أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > الفضائيات والستلايت


مواضيع مميزة  


آخر عشرة مواضيع المواضيع النشطة


26-01-2015, 12:29 AM
Mr.HaZeM غير متصل
مشرف منتدى الفضائيات والستلايت
رقم العضوية: 364278
تاريخ التسجيل: Feb 2011
الإقامة: مصر
المشاركات: 3,020
إعجاب: 362
تلقى 1,101 إعجاب على 294 مشاركة
تلقى دعوات الى: 1344 موضوع
مواضيع لم تعجبه: 5
تلقى عدم اعجاب واحد على مشاركة واحدة
    #1  

مشاكل كروت الستاليت فى سؤال وجواب


مشاكل الستاليت وجواب

مشاكل الستاليت وجواب



1- الكمبيوتر مش متعرف بكارت الدش خالص ؟

جرب انك تشيل الكارت و تركبه تانى و بعدين جرب انك تشيله من سلوت البى سى اى اللى متركب فيه وتركبه ف واحد تانى
كمان جرب انك تنضف السنون النحاسية للكارت باستخدام كحول و قطعة قماش نظيفة قبل ما تركبه


2- الكمبيوتر حاسس بالكارت بس مش بيتعرف ؟

جرب نفس الخطوات اللى فاتت ولو مانفعتش جرب انك تغير التعريف بإنك تجيب التعريف الاحدث من الانترنت وتحاول تعرف به الكارت


3- الكارت بيتعرف وكل حاجة بس مفيش اى برنامج بيشتغل ولما اجى اعمل اى حاجة يدينى رسالة خطأ فورا ؟

لأ ده عيب من تلاتة اما عيب تعريف وفى الحالة دى ياريت تشيل التعريف الحالى و تعرفه من الاول ولو مانفعش برضه جرب تغير التعريف او عيب دايركت اكس وهو انك بتستخدم نسخة قديمة من الدايركت اكس فيفضل الترقية للنسخة الاحدث وهى 9 والعيب التالت وهو برضه شايع جدا هو عيب ويندوز يعنى جرب تشيل ويندوز وتنزل ويندوز تانى وده ان شاء الله هيحل المشكلة


4- الكارت بيتعرف و الاشارة قوية على البروج بس مابيجيبش قنوات ؟

مبدأيا هطلب منك تستخدم برنامج تانى غير اللى بتستخدمه وليكن الـ AltDVB وجرب
والله لو اشتغل يبقى المشكلة عندك فى البرنامج الأول
ماشتغلش فبرضه هطلب منك انك تشيل جميع الكروت المتوصلة ف الكمبيوتر و تخاللى كارت الدش لوحده هو اللى متوصل و تجرب تعمل بحث عن القنوات وده بيتم مرة واحدة يعنى لو عمل بحث ركب الكروت تانى و مش هيعمل مشاكل تانى ان شاء الله
والله لو ماشتغلش ياريت تتأكد من التعريف و ان الكارت متعرف كويس ولو كدة هات النسخة الاحدث من التعريف بتاع الكارت ويفضل نسخة WDM مش BDA وده مايمنععش انك تجرب التعريفين للطوارئ يعنى
والله ماشتغلش جرب تغير نسخة الويندوز كلها بالدايركت اكس بتعريف كارت الشاشة بكله
والله لو ماشتغلش جرب كارت تانى عندك عالكمبيوتر و جرب كارتك على كمبيوتر تانى
والله لو ماشتغلش يبقى العيب من الكارت نفسه


5- الكارت بيشتغل و بيبحث عن القنوات عادى بس مفيش ولا قناة راضية تشتغل ؟

هنا بقى المشكلة اما فى الدايركت اكس ويفضل الترقية للدايركت اكس الاحدث او المشكلة فى الكوديكات الخاصة بالكارت فيفضل اعادة تنصيب الكوديكات مرة تانية بالكامل


