أستغفر الله العظيم ... سبحان الله وبحمده



العودة   منتديات داماس > المنتديات العامة > رياضة - أندية كرة القدم - بطولات دولية - بطولات عربية > قسم كمال الأجسام وبناء العضلات


مواضيع مميزة  


آخر عشرة مواضيع المواضيع النشطة


07-03-2013, 10:20 PM
وردة البستان غير متصل
عضو محترف
رقم العضوية: 412998
تاريخ التسجيل: Feb 2013
المشاركات: 481
إعجاب: 0
تلقى 186 إعجاب على 101 مشاركة
تلقى دعوات الى: 1 موضوع
    #1  

أشهر 5 اخطاء أثناء تمرين عضلة التراي


أشهر اخطاء أثناء تمرين عضلة

موضوع لذيذ وصغير حبيت نتشارك فيه مع بعض بعد ما اتسألت كتير عن سبب عدم قدرة التراي على الزيادة
الحقيقة ان في اخطار كتير مننا بيعملها او كان بيعملها اثناء تمرين عضلة التراي عشان كده تلاقيها صعبة النمو
وفي الموضوع ده ان شاء الله هنعرض اهم خمس اخطاء بيتعرض ليها البعض اثناء التمرين
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 604x402 .


الأول
هو عدم تمرين التلات رؤوس لعضلة التراي او التلات زوايا
يعني ايه الكلام ده ؟
عضلة التراي سيبس بتتكون من تلات رؤوس
1- الطويلة ( الداخلية العلوية )
2- الوسطى ( الداخلية السفلية )
3- الجانبية او الخارجية
والتلات رؤوس دول شغالين مع بعض على طول يعني مستحيل تعزل واحدة عن التانية بس ده ما يمنعش ان زاوية ايدك في اللعب بتزيد الضغط على رأس والباقيين الضغط عليها بيكون اقل وخلينا صريحين كده مع بعض
90% من اللاعبين مفيش عندهم اي فكرة اطلاقا عن التمارين اللي بتأثر على الزوايا بشكل مختلف ودي مشكلة كبيرة لازم يبقى ليها حل طيب الحل ؟
تدفع كام ؟؟؟؟؟؟؟؟؟ظ

الحل
1- لما تكون قبضة ايدك مواجهة لبعضها ودراعك مفرود وكوعك ثابت ده بيستهدف العضلة الجانبية او الخارجية
2- لما تكون قبضتين ايدك للخارج ده بيستهدف اكتر العضلة الوسطى وبرده جدير بالذكر وحلوة اوي جدير بالذكر دي
انه العضلة الوسطى من اكتر الرؤوس المشاركة في جميع تمارين التراي لانك بمجرد فرد دراعك للاخر هي بتشتغل
3- لما يكون كوعك قدام جسمك او فوق راسك ده بيستهدف العضلة الطويلة او الداخلية العلوية

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 619x800 .


الثانية :
عدم كفاءة نظام التمرين
اه معلش حاضر هكلمك بالعربي
كلنا عارفين ان افضل نظام التمرين هو اللي بيجمع بين التمارين المركبة وتمارين العزل مع بعض
المشكلة انك مش عارف تلعب ايه الاول وتلعب ايه بعد كده وتلعب ايه في الاخر
المرة دي تقول هلعب التمرين ده الاول وممكن المرة الجاية تلعبه الاخير وانت بتعمل كده بغرض مفاجئة العضلة وده تمام بس فيه دايما الحلو والاحلى
واحنا هنا عشان الاحلى وافضل نظام تمريني ممكن

طيب والحل ؟

1- التمارين المركبة زي المتوازي وضغط البنش قبضة ديقة دول العبهم الاول
2- العب اكستينشن بالدراعين مع بعض اوزان حرة ( يعني ايه الكلام ده )
يعني تمارين زي دي ....

