اللهم لك الحمد والشكر كما ينبغي لجـلال وجهك وعظيم سلطـانك وعلو مكـانك
 
 

العودة   منتديات داماس > المنتديات العامة > مُسْتَشارُكَ القّانُونيْ
 

Advertisement

 
02-11-2012, 05:59 PM
كورابيكآ غير متصل
عضو جديد
رقم العضوية: 408547
تاريخ التسجيل: Nov 2012
الإقامة: القاهره
المشاركات: 12
دُعي الى: 0 موضوع
    #1  
مُسْتَشارُكَ القّانُونيْ

انهيت موقفى التجنيدى يوم الخميس للمتخلفين عن التجنيد


انهيت موقفى التجنيدى الخميس
اخوانى الاعضاء والزوار ::: والمستشار القانونى الفاضل.. لا انكر ان المنتدى كان سبب رئيسى فى ذهابى الى اداره التجنيد لانهاء موقفى التجنيدى وذلك لانى كنت خائف من الحبس لكن بفضل الله وفضل المنتدى انهيت موقفى التجنيدى امس..والكلام ينطبق على من لم يذهب من الاساس للتجنيد وتخلف عن الذهاب او من معه تآجيل لانه عائل الاسره الموضوع لكلتا الحالتين ونبدا على بركه الله لكى يطمئن بال الجميع
1-اول شىء وقبل اى مستند تذهب لقسم الشرطه التابع ليه وتستخرج فيش جنائى ثمنه 6 جنيه مصرى لا غير وتكتب تحت انه موجه للتجنيد هكذا تكتب فقط ولا تنسى ان يكون معك صوره للبطاقه الشخصيه لانها بترفق مع الفيش الجنائىويبلغك الموظف بالقسم ان تاتى بعد ثلاث ايام لاستلامه....
ولا تخف الفيش خاص بالاحكام المدنيه عليك يعنى لا تقول انك هتتحبس لانك مادخلت الجيش الخ اجراء روتينى وضرورى

2-اثناء الفيش لازم تستكمل مستنداتك واوراقك عشان مش تتعطل وموقف حصل خاص لى بطاقتى انتهت وروحت عشان اخلص اجرائاتى قالى لازم البطاقه الجديده تكون ساريه المفعول وفكرت انهم هيسالونى وانا بجدد البطاقه عن موقف التجنيد؟

لكن لا تخف افعل مثلى بالظبط روح هناك وقول انك عاوز تعمل بدل فاقد هيدولك الوصل بالاستلام بعد 15 يوم تاخد الوصل وترفقه بالبطاقه وتصورهم مع بعض والكلام ده للى بطاقته انتهى وقتها وخايف يروح يجددها مش تخاف وتوكل على الله لان لازم البطاقه تكون ساريه المفعول

3-لازم بطاقه 6 جند ولو مش معاك بتروح للتجنيد وتشترى نموذج 6 جند بـ 6 جنيه والعسكرى بيملآ بيناتك من خلال اسمك من علىالكمبيوتر...

4-لازم اصل المؤهل الحاصل عليه سواء مؤهل عالى او متوسط الخ


نبدا على بركه الله الخطوات......

تتوجه وفى يدك دوسيه مكون من الفيش الجنائى ومعاك ثلاث صور ليه وبطاقتك الشخصيه واربع صور لها وبطاقه السته جند وثلاث صور لها وزاصل المؤهل وثلاث صور لها

وتروح بيهم للشباك الخاص بالمستندات وتشترى دوسيه لونه احمر اسمه طلب نموذج تخلف وثمنه 32 جنيه مصرى فقط

تتوجه بالدوسيه الى شباك مكتوب عليه لانهاء اجرائات التخلف عن التجنيد بتعطى ليه الدوسيه وبيطلب منك اصل الفيش الجنائى وصوره منه والسته جند وصوره منه وصوره البطاقه واصل المؤهل وصوره منه.

بياخد الملف للقائد عنده وبيديلك ورقه انك تيجى بعد اسبوع بالظبط عشان يتم التحقيق معاك فى اداره التجنيد... لا تخاف الموضوع سهل جدا جدا فوق ماتتخيل

-تحضر بعد الاسبوع وتعطيله الايصال هيعطيك الملف الخاص بيك وبتتوجه لشباك تانى بيدلك عليه عشان تختمه وتروح بعدها لمكان التحقيق الخاص بيك وهو نمكتب التحقيقات

بتسلمه انت واللى معاك الملفات الخاصه بالتخلف وتنتظر دورك وبعدها بيقولك روح صور مستندات خاصه بيهم من شباك التصوير عشان كده لازم تصور كل مستنداتك عشان اسعارهم غاليه هناك ماعدا نموذجين لازم تاخدهم من شباك التصوير منهم نموذج مكتوب عليه
اعلان شاب تخلف التجنيد/فرد/احتياطمتخلف
هو ده اسم النموذج ونموذج تانى اللى بيحقق معاك فيه القائد ويكتب اجابه اسئلتك



