أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


16-08-2013, 07:57 AM
سمير عبد الله غير متصل
عضو جديد
رقم العضوية: 428238
تاريخ التسجيل: Aug 2013
المشاركات: 6
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

طلب رأى فى مسألة إنفصال و هناك اولاد و تعقيدات


أنا بعتذر اولا كون اول مشاركة لى معاكم شكوى و لكن لم يجبرنى على ذلك إلا الشديد القوى زى ما يقال

انا تزوجت من اربع سنين و رزقت بتوائم فى اول سنة و لما اصبح عند الولاد 9 شهور اكتشفت ان الزوجة مريضة نفسيا .... الكلام ده انا مكتشفتوش طول فترة الخطوبة و لا اول الزواج لأنى كنت ببرر لنفسى ان المشكال اللى حاصلة هيا عبارة عن سوء فهم مننا لبعض و بالتالى هتاخد شوية وقت على ما نطبع على بعض...اخدتها لدكتور امراض نفسية و عصبية و فضلت متابع معاه سنة كاملة بعالجها و فى اخر مدة العلاج تقريبا حملت تانى و اضطرت توقف العلاج و زادت المشاكل و فضلت مدة الحمل الأخيرة دى مش زوجة...لا بتطبخ و لا بتنام معايا فى سرير واحد و لا اى حاجة و مرتبطة بأمها ارتباط مرضى لدرجة انها قصرت فى حق اولادها تقصير الكل شهد بيه و حتى اهلها نفسهم شهدوا بكده...

قالت لى انها محتاجة تبقى مع اهلها فى ولادة البنت الأخيرة علشان يرعوها...انا الوحيد اللى كنت معاها فى الولادة و مجرد ما ولدت وصلتها بيت اهلها و انا مش حاسس بأى خيانة ممكن تحصل منها.

و الصراحة سيبتها على راحتها ما حاولتش حتى اسئل, كنت مديها فلوس معاها و انا اللى دافع مصاريف الولادة...

بعد اسبوع فوجئت بأهلها بيكلمونى بيقولوا لى تعالى خدها وديها للدكتور مش بتاكل و لا بتشرب و لا بتأكل البنت الصغيرة, رحت بيتهم لقيتها فعلا زى ما قالوا و مش راضية تروح فى اى مكان و حصلت مشكلة فى الليلة دى و روحت على امل انهم يحلوا الموقف.

لقيتهم بعدها بيقولوا لى هات لها شقة جنبنا و مصاريف ليها و للعيال و خليك بعيد لحد ما ربنا يحلها..قلت لهم حاضر مافيش مشكلة....

طلبوا مبلغ كبير و انا كده اتأكدت ان الموضوع وكله انهم باصين على والدى و انه معاه فلوس مش انا, فا سيبتهم يخبطوا دماغهم فى الحيط و قطعت المصاريف علشان اجبرهم يرجعوها بيتها و العيال...مافيش فايدة...رفعت قضية روؤية للصغار راح ابوها جايبى لى التوائم رماهم على عتبة الباب و مشى!

بعدها بدأوا يبعتوا لى فى ناس تتفاوض معايا على فلوس و بس!

رفضت و قلت لهم انا عايز بنتى الصغيرة كمان, قالوا لى ماهى هاتبعتهالك لما تبقى سنتين...بعدها هيا كلمتنى و قالت لى هابعت لك البنت....

و فعلا بعتوا البنت و عندها 3 شهور....دلوقتى الولاد معايا بقالهم من شهر 1 اللى فات و عملت محضر إثبات واقعة انها تركت منزل الزوجية و تركت صغارها.

ام العيال دلوقتى رفعت الأول قضية نفقة ليها و للعيال و رجعت رفعت قضية نفقة ليها و قضية نفقة للعيال و بعد كده قضية نفقة ليها و ضم حضانة العيال.

و العيال معايا اصلا بالشهود و بالمحضر و هما اللى رموهم مش انا خاطفهم.

انا سؤالى دلوقتى, رجوع مش هارجعها لأنى خايف منها على العيال...انا نسيت اقول انها كانت بتنتحر و بتموت العيال و هيا مش دارية بالدنيا و طبعا انا مش معايا حاجة تثبت ده غير روشتات الدكتور على مدار سنة كاملة, معملتش محضر بالواقعة.

عايز انفصل عنها بهدوء علشان اتابع حياتى من غير تعقيدات لأن سنى صغير و اكبر الولاد 3 سنين و البنت الصغيرة دلوقتى 9 شهور.

حاليا لا اعمل بشهادة الدنيا كلها لأنى قاعد بالعيال فى البيت و بتجيلى مصاريف من اهلى و قرايبى و حتى فى شغلى اللى مثبت فى التأمينات الراتب 600 جنيه و ماليش اى املاك, والدى مقعدنى فى شقة عنده لكن مافيش اى حاجة بأسمى و لا حتى عداد كهرباء او ماية.


اسف على الإطالة فعلا بس انا مضطر لكده لأن المحامى اللى معايا مش بيوضح لى كل حاجة و مافيش مرة اسئله إلا و يقولى احنا هانخسر إن شاء الله!