أشهر اخطاء أثناء تمرين عضلة

أو

أشهر اخطاء أثناء تمرين عضلة


أو

أشهر اخطاء أثناء تمرين عضلة




اي حاجة شغال فيها دراعيك الاتنين مع بعض

3- انهي تمارينك بالتمارين الدراع الفردي بقى
يعني تشغل دراع وبعدين الدراع التاني
4 - ممكن طبعا تغير في ترتيبهم بس خلي دول الاساس والتغيير هو اللي على سبيل مفاجئة العضلة وده بيكون كل فترة

المشكلة الثالثة
التركيز الكتير اوي على الاجهزة والكابل
كتير اوي مننا بيركز على الاجهزة والكابل مثلا زي ضغط الكابل لاسفل بالمثلث وبعدين بالحبل مع انك بتعمل ضغط على زاوية واحدة من العضلة وسايب باقي الزوايا


والحل ؟

1- العب تمرين او اتنين مركبين مع كل تمرينة تراي
زي؟
البنش ورا ظهرك مثلا زي كده
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 617x364 .


او ضغط بالبار قبضة ديقة برده ممتاز عشان التراي

2- حط تمرينة بالبار الزجزاج وانت نايم او وانت واقف ورا ظهرك او دامبل فرنساوي في كل تمرينة
3- لو هتلعب تمرينتين ضغط لاسفل خلي واحدة بقبضة عادية والتانية بقبضة معكوسة عشان تاخد الزاويتين المختلفين عن بعض

المشكلة الرابعة :
الفورمة الفورمة الفورمة

الفورمة اهم حاجة عشان تقدر تعمل ضغط عالي وتركيز على التراي لازم تشتغل بفورمة عالية ودي بتكون ازاي ؟

1- الزق دراااااااااااااااااااااااااااعك في وسطك وما تشيلهوش من مكانة مش مهم بتشيل قد ايه اهم حاجة الفورمة عاملة ازاي
2- هتيجي في عدة معينة مش هتقدر تجيب زيادة ساعتها ممكن تحرك كوعك لقدام شوية في الحركة السلبية وتيجي في الايجابية ترجع تاني مكانك



الخامسة
التمرين الزائد
او الاوفر ترينينج ودي بقى الكابتن احمد عمل فيها موضوع واستفاض فيه لما قولنا يا بس
وعلى العموم نتكلم في عنها في عجالة سريعة ( حلوة عجالة برده )
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 800x533 .


التراي عضلة مساعدة في كتير من تماريننا
زي الصدر مساعدة فيه كتير اوي وفي كل تمارينه
زي الكتف برضه مساعدة فيه وفي تسعين في المية من تمارينه
غير تمرينتها هي اصلا
وتيجي في تمرينتها تلاقي ناس بتلعب 18 او 24 مجموعة تراي ( حاجة كفر يعني ) هههههههههههههه
والمشكلة انك تلاقيك تلعب انهاردة صدر بكرة ظهر بعده كتف بعدة باي وتراي
طيب هي كده التراي استريحت ؟
ارحم يا عم

طيب والحل بقى ؟
1- اقسم بالله العظيم اللعبة دي مش عتالة يعني بنسمع ترانس وهاوس مش بنغني هيلة هيلة وصلى على النبي يعني 12 مجموعة حلو اوي على عضلة صغيرة ونشيطة زي التراي ولو هتلعبها في يوم فيه كتف او صدر يبقى تلعب مجماميع اقل كمان عشان تظبطها صح وتتلاشى التمرين الزايد
2- اديها راحة 48 ساعة او الافضل 72 ساعة بين تمرينة الصدر او الكتف اللي قبلها عشان تاخد راحتها على الاخر وتقدر تلعب عليها باعلى كفاءة


الخلاصة

1- ألعب تمارين تشغل التلات زوايا مع بعض بضغط متساوي يعني ما تلعبش كله على زاوية واحدة بس
2- دخل في تمارينك الاوزان الحرة دايما
3- دخل تمرينة مركبة في كل تمرينة تراي
4- إلزق كوعك في جنبك ما يتحركش من مكانه
5- ما تشتغلش اكتر من 12 مجموعة لعضلة التراي ولو اقل يبقى احسن لو في يوم صدر او كتف





