أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


25-07-2016, 11:43 AM
عابد الرحمن غير متصل
عضو جديد
رقم العضوية: 803622
تاريخ التسجيل: Jul 2016
المشاركات: 3
إعجاب: 0
تلقى 4 إعجاب على 2 مشاركة
تلقى دعوات الى: 0 موضوع
    #1  

انهاء اجراءات التخلف عن التجنيد تجربه طازة 2016



انهاء اجراءات التخلف التجنيد تجربه

الحمد لله وحدة والصلاه والسلام على سيدنا محمد وبعد

احب اشكر الاستاذ جمال شكرا عميقا والاخ امير زينهم وكل الاخوة اللى شرحوا فى موضوعاتهم موضوع التخلف عن التجنيد ابدا واقول انى مواليد الشرقيه ومقيم بالجيزة منذ سنين عديدة وكنت فى جامعه فى الزقازيق واستنفذت مرات الرسوب من 2005 وسحبت ملفى وعشت حياتى ولما قررت اخلص التخلف وادفع الغرامه كنت قلقان جدا وبحثت على النت فلقيت هذا المنتدى المحترم وقرات للاستاذ جمال وباقى الاعضاء فتشجعت وقررات اعمل اجراءات التخلف واتوكل على الله نبدا الموضوع

عندى 30 سنه وسبع شهور حاليا واقامتى جيزة وكنت تايه المهم اتصلت بارقام التحنيد قالو لى قولا واحد تروح منطقه تجنيد الزقازيق (( مش عارف حسيت وقتها حد دلق على جردل ميه )) مشوار بعيد

المهم روحت عملت فيش وقولت للاخ اللى هناك اعمله لمنطقه تجنيد الزقازيق وعملت الفيش يوم 10/7/2016

وبناء على ماقرات جهزت كل الورق اللى يخصنى وخدت معاه خمس نسخ صوره البطاقه والاصل والفيش الاصل وخمس صور

وشهادة ميلادى وخمس صور وحتى قسيمه جوازى واصل الثانويه العامه وصور له (( اتضح فيما بعد انى مش احتجتهم ))

المهم وانا بقلب فى ملفى اللى سحبته من الجامعه بعد الرفد ورقه الست جند وقتها وبناء على ما كنت قراته حسيت بفرحه اللى خد فيزا لاوروبا بدون عودة المهم صورتها وخدت الجميع فى ملف حلو كدا وخمسه صباحا يوم الخميس الموافق يوم 14/7/2016 وروحت مسافر للزقازيق وروحت على منطقه التجنيد عموما هى معروفه لكن لو هتركب فتركب من وقف السلام بيجو للزقازيق مباشره الاجره بعشره جنيه وتقوله نزلنى عند التجنيد قبل ما تطلع الكوبرى
الطريق مرتاح ساعه وربع هينزلك هتمشى من جمب الكوبرى خمس دقايق لحد ما تلاقى شارع عاليمين كبير وعلى ناصيته عربيات اجره وتكاتك ممكن تخلى توك توك بخمسه جنيه يوصلك او تتمشاها بكتير عشر دقايق

المهم روحت ووصلت على الساعه سبعه ونص صباحا لقيت بوابتين وبينهم شباك سالت العسكرى انا متخلف ادخل فى اى واحد قال الاول سلم موبايلك وصوره باقه لك فى الشباك دا اللى بين البوابتين وادخل من البوابه دى(( اللى هى اول واحدة ))

اول لما دخلت قالى عسكرى نعم قولت له عاوز انهى اجراءات تخلفى قالى روح عند الراجل دا اختم الفيش الاول لقيت واحد مدنى قاعد على ترابيزة صغيره كدا ختم الفيش وقالى امشى على طول هتلاقى مبنى اسمه مبنى خدمة المواطنين ودا اول لما تدخل من البوابه هتتفتش تانى وهتعدى على بوابه اليكترونيه وهيفتشك عساكر هتدخل وتمشى على طول لحد ما تلاقى مبنى فى وشك سيبك منه وخد شمال فى يمين مباشره هتلاقيه مبنى جديد وكبير ونضيف ومنظم اه نسيت اقول ان لما الراجل ختم لى الفيش قالى روح على مبنى خدمات المواطنين شباك رقم ((7 ))

