أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


08-07-2012, 01:58 PM
انطون سابا غير متصل
عضو مشارك
رقم العضوية: 403953
تاريخ التسجيل: Jun 2012
المشاركات: 37
إعجاب: 0
تلقى 4 إعجاب على 2 مشاركة
تلقى دعوات الى: 0 موضوع
    #1  

بمكرو النقل


بمكرو النقل حط إيدو ع إيدي قلتلو التمّ
لمّ إيدو عن إيدي ووجهو صار ينقّط سم
دولاب المكرو بطجي وبعدا طجي كبيري
إيدي صارت ع إيدو مرغومي تضرجت دم
***
قالي بلؤم لمي إيدك بضحكي غشاني
قلتلو ماني قصدي رغما كان لوتفهمني
ضحك قال وحدي بوحدي فيكي تنسي
عيني لاقت عينو وماأجملها وما ألعنّي
***
قلت ولو إيدك لمست إيدي شو يعني ومرات
شو رح يطلع لك أو رح تربح ولو كمشة آهات
عجبي لكل شب مرتب متلك بعد مانو مهذب
حتى ربما يحلى بعين البنت يعجبا لزمن آت
***
قال بخباثي يادلّي عليكي عقلك شو ظغير
الكهربا تيار إن مابالتلامس ماراح العمر تصير
باللمسي حطي مشاعر قلبك وبعدو سؤال
كيف اللمسي من قلب بتحرق قلب وضمير
***
ضحّكني سألتو عن صحة ثبات هيكي كلام
لكام وحدي الشب جنابو بيحلالو يعمل غرام
ومابتلزمو غير وحدي جنابو الأبو عرف الديك
متل الديك واحدكم لاينام ولابيخلّي حدّ ينام
***
قال يافرفوره إن ماحاكيتك أنا صوره لصوره
كيف رح أعرفك وتعرفيني وتكونيلي أموره
لحتى إن ماحبيتيني روح شوف حدا غيرك
وإن حبيتي لوحدك حتما بتكونيلي سنيوره
***
متحايل قلت المتلك متل غيرك كل الشباب
مفكر بغرورو ديك أوحد لكلمن حولو الحبّاب
بشوية عواطف كذب مفبرك ع قشي لفّي
هدّوا حالكن كل بنت بالشدّي بيصيرلا نياب
***
قال نعم كل حيلجي بينقّي بدقه الكلمات
جربيني لمره لو مهذب وإذا بدّك كتر مرات
إن ماعجبتك بسيطه بدفشي رميني بعيد
لتشوفي كم بعدا بتتمني ارجعلك بصلحات
***
سألتو الملعون وأنا غشياني منّو وعم اضحك
صاحبت وفارقت وصالحت وبعدك هون بتضحك
لابتعرف عني ولا بعرف عنك ولو نتفة معلومي
فعلا ممثل بارع وقدّيش عم يعجبني علو فنك
***
قال ببرادي أنا شب مكمل وبعدني شب عازب
بفضل كون ديك لحالي ولا للجاجات حدّ مضارب
ريتك تكونيلي الجاجي الوحيدي البعطيها العمر
لو طبعا عجبتك فعلا ولو ما لأتجاوز عنك هارب
***
قلتلو الجاجي الـ قدّامك عندا شو مللا فحل ديك
مهما تتهندم بيفوقك جوزي حلا وبعد كتر تحنيك
والظاهر مع كل الأناتي بتمارس ذاتك ذات الأدوار
الأفضل تهدّي حالك وتهتدي بتقوى الله الله يهديك
***
رد بوقاحه الواجب بيجبر جرب بنات كتير كتير
وبغير خطه عمري مابجتمع بحلوي لا مابيصير
ياستي الجازي خبط ولزق بوسايط الخطابات
بعمرا جازي ماتنجح ورح عمرا يكون قصير كتير
***
وعند هذا الكلام الزنطار انقطع بيني وبينه الحوار المختار فما رأيكم قرائنا بمنتدانا وضيوفه من الزوار . دمتم وسلمتم وتحياتي لكم بالقنطار .





المواضيع المشابهه
الموضوع كاتب الموضوع المنتدى مشاركات آخر مشاركة
مشكلة فى النقل بين هاردين شريف عزت صيانة الكمبيوتر وحلول الحاسب الألي - هاردوير 3 30-05-2009 10:56 AM
برنامج النقل المعجزة سرعة النقل فيه بتوصل ل 40mb في الثانية mabroukbenbrika برامج 22 29-01-2009 01:01 PM
برنامج النقل المعجزة سرعة النقل فيه بتوصل ل 40MB في الثانية من غير مايتقل الجه greenday_lp برامج 31 18-05-2008 12:12 PM
 


بمكرو النقل

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.