أستغفر الله العظيم ... سبحان الله وبحمده



العودة   منتديات داماس > المنتديات العامة > رياضة - أندية كرة القدم - بطولات دولية - بطولات عربية > قسم كمال الأجسام وبناء العضلات


مواضيع مميزة  


آخر عشرة مواضيع المواضيع النشطة


07-03-2013, 10:06 PM
وردة البستان غير متصل
عضو محترف
رقم العضوية: 412998
تاريخ التسجيل: Feb 2013
المشاركات: 481
إعجاب: 0
تلقى 186 إعجاب على 101 مشاركة
تلقى دعوات الى: 1 موضوع
    #1  

70 نصيحه خفيفه ..


فى الموضوع الخفيف ده مجمع لكم 70 نصيحه مهمه وقصيرة للاعبين كمال الاجسام ومعلومات قيمه .... منها تمارين وتغذيه ومكملات ...... اقرأ كل نقطه كويس وهتستفاد... نبدأ على بركه الله

====

1- تمارين الدمبلز مهمه جدا للنمو الجسم وتضخيم العضله ... ركز فيهم.

2- اتأكد دايما ان اكبر وجبه هتاكلها فى اليوم تبقى قبل ماتروح الجيم ب60 دقيقه.

3- اتجنب الرفيق الكسول اللى علطول مش بيشجعك ..... دور على رفيق يحمسك واتدرب معاه .... او اتمرن لوحدك!

4- تمارين السكوات من التمارين اللى بتضخم الجسم كله واتأكد انك بتمارسها صح واوعى تخلى البار يضغط على رقبتك .

5- تمارين القطنيه (الديدليفت) تانى اهم التمارين بعد السكوات وبردو اتأكد انك بتمارسها صح وركز فى التكنيك.

6- اتعلم التكنيك الصح واقرأ فى المواضيع والمقالات فى الانترنت واتصفح الفيديوهات التعليميه عشان تحترف اللعبه.

7- خليك علطول متوازن ومتحكم بالبار او الدمبلز عشان تستفاد اقصى استفادة وإدى كل عضله حقها ومتفضلش عضله على حساب عضله تانيه.

8- فى تمرين السكوات اتأكد انك واقف صح بقدمك عشان تستهدف العضله الصح فى رجلك وتتجنب اصابه ركبتك .

9- متبقاش خايف انك تاخد اسبوع اجازة من الجيم بعد شهرين تمارين شاقه ... الراحه هتبقى مفيده جدا للأستشفاء .

10- كفايه الاعتقادات ان كمال الاجسام زى الكيمياء ... فى الحقيقه لا ... دى اسهل من كده .... اتمرن صح ... واتغذى كويس .... وارتاح تمام .... وبس!

11- كفايه عك فى التمارين ونظم جدولك قبل ما تعتب باب النادى !

12- كفايه شكاوى عن وجع او الم فى العضله .... حمل الاوزان صعب ودى لعبة الرجاله .... هتعرف معنى كل ده كل ما تتقدم ... مفيش اعذار .... روح الجيم!

13- ركز على تمرين عضلتك الضعيفه (نقطه ضعفك) بالتمارين الصح.

14- اتأكد دائما ان اكلك فيه كل العناصر اللازمه بروتين وكربوهيدرات ودهون صحيه ... عشان تغذى عضلاتك.

15- متلعبش تمارين الكورديو قبل ماتبدأ تشيل اوزان .... وفر الطاقه بتاعتك للتمارين المهمه .... وبعد ماتخلص تقدر تلعب كورديو.

16- اتغذى كويس على اللحم الاحمرو البيض وخصوصا صفار البيض اللى فيه قيمه غذائيه ضخمه.

17- اشرب جالون ميه .... وبعدين .... اشرب ميه تانى.

18- ماتنامش اقل من 8 ساعات .

19- اتعلم ازاى تطبخ ! عشان تبقى محترف فى اللعبه!

20- عندك مشكله انك توصل للسعرات الحراريه المطلوبه فى اليوم؟ ..... ضيف زبدة او زيت زيتون للخضار بتاعتك .

21- عندك مشكله انك توصل للسعرات الحراريه المطلوبه فى اليوم؟.... اشرب حليب 4 كبايات فى اليوم.

22- عندك مشكله انك توصل للسعرات الحراريه المطلوبه فى اليوم؟ .... ضيف جبنه لكل وجبه على قد ماتقدر.