وصلت المبنى ومعى كل الاوراق دخلت لقيت عسكرى واقف بيدى ارقام كدا بالدور زى اللى فالبنك الملاحظة ان الناس قليله جدا والجو رايق خدت دورى وقعدت مفيش دقيقتين الموظف جه وقعد فى مكانه على شباك رقم سبعه روحت له وقولت له عاوز اخلص اجراءات التخلف طلب الفيش والمؤهل الصور وصوره بطاقه والسته جند قالى لازم تجيب لى الورقه اللى لما استنفذت وسحبت ملفك ادوهالك لان فيها رقم عاوزة قولت له يهديك يرضيك انا جاى من الجيزة قالى مينفعش طيب انا معى كل الاوراق ومعى شهادة ميلاد كمبيوتر قالى مش محتاجها طالما معك الست جند مش محتاج شهادة الميلاد هات لى الورقه اللى خدتها من الجامعه لما اترفدت وتعالى

طلعت وخدت موبايلى وقفايا يقمر عيش وركبت ورجعت للجيزة من حسن الحظ ان دايما بحتفظ بكل حاجة رجعت البيت جرى ودورت على الورقه لقيت فعلا انى لما طلبت سجب ملفى بعد استنفاذ الرسوب وفصلى ادونى ورقه فيها ارقام وفيها شويه كلام ومختومه المهم خدت الورقه وتحمست انى اروح تانى وبالفعل روحت يوم السبت اللى بعد الخميس الى هو كان موافق يوم

16/7 الحالى وروحت ومريت بنفس الطرق تفتيش وتسليم الموبايل عالبوابه

الراجل اللى قاعد بيختم الفيش قولت له ختمتلى اول امبارح قالى روح للمبنى

روحت للمبنى وانتظرت نفس الموظف فى شباك رقم 7 الساعه تمانيه بالزبط لقيته جه قولت له اتفضل الورقه طلب منى اصور الورقه دى صورتين

وخد الاتى

صوره من الورقه اللى الجامعه ادتهالى لما استفذت وسحبت ملفى

وصورتين من بطاقتى وصوره من ورقه ال ست جند

وحطعهم مع شويه ورق قدامه وقعد يملى فيهم ودبسهم وقالى تعالى لى زى النهاردا يعنى يوم السبت الجاى قولت له طيب مفيش وصل ولا حاجة قالى لا تعالى السبت الجاى فمشيت وروحت

روحت يوم السبت الماضى اللى هو كان موافق 23/ يوليو وفوجئت نعم فوجئت انها اجازة بمناسبه ثوره يوليو العظيمه الحلوة ام عيون جريئه اسال عسكرى حراسه قالى اجازة تعالى بكره عصرت لمونه على نافوخى فى الحر وركبت وروحت

روحت تانى تانى يوم اللى هو 24/7 اللى هو امبارح يوم الاحد

لقيت حوالى عشره وانا معهم بنخلص نفس الورق جه الموظف طلب بطايقنا ودور فى ملفات قدامه كل لما يطلع ملف ينده على صاحبه المهم ندة اسمى وادانى خمس ست ورقات مدبسين فى بعض وقالى شايف المبنى اللى جمبنا قولت له اه قالى اطلع الدور التانى واسال على الاستاذ فلان وخليه يختمهملك وارجعلى قولت حاضر

طلعت وروحت على اوضه كدا مكتوب عليها مش فاكر ايه الالى السجل الالى ممكن وفيها الاستاذ خد الورق وبحث على الكمبيوتر شويه وبعدين لطع لى الختم المبارك وقالى ارجع للمكان اللى كنت فيه

روحت للاستاذ تانى على شباك رقم سبعه انا ومعى شويه ناس يجو عشره او اقل قالى روح لنفس المبنى الدور الارضى واشترى دوسيه تخلف من شباك رقم 12

روحت انتظمت فى الدور العسكرى لما وصلت له قولت له عاوز دوسيه تخلف مسالنيش على السن انما طلب البطاقه وبعد ما ضرب عالكمبيوتر قالى الملف ب 65 جنيه ونص

اشتريت الملف وروحت عالراجل تانى بتاع شباك رقم سبعه حط الاوراق كلها فى الدوسيه دا ماعدا ورقه كانت من ضمن اوراقى ومش من اوراقى يعنى مش بطاقه او صوره للفيش لالا زى ورقه فيها رسوم مثلا قسيمه حاجة مثلا معرفش سحبها من ملفى انا وكل الناس وخدها وادانى ملفى بعد ما حط فيه الفيش وباقى الاوراق

