أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


31-10-2012, 12:59 AM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,396
إعجاب: 1,365
تلقى 670 إعجاب على 101 مشاركة
تلقى دعوات الى: 517 موضوع
    #1  

أنا بطلت كل حاجة ...


بطلت حاجة

مساء الخير عليكم .. وتحية لكل الأعضاء ..

من زمان وانا مش بكتب ومش بدخل المنتدى

كنت بكتب فى قسم الطرائف شوية نكت أو حاجات طريفة أو بألف قصة ع السريع
لكن بطلت .. لأنى لقيت ناس بتكتب أحسن منى .. ناس بتفكر أحسن منى
ناس بتعرض أفكار هادفة وواضحة وأهميتها أعلى من فكرتى
فبطلت ...

كنت بضيف برامج وبقدم شرح مفصل لبعض الأشياء وأساعد الناس فى قسم الحلول والمشاكل ...
وبقول أهو لله ... بس حصلت شوية حاجات دايقتنى شوية ... فبطلت ...

كنت برسم كويس .. وبتسلي مع نفسي .. لقيت ناس بترسم أحسن منى بكتير ... فبطلت

كنت بتفرج على أفلام واتبهر بالخدع السينمائية ... بس عرفت بتتعمل أزاى ..
قل الانبهار وقل دافع مشاهدتى للأفلام .. فبطلت

كنت بسمع أغانى ... مليت وزهقت .. ده غير أنها حرام .. فبطلت

وعملا بمبدأ التوفير أنا بطلت كل شئ .. وبفكر أبطل أتنفس وأبقى للجماد شقيق ..

زهقتكم طبعا ... وعشان كدة هبطل كتابة كمان ..

بقيت كئيب .. ومش بتأثر بأى حاجة
عايز حل للموضوع ده .. لو عملت أنى متأثر .. يبقى تمثيل
لو واحد كلمنى فى التليفون .. ألو: عمك مات ..
مش عارف أرد وأقوله إيه ....

بينى وبين نفسي بقول
(( ماهو مات . هعمله إيه ... لو زعلت أو فرحت أو أى حاجة تانية !! ) ...

حاجة غريبة ... هوة أنا كدة .. أعمل إيه وأغير إيه وإزاى ..





المواضيع المشابهه
الموضوع كاتب الموضوع المنتدى مشاركات آخر مشاركة
دكتور دايت – دكتور دايت ( عيادات دكتور اشرف قورة ) daliaadel الأجهزة الطبية والأدوية والوسائل العلاجية والتجميلية 1 08-02-2015 02:11 PM
بعد ماخلصت كل حاجة جايب خطأ فى شاشة التصتيب الزرقاء (أرجو الأهتمام لجميع الأعضاء) Adham The PRO المنتدى العام لتصميم الأسطوانة 12 04-08-2011 05:08 PM
انا بطلب ثوانى بس من وقتك SE2003 إدارة الشبكات و حلول ومشاكل الشبكات 2 30-08-2006 01:17 AM
31-10-2012, 01:13 AM
أبو الدحداح غير متصل
الوسـام الماسـي
رقم العضوية: 401962
تاريخ التسجيل: May 2012
الإقامة: مصر - شمال سيناء
المشاركات: 3,380
إعجاب: 777
تلقى 142 إعجاب على 48 مشاركة
تلقى دعوات الى: 395 موضوع
    #2  
تصدق بجد موضوعك جميل ورايق ولذيذ
بس للأسف إنت منغلق على نفسك بقالك فترة ده أكيد لا بتقابل اصحابك ولا أى شئ وغير كده احتمال يكون عندك مشاكل

ده رأيي الخاص لو غلط قوللى

وعلى فكرة مش لازم تكون الأفضل عشا تعمل كل حاجة بص يا سيدى النمل الضعيف لو ساب الشغل للنمل القوى إلى هو قليل أصلا مش هيجمعوا غذاء ومش هيعرفوا ياكلوا حاول تكون الأفضل لكن لو مكنتش الأفضل ما تزعلش بس إنت برضع بتساعد

أتمنى منك تقبل كلامى



كلماتك أخلاق تظهر *** وكلامك عنوانك فانظر
في ذاتك كيف ستبديها***في أي مقام تجعلها

31-10-2012, 02:12 AM
عبدالرحمن متصل
VIP
رقم العضوية: 75917
تاريخ التسجيل: Apr 2007
المشاركات: 6,086
إعجاب: 3,540
تلقى 1,516 إعجاب على 575 مشاركة
تلقى دعوات الى: 209 موضوع
    #3  
ان كان كلامك حقيقة

انت مدمن انترنت ....او

مقوقع على نفسك

وطبع الحل موجود


على المرى ان يسامح أخاه فكلنا من ادم عليه السلام وادم من تراب

05-11-2012, 12:32 AM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,396
إعجاب: 1,365
تلقى 670 إعجاب على 101 مشاركة
تلقى دعوات الى: 517 موضوع
    #5  
المشاركة الأصلية كتبت بواسطة أبو الدحداح السلفى 
تصدق بجد موضوعك جميل ورايق ولذيذ
بس للأسف إنت منغلق على نفسك بقالك فترة ده أكيد لا بتقابل اصحابك ولا أى شئ وغير كده احتمال يكون عندك مشاكل

