أستغفر الله العظيم ... سبحان الله وبحمده



العودة   منتديات داماس > المنتديات العامة > الطبخ و إعداد المأكولات


مواضيع مميزة  


آخر عشرة مواضيع المواضيع النشطة


11-03-2013, 06:07 PM
وردة البستان غير متصل
عضو محترف
رقم العضوية: 412998
تاريخ التسجيل: Feb 2013
المشاركات: 481
إعجاب: 0
تلقى 186 إعجاب على 101 مشاركة
تلقى دعوات الى: 1 موضوع
    #1  

الرز المصري بالخلطة + فراخ (دجاج) مشوية


ازيكم يا بنات
اعترافاً مني بالجميل لأني والحمد لله اتعلمت اطبخ منكم وعلمتوني بجد حاجات كتير خاصة من قسم المعجنات
وعلمتوني ازاي احضر لعزومات
وعلمتوني أزاي انضف وارتب شقتي وابخرها وطبعا البخور ده حاجة مش منتشرة عندنا خالص بس اساسي عندكم وبأه اساسي عندي انا كمان
والكلام ده من يوم ما اتجوزت من ست سنين
يعني بتابع معاكم وبتعلم منكم
اتعلمت منكم حاجات كتير ومن المنتدى الجميل ده
وخليتوا جوزي فخور بأكلي وحلوياتي وترتيبي وتدبيري
الحمد لله
الف شكر ليكم بجد
ربنا يجازيكم خير يارب
أيه الرغي الكتير ده؟؟؟؟؟؟؟

انهاردة جيبالكم اكلة يارب تعجبكم
وهي مشهورة أوي عندنا في المناسبات والعزومات ولايمكن يكون فيه بوفيه من غير رز بالخلطة
والرز بالخلطة له طرق كتير
انا جربت منها شوية وال عجبتني طعمها اوي ولاقيتها مميزة بجد وطبعا عجبت جوزي ده اساسي
هي الطريقة دي
ودي صورته قبل لما ادخل على الطريقة



المقادير
معلقتين سكر
كوبايتين رز مصري
كوبايتين ميه او شوربة فراخ
مكعب ماجي
كبد وقوانص متقطعين
بصلة صغيرة مفرومة
ملح وفلفل وورق لورا و3 حبات قرنفل و1/2 معلقة صغيرة قرفة ناعمة
معلقة سمنة بلدي ومعلقة زيت علشان ما تبقاش تقيلة
معلقة صلصة طماطم
مكسرات مقلية في معلقة سمنة
فحمة صغيرة اختياري بس بتدي طعم جميل

الطريقة:
- نحط السكر على النار لحد ما يتكرمل خلي بالك لو اتحرق هيمرر ولو فضل فاتح هيخرز
- لما يتكرمل ننزل بالبصلة والكبد والقوانص المتقطعة والتوابل ومرقة الماجي
- بعدها نحط السمنة والزيت
( على فكرة السمنة البلدي بتدي ريحة تحفة للأكل وبإذن الله في مرة تانية هحطلكم طريقة عملها في البيت لل مش بيعرف يعملها)
- نقلب كويس لحد ما تدبل البصلة وتتشوح الكبد والقوانص

- نحط معلقة الصلصة ونقلب
- نحط الرز ونقلب تقليبتين كده

- نضيف الميه السخنة أو الشوربة
- لمايشرب ميته نحط شياطة الرز او الصاجة مش عارفة انتوا بتقولوا عليها ايه بس هي بتبأى صاجة تخينة فكرتها انها بتوزع الحرارة وبتخلي الرز يستوي براحته

- لما الرز يستوي نكون مولعين فحمة ونعمل حفرة في قلب الرز في الحلة ونحط ورقة الومنيوم على شكل فنجان ونحط فيها الفحمة المتولعة ونطفيها بمعلقة زيت ونقفل غطا الحلة 5 دقايق
- المكسرات ( انا استعملت لوز شرايح وسوداني وزبيب انتي استعملي المكسرات ال بتحبيها بس اساسي الزبيب وده بتحطيه في اخر التحمير علشان ما يتحرقش يادوب ثواني على النار يفشر بس وياخد طعم السمنة) أختياري تزيني بيها وش الرز أو تقلبيها مع الرز لما يتوي قبل ما تحطي الفحمة