على بركه الله بتدخل على القائد وهو مش قائد بالظبط هو نقيب بيشئلك اسئله روتينيه وهى ثلاث اسئله فقط بالظبط
1- اسمك وبترد عليه اسمك الرباعى

2- سبب تخلفك عن التجنيد وهو بيرد بنفسه اجابه روتينيه

3- بتعانى من اى اصابه بالجسم... ولو عندك اى اصابه انصحك بدون تردد تجيب تقرير طبى من مستشفى حكومى وضرورى لان اللى عنده اصابه مش بيدفع غير غرامه قدرها جنيه ونصف ولا تتعجب فعلا جنيه ونصف فقط لا غير


بعدها بيروح لمكتب القائد ويختم على ورقه التحقيق وبتبصم بآصبعك على ورقه التحقيق بنسخها الثلاث وتاخد ورقه بموعد المحاكمه فى النيابه العسكريه<<< انا كنت تابع لتجنيد الجيزه ومكان النيابه فى محطه العريش شارع عز الدين عمر

المحاكمه بتكون كل خمس عشر يوما بتروح من الساعه الثامنه صباحا ولا تاخد محامى واكرر لا تاخد محامى تروح لوحدك بس ومعاك ورقه موعد اللمحاكمه فقط يعنى لا تاخد كل الاوراق مش ليها اى لزوم

بينادى على الموجودين كل عشره افراد بيدخلو على القائد العسكرى وكل اللى بيعمله يبص ليك ويسالك ليه تخلفت عن التجنيد وقبل ماتجاوب ههههههه يقولك 2500 جنيه

ايوه يافندم كل الموجودين بدون استثناء سواء عمال او فلاحين او اصحاب شركات متخلفين عن التجنيد الغرامه من 2400 الى 2500 جنيه يعنى مش تسمع كلام اللى يقولك خمس الاف وعشر الاف كله كلام فاضى كل الموجودين وكان عددهم فوق الـ200 فرد اخدو من 2400 الى 2500 جنيه فقط لا غير

ندخل على المهم

بتستنى لحد ما الكل يتحقق معاهم وبعد كده بتاخد وصل منهم بالدفع والدفع والكل ينتبه فى الحى العاشر بعد مدينه نصر فى اداره كبيره هناك للشرطه العسكريه

بتخرج وطبعا لازم يكون معاك وقتها قيمه الغرامه وبتخرج من الباب معاك الوصل بآسمك وتستلم بطاقتك من بوابه النيابه العسكريه

وهتلاقى يومها السائقين بيكونو عارفين موعد المحاكمات وبيقولو اللى عاوز يروح يدفع يركب معانا عشان كده بقولك الافضل يكون معاك الغرامه لانه مشوار صعب للحى العاشر


بتركب الباص وتروح هناك وقبل ماتدخل بيطلب اللى مش معاه الوصل وقيمه الغرامه ودخل الاداره هناك مش هيخرج
بكرر لازم يكون معاك الغرامه وريح نفسك واخلص

بتدفع هناك قيمه الغرامه انا دفعت 2500 جنيه وبعد كده بتمضى فى دفتر وتاخد وصل احمر

حافظ على الوصل اللى فيه قيمه الغرامه وتروح بعد كده النيابه العسكريه بعد 21 يوم بالظبط عشان تاخد صوره من الحكم اللى صدر ضدك


توجه بعدها لاداره التجنيد وسلم صوره الحكم وهتاخد شهاده انك غير مطلوب نهائى للخدمه العسكريه والف الف مبروك

اخر شىء عشان مش انسى

مواعيد اجرائات المتخلفين عن التجنيد ايام الاحد والثلاثاء والخميس عشان مش تروح ويرجعوك

وكل سنه وانتم بخير والجميع بخير ....


اسف على الاطاله بس كانت نيتى من اول مااخلص موضوع التخلف انى اكتبه هنا لا المنتدى السبب الرئيسى بعد رب العزه سبحانه

الاجرائات اكررها للمتخلفين عن التجنيد يعنى اللى ماراحو نهائيا التجنيد او للى معاهم تآجيل كونهم اكبر العائله وتخلفو عن التجديد لاى سبب

وانهيت موقفى التجنيدى الخميس ورحمه الله وبركاته....انهيت موقفى التجنيدى الخميس






المواضيع المتشابهه
الموضوع كاتب الموضوع المنتدى مشاركات آخر مشاركة
موقفى التجنيدى اسطورة عشق مُسْتَشارُكَ القّانُونيْ 3 09-10-2013 06:04 PM
للمتخلفين عن التجنيد faroukahmed مُسْتَشارُكَ القّانُونيْ 3 05-02-2013 01:15 AM
موقفي التجنيدي كمتزوج مهندس محمد علي مُسْتَشارُكَ القّانُونيْ 12 06-01-2013 04:59 PM
بالجامعه 29 عام وبعد ان انهيت الدراسه تقدمت للتجنيد - مشكله في التجنيد ما موقفي تولستوي مُسْتَشارُكَ القّانُونيْ 1 12-08-2010 03:42 AM
مع بداية السنة سأكون انهيت 27 فماذا سيكون موقفي في هذه الحالة؟؟ hany562000 مُسْتَشارُكَ القّانُونيْ 5 08-02-2010 07:40 PM

02-11-2012, 10:15 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 10,703
دُعي الى: 46 موضوع
    #2  
ألف مبروك يا غالى
على إنهاء موقفك التجنيدى

وشكرا لك للتجاوب المفيد
لأعضاء المنتدى ...........




