أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


05-07-2016, 07:14 PM
eng_ibrahim غير متصل
عضو جديد
رقم العضوية: 794067
تاريخ التسجيل: Jul 2016
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

انهاء اوراق تخلف تجنيد بعد سن الامتناع 30


اولا احب ان اضيف مشاركتى لكى يستفيد منها من هو مقبل على قضيه تخلف التجنيد وقد بدات الاجراءات وتقدمت للتجنيد بتاريخ14/4/2016 وكان موعد المحاكمه فى النيابه العسكريه 3/7/2016 اى بعد ثلاثه اشهر.
انا لم اتقدم للتجنيد لكونى حاصل على تاجيل دراسى حتى بلوغى سن 28 وبعدها يتم ايقاف القيد فى الكليه والمشكله ان ايقاف القيد ينتهى بالفصل لان السنوات التى يتم فيها ايقاف القيد تحسب سنوات رسوب
بدايه سن الامتناع هو ال 30 بالتمام وتوجهت الى منطقه التجنيد بالجيزه فى يوم عيد ميلادى والموظفين كانو فى غايه التعاون لكن العيب فى البطأ والروتين فى الاجراءات
الاوراق: القيد العائلى-شهاده الميلاد ظاهر فيها الرقم الثلاثى-بطاقه الرقم القومى ويجب الا تكون منتهيه-شهاده الجيش للاخ-وصوربطايق الاخ المعفى او الذى اتم التجنيد-الفيش الجنائى صوره المؤهل الدراسى وفى حالتى جواب ايقاف القيد او الفصل من الكليه واهم شئ بطاقه 6 جند واذا لم تكن موجوده تستخرج بدل فاقد لها فى منطقه التجنيد نفسها فلا داعى للقلق لكن اذا كان بطاقه 6 جند او 7 جند معاك هتوفر على نفسك- صورتين شخصيه......ويفضل انك تاخد معاك من كل الاوراق صورتين لان طابور التصوير صعب وممل.....وكمان اوراقك زى القيد العئلى والفيش تكون مستخرجه قبل ما تروح على طول مش من فتره طويله لان المعاد للمحاكمه حوالى ثلاثه شهور فممكن تنتهى ويخلوك تطلع الفيش او القيد من تانى وده حصل لناس كتير
فى البدايه توجهت لمنطقه التجنيد التابع ليها يوم 14/4/2016 اى فور بلوغى 30 عام سلمت الاوراق المطلوبه والمجند فى شباك كبار السن ادانى ايصال استلام بتاريخ بعدها باسبوع ولما حضرت سلمنى ملف تخلف التجنيد الخاص بى وفيه ورقه التحريات وهى ورقه ملهاش لازمه بصراحه وخطوه روتينيه وبعد كده بتروح لشباك القضاء العسكرى وحددلى المعاد للمحاكمه بعدها بشهرين
وفى النيابه العسكريه فى المعادى طريق الاوتستراد بيتم تجميعنا وترتيبنا بالارقام حسب رقم قضيه كل واحد واعمل حسابك انك هتضيع وقت كتير هناك وكان الكل هناك فى غايه الاحترام من المجندين لحد القاضى وكان القاضى بيسال اساله ثابته انت متقدمتش للتجنيد ليه؟معاك فلوس كام؟وبتشتغل ايه؟ والغالبيه كان بيكدب علشان يقلل مبلغ الغرامه المهم تقول عذر مقبول ومتكدبش لانه بيخمن انك بتكدب وفى واحد حصله كده وغرمه 10000 جنيه
من ناحيه الاحكام مفيش حبس للمتخلفين عن التجنيد مهما كانت حالتك الحكم بالغرامه الماليه فقط من 3500 الى 10000 جنيه
وفى يومى كان الغالبيه بياخد حكم من 3500 الى 5000 جنيه
والتخلف عن التجنيد على فكره هى انك لم تتقدم للتجنيد ابدا او اتقدمت واخدت لائق فى الكشف الطبى ووصلت انك تسمع الارجا لكن ملبستش لبس الجيش فتعمل سحب اجراءات بعد كده لورقك بعد وصولك ال 30
اهم حاجه متاخدش معاك محامى ملهاش اى لزوم لان وجوده لا يغنى عنك ومش هتستفيد اى حاجه غير زياده الغرامه عليك
وبعد الدفع واستلام الايصال بنرح تانى نستلم صوره الحكم بعدها بشهر او حسب المعاد اللي يحددوه فى النيابه وصوره الحكم ده اللى بتاخده لمنطقه التجنيد علشان تطلع بيه الشهاده فى نفس اليوم
الموضوع سهل وبسيط ولكن الروتين وطول الوقت هو المشكله الوحيده
اما بالنسبه لموضوع الكليه فانا طالب بكليه الهندسه السنه النهائيه وتم فصلى بعد ايقاف القيد لانى متقدمتش بموقفى من التجنيد لكن حتى بعد الفصل بسنه اتقدمت بتظلم لشؤن الطلاب ووكيل الكيل وبعد اكتر من التماس وتظلم تفهمو وحرصا على مستقبلى اعادو قيدى فى السنه المقبله
يعنى محدش يقلق من اى حاجه ما ضاع حق وراءه مطالب





المواضيع المشابهه
الموضوع كاتب الموضوع المنتدى مشاركات آخر مشاركة
بالتفصيل الممل انهاء المعاملات الخاصه بسن الامتناع والتخلف عن التجنيد تجربه شخصيه المنصوره Mohamad355 مُسْتَشارُكَ القّانُونيْ 4 25-05-2017 11:06 AM
هل يظهر حكم تخلف تجنيد في الفيش الجنائي؟ مصطفى هشام مُسْتَشارُكَ القّانُونيْ 1 20-04-2015 06:46 PM
شاب بلغ سن الامتناع وغير قادر على انهاء موقفه الرجاء المساعده mas0202 مُسْتَشارُكَ القّانُونيْ 5 21-06-2014 03:47 PM
تخلف تجنيد للدراسة مصطفى محمد الشبراوى عبد السلام مُسْتَشارُكَ القّانُونيْ 1 23-05-2014 02:39 AM
طباعة اوراق A3على اوراق 4A zakichanedz صيانة الكمبيوتر وحلول الحاسب الألي - هاردوير 1 08-10-2008 11:41 AM
05-07-2016, 07:18 PM
eng_ibrahim غير متصل
عضو جديد
رقم العضوية: 794067
تاريخ التسجيل: Jul 2016
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #2  
دى كمان تجربه الاخ محمد من المنصوره شارح اكتر وبرضه بتاريخ قريب

05-07-2016, 07:19 PM
eng_ibrahim غير متصل
عضو جديد
رقم العضوية: 794067
تاريخ التسجيل: Jul 2016
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
http://www.damasgate.com/vb/t389048/
ودى تجربه الاخ محمد من المنصوره انا نفسى استفدت منها وشارح بالتفصيل بتاريخ قريب

 


انهاء اوراق تخلف تجنيد بعد سن الامتناع 30

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.