طيب بنعمل كل ده ليه؟ يقولى بنرازيهم يمكن يزهقوا!

اسف مرة تانية و محتاج فعلا رأى حضراتكم





المواضيع المشابهه
الموضوع كاتب الموضوع المنتدى مشاركات آخر مشاركة
منتدى اولاد نايل يرحب بكم khaled granada خدمات اشهار مواقع الانترنت والأرشفة وتحسين المواقع 3 12-08-2015 01:53 AM
تعقيدات في ترخيص محل تجاري !! hesham86 مُسْتَشارُكَ القّانُونيْ 4 04-05-2014 12:39 AM
ارث اولاد الابن المتوفي قبل الوالدين chemist55 مُسْتَشارُكَ القّانُونيْ 2 28-02-2014 11:12 PM
توفى اخى الاكبر دون اولاد او زوجة اكيد انت فى مصر مُسْتَشارُكَ القّانُونيْ 3 12-05-2010 11:48 PM
ويندوز أنا مسلمة xp sp3 أهديه إلى كل أخت مسلمة .. ولإخواني نصيب لا تنس ذكر الله ويندوز Windows XP 231 06-06-2009 02:12 AM
16-08-2013, 08:01 AM
سمير عبد الله غير متصل
عضو جديد
رقم العضوية: 428238
تاريخ التسجيل: Aug 2013
المشاركات: 6
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #2  
***إضافة***

سهوا نسيت ان اذكر ان المؤخر 20.000 و هناك قائمة منقولات لها ثمن إجاملى و بعضها مفصل بالنوع و الأخر مكتوب صنف فقط مثل "غرفة نوم"

طبعا هيا اخذت الذهب معاها و انا مكنتش لسه حاسس بالخيانة, قلت زى اى ست خايفة عليه و خلاص رغم ان محدش بيدخل بيتها من اهلى فعلا.

21-08-2013, 04:43 PM
سمير عبد الله غير متصل
عضو جديد
رقم العضوية: 428238
تاريخ التسجيل: Aug 2013
المشاركات: 6
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
طيب مر خمس ايام و لا رد و لا أستفسار...يا محدش من الافاضل عنده حل مبدئى يا الموضوع كله مش مستاهل الرد.

و الله ما جبرنى اكتب إلا الشديد القوى و انا مش طالب معونة من اى حد, انا جاى هنا اطلب الرأى و الشورى مش اكتر.

كتير دول و لا حاجة مثلا؟

مشكورين مقدما

21-08-2013, 06:04 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1333 موضوع
    #4  


أخى العزيز

كان الله فى عونك على هذه المسئولية الكبيرة ..
والأفضل لك أن تنتهى من هذا الزواج بالمعروف
عن طريق وسيط محترم من أهلك أو أهلها ...

وتتفقوا على أن تتنازل هم بعض الحقوق وتأخذ
بعض الحقوق وديا من غير محاكم ولا خلافه ...
وهذا أفضل لك أيضا لأن القوانيين المصرية
سيءة السمعة وهى فى صف المرأة هاة طول الخط ...


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

21-08-2013, 11:59 PM
سمير عبد الله غير متصل
عضو جديد
رقم العضوية: 428238
تاريخ التسجيل: Aug 2013
المشاركات: 6
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #5  
المشاركة الأصلية كتبت بواسطة gamal gamal 


أخى العزيز

كان الله فى عونك على هذه المسئولية الكبيرة ..
والأفضل لك أن تنتهى من هذا الزواج بالمعروف
عن طريق وسيط محترم من أهلك أو أهلها ...

وتتفقوا على أن تتنازل هم بعض الحقوق وتأخذ
بعض الحقوق وديا من غير محاكم ولا خلافه ...
وهذا أفضل لك أيضا لأن القوانيين المصرية
سيءة السمعة وهى فى صف المرأة هاة طول الخط ...

اولا انا شاكر لحضرتك الفضل و الرد و فعلا انا مش هاكذب انى سمعت النصيحة دى من كل الأفاضل لكن المشكلة اللى بتواجهنى فعلا انهم بيدوروا على الفلوس و بس و متمسكين بكل اللى ليها حتى المؤخر انا متفق معاهم من الأول انه دين و يعفونى منه و ام العيال و امها قالوا لى عهد امام الله و بعد كده نكثوا بعهدهم و حتى مسجل للبنت فى مكالمة ليها معايا بتقول بلسانها انا فعلا اتنازلت بس طالما فيه مشاكل يبقى ادفع!

و المشكلة التانية اللى بتواجهنى هيا انى معملتش قرد علشان اخد عيالى و بعد كده ارميهم لواحدة فاقدة الأهلية و مافيش حد من اهلها هايربى...امها بتموت...ابوها منفصل عن امها بس مش رسمى و كل المنطقة عارفة ده إلا انا للأسف...و اخواتها كل واحد فى حاله...يعنى لو راحوا هناك الله يتولاهم برحمته.

فا مش فاضل قدامى غير الصبر و محتاج دعاء حضرتك و كل اللى يمر على الموضوع ده.

شكر يا أستاذى الفاضل و ربنا يجعله فى ميزان حسناتك

 


طلب رأى فى مسألة إنفصال و هناك اولاد و تعقيدات

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.