أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى الاسلامي


مواضيع مميزة  


آخر عشرة مواضيع المواضيع النشطة


30-09-2013, 01:53 PM
أبو الدحداح غير متصل
الوسـام الماسـي
رقم العضوية: 401962
تاريخ التسجيل: May 2012
الإقامة: مصر - شمال سيناء
المشاركات: 3,380
إعجاب: 777
تلقى 142 إعجاب على 48 مشاركة
تلقى دعوات الى: 395 موضوع
    #1  

الشيخ روميو والأخت جولييت


الشيخ روميو والأخت جولييت

ده إن شاء الله هيكون حوار صريح

لأنه منتشر .. وبتفشي في الإخوة أصحاب اللحى النتيته (اللي هم يعني بيقعدوا علي النت) .. والأخوات المنتقبات .

أيه هو الموضوع أنا أقولكم ..

هو الحب عبر الإنتر نت بين الشيخ روميو .. والأخت جوليت

ومفيش حد يقول الواد أبو عمر ده بيستهبل
.. وبيكتب كلام مش موجود .
. لا يا أخي الفاضل ..
أنا أكاد أجزم أن هذا الموضوع منتشر وبتفشي وبنسبة كبيرة جدا ..

وانا عملت إحصائيه مع الاخوة النتيته اللي أعرفهم علي المسنجر ( يعني مش مع عشرة ولا عشرين .. عملت علي عينه كبيره لا أخوكم تقريبا عنده ما يفوق ألف إيميل .. وأعرفهم كلهم تقريبا والسواد ألأعظم منه ملتحي الشيخ روميو والأخت جولييتالشيخ روميو والأخت جولييت )

المهم


طريقة التعارف بتختلف

شوفو أنا عاوزكم يكون عندكم صبر وتقرأوا للأخر

أولا
=
واحد ملتزم إتعرف علي واحده غير ملتزمة ...
وعمل معاها مجهود جبار لغاية أما أنتقبت وبقت علي المنهج ....
وطبعا عز عليه إنه هو يكون السبب في هدايتها وتروح لغيره علي الجاهز ..
فيجي شوشو .. (أنت ياض عبيط .. تصلح ويجي واحد يشوط علي الجاهز !! .. لا المفروض أنت أحق واحد بيها) طبعا يكلمها ويقولها أنا حبيتك وعاوز أتقدم لك ... لكن أنا الوقتي طالب أو أني غير جاهز أو إنه جاهز . أو أو أو
لو فرضنا أنه غير جاهز والبنت عوزاه ...
هيترتب علي ده قصة حب مراسونيه ممكن تستمر سنه اتنين تلاته .. وساعتها الشيخ أبو عمر .. يبقي كابتن لولو .. والأخت أم عمر هتبقي سوسو هانم .. واللحية هتبدأ هتطير والنقاب هيتبخر (طبعا إتلقبت بأم عمر لأن ده هيكون إسم إبنهم الأول اللي اتفقوا عليه -- علشان مفيش حد يقولي عرفت اسمها منين ثم أنا ضارب مثل بي الشيخ روميو والأخت جولييت ) .... ولو فرضنا أنهم بقو زي ما هم محترمين وطبعا الأخ كان بيستهبل والشيطان بيديله الأحاديث يستشهد بها علشان يقول للبنت ان كلامنا مع بعض صحيح ويجوز ولا غبار عليه ((بيضحك علي نفسه وبيصدق)) ... الشيطان بقي يقوله ((قال رسول الله صلي الله عليه وسلم " لم ير للمتحابين مثل النكاح " ...
المهم نتيجة الموضوع أيه

الأخ هيتقدم للأخت وهيترتب على كدا

1- هيرفضوه
2- هيوافقوا عليه

وطبعا في أثار ضارة جدا هتترتب علي الانقطتين

لو رفضوه
.. هيحصل مشكله نفسيه للإتنين .. لأنهم بيحبوا بعض
.. والواد لو أتجوز واحده تانيه .. مش هيحبها ..
وهيفضل فكره مشغول باللي أتعرف عليها علي النت
حتي لو مكنش شاف صورتها .. عقله هيصور له إنها كانت مدونا .. أو كيت ونسلت وملبسينها نقاب الشيخ روميو والأخت جولييتالشيخ روميو والأخت جولييت

لو وافقوا عليه
هيحصل مشاكل بينهم في الزواج ..
ليه هقولكم
الأخت كانت متصورة إنه هيكون واحد في شكل توم كروز .. وفي علم الشيخ الحويني .. وفي فصاحة الشيخ حسان .. هتنفجع أما تشوفه علي الحقيقه
(حتي لو فرضنا إنه وسيم زي كدا الشيخ روميو والأخت جولييت) ..
هتحس إنها غلطة العمر .. وكذلك الأخ ..
ثم إنهم فترة الحب اللي المفروض كانت تحصل بعد الزواج حصلت قبل الزواج
فهيبقي زواج فيه فتوووووووور وممل ورخم وثقيل . وهتبقي حياه مملة فحت الشيخ روميو والأخت جولييت

ثانيا
==

ممكن يحصل عن طريق المنتديات الإسلامية اللي فاتحه الرسائل ...
أه بيحصل وفيه ناس قالت لي كدا

واحد مثل بيقرأ لواحده علي طول موضوعتها وعلي طول بيعلق عليها .. وبعدين بعت لها رساله وقالها

أنا عاوز في أمر مهم جد لو ينفع أكلم حضرتك ممكن أبعت الإيميل .. لو مينفعش عادي مفيش مشكله .

