أستغفر الله العظيم ,, اللهم لك الحمد



العودة   منتديات داماس > برامج الكمبيوتر والانترنت > صيانة الكمبيوتر وحلول الحاسب الألي - هاردوير


مواضيع مميزة  


آخر عشرة مواضيع المواضيع النشطة


13-01-2006, 02:04 PM
aziz123 غير متصل
عضو فعال
رقم العضوية: 573
تاريخ التسجيل: Jul 2003
المشاركات: 149
إعجاب: 2
تلقى 2 إعجاب على 2 مشاركة
تلقى دعوات الى: 0 موضوع
مواضيع لم تعجبه: 0
تلقى 0 عدم اعجاب على 0 مشاركة
    #1  

نصائح قبل ان تشتري الهارد دسك ؟


جزاك الله ألف خير
شرح رررررررائع جداااااا
بارك الله فيك
ننتظر الجزء الثاني

و جدت هذا الموضوع فى أحد المنتديات فقمت بنقله كما هو لتعم الفائدة


إيه اللى بتفكر فيه قبل ما تشتري هارد ديسك
أكيد السعة بتاعته ( كام جيجا ) وطبعا نوعه...
فيه حاجات تانية كتير مهمة جدا في مواصفات الهارد ديسك..
الكثيرين منا يغفل عنها .... وهي:

1-Buffer Memory

وتعنى الذاكرة المخبئة أوالمؤقتة ؛ تسرع قراءة البيانات من الهارد ديسك وفكرتها بكل بساطة إنها بتقرأ البيانات المخزنة على الهارد ديسك عند طلبها لأول مرة وحفظها بشكل مؤقت على شريحة الذاكرة والمثبتة على بوردة الهارد. يعنى لما تيجي تشغل برنامج أو لما تحتاج للبيانات دي تقوم الذاكرة بتزويدها للكمبيوتر بشكل سريع جدا وأسرع من انها تقرأها من القرص مباشرة بدون هذه الذاكرة المؤقتة. (فاهمين يا شباب؟؟) سعة هذه الذاكرة قد تكون 2 ميجا أو 8 ميجا أو 16 ميجا. وكلما ذادت السعة كلما كان ذلك أفضل وأسرع.

ودي صورة ليها :

نصائح تشتري الهارد

نصائح تشتري الهارد

2-RPM Revolutions Per Minute

يعنى عدد لفات القرص فى الدقيقة كلما زادت سرعة دوران الديسك أصبح الأداء أفضل وطبعا أسرع.
في أجهزة الكمبيوتر الشخصي الـ PC بتكون سرعتها:
5400RPM
7200RPM
10,000RPM
15000RPM


اما فى الكمبيوترات المحمولة (الاب توب) بتكون :
4200 RPM
5100 RPM
7200 RPM


نصائح تشتري الهارد

3-واجهة القرص

وفى منه نوعين
النوع الاول وهو :
PATA (اللى الكابل بتاعه عريض)

اما النوع الثانى وهو :
SATA وهو النوع الأحدث
والساتا يتوافر منه موديلان وهم
SATA 1
SATA 2


والـ SATA 1 سرعه نقل البيانات فيه 1.5gb/s
أما الـ SATA 2 فتبلغ سرعة نقل البيانات فيه 3gb/s (جيجا بت في الثانية)

ودي صورة للتوضيح

نصائح تشتري الهارد

الكابل إللى على اليمين هو الساتا والتاني هو الباتا (مش باتا بتاعنا يا شباب)

المكان اللى بيركب فيه كابل الساتا في المازربود

نصائح تشتري الهارد

زي ما حضراتكم شايفين في الصورة فيه أربع أماكن للساتا فى المازبورد اللى موجودة فى الصورة أسود ، أورانج ، أزرق ، أحمر .
ولازم تتأكد من وجود مكان للهارد الساتا في المازربود اللى عندك في حالة لو حبيت تشتري النوع ده.


نصائح تشتري الهارد

صورة للهارد الويسترن الساتا

نصائح تشتري الهارد

شايفين في الصورة إنه يختلف تماما عن شكل الهارد الباتا.
(الوصلة إللى على الشمال هي وصلة الباور ولو مش موجود عندك الوصلة دي ممكن بكل سهولة تركب وصلة الباور القديمة فى المكان اللى على اليمين)

ندخل دلوقتي على مواصفات الهارد ديسك الويسترن ديجيتال ...
وأنا اخترت الويسترن ديجتال لأنه من أشهر الأنواع إللى موجودة في مصر واللى عايز يعرف مواصفات أي نوع أخر يقولي.