وقالى اطلع كانك خارج لبرا واسال اى عسكرى على مكتب التحقيقات وروحله قولت له يعىن اروحله وارجعلك قالى لا روحله وشوف هو هيقولك ايه
7
طلعنا انا والناس اللى معى سالنا عسكرى شاور لنا على مبنى وطلعنا الدور التانى عند مكتب التحقيقات فيه شويه عساكر وتلات رجال لابسين مدنى موظفين وقفنا سحب ملفاتنا وقالنا ارتاحوا برا هنندة على الاسماء بعدها نده وقال عاوز دوسيه ابيض بيتباع برا باتنين جنيه واحد مشكورا راح جاب لنا كلنا من الناس الى كانت معى اديناله وخرج خارج الاسوار اشترى ورجع

انتظرنا حوالى نصف ساعه بدا يندة على الاسم كل واحد ينده على اسمه ويدخل يبصمه ويخرج المهم دخلت لما نده اسمى

وقاعد يملى مع نفسه بيانات معرفش ايه هى ويشخبط المهم قالى هاد ايدك بصمنى كذا بصمه وبعدين قطع ورقه وبصمنى عليها

وادهالى وقالى تروح يوم الخميس الجاى على المحكمة يوم 28/7 الجاى وفى جيبك خمس الالاف ومش تتاخر عن الساعه تمانيه

بصيت فى الورقه اللى ادهالى لقيت ان الاخ دا ادانى اعلان عن موعد المحاكمه وخلافه

مكتوب فيها فوق منطقه تجنيد وتعبئه الزقازيق
فرع القضاء والشؤن القانونيه
وملى شويه بيانات فيها المهم ان مكتوب فيها الاتى

تقرر انعقاد جلسه محاكمه يوم الخميس الموافق 28/ 7 عام 2016 الساعه التاسعه صباحا فى محكمه الزقازيق العسكريه الكائن بتل بسطة وتحت توقيع المعلن والامضاء والبصمه اللى بصمتها وادانى الاعلان خدته وروحت

وبعد يومين هيحل يوم الخميس هاروح المحاكمه وان شاء الله ابلغكم باللى حصل

حبا وعرفانا انى استفدت من تجارب الاخرين وموضوعات الاستاذ جمال سجلت مخصوص ودخلت كتبت تجربنى لربما تفيد من بعدى لان كم القلق اللى كنت فيه وقتها وكم الاطمئنان لما قريت واتشجعت يجعلنى اكيد اشعر بمن يفكر فى انهاء موقفه مثلى

عموما بعد ما اخلص المحاكمه يوم الخميس الجاى 28/7/2016

هادخل اشرح واحكى ما تم معى

ملاحظة : لا داعى للخوف اطلاقا لمن يريد انهاء الاجراءات التعامل محترم جدا وادمى

دعواتكم جميعا تعدى المحاكمه على خير وان شاء الله ابلغكم بما سوف يجد فى نفس الموضوع






المواضيع المشابهه
الموضوع كاتب الموضوع المنتدى مشاركات آخر مشاركة
بالتفصيل الممل انهاء المعاملات الخاصه بسن الامتناع والتخلف عن التجنيد تجربه شخصيه المنصوره Mohamad355 مُسْتَشارُكَ القّانُونيْ 4 25-05-2017 11:06 AM
اخواني: نرجو مشاركتكم بتجارب فعلية لمن انهي اجراءات التخلف عن التجنيد بعد سن 30 Mahmoud Morsy مُسْتَشارُكَ القّانُونيْ 9 13-02-2015 12:54 AM
مساعده ضرورى فى انهاء اجراءات التخلف عن التجنيد soliman ibarahim مُسْتَشارُكَ القّانُونيْ 10 23-12-2014 04:51 PM
هل اجراءات انهاء الموقف التجنيدي تحتاج الي محامي ادم الجندي مُسْتَشارُكَ القّانُونيْ 6 24-02-2012 02:42 PM
ممكن اكتب الكتاب قبل انهاء اجراءات طلاق الزوجة الاولى ؟ shoshya مُسْتَشارُكَ القّانُونيْ 3 25-06-2011 12:19 AM

25-07-2016, 11:53 AM
عابد الرحمن غير متصل
عضو جديد
رقم العضوية: 803622
تاريخ التسجيل: Jul 2016
المشاركات: 3
إعجاب: 0
تلقى 4 إعجاب على 2 مشاركة
تلقى دعوات الى: 0 موضوع
    #2  
اعتذر عن الاخطاء الاملائيه الكيبورد فيه مشكله ومفيش خاصيه تعديل الموضوعات