23- عندك مشكله انك توصل للسعرات الحراريه المطلوبه فى اليوم؟ .... اتسلى بالمكسرات بين الوجبات ... خصوصا اللوز.

24- اسمع موسيقى قبل ماتروح الجيم ... عشان تتحمس!.

25- كفايه تغير جدول تمارينك كل اسبوعين ... كده بتضيع وقتك مع التكيف على التمارين الجديده .

26- كفايه هوس بتمرين عضلات البطن كل يوم وتبذير طاقتك ...غلط! .. الافضليه للجزء العلوى والسفلى فى جسمك الاول .

27- اتعلم ازاى تطور من تمارينك على حسب ما جسمك محتاجه ... مش تجرب وخلاص!

28- كتير من اللاعبين بيفضلوا يلعبوا بنفس الوزن الثابت ..... وده غلط ... متقلدش حد ... وخلى عندك شجاعه تزود فى الوزن اللى بترفعه انشالله 2.5 كيلو.

29- مش كل المكملات مفيدة لجسمك... اتعلم واقرأ عنهم وعن مكوناتهم وازاى تفرق بينهم .

30- اتعلم ازاى تفرق بين مواضيع كمال الاجسام اللى موجهه للمحترفين واللى موجهه للمبتدأيين.

31- متدورش على التمارين السهله علطول ... اتحدى نفسك بالتمارين الصعبه والمهمه.

32- مش لازم التمرين اللى شغال تمام مع اصدقائك وبيزودهم ... انه يبقى معاك بنفس الكفائه .... دور على التمرين المناسب لطبيعه جسمك.

33- من المفاتيح الذهبيه فى لعبه كمال الاجسام ..... هو التقدم فى رفع وزن اثقل من التمرين السابق.

34- التمرين هيبقى ملوش اى لازمه لو مركزتش فى التكنيك بتاعك .

35- معظم الدهون مش سيئه .... ده بالعكس الدهون الصحيه مفيده جدا لجسمك عشان يزيد .

36- اقرأ دايما القيمه الغذائيه اللى بتكون على علب الاكل ..... عشان تعرف مكوناتها وسعراتها الحراريه .

37- مش معناه ان الشخص اللى عنده عضلات بطن ... انه بيعرف ازاى يبنى العضل .... اتعلم من خبراء النظام الغذائى .... وخبراء كمال الاجسام المحترفين.

38- دائما بتبقى تمارين الاوزان الحرة افضل من تمارين الالات..

39- 20 عده سكوات جامدين فحت .... جربهم!

40- ابعد عن العادة السريه على قد ماتقدر عشان حالتك النفسيه تبقى كويسه ونشاطك يبى فعال علطول.

41- العب كورديو 3 مرات فى الاسبوع عشان صحتك العامه .

42- الكورديو مش هيوقف زيادتك فى الوزن ... بس الاداء السئ فى التمارين والتغذيه الضعيفه هما اللى هيوقفوا زيادتك.

43- استمتع برحله بناء جسمك .

44- تمارين الترابيس بيعتبروا السكوات بتاع الجزء العلوى للجسم .... العبهم فى كل تمرينه كتف.

45- ابحث عن تمارين للبطن مفيدة وفى نفس الوقت بتحب تمارسها.

46- من بين مجموعه ومجموعه ارتاح 3 دقائق اقصى حاجه واشرب ميه بس مش كتير.

47- اهتم بنظامك الغذائى دايما واحسب سعراتك صح .

48- اتغذى على الفواكه والخضار زى مانت عايز .... كترتها مش هتضرك.

49- لو مكسل تروح تتمرن ... افتح اليوتيوب واتفرج على شويه فيديوهات كمال اجسام للاعبين المفضلين ليك ..... وبعديها هتتحمس ويطير الكسل.

50- توازن الصوديوم (الملح) والبوتاسيوم (طماطم وموز) مهم لصحتك .... اتاكد دايما بتوازن الاتنين فى جسمك.

51- جسمك بيحتاج الكوليسترول عشان يشتغل تمام .... لو انت بتاكل اكل صحى متخافش لمستوى الكوليسترول بتاعك .

52- للمبتدأيين ..... ارتاح على قد مابتتمرن .... لكل يوم تدريب محتاج يوم راحه تأكل فيه وتريح عضلاتك.

53- الراحه بتاعتك بين كل مجموعه ... مارس فيها تمارين الاطاله .

54- مرن العضلات الكبيرة الاول قبل العضلات الصغيره.

