أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


19-10-2013, 09:49 PM
w1gih غير متصل
عضو فعال
رقم العضوية: 421659
تاريخ التسجيل: May 2013
المشاركات: 144
إعجاب: 26
تلقى 11 إعجاب على 10 مشاركة
تلقى دعوات الى: 0 موضوع
    #1  

احنا قولنا معاكو حق



قالو:دا الجيش راح يصون ديمقراطية
مش طامع في أي حاجة
غير يحافظ على البلد دي م الجماعة الإرهابية
اللي واخدة ديمقراطية حجة ليها
لاجل ما توصل لسلطة
احنا قولنا معاكو حق
....................
قام وزير الداخلية
حقق الأمن ف ثواني
واما (نخنوخ) رن رنة
قاله:لأه عيب يانخنخ
شوف شهامته شوف رجولته
شوف مبادئه الوطنية
احنا قولنا معاكو حق
...............................
لما جابورئيس مؤقت
قالو:قاضي
يفهم القانون ويعرف حقي حقك
مش تكية
قوم لقينا القاضي فاضي
والبلد سايقها (سيسي)
احنا قولنا معاكو حق
................................
رحنا نهتف حكم عسكر تاني لأ
قالو:دي قلة قليلة
مش هتفسد فرحة النصر ف بلدنا
وعشان قلة قليلة
راحو سَكُّو الميادين
وقَّفُو القُطُرات عشانهم
كل شارع فيه كمين
أصل دول قلة قليلة
إحنا قولنا معاكو حق
..........................
لما مرسي حب يتحمل مشاكله
راح معين المحافظين من دماغه:
كل فاسد اعزلوه
قالو:لأه إنت بتأخون بلدنا ؟
لما (سيسي) عسكر الدنيا بمزاجه
قالو: لازم يحكم القبضة القوية
أمال انت عاوزها فوضى ؟
إحنا قولنا معاكو حق
...............................
لما قولنالهم دا إعلامكم مسيَّس
قالو: لأه دي حقايق
قام طلع (سيسي) وقالك : لينا ف الإعلام دراع
قالو: ماشي حقه يابا عشان يحافظ ع الرعاع
إحنا قولنا معاكو حق
...............................
قالو: دستورنا ده لازم يتغسل م الأخونة
يبقى بيعبر عن الشعب بفئاته انتا وانا
كله بيشارك برأيه
قامو جابو لجنة فيها الفن مهنة
مرة قالو: (المبتدأ) ده (مضاف إليه)
مرة تانية سمعت لفظ ( مخزوقينا)
قالو: مصطلحات حديثة م الدساتير العظيمة
إحنا قولنا معاكو حق
..............................
يكفي إني مفيش تدخل م الحكومة
قام طالع سيسي وقالك : لازم اتحصن بمادة
قالو : حقه
دا الراجل حاطط رقبته لينا فدية
إحنا قولنا معاكو حق
.........................
عهد مرسي كانت الأسعار زيادة
قالو : فين العدل؟ لازم مرسي يمشي م الرئاسة
عهد (سيسي) وِلْعِت الأسعار وكله في سعادة
قالو : إيه ذنب البيادة ؟ !!
إحنا قولنا معاكو حق
....................................
قالو سد النهضة يمنع عنا نشرب مية يابا
انتو ضيعتوا البلد يامرسي يا إخوان ديابة
مش هنشرب مية تاني راح نموت
لما (سيسي) جالنا قالك : رح يهدو بالريموت
فلقينا وزير مياهنا قال : نشارك في بناؤه ونستفيد
إحنا قولنا معاكو حق
عيد عبيد





المواضيع المشابهه
الموضوع كاتب الموضوع المنتدى مشاركات آخر مشاركة
قولوا وداعا للزخارف Amin Ibraheem خطوط عربية - خطوط فوتوشوب - برنامج الكلك 6 28-02-2016 03:08 PM
قولوا آمين عمر ابو الليل المنتدى العام 2 26-07-2013 11:19 AM
تصميمم ..::: ونحب ان يعلم قومنا :::.. kmal2 خلفيات فوتوشوب - فريمات وزخارف للفوتوشوب GFX 2 24-05-2010 03:01 AM
قولوا حصريا..و بلا فخر CSI_ETABS_V9.0 semo1 التطبيقات الهندسية 39 10-11-2006 03:21 PM
احنا وهما Developer المنتدى العام 5 17-10-2006 01:08 PM
 


احنا قولنا معاكو حق

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.