أستغفر الله العظيم ... سبحان الله وبحمده



العودة   منتديات داماس > المنتديات العامة > الطب البشري - العلاج بالأدوية و الأعشاب الطبية


مواضيع مميزة  


آخر عشرة مواضيع المواضيع النشطة


27-07-2012, 01:12 PM
نجمة العالم غير متصل
عضو مميز
رقم العضوية: 402536
تاريخ التسجيل: May 2012
الإقامة: alhnan
المشاركات: 225
إعجاب: 2
تلقى 184 إعجاب على 92 مشاركة
تلقى دعوات الى: 0 موضوع
    #1  

اكلات لتنشيط الذاكره





أكيد لما بتيجي سيرة الأكل أول حاجة بتفكري فيها هي علاقة الأكل بوزنك والريجيم..


لكن عمر ما جه في بالك إن الأكل له تأثير على حاجات تانية خالص زي تأثيره على حالتك النفسية، وكمان على قوة ذاكرتك وتركيزك وقدرتك على استجماع واسترجاع المعلومات..



علشان كده النهارده هنعرف مع بعض إيه أنواع الأكل اللي ممكن يكون ليها تأثير كويس على صحتك النفسية علشان تساعدك إنك تكوني امرأة عصرية قادرة على أن تتكيفي مع كل الأزمات والضغوط اللي ممكن تقابليها في حياتك...



1- السمك لتحسين قدراتك



اكلات لتنشيط الذاكره


أكيد كلنا عارفين إن السمك له فوائد كتيرة جداً، لكن اللي مش كلنا نعرفه إن فيه أنواع زي البلطي والسردين والأنشوجا فيهم مواد بتغذي المخ وشبكية العين والأعصاب، وكمان بتزود طاقتك وقدرتك على تعلم أشياء جديدة وكمان بتقوي ذاكرتك جداً وبتحسّن قدرتك على حل المشاكل.


2- البقول غذاء العقول



كل أنواع البقول زي البسلة والعدس والفاصوليا الخضراء أو البيضاء والفول واللوبيا، بتساعد على تنشيط الدماغ واستقرار مستويات "الجلوكوز" وهو غذاء المخ، وعلى فكرة الفاصوليا الخضراء مهدّئة جداً للأعصاب.


وتقدري إنك تتغلبي على اضطرابات المعدة اللي ممكن يسببها أكل البقول، بإنك تنقعيها من 6 لـ 12 ساعة قبل ما تطبخيهم.


3- الألبان للروقان



اكلات لتنشيط الذاكره


كل منتجات الألبان زي الزبادي والجبن واللبن مليانة بالكالسيوم اللي بيحسن وظيفة الأعصاب ويقويها، وكمان الزبادي بيحتوي على مواد بتزود القدرة على الانتباه والتركيز.


4- المكسرات لأحلى الأوقات



اكلات لتنشيط الذاكره


المكسرات من الأكلات التي تحتوي على فيتامين e و b6 ومكونات تانية كلها بتحسن الحالة المزاجية جداً وكمان مفيدة جداً للمخ، ومن المكسرات دي الكاجو واللوز والفستق والفول السوداني.


5 - الشاي الأخضر لعلاج التوتر



اكلات لتنشيط الذاكره


الشاي الأخضر هو أفضل مشروب ممكن أنه يساعدك على علاج التوتر، مش كده وبس ده كمان بيساعد على زيادة التركيز والذكاء.


6 - البيض لذاكرة حديد



البيض وخصوصاً الصفار عنصر غني بفيتامين b وكمان بيحتوي على مواد مقوّية جداً للذاكرة.


7 - الخضروات لأحلى الذكريات



اكلات لتنشيط الذاكره


الخضروات من الحاجات المهمة جداً لتقليل الإحساس بالغضب والعصبية، وكمان لتحسين القدرة على استرجاع الذاكرة يعني لو كنتِ بتنسي بسرعة وخصوصاً لو كنتِ لسه طالبة ومحتاجة تفتكري كل حاجة بتذاكريها يبقى لازم تاكلي خضار كتير، ومن الخضروات دي الكرنب واللفت والبروكلي والقرنبيط والفجل والسبانخ.