55- عايز تبنى دراع وحوش؟ افتكر دايما ان التراى سيبس 70% من الدراع.

56- حاول دايما تزود الوزن فى تمرين القطنيه ... بس مش بغباء.

57- رفع الاوزان مش هيعيق النمو بتاعك .... ولا هيخلى طولك قصير .

58- تمرين الون هاند (المنشار بالدمبل) من اهم تمارين الظهر والمجانص ... اوعى تنفضلوا.

59- لو بتلعب بالاوزان الحرة ولقيت صعوبه انك تلعب تمرين معين بوزن تقيل ... جرب تلعبه على المكنه بتاعته.

60- العب دايما تمارين السكوات والقطنيه ... فى بدايه التمرين بعد الاحماء عشان يبقى التكنيك بتاعك صح والنشاط 100% .

61- لما تلعب اى حركه فيها بار .. اتأكد انك ماسك المسكه الصح سواء واسع او ضيق او متوسط عشان تستهدق العضله اللى بتتمرن عشانها ... ومتبقاش محرج انك تسأل كابتن النادى.

62- متتمرنش وانت تعبان او مريض او عندك برد ... تقدر تاخد اليوم اجازة .

63- لعب بار الصدر المستوى... لما تكون زاويه دراعك اقل من 90 درجه ... من اسهل الحجات اللى تأذى لك كتفك .

64- متخليش البار يضغط على صدرك او يخبط فيه بقوة ..... خطر جدا !

65- من الافضل ان تلعب سكوات بحذاء مستوى زى الكونفيرس .... مش حافى القدمين ومترفعش كعبك على طارة صغيره ... خليها على الارض .

66- كل بروتين كتير . ...... لحمه حمرا .. فراخ ... سمك ... بيض.... حليب .... كل واحد من اللى فات فيه قيمه غذائيه مختلفه عن الباقين ..... شكل على قد ماتقدر.

67- متقدرش تبنى رجل جامدة من غير تمرين السكوات ..... متقدرش تبنى ظهر قوى من غير تمرين القطنيه (الديدليفت) ..... متقدرش تبنى صدر كبير من غير تمرين البنش فلات بريس (بنش الصدر المستوى)

68- ابعد عن المنشطات والحقن ...... بتموت!!

69- الاكل الصحى و التغذيه التمام تقدر تعوضك عن استخدام المكملات الغذائيه.

70- متتمرنش اكتر من ساعه ونص كحد اقصى عشان مايبقاش تمرينك سلبى.





المواضيع المشابهه
الموضوع كاتب الموضوع المنتدى مشاركات آخر مشاركة
طلب نسخه xp خفيفه غير معدلة defacto ويندوز Windows XP 2 08-02-2015 11:44 PM
معلومات خفيفه جدا.... عمر ابو الليل المنتدى العام 6 18-11-2013 10:36 PM
طلب windows 7 خفيفه hbybsa برامج 7 06-07-2010 11:37 PM
سنه خفيفه مفقودهـ..‎ محمد أبوحليم المنتدى الاسلامي 0 20-04-2010 01:00 PM
نكت خفيفه علي المعده superadel صور - طرائف - الغاز - مسابقات - تسالي - مرح - نكت - فوازير 2 26-05-2005 08:29 PM
08-03-2013, 04:33 AM
ALAA غير متصل
عضوية الشرف
رقم العضوية: 273625
تاريخ التسجيل: May 2009
الإقامة: Egypt
المشاركات: 6,285
إعجاب: 1,347
تلقى 948 إعجاب على 441 مشاركة
تلقى دعوات الى: 1512 موضوع
    #2  
جزاك الله خيرا
موضوع رائع ومفيد
استمري
تحياتي



31-05-2015, 04:41 AM
mahmoud shehab9 غير متصل
عضو فعال
رقم العضوية: 492253
تاريخ التسجيل: Sep 2014
المشاركات: 108
إعجاب: 4
تلقى 0 إعجاب على 0 مشاركة
تلقى دعوات الى: 2 موضوع
    #7  
كلام ف محله اوي

مشكور جدا


31-05-2015, 04:44 AM
mahmoud shehab9 غير متصل
عضو فعال
رقم العضوية: 492253
تاريخ التسجيل: Sep 2014
المشاركات: 108
إعجاب: 4
تلقى 0 إعجاب على 0 مشاركة
تلقى دعوات الى: 2 موضوع
    #8  
يا ريت تثبتوا الموضوع عشان المستجدين

 


70 نصيحه خفيفه ..

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.