6- لما اجى اشغل اى قناة بلاحظ ان الصورة كأنها مكسرة كدة وفيها تقطيع ؟

لو انت متأكد من امكانيات جهاز الكمبيوتر بتاعك انه قوى كفاية لتشغل الكارت يبقى العيب اما من البرنامج المستخدم جرب انك تغيره او العيب من الكوديكات جرب انك تسطبها تانى او العيب من الدايركت اكس برضه جرب انك ترقيه للاصدار الاحدث


7- بعض القنوات فيها تقطيع او ترحيل فى الصوت عن الصورة والباقى كويس جدا ؟

دى مشكلة فى النسخ القديمة لبعض البرامج زى البروج جرب انك تستخدم نسخة احدث من البرنامج او جرب برنامج تانى غيره


8- القنوات المفتوحة شغالة عادى بس فى تقطيع فى القنوات المشفرة ؟

هنا اما العيب من امكانيات جهاز الكمبيوتر لديك او العيب انك بتستخدم كذا بلاجن لفك التشفير جرب انك تستخدم بلاجن واحد لفك التشفير و يفضل انك تبقى عامل نسخة من البرنامج للقنوات الخاصة بالشيرنج و نسخة للقنوات الخاصة بالايميو مالم تكن بتستخدم AltDVB و مشغل خاصية تخصيص البلاجنز


9- القنوات بتشتغل عادى جدا بس لما اسجل منها اى حاجة الملف المتسجل بيبقى فيه تقطيع ؟

دى مشكلة بيتفرد بيها الماى ثييتر احيانا فجرب بس انك تغير البرنامج او تغير الكوديك اللى بستخدمه البرنامج فى العرض


10- عند فك تشفير القنوات الاجنبية على الهوتبيرد بعض القنوات بتتفك والباقى لأ ؟

طبعا ده معناه انك تحدث ملف السوفت كام عندك بأحدث نسخة كذلك ترقية بلاجنز فك التشفير و الاول موجود بالمشاركة المثبتة بقسم ملفات فك الشفرة و البلاجنز متاحة بنفس القسم


11- بلاحظ تقطيع فظيع عند فك التشفير عن طريق الشيرنج و خاصة الجيبوكس ؟

ده بيتوقف على جودة السيرفر اللى انت بتتعامل معاه فممكن يكون السيرفر ضعيف وفى الحالة دى فلازم يقطع و خاصة الجيبوكس لأنه حتى اللحظة غير متوافق بنسبة 100% مع كروت الستلايت بس بيتم التحايل على الوضع باستخدام الماى ثييتر او ال AltDVB و خاصة الاخير لأنه اقوى فى فك التشفير


12- عند تشغيل بعض القنوات على نايلسات مثل ART الرياضية و ديزنى الاحظ ان الصوت يكون باللغة الانجليزية ؟

هتلاقى فى كل برنامج طريقة لتغيير لغة الصوت فمثلا الماى ثييتر كليك يمين على القناة و اختر اللغة التى تريد وفى البروج هتلاقى سهم جنب مؤشر الصوت دوس عليه و اختر اللغة المطلوبة وفى AltDVB من معلومات القناة فى ربع الشاشة اسف اليمين اختر اللغة المطلوبة


13- لا تظهر عندى الترجمة مع قناة MGM على قمر يوتلسات W1 ؟

فقط غير البرنامج الى ماى ثييتر وستعمل الترجمة العربية ان شاء الله


14- يظهر عندى مربع صغير فى طرف الشاشة اعلى اليمين ؟

ده لأنك بتستخدم نسخة مجانية من كوديك Elecard جرب استخدام نسخة كاملة و ستجدها متاحة هنا بالمنتدى


