أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


31-03-2012, 07:42 PM
khaled abd elhafez غير متصل
عضو جديد
رقم العضوية: 399122
تاريخ التسجيل: Mar 2012
المشاركات: 14
إعجاب: 0
تلقى 23 إعجاب على 11 مشاركة
تلقى دعوات الى: 0 موضوع
    #1  

أشهر جمل بيقولوها الأب و الأم


جبتلكم النهاردة مجموعة من اشهر الجمل اللى بتتقال فى كل بيت:



*ربنا يرزقك بعيل يوريك اللي ورتهوني .


* جتها نيلة الى عايزة خلف تيجى تتفرج .


* امشى جاتك مشش فى ركبك.


* رحلة ايه ان شاء الله, على أيامنا ماكوناش بنتطلع زفت رحلات .


*أوعا حد يضحك عليك ويقولك جرب السيجارة دي.


* ايه الا مبالاه و الاستهتار اللي انت عايش فيهم دول .


* قوم اقرا لك كلمتين ينفعوك .


* وطي المدعوق ده شويه .


* انت فاكرنا نايمين على ودانا ؟


* بلاش أكل بره .


*ياريتك تحفظ دروسك زى مانت حافظ الاغانى.


* عيب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انت كل يوم تصاحب واحدة جديدة ؟.


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها او تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* ما تعليش صوتك .


* وانت فاكر احنا مستنيين منك حاجه .


* المسلسل مش هينفعك ...قوم .


* متفتحش الباب لحد و انت لوحدك و متدلدلش راسك من شباك العربيه .


* كفايه رغي في التليفونات .


* كل على مهلك .. وامضغ كويس ... وما تكلش وانت واقف .. وكل من قدامك وما تحفش .


* اطفي التلفزيون وقوم ذاكر ولا و خش اوضتك .


* ربنا يهديك ربنا يهديك ... وأحيانا .. انك لا تهدي من أحببت .


* صليت العصر ؟!


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


* افرد ظهرك .


* لم شراباتك.


* ماتكلش فى ضوفرك.


* كنت فين لحد دلوقتى يا صايع.


* ماتتأخرش علشان عندك كلية بكرة بدرى.


* انا مش عارف انت طالع لمين.


* انا : ياماما بقه ايه ده ؟؟؟
ماما:مووو لما يخدك .


* ده منظر اوضة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* البس فنله قطن تحت ودفي سدرك ودخل التيشرت في بنطلون البيجامه وانته نايم .



* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .


* احمد ربنا الاكل الى مش عجبك ده فى ناس مش لقينه .


* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .


* قومي سخني الأكل لأخوكي.


* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

أتمنى ان الموضوع يكون نال اعجابكم





المواضيع المشابهه
الموضوع كاتب الموضوع المنتدى مشاركات آخر مشاركة
من هو الأب شروق الامل المنتدى العام 4 31-05-2016 04:23 PM
مفتاح Kaspersky Internet Security 2014 أصلي لمدة 3 أشهر من الشركة الأم . rabie-dzteam برامج الحماية 15 13-11-2014 02:09 PM
من هو الأب ؟ عمر ابو الليل المنتدى العام 4 22-10-2013 09:16 PM
الأب الأم الأخت الأخ""""" قمرالشام منتدى الشعر العربي والخواطر والنثر 2 22-06-2009 12:06 AM
31-03-2012, 08:46 PM
khaled99 غير متصل
عضوية الشرف
رقم العضوية: 343614
تاريخ التسجيل: Aug 2010
الإقامة: مصر- المنيا - منشأة بدينى
المشاركات: 16,476
إعجاب: 3,609
تلقى 1,726 إعجاب على 624 مشاركة
تلقى دعوات الى: 1130 موضوع
    #2  
ههههههههههههههههه
تسلم اخى الكريم
فعلا كل يوم بتتقال الجمل ده


ادعوا لأخوانكم
فهم فى أمس الحاجة اليكم

01-04-2012, 08:54 AM
hadi almawt غير متصل
الوسـام الذهبي
رقم العضوية: 235275
تاريخ التسجيل: Feb 2009
المشاركات: 2,437
إعجاب: 390
تلقى 575 إعجاب على 208 مشاركة
تلقى دعوات الى: 57 موضوع
    #4  
رغم انها باللهجة المصرية لكنها قريبة جدا لما يقوله الاباء والامهات لدينا في العراق

شكرا لك موضوع مسلي


 


أشهر جمل بيقولوها الأب و الأم

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.