ده رأيي الخاص لو غلط قوللى

وعلى فكرة مش لازم تكون الأفضل عشا تعمل كل حاجة بص يا سيدى النمل الضعيف لو ساب الشغل للنمل القوى إلى هو قليل أصلا مش هيجمعوا غذاء ومش هيعرفوا ياكلوا حاول تكون الأفضل لكن لو مكنتش الأفضل ما تزعلش بس إنت برضع بتساعد

أتمنى منك تقبل كلامى
أولا بشكرك على رأيك .. وهو قريب جدا مني
كلامى ده حقيقى .. أنا بطلت حاجات كتير منهم الرسم والكتابة زى ما قلت ..
وكمان بطلت هزار .. داخل على مرحلة غريبة فى حياتى
الكلام ده حصل بعد الجيش ..
المشاركة الأصلية كتبت بواسطة عبدالرحمن 
ان كان كلامك حقيقة

انت مدمن انترنت ....او

مقوقع على نفسك

وطبع الحل موجود
كنت مدمن نت ... قبل الجيش .. بعد كدة
بفتحه ساعة واحدة فى اليوم أو اتنين .. بس عشان احمل برنامج أو فيلم جديد ..
لمجرد ان يبقى عندى وخلاص
فى الغالب مش بتفرج عليه ... الأفكار بقت مكررة و أى كلام ..
المشاركة الأصلية كتبت بواسطة s_hagrasy 
يا اخي لا تحرمنا من افكارك الجميلة
وانتهز هذة الفرصة لاشكرك علي mini windows كنت حملتها باسمك وجزاك الله خيرا
حاسس انها بقت قديمة .. انا كان نفسي ابقى مبدع .. اعمل حاجة تفضل كتير
مش فكرة فى سطرين وخلاص ..
عشان كدة اتجهت للحياة العملية
لأنى اعتبرت ان حياة الكمبيوتر مجرد صور على شاشة
ومفيش حاجة بتخرج منها غير ألوان وبس

احساسي بيقول انه مش واقع ..
الحياة العملية بالنسبالى بقت مجهود فكري مصحوب بمجهود بدنى
بتعلم القيادة اليومين دول وبفكر اشتغل فى تسويق وتوزيع بعض المنتجات الورقية
بالمناسبة .. دى صورتى حاليا ..

اشكركم على محاولة اخراجى من حالة الاكتئاب دى

وبخصوص عدم تأثري بأى موقف .. محدش رد عليا .. وخصوصا الوفاة
وجهة نظرى بتقول انه مات .. ومفيش حاجة هتفيده .. يبقى أتأثر ليه !!

05-11-2012, 01:20 AM
dodofula24 غير متصل
الوسـام الذهبي
رقم العضوية: 302514
تاريخ التسجيل: Jul 2009
الإقامة: cairo
المشاركات: 1,775
إعجاب: 125
تلقى 133 إعجاب على 55 مشاركة
تلقى دعوات الى: 97 موضوع
    #6  
بس مطلوب منك انك تواسيه وتقف جنبه فى حاجه زى كدا


18-02-2013, 03:42 PM
Egyptian..Star غير متصل
عضو محترف
رقم العضوية: 409067
تاريخ التسجيل: Nov 2012
المشاركات: 452
إعجاب: 174
تلقى 195 إعجاب على 51 مشاركة
تلقى دعوات الى: 8 موضوع
    #7  
موضوع أكثر من رائع



14-06-2013, 04:06 AM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,396
إعجاب: 1,365
تلقى 670 إعجاب على 101 مشاركة
تلقى دعوات الى: 517 موضوع
    #8  
طبيعة الإنسان غريبة ومعقدة .. ممكن فى يوم يبقي بيحب شيء لدرجة الجنون

وفى يوم آخر يكره لدرجة الجنون ...

عموما وضعى حاليا احسن .. وبدأت تانى من جديد

وبالمناسبة .. انا اشتغلت فعلا فى تسويق منتجات ورقية

وطلعت رخصة قيادة

كل يوم بشوف ناس جديدة وكل يوم بخرج بالعربية وألف بيها اسكندرية

فى البداية كانت شيقة .. لكن مع مرور الوقت ..

الايام بقت مكررة .. كلامى مكرر ..

وشكاوى العملا هيا هيا .. بتجيلى متأخر .. بتجيلي بدرى ..

مش عامل حسابي عليك ... صدمتنى الفاتورة عالية

وفى الآخر كله بيدفع .. بس كل واحد وليه طريقة بضغط عليه بيها

بس زهقت برضوا .. ليه المعاملة مش 1 + 1 = 2

لازم أعملك فيلم عشان تدفع

" قطيعة ... محدش بياكلها بالساهل "

أشكركم على المتابعة

 


أنا بطلت كل حاجة ...

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.