أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


29-02-2012, 11:41 AM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 254
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #1  

الثورة في عيون الحكام


الثورة في عيون الحكام
قالوا أيه.. قالوا ثورة
نار وقامت ف البلاد
جمعت كل الضحايا...
الغلابة .. والبطالة ..
وال مش لاقيين يعيشوا..
وال تعبوا م الرقاد..
كلهم بيقولوا لأ ّ..
مش هنفضل طول حياتنا
راسنا تحت ف الرماد
عشنا عمر طويل بنحلم
نفس أحلام الولاد
إما خايفه.. إما فاضيه..
إما مكبوتة بزناد
والنهاردة الطلقة طلعت..
ولعت كل البلاد..
****
واضح إن الناس دى هاجت
جالها مس من الجنون
أو كان قيامة قامت
زلزلت كل السجون
سجن جوا كل قلب
سجن حابس اى عقل
سجن لامم كل راجل..
كل طفل.. وكل ست ..
سجن حارم اى فكر.. واى حب.. واى سر
سجن فاضحك ...مهما تلبس او لبست
والقيامة لما تهدر
مين هيقدر ...
مين يوقف اى حر؟؟
مين يوقف اى جائع ..
اى عاطل ..
اى مظلوم صابه ضر؟؟
كل شر وأخره شر..
يبقى لازم...
م البداية..
كل خلق الله دى ترجع..
لجل تركع في الجحيم...
*****
قالوا أيه ؟؟
قالوا ثورة ..
فتحت كل العيون
وال كان طول عمرة نايم
قام بيفرك في الجفون
وال كان مقهور وخايف
خلف جدران السجون
فجأة ولعت فيه شهامته
قالها ثورة..
مهما كان ... أو راح يكون..
*****
قال و عايزين أيه... عدالة !!
قال ... وجنب العيش .... كرامة !!
قال ... وحرية ووظيفة !!
منها ياكلوا اى لقمة تكون شريفة ..
يبدوا إن الناس دى فلتت
لما شافوا الخير بعينهم
لما حسوا الأمن عشش فوق حيطانهم..
لما عاشوا ف حلم اكبر من خيالهم
أصل برضه .. كل حاجة وليها حد
وال يحلم ... حلمه محتاج رد جد..
دا العقاب – ف بلادنا طبعا –
حكم ملهوش اى رد..
*****
يعنى ايه عايزين عدالة ؟؟
لو ميزان الحق يعدل..
تبقى هى دى الضلالة !!
يعنى ايه عايزين كرامة ؟؟
الكرامة للشعوب هى المهانة.!!
وال ياكل بكرة راح يكبر علينا
وال يلقى شغلة دايمة
بكرة يجرى القرش ف ايده
راح يخزق بيه عنينا..
وال يحلم .. راح يفكر..
وال فكر.. راح يدبر..
وال دبّر بكرة تدبيره علينا
يبقى لازم....
كل خلق الله دى تركع
لجل تعرف..
ان مهما الناس تثور
زيها زى الهشيم...
*****
لو دى غابة ...
احنا فيها السادة ..احنا المسؤولين...
البلد دى للاكابر
وإحنا فيها الأمرين
وف طريقنا..
احنا بس علينا نرسم
كل خطوة تكون عليه
وإحنا برضه..
بس نختار اى رجل تسير عليه
وال يحلم انه يهرب من ايدينا
وال يرمش بس لحظة..
قبل ما يشور حد فينا...
مش هيصعب يوم علينا
يبقى لازم..
كل خلق الله دى تفهم..
لجل تمشى ف السليم...!!
*****
يعنى أيه الناس تثور؟؟
دى مؤامرة أو فجور
يعنى أيه عايزين يعيشوا؟؟
دول حشيش شيطانى نبت بالشرور
يبقى هو الحل واحد
هو قلعه م الجذور
راح نقتل..
مش حرام!!
التراب بالدم اطهر م التراب
والعذاب للناس دى ارحم م الخراب
لما ييجوا هددونا
إحنا مش ناقصين شباب
دا الشباب معناه عزيمة
والعزيمة ريح قوية
لو نسيبها راح تقلع كل حاجة
إحنا عايزين شعب تافه
مهما يقوى ..يبقى عامل كالسراب
مهما يلمع .. يبقى وهم..
مهما يحلم.. يبقى حلم..
والخلاصة...
القانون ما فهش ثورة
والعبيد مكتوب عليه
كالنعال ..ما تعش حرة
وال ثاير .. يبقى خاين
وال خاين عيشته تحرم
دا قانونا ....
وال مش عجباه عيشتنا .. بكرة يندم
جمال نصير في 25/2/2012





المواضيع المشابهه
الموضوع كاتب الموضوع المنتدى مشاركات آخر مشاركة
ايها الحكام والملوك والأمراء مروان الغالي منتدى الشعر العربي والخواطر والنثر 1 18-02-2015 11:29 PM
بلاتر يطالب باحتراف الحكام ALAA رياضة - أندية كرة القدم - بطولات دولية - بطولات عربية 0 26-03-2013 02:16 AM
الوثائقي الرائع :: مواســـم الثورة :: حصيلة الثورة في عامين Eng_Ahmed أفلام وثائقية 4 13-02-2013 01:13 PM
دعاء الحكام العرب بنوتة مصرية صور - طرائف - الغاز - مسابقات - تسالي - مرح - نكت - فوازير 8 24-11-2007 02:01 AM
جنون الحكام GADO MAN المنتدى العام 3 03-08-2006 09:34 PM
01-03-2012, 09:50 AM
hadi almawt غير متصل
الوسـام الذهبي
رقم العضوية: 235275
تاريخ التسجيل: Feb 2009
المشاركات: 2,470
إعجاب: 390
تلقى 593 إعجاب على 214 مشاركة
تلقى دعوات الى: 60 موضوع
    #2  
رائع
مجهود متميز وقصيدة معبرة


02-03-2012, 04:55 PM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 254
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #3  
المشاركة الأصلية كتبت بواسطة hadi almawt 
رائع
مجهود متميز وقصيدة معبرة
اخى هادى بارك الله فيك وجزاك الله القدير كل خير وشكرا على مرورك الطيب

 


الثورة في عيون الحكام

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.