شوشو يخش يحط بهراته ..

ونوصل إن البنت والولد إتكلموا علي المسنجر في الامر المهم

وبعد أما يخلص الامر يتعرفوا علي بعض

الأخ للأخت أنت والله ما شاء الله لكن أنت عارفه أنه لا يجوز كلامنا خلاص الضرورة أنتهت

الأخت أه فعلا جزاكم الله خيرا .. أنا أتشرفت بمعرفتك .

الأخ .. والله أنت ما شاء الله إنسانه محترمه جدا ما شاء الله ,, والواحد صعبان عليه والله ما عاد يكلمك

الأخت .. معلش مينفعش نتكلم األا في ضرورة

الأخ طيب حضرتك أنا مش همسح إيميلك يمكن أحتاجك في شئ هام تاني .

الأخت طيب ماشي لكنت في الضرورة بس


الأخ تاني يوم .. الشيخ روميو والأخت جولييت

الأخت وعليكم السلام ورحمة الله وبركاته

الأخ أنا عندي سؤال صغير بس

الأخت تفضل

الأخ حضرتك مخطوبة

الأخت لا

الأخ ربنا يرزقك الزوج الصالح أنت تستحقي كل خير ..

بقولكم أيه كملوا الحوار مش هيخفى عليكم الباقي هتنتحي بقصة حب موحوحه

----

أنا تعبت وطلع في صوابعي عضلات المهم عاوز أقول

كلمة واحده

عيب عليك ولحية النبي في وجهك تعمل كدا

وأقولها عيب عليك و حجاب أمهات المؤمنين بيسترك تعملي كدا

أنا أسف طولت

الشيخ روميو والأخت جولييت

كتبه أبو عمر القرشي الأثري
29-4-1431 هـ

( منقول للفائدة )






كلماتك أخلاق تظهر *** وكلامك عنوانك فانظر
في ذاتك كيف ستبديها***في أي مقام تجعلها

المواضيع المشابهه
الموضوع كاتب الموضوع المنتدى مشاركات آخر مشاركة
اول صور تجسسية للكروس اوفر من بريليانس بملامح ألفا روميو جوليتا professional25 عالم السيارات - سيارات سيدان - سيارات دفع رباعي - أحدث السيارات 1 07-11-2012 03:15 PM
اللغة والأدب الجغتائي الأويغوري osmankerim المنتدى العام 0 14-08-2010 02:15 AM
روميو في الاردن قصه حقيقيه100% قمرالشام صور - طرائف - الغاز - مسابقات - تسالي - مرح - نكت - فوازير 16 09-05-2010 01:42 PM
إلى مرتادي قسم الشعر والأدب همس السكون منتدى الشعر العربي والخواطر والنثر 5 19-08-2003 12:51 AM
30-09-2013, 04:34 PM
عمر ابو الليل غير متصل
الوسـام الذهبي
رقم العضوية: 355356
تاريخ التسجيل: Nov 2010
الإقامة: بلاد المسلمين
المشاركات: 2,307
إعجاب: 138
تلقى 508 إعجاب على 253 مشاركة
تلقى دعوات الى: 447 موضوع
    #2  
بارك الله في يا شيخ . وربنا يهديهم . بس اللي انته بتتكلم فيه يعتبر
شيء اهون بكتير من اللي سائر الايام دي مواقع الدردشه بقت كتييييييييير جدا
والياهو فاضله تكه ويجبلك اللي بتكلمه لحد البيت والماسنجر
اصبح اشرس من الفيس بوك ودخلنا في في زمن ال سكاي بي
وعلي الدنيا السلام



وإذا الصَّديقُ أسَى عليكَ بجهْلِهِ فاصفَحْ لأجلِ الودّ ليسَ لأجلِهِ ...
كمْ عالم ٍ مُتفضِّلٍ قدْ سَبَّهُ منْ لا يُساوي غُرْزَةً فِي نعلِهِ ...

30-09-2013, 05:17 PM
أبو الدحداح غير متصل
الوسـام الماسـي
رقم العضوية: 401962
تاريخ التسجيل: May 2012
الإقامة: مصر - شمال سيناء
المشاركات: 3,380
إعجاب: 777
تلقى 142 إعجاب على 48 مشاركة
تلقى دعوات الى: 395 موضوع
    #3  
المشاركة الأصلية كتبت بواسطة عمر ابو الليل 
بارك الله في يا شيخ . وربنا يهديهم .
بس اللي انته بتتكلم فيه يعتبر
شيء اهون بكتير من اللي سائر الايام دي مواقع الدردشه بقت كتييييييييير جدا
والياهو فاضله تكه ويجبلك اللي بتكلمه لحد البيت والماسنجر
اصبح اشرس من الفيس بوك ودخلنا في في زمن ال سكاي بي
وعلي الدنيا السلام

موقع الدردشة والياهو والماسنجر وغيره إلي داخل إلى هناد يدخل لهذا السبب يريد إفساد نفسه بصراحة
لكن من يدخل منتدى غالبا لا يفكر بهذا ثم فجأه يبدأ في الفساد شيئا فشيئا
الله المستعان
بارك الله فيك يا غالي
وجزاك خيرا

 


الشيخ روميو والأخت جولييت

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.