السـيد الـجمـل
المحامى
بـالنقض والإدارية والدستورية العليا
12ش مدرسة الشهيد عبدالمنعم رياض الاعدادية
من ش كريستال عصفور عزبة عثمان شبرا الخيمة
...... دخول متقطع هذه الأيام ..........
صبرا صبرا أهل غزة فالرجال فى السجون

02-11-2012, 11:09 PM
new_yasser غير متصل
عضو فعال
رقم العضوية: 399543
تاريخ التسجيل: Mar 2012
الإقامة: الأسكندرية
المشاركات: 189
دُعي الى: 3 موضوع
    #3  
مبروك على الشهادة وشرح وافى من مجرب ..... واسئل مجرب ولا تسأل طبيب




03-11-2012, 01:15 AM
أبو أنس المصري غير متصل
عضو جديد
رقم العضوية: 399930
تاريخ التسجيل: Apr 2012
المشاركات: 30
دُعي الى: 0 موضوع
    #4  
انا عايز اشكرك شكرا جزيلا بجد

انا واحد من الناس الي استفدت كتير جدا من التجارب دي
واكيد غيري وغيري بيستفادوا منها
ربنا يبارك فيك والف مبروك وعقبالنا


وعايزين الادارة تثبت الموضوع لانه حلو جدا ومن الاخرر




03-11-2012, 04:26 AM
كورابيكآ غير متصل
عضو جديد
رقم العضوية: 408547
تاريخ التسجيل: Nov 2012
الإقامة: القاهره
المشاركات: 12
دُعي الى: 0 موضوع
    #5  
المشاركة الأصلية كتبت بواسطة gamal gamal 
ألف مبروك يا غالى
على إنهاء موقفك التجنيدى

وشكرا لك للتجاوب المفيد
لأعضاء المنتدى ...........
شكرا لمرورك استاذ جمال مستشارنا المحترم ولا انكر انك كنت سبب رئيسى بعد رب العزه فى الاجابه عن اسئلتى فى السابق وطمنتنى واكرر لك جزيل الشكر




03-11-2012, 04:28 AM
كورابيكآ غير متصل
عضو جديد
رقم العضوية: 408547
تاريخ التسجيل: Nov 2012
الإقامة: القاهره
المشاركات: 12
دُعي الى: 0 موضوع
    #6  
المشاركة الأصلية كتبت بواسطة أبو أنس المصري 
انا عايز اشكرك شكرا جزيلا بجد

انا واحد من الناس الي استفدت كتير جدا من التجارب دي
واكيد غيري وغيري بيستفادوا منها
ربنا يبارك فيك والف مبروك وعقبالنا

وعايزين الادارة تثبت الموضوع لانه حلو جدا ومن الاخرر
شكرا اخى ابو انس المصرى وانا مش عملت شىء غير تقديم النصيحه لان موضوع التجنيد كان بيسبب ارق لكل شاب مصرى تخلف عن التجنيد او كان كبير عائله ولم يذهب للتجنيد وانا تحت امر الجميع فى اى استفسار بخصوص التخلف عن التجنيد




03-11-2012, 03:06 PM
كورابيكآ غير متصل
عضو جديد
رقم العضوية: 408547
تاريخ التسجيل: Nov 2012
الإقامة: القاهره
المشاركات: 12
دُعي الى: 0 موضوع
    #7  
[QUOTE=new_yasser;1997702][CENTER]مبروك على الشهادة وشرح وافى من مجرب ..... واسئل مجرب ولا تسأل طبيب[/CENTE



الله يبارك فيك اخى ياسر وانا تحت امر اى شخص يحب يستفسر عن اى شىء




11-11-2012, 12:23 AM
أبو عاصم 2 غير متصل
عضو جديد
رقم العضوية: 408808
تاريخ التسجيل: Nov 2012
المشاركات: 13
دُعي الى: 0 موضوع
    #8  
ربنا يوفقك وييسر لك الخير وكل الاخوة في المنتدى




20-11-2012, 09:22 PM
alizoro15 غير متصل
عضو جديد
رقم العضوية: 408607
تاريخ التسجيل: Nov 2012
المشاركات: 14
دُعي الى: 0 موضوع
    #9  
كنت عايز اسالك كان فى معاكم مؤهلات عليا مهندسين اومدرسين اوموظفين وهل حصلوا على نفس الموقف





rss  rss 2.0  html   xml  sitemap 

Powered by vBulletin® Version
Copyright ©2000 - 2014, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.