قبل أن تشتري الهارد أنظر إلى موديله وتجده في المكان الموضح في الصورة التالي

نصائح تشتري الهارد

وإليكم دلالة هذه الحروف والأرقام

نصائح تشتري الهارد
Western Digital


WDx0ab

WD
هي إختصار لـ Western Digital

X
هي السعة التخزينية للقرص الصلب

0 (صفر)
تقوم شركة ويسترن ديجيتال بوضع صفر إضافي بعد السعة التخزينية مثلا WD1600 يعنى سعة الهارد 160 جيجا

a
حجم الذاكرة المؤقتة وعدد دورات أو لفات القرص فى الدقيقة حرف الـ a هيتبدل بأحد القيم التالية

B = 2MB 7200RPM
سعة الذاكرة 2 ميجا وعدد اللفات 7200 لفة في الدقيقة

J = 8MB 7200RPM
سعة الذاكرة 8 ميجا وعدد اللفات 7200 لفة في الدقيقة

K = 16MB 7200RPM
سعة الذاكرة 16 ميجا وعدد اللفات 7200 لفة في الدقيق

G = 8MB 10,000RPM
سعة الذاكرة 8 ميجا وعدد اللفات 10,000 لفة في الدقيقة


b
واجهة الهارد ديسك وهتتبدل بالقيم التالية

B = PATA الواجهة القديمة (الكابل العريض)

D = 1.5 gb/s SATA ساتا 1 بسرعة جيجا ونصف بت في الثانية
S = 3 gbps SATA ساتا 2 بسرعة 3 جيجا بت في الثانية

مثال

WD3200JB

نصائح تشتري الهارد

يعنى السعة 320 جيجا بايت
حجم الذاكرة المؤقتة J هو 8 ميجا بايت
وعدد اللفات 7200
وواجهة الهارد ديسك B باتا (الكابل العريض)


نصائح تشتري الهارد

بالنسبة للهاردات الماكستور

على فكرة شركة سيجيت إشترت شركة ماكستور ...وحتى الأن مازالت الهاردات تنزل إلى الأسواق تحت إسم ماكستور ..
بالمناسبة بردو (حاجة ملهاش علاقة بالموضوع) شركة AMD إشترت شركة ATI عملاق صناعة كروت الشاشة بـ 5.5 مليار دولار


Maxtor

xayb0


xa
خاصة بسلسلة موديلات الماكستور
وتستبدل بالقيم التالية


6Y
DiamondMax(DM) Plus 9
6B
DM10
6L
DM10 RoHS compliant version
7B
MaxLine(ML)III
7L
MLIII RoHS compliant
4R
DM16
2F
Fireball 3
6E
DM Plus 8
5A
ML II
7Y
ML Plus II



Y

هي مساحة القرص الصلب ..
في الأقراص التى تقل مساحتها عن 100 جيجا يتم وضع صفر قبل حجمها..
مثال الهارد الـ 80 يكتب هكذا 080 والـ 300 يكتب كما هو 300


B


هو حجم الذاكرة المؤقتة
0
ويستبدل بما يلي

J
2MB PATA with ball-bearing motor
L
2MB PATA with fluid dynamic bearing (FDB) motor
P
8MB PATA
R
16MB PATA
M
8MB SATA
S
16MB SATA


مثال

Maxtor 6Y200P0

السعة التخزينية 200GB
واجهة القرص وعدد اللفات في الدقيقة 7200RPM PATA
حجم الذاكرة المؤقتة 8MB
من سلـسلـة DiamondMax Plus 9

صورة توضيحية

نصائح تشتري الهارد


نصائح تشتري الهارد

بالنسبة للهاردات السيجيت

Seagate

ST3xya


ST
اختصار لـ Seagate

3x
تعنى أن مقاس الهارد هو 3.5 بوصة (مثل جميع أنواع هاردات الكمبيوتر الشخصي)

y
السعة التخزينية للقرص وتقاس بالميجابايت

a
واجهة القرص
A
PATA
AS
SATA


مثال

ST3120026AS

هارد سيجبت مقاس 3.5 بوصة – السعة التخزينية 120 جيجابايت – ساتا

صورة توضيحية

نصائح تشتري الهارد


أتمنى أن تكونوا قد إستفدتم من هذا الموضوع






المواضيع المشابهه
الموضوع كاتب الموضوع المنتدى مشاركات آخر مشاركة
قبل ما تشتري اي برنامج zmzmy برمجيات وبرامج الكمبيوتر والانترنت والسيديات 0 28-03-2015 04:57 PM
بتفكر تشتري لاب توب او مينى لاب توب ؟ ام عمر سعد الكمبيوترات واللابتوب والطابعات والجوالات والاجهزة اللوحية وتوابعهم 4 12-10-2014 08:40 AM
لو عايز تشترى لاب توب newhulkhuithem الكمبيوترات واللابتوب والطابعات والجوالات والاجهزة اللوحية وتوابعهم 4 10-08-2010 12:15 AM
مصر تشتري 24 مقاتلة إف 16 عمار البرنس المنتدى العام 9 04-01-2010 11:46 PM
قبل ان تشترى لاب توب يجب الدخول هنا اسعار الزهب أرشيف المواضيع المخالفة والمحذوفات 0 25-04-2009 11:56 AM

 


نصائح قبل ان تشتري الهارد دسك ؟


Powered by vBulletin® Version
Copyright ©2000 - 2016, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.