15- لم يكن يزعجنى هذا المربع و لكنه يتحرك الان بعرض الشاشة بشكل مستفز ؟

الحل بسيط.....استخدم برضه نسخة كاملة من الكوديك


16- عند التسجيل باستخدام برنامج AltDVB الملفات المسجلة لا تفتح بأى برنامج ؟

هناك حل من اتنين اما استخدام برنامج بسيط لتحويل هذا الامتداد الى MPG وبالتبعية سوف يفتح عادى جدا
او تسطيب اى كوديك Bundle وليكن KLite مثلا وده هيخلى امتداد TS الخاص بالبرنامج بيشتغل فى الويندوز عادى جدا


17- بعد تحديث تعريف كارت التوينهان اصبح برنامج AltDVB لا يعمل ؟

تم التحديث لاصدار BDA الخاص بالكارت وهو غير مدعوم الان من قبل البرنامج فقط ارجع للتعريف الاقدم بعد حذف التعريف الجديد


18- عند تشغيل خاصية صورة داخل صورة فى AltDVB يختفى الصوت و يتوقف الكمبيوتر تقريبا ؟

اذا كنت متأكد من امكانيات جهازك انه قوى كفاية لتشغيل اكتر من شاشة فتأكد من ان الكوديكات المستخدمة فى كل شاشة عرض تختلف عن مثيلاتها يعنى خاللى كل شاشة (قناة) تستخدم كوديك غير التانيين عن طريق اختيار DS Config بكليك يمين على كل شاشة على حدا


19- عندتشغيل البروج تظهر رسالة Device Not Started ؟

من قائمة Settings اختر Device List و تأكد من اختيار نوع كارتك من القائمة


20- كل البرامج شغالة عادى ماعدا الماى ثييتر مش بيرضى يبحث عن اى قناة على اى قمر ؟

من قائمة البحث عن القنوات و عند اختيار القمر لأول مرة تأكد من اختيار نوع البث على هذا القمر وهل هو C Band ام KU Band و 99% من اقمارنا تعمل على ال KU Band وبالتالى لكل قمر اختر نوع البث من اسفل اليسار ثم اضغط Apply قبل البحث عن القنوات


21- عند اى محاولة لتشغيل البروج يعطينى رسالة خطأ و يغلق ؟

اولا لو كانت دى اول مرة تستخدم فيها البروج فممكن تكون انت بتستخدم نسخة ويندوز 98 على XP او العكس يعنى اتأكد من انك بتستخدم نسخة مناسبة للويندوز عندك ولو دى حصلت فجأة جرب تسطب نفس النسخة من البروج فى مكان تانى و تنقل عليها ملفات القنوات و البلاجنز نفسها ....ولو فضل العيب نفسه جرب تسطب نسخة تانية من البروج وانقل عليعليها بعد كدة القنوات و البلاجنز ....
ولو الموضوع حصل بعد ما نقلت بلاجن معين للبروج فممكن جدا يكون البلاجن غير متوافق مع البروج يبقى امسحه و خلاص






My Facebook
for any help




المواضيع المشابهه
الموضوع كاتب الموضوع المنتدى مشاركات آخر مشاركة
طريقه عمل نسخه dvb dream عملاق كروت الستاليت غير قابله للاتصال بالموقع الرسمي kingcrackers15 بوابة الهندسة العكسية 2 07-07-2015 02:55 PM
حد يرد عليا ضروري استفسار بخصوص برنامج العرض كروت الستاليت progdvb flafla كروت الستلايت 0 08-06-2015 09:52 PM
سؤال غبي وجواب أغبى أنس السداوي صور - طرائف - الغاز - مسابقات - تسالي - مرح - نكت - فوازير 18 19-07-2008 03:59 AM
الكاسبر سكاي 2007 (( سؤال وجواب + مشاكل وحلول )) alaqsa-a برامج الحماية 8 11-10-2007 12:28 AM
الإسلام سؤال وجواب .. موسوعة رائعة تضم أكثر من 7 ألاف سؤال وجواب في شتى علوم الدين .. rawhi 019 برامج 11 04-04-2007 10:24 AM

 


مشاكل كروت الستاليت فى سؤال وجواب


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.