انا جوزي بيحبها متقلبة عليها على الرز وده شكله في الآخر وانا زينته بوردات البطاطس ووردة طماطم

ندخل بأه على الفراخ المشوية في الفرن وده شكلها برده

مقاديرها
بصلة كبيرة
فصن ثوم
ملح وفلف وبهار لحمة
1/2 عصير ليمونة
معلقة خل
فصين حبهان( حب الهيل)
معلقة سمنة بلدي
الطريقة
- نتبل اللحمة بالتتبيلة دي كلها ماعدا السمنة ونحطها في التلاجة مش اقل من ساعتين انا بيتها في التلاجة

- تاني يوم ضيفت المية ومعلقة السمنة وعلى الفرن

- بس كده خلاص شوفتوا اسهل من كده

دي صور لوردات البطاطس المقلية علشان تزيني بيها اكلك



نمسكها بخلة سنان ونقليها في الزيت ولما تطلع نستنى تهدى ونشيل منها الخلة بحرص


ايه رأيكم بأه ؟؟؟ يارب اكون عرفت افيدكم زي ما استفدت منكم





المواضيع المشابهه
الموضوع كاتب الموضوع المنتدى مشاركات آخر مشاركة
طريقة عمل صدور دجاج مشوية وردة البستان الطبخ و إعداد المأكولات 3 27-09-2014 10:35 AM
صدور دجاج مشوية مع صلصة الطاطم شروق الامل الطبخ و إعداد المأكولات 6 10-08-2014 05:45 AM
دجاج هندي لذيذ - دجاج حلو حار عالطريقه الهنديه شروق الامل الطبخ و إعداد المأكولات 2 23-05-2013 04:27 PM
دبابيس دجاج مشوية فى الفرن khaled99 الطبخ و إعداد المأكولات 5 11-05-2012 02:47 AM
فليه بالخلطة السرية ommarime الطبخ و إعداد المأكولات 0 23-03-2010 05:44 AM
12-03-2013, 07:50 AM
Mr.HaZeM غير متصل
مشرف منتدى الفضائيات والستلايت
رقم العضوية: 364278
تاريخ التسجيل: Feb 2011
الإقامة: مصر
المشاركات: 3,109
إعجاب: 368
تلقى 1,178 إعجاب على 328 مشاركة
تلقى دعوات الى: 1844 موضوع
    #2  
وادى اكلة اتعلمتها
بدل ماشكلى وحش كدا مش عارف اطبخ اهوا اتعلملى حاجة

مرسى جدا على الطبخة دى
وفى انتظار جديدك



My Facebook
for any help




30-09-2014, 08:09 AM
Mahmoud Abdo غير متصل
الوسـام الماسـي
رقم العضوية: 475786
تاريخ التسجيل: Jun 2014
الإقامة: فَلَا تَغُرَّنَّكُمُ الْحَيَاةُ الدُّنْيَا
المشاركات: 2,668
إعجاب: 1,104
تلقى 763 إعجاب على 256 مشاركة
تلقى دعوات الى: 1741 موضوع
    #3  
بارك الله فيكي


رفعتُ كفّي نحو عطفك داعيًا وعلمتُ أنك لا تردّ دعائي

18-10-2014, 12:34 PM
اسلام فياض غير متصل
عضو جديد
رقم العضوية: 504037
تاريخ التسجيل: Oct 2014
المشاركات: 15
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #6  

شكرا شكرا شكرا شكرا شكرا شكرا


07-11-2014, 08:31 PM
khaled99 غير متصل
عضوية الشرف
رقم العضوية: 343614
تاريخ التسجيل: Aug 2010
الإقامة: مصر- المنيا - منشأة بدينى
المشاركات: 16,476
إعجاب: 3,609
تلقى 1,726 إعجاب على 624 مشاركة
تلقى دعوات الى: 1131 موضوع
    #7  
وصفة طيبة كتير يسلموا الأيادى


ادعوا لأخوانكم
فهم فى أمس الحاجة اليكم

 


الرز المصري بالخلطة + فراخ (دجاج) مشوية

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.