المواضيع المشابهه
الموضوع كاتب الموضوع المنتدى مشاركات آخر مشاركة
موت عضلة القلب - احتشاء عضلة القلب AvilmA الطب البشري - العلاج بالأدوية و الأعشاب الطبية 0 07-05-2013 12:25 PM
ملف pdf به 110 تمرين رياضي لبناء جسم قوي بالمجان rezak تبادل الملفات: تـورنت 3 12-01-2010 02:31 AM
كيفيه التحكم فى التراى MSCONFIG acadimia المرحلة الثالثة : إضافة البرامج و الدرايفرات وبعض ملفات الميديا أو الخلفيات 5 20-03-2008 12:58 AM
هل هناك طريقة لضرب البراج التي تعمل بالدنجل dodideebo صيانة الكمبيوتر وحلول الحاسب الألي - هاردوير 11 11-05-2006 01:15 AM
تمرين للأذكياء ... قدسيه صور - طرائف - الغاز - مسابقات - تسالي - مرح - نكت - فوازير 15 27-02-2004 03:53 AM
08-03-2013, 04:33 AM
ALAA غير متصل
عضوية الشرف
رقم العضوية: 273625
تاريخ التسجيل: May 2009
الإقامة: Egypt
المشاركات: 6,285
إعجاب: 1,347
تلقى 948 إعجاب على 441 مشاركة
تلقى دعوات الى: 1512 موضوع
    #2  
جزاك الله خيرا
موضوع رائع ومفيد
استمري
تحياتي



09-08-2014, 03:50 AM
mido44 غير متصل
عضو جديد
رقم العضوية: 481969
تاريخ التسجيل: Aug 2014
المشاركات: 5
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #5  
مشكور معلومات مفيده جدا


21-09-2014, 04:24 AM
Mahmoud Abdo غير متصل
الوسـام الماسـي
رقم العضوية: 475786
تاريخ التسجيل: Jun 2014
الإقامة: فَلَا تَغُرَّنَّكُمُ الْحَيَاةُ الدُّنْيَا
المشاركات: 2,668
إعجاب: 1,104
تلقى 763 إعجاب على 256 مشاركة
تلقى دعوات الى: 1741 موضوع
    #6  
بارك الله فيكي


رفعتُ كفّي نحو عطفك داعيًا وعلمتُ أنك لا تردّ دعائي

31-05-2015, 04:46 AM
mahmoud shehab9 غير متصل
عضو فعال
رقم العضوية: 492253
تاريخ التسجيل: Sep 2014
المشاركات: 108
إعجاب: 4
تلقى 0 إعجاب على 0 مشاركة
تلقى دعوات الى: 2 موضوع
    #9  
كلام جميل جدا


31-05-2015, 04:47 AM
mahmoud shehab9 غير متصل
عضو فعال
رقم العضوية: 492253
تاريخ التسجيل: Sep 2014
المشاركات: 108
إعجاب: 4
تلقى 0 إعجاب على 0 مشاركة
تلقى دعوات الى: 2 موضوع
    #10  
بس الناس تسمع الاول و تفهم بعدين يلعبوا

26-02-2016, 07:59 AM
abozeeyad غير متصل
عضو فعال
رقم العضوية: 326377
تاريخ التسجيل: Feb 2010
المشاركات: 119
إعجاب: 33
تلقى إعجاب 1 على مشاركة واحدة
تلقى دعوات الى: 0 موضوع
    #11  
شـكــــــــ وبارك الله فيــــك ـــــــــرا لك

01-05-2017, 04:48 PM
aziz9aziz غير متصل
عضو جديد
رقم العضوية: 384539
تاريخ التسجيل: Jul 2011
المشاركات: 4
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #12  
شكرا جزيلا هدا موضوع يخص التغدية

أهــم وجبات لـكـمــــال الاجســـام


http://arab-bodybuilder.blogspot.com...blog-post.html

 


أشهر 5 اخطاء أثناء تمرين عضلة التراي

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.