كان فيه قاعة محاكمتك عشان تاخد صورة الحكم بتاعك وبتاخده وبتروح بيه لمنطقة التجنيد عشان تاخد الشهادة
- طبعا بتاخد الوصلين وبتاخد بالك منهم جدااا وصورهم برده عشان ممكن تحتاج الصور
وانا شخصيا مستني 15 يوم عشان اروح المحكمة تاني استلم صورة الحكم واتوجه للهايكستب اخد الشهادة وتنتهي اخر مرحلة من مراحل الحصول علي الشهادة
وبالتوفيق ليا وللجميع ياااارب ان شاء الله

24-11-2016, 07:32 AM
ahmed mahmoud mahamed متصل
عضو جديد
رقم العضوية: 769446
تاريخ التسجيل: Apr 2016
المشاركات: 4
إعجاب: 1
تلقى إعجاب 1 على مشاركة واحدة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #6  
الحمد لله حصلت علي شهادة الاعفاء النهائي من التجنيد
كانت اخرة مرحلة هي زي ما قولت ف اخر مشاركة ان روحت للمحكمة العسكرية وبالتحديد لنيابة شمال القاهرة العسكرية وهي موجودة فى الدور الرابع فى نفس المبني اللي كانت فيه القاعة اللي حضرت فيها محاكمتي
(فيه ناس بتبقي تبع نيابة شرق القاهرة وهي موجودة فى الدور الثالث)
لما طلعت فوق قدمت صورة من الوصل والبطاقة وصورة منها للمجند اللي كان واقف وخد الورق من الناس اللي كانت موجودة واستنينا حوالي ساعة عشان ونصف عشان ناخد ورقتين هما صورة الحكم وورقة تانية ودفعنا 30 جنيه
بسبب التأخير قررت ان اروح الهايكستب تاني يوم
ولما روحت الهايكستب توجهت لشباك 9 ( نفس الشباك اللي قدمت فيه الورق اول مرة خالص) وادتله صورة اعلان المحاكمة والورقتين اللي خدتهم من النيابة
هايخدهم المجند منك ويختم ورقة الحكم وهايقولك روح اشتري كراسة 6 جند من شباك النماذج وهي بـ 22 جنيه
والكراسة عبارة عن ورقة صفراء وملف صغير
بتملي الجزء الاولاني من الورقة الصفراء فقط وبتقدمهم الي جانب صورة البطاقة لشباك 2 هايخدهم منك الظابط اللي واقف ع الشباك وبيتاكد منهم وهايقولك روح استريح تحت المظلة عشان تستلم الشهادة
الحمد لله مش استنيت كتير تحت المظلة
تقريبا ساعة ونص او ساعتين بس واستلمت الشهادة

 


تجربتى الشخصية لانهاء اجراءات التخلف من التجنيد بعدما تعديت سن 30 سنة


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.