ملحوظة نسيتها لما روحنا مكتب التحقيقات الراجل اللى هناك اللى بصمنا راجع ملفى وطلب الورقه اللى الجامعه ادتهالى طلب الاصل مش الصوره وحطها مع الاوراق وطلب صور من البطاقه اديته قالى لا روح صور من العسكرى وهو هيفهم روحت للعسكرى صوره صورتين بطاقة هو خلى وش البطاقه وضهرها فى نفس الصفحه جمب بعضهم

25-07-2016, 10:59 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,947
إعجاب: 1,042
تلقى 429 إعجاب على 67 مشاركة
تلقى دعوات الى: 1285 موضوع
    #3  


كل الشكر يا غالى على اهتمامك بإخوانك في المنتدى
وتجربتك الواقعية التى ستزيد من عزم كل من كان وما زال
مترددا في انهاء موقفه التجنيدى ليشم رائحة الحرية !!!!!

ومنتظرين لك البراءة والشهادة والحكم ان شاء الله


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

28-07-2016, 08:41 PM
عابد الرحمن غير متصل
عضو جديد
رقم العضوية: 803622
تاريخ التسجيل: Jul 2016
المشاركات: 3
إعجاب: 0
تلقى 4 إعجاب على 2 مشاركة
تلقى دعوات الى: 0 موضوع
    #4  

كل الشكر لحضرتك استاذ جمال
كما ذكرت سابقا ان اليوم كانت محاكمتى نبدا بالتفاصيل

ذهبت للمحكمه العسكرية بالزقازيق وهى قصاد الجنيد الساعه تمانية صباحا ولقيت حوالى خمسين واحد متخلف البوابة فتحت الساعه تسعه والعسكرى لم بطايقنا ودخلنا المحكمه الساعه عشرة بالضبط دخل القاضى معلق نسر ونجمتين بدا شخص سلس فارتحنا قليلا من القلق وكان جو المحكمه مش مشدود وكام القاضى مرح احيانا ومبتسم نادى الاسماء وسال الكل سؤال واحد مجتش لية وكل واحد قال عذره واحيانا كان بيسال بتشتغل اية ويقولة اقعد مكانك اقل غرامه حكم بيها ٣٥٠٠ لتلات اشخاص فقط من اصل خمسين وواحد حكم علية بست الالاف والباقى خمسة او اربعه لما جاء دورى روحت قدام المنصه سالنى اتخلفت لية وبشتغل اية محاولتش اكدب لانه من خلال تفاصيل الجلسة بان انه شخص واعى وفاهم. كويس
انا اخدت غرامه ٤٠٠٠ جنية وفى نهاية الجلسة ضحك معنا شوية وقام مشى العسكرى وقفنا صلين وقال اللى معه الغرامه يقف فى الصف اللى ممعوش هيتحز لحد ما يدفع واخدنا لمكام جمب المحكمه يخص الشرطه العسكرية وقعدنا ساعتين مش فاهمين مقعدينا لية لحد ما اخيرا جه العسكرى ومعه ورقه فيها الاسماء وقصاد كل اسم مبلغ غرامته اخدنا لمبنى جمب المكان ووقفنا طابور كل واحد يدفع ياخد اربع ايصالا ت. اتنين ابيض. بياخده العسكرى. واتنين اخضر بناخدهم وقالنا العسكرى بعد خمستاشر يوم تيجوا المحكمه ومعكم صورة شخصية بخلفية بيضاء والايصالات اللى معكم وصورتين منها وصورتين من البطاقة الشخصية ،، والحمد لله الى هنا انتهت الامور وعدينا اصعب خطوة المحكمه اللى اتضح مفيهاش حبس كلها غرامات والسن كما هو تلاتين سنه ويوم ،فالحمد لله الامور عدت على خير وكان موضوع بسيط وقاضى محترم وراعى الظروف بتعتنا

10-05-2017, 07:37 PM
عادل لطفي عيد غير متصل
عضو جديد
رقم العضوية: 953588
تاريخ التسجيل: May 2017
المشاركات: 1
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #5  

ايه اخر اخبار التخلف عن التجنيد

 


انهاء اجراءات التخلف عن التجنيد تجربه طازة 2016

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.