8 -اللحم الأحمر للتفكير



اللحوم الحمراء والكبدة من الأكلات اللي فيها نسبة الحديد عالية جداً، والحديد ضروري لإمداد المخ بالأكسجين اللازم علشان يؤدي وظيفته بشكل جيد، وكمان قلة نسبة الحديد في الجسم بيؤدي لنقص الذكاء وبطء التفكير وقلة التركيز.


9- الماء سر الذكاء



الماء من العناصر الأساسية والضرورية جداً علشان المخ يشتغل بشكل سليم، حيث إن الماء بيدخل في حوالي 3/4 مكونات المخ، وعلشان كده قلة شرب الماء بتؤدي إلى قلة قدرة المخ على تخزين المعلومات والتفكير وضعف الذاكرة.. يعني لازم تشربي على الأقل 8 أكواب من الماء يومياً.


10- المريمية وصفة سحرية



اكلات لتنشيط الذاكره


المريمية ده عشب يُشبه النعناع، ويستخدم كأعشاب في الأكل أو ممكن تشربيه ساخن، وهو له فوائد صحية كتيرة جداً، وثبت إنه بيحمي من مرض السرطان، ده غير إنه بيساعد على إفراز مواد مسئولة عن نقل الرسائل العصبية من وإلى المخ. وكمان بيساعد في رفع الحالة المعنوية وعلاج الاكتئاب.


11- الفراولة.. شباب على طول



اكلات لتنشيط الذاكره


الفراولة من الفواكه اللي لها تأثير جيد جداً على القدرات الحركية والقدرة على التعلم وتنشيط الذاكرة، كمان بتقلل من مخاطر ضعف الإدراك المرتبط بالتقدم في السن.


12- الصويا للحيوية



اكلات لتنشيط الذاكره


كل الأكل اللي بيحتوي على الصويا زي اللبن الصويا وفول الصويا بتقلل من فقدان الذاكرة وكمان فيه نسبة عالية جداً من البروتينات المفيدة للجسم واللي بتخليكِ مليانة صحة وحيوية، ولو كنتِ عايزة تقللي وزنك فهو بيقلل الشهية وبيسرع الشعور بالامتلاء والشبع كما تلعب الصويا دوراً في تخفيف الكرش وتراكم دهون البطن.


13- الشيكولاتة لأوقات السعادة



الشيكولاتة مش بس حاجة لذيذة لا دي كمان مفيدة جداً للمخ، وكمان بتحسّن الحالة النفسية جداً، وبتزود القدرة على الاستيعاب والتركيز، بس لازم تاخدي بالك من كميات الشيكولاتة اللي بتاكليها لأن كترها ممكن يؤدي إلى إدمانها بإنك تبقي مش قادرة تستغني عنها.


14- القهوة للقوة



اكلات لتنشيط الذاكره


لو شربتِ فنجان أو فنجانين قهوة في اليوم ده بيقلل من فرصة تعرضك للاكتئاب وبيزود من قدرتك على تحمل المشاكل اليومية، بس أهم حاجة إنك ما تزوديش الكمية عن كده علشان ما تعملش نتيجة عكسية.


15- البرتقال للتفاؤل



البرتقال عنصر غني جداً بفيتامين سي، الذي يعتبر مولد الطاقة في الجسم، وأي نقص في كمية الفيتامين ده في الجسم بيتسبب في الشعور بعدم الراحة والإرهاق، كما أن تناول كمية أكبر من فيتامين سي يمكن أن تجعلك أكثر ابتهاجاً وتفاؤلاً.


16- الموز قبل النوم



الموز من الفواكه اللي بتقلل من إحساسك بالقلق والتوتر، وكمان بتخلي نومك هادئ ومريح؛ لأنه غني بمادة الماغنيسيوم اللي بتهدي الأعصاب جداً.


17- الكاري لتجنب الزهايمر



الكاري مفيد جداً لتجنب أعراض الشيخوخة وفقد الإدراك أو "الزهايمر".


18- الجزر.. مش بس بيقوي النظر



اكلات لتنشيط الذاكره


كلنا طبعاً عارفين من زمان إن الجزر مفيد جداً في تقوية العين والقدرة على الإبصار، لكن مش دي بس فايدته الوحيدة؛ لأنه له فوائد تانية كتيرة جداً، ومنها إنه بيعمل على تهدئة الأعصاب وتحسين الحالة النفسية.


19- التمر فيه السر



اكلات لتنشيط الذاكره


التمر من الأكلات اللي ذُكرت في القران الكريم، وطبعاً له فوائد كتيرة جداً صحية، بالإضافة إلى إنه بيزيد من الإحساس بالهدوء النفسي والعصبي.


20- النشويات لرفع المعنويات



كل الأغذية الغنية بالنشويات زي الخبز والمكرونة وغيرها من المعجنات بتحسن معنوياتك جداً، وبتقلل من فرصة إصابتك بالعصبية والعنف الشديد أمام المواقف الصعبة، وعلشان كده الناس اللي بتتبع ريجيم خالي من النشويات بيكونوا أكثر عرضة للاكتئاب من غيرهم.


وفي النهاية لازم تعرفو إن كل الأكلات اللي فاتت دي حتى ولو كانت مفيدة لازم تكون معتدلة في تناولها... لإن الإفراط في أي حاجة ممكن يكون له اثار عكسي





المواضيع المشابهه
الموضوع كاتب الموضوع المنتدى مشاركات آخر مشاركة
اكلات منوعه للبطاطس شروق الامل الطبخ و إعداد المأكولات 4 09-07-2016 12:50 PM
كتاب اكلات السمك لشهرزاد سعد الدين كتب الطبخ والحلويات 0 30-01-2015 11:36 PM
اكلات تسبب الراحة النفسيه شروق الامل المنتدى العام 5 03-10-2013 10:24 AM
اكلات سريعه شروق الامل الطبخ و إعداد المأكولات 4 01-03-2013 03:10 AM
ملف كامل عن اكلات الصواني بالفرن aridj 23 الطبخ و إعداد المأكولات 0 13-02-2010 05:45 PM
27-07-2012, 08:38 PM
khaled99 غير متصل
عضوية الشرف
رقم العضوية: 343614
تاريخ التسجيل: Aug 2010
الإقامة: مصر- المنيا - منشأة بدينى
المشاركات: 16,476
إعجاب: 3,609
تلقى 1,726 إعجاب على 624 مشاركة
تلقى دعوات الى: 1132 موضوع
    #3  
رائع جدا ولكن اول مرة اعرف
ان الجزر بينشط الذاكره هو مضاد للأكسدة


ادعوا لأخوانكم
فهم فى أمس الحاجة اليكم

27-07-2012, 10:52 PM
أبو الدحداح غير متصل
الوسـام الماسـي
رقم العضوية: 401962
تاريخ التسجيل: May 2012
الإقامة: مصر - شمال سيناء
المشاركات: 3,380
إعجاب: 777
تلقى 142 إعجاب على 48 مشاركة
تلقى دعوات الى: 395 موضوع
    #4  
ما شاء الله

حاجات موجودة فى كل منزل لكن لا أحد يعرف ثمارها


كلماتك أخلاق تظهر *** وكلامك عنوانك فانظر
في ذاتك كيف ستبديها***في أي مقام تجعلها

28-07-2012, 10:58 AM
محمد السفير غير متصل
الوسـام الذهبي
رقم العضوية: 393296
تاريخ التسجيل: Nov 2011
الإقامة: عراقـي وأفتخـر .
المشاركات: 2,211
إعجاب: 497
تلقى 419 إعجاب على 61 مشاركة
تلقى دعوات الى: 3 موضوع
    #5  
جزاك الله كل خير , أخي الكريمـ


31-08-2012, 10:13 AM
AHMED_NABIL غير متصل
عضـو
رقم العضوية: 372183
تاريخ التسجيل: Apr 2011
الإقامة: EGYPT
المشاركات: 2,044
إعجاب: 34
تلقى 378 إعجاب على 73 مشاركة
تلقى دعوات الى: 1 موضوع
    #6  
مشكور بارك الله فيكى معلومات قيمة


 


اكلات لتنشيط الذاكره

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.