أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


18-02-2012, 07:52 PM
عادل ماجد غير متصل
عضو جديد
رقم العضوية: 397509
تاريخ التسجيل: Feb 2012
المشاركات: 11
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #1  

احزن روايه ... شعر من تاليف عادل الشاعر




احزن روايه تاليف عادل الشاعر
راح اسمــــعك قصه صارت من زمان ,,,
عن اهل معنى الشرف عن اهل احزن روايه...
هم نـــــــــاس نوصـــــفوا بعزة نفس ,,,
والوكت خــــــلاهم بجمره ضـــــــــــــــحايه...
انولدت بليلة كمر نــــــــــــور الهدى ,,,,
ومــاتت امـــــها تيتمت مـــنذ البدايــــــــــه...
وظل ابــــــوها بزود ربـــاها بــشرف,,,,
وبحســــن تربيته صـــارت هــلربايـــــه.....
ترعرعت وكــــــــبرت وشبت هـــلبنت,,,
وصــــــــارت تغــــار منها احلى الصبايه....
وصــــارت امن تـــفــوت كلـها تندهش,,,
شلون وحـــده حــليوه لبســت هــلعبايــه....
مـــــرت سنين ومـــــضت شيب ابوها ,,,
راد وحــــده تســــاعده بـــحمل الرعــايه....
اخذ وحـــــده وحسب بــــحاله انســـعد,,,
بـــــــــــــلايه هــــــم تزوج بلايه درايه ....
ابجـــــــم قـــناع تقنعت هــــاي المــره,,,
بالضهر تطعن بخنجر بالوجه احلى مرايه..
وهي تضحك بالجذب كلـــما تشـــوفه ,,,
بس من الداخـــــــــــــــــل تدلسله قضايه...
وبليله ظلمـــــــــــــه دبرت اكبر مكيده,,,
طعنت ببنت الشرف ظلمت بأبشع حجايه...

تهمته بنــــور الـــهدى بـــايد شرفها ,,,
فزت جروحه ابوها كال ماصدك هلدعايه....
هـــــــــاي بنتي رابيه بعـــــــز وشرف,,,
وحمدت ربي وشكرته اعله النــــــــطايه....
وظلت توسوس براســــه وتحجي بس,,,
لحد ما خلته يصــــــــــــــــــدك هلجنايه....
راد منها اثبـــــــــــــــــات حتــه يقتنع,,,
فرحت وكـــــــــــــــــالت تعال انت معايه...
اخذته لـــــــــــــــواحد مثلها بالشرف ,,,
يبيع اهله وحته امه والكذب يشريه شرايه..

كـــــــــــال بنتك هــــــاي مو باكر ابد,,,
واني احبها من زمان وما تحب غيري عدايه....
واكظي طول الليـــــــــل ادفه بحضنها ,,,
بحضن واحد جوه شجره نبقه نتسامر حفايه...
وروح اسأل شـــهد الناس اللي شافت ,,,
اني ما احجي واجذب اني ما ارمي البلايه...
دنك براسه ابوهـــــا دمعت عينه وبجه,,,
وانمله بحزن وغضب كال طلعت من رضايه....
وراح اغسل عاري واذبحها بدي ,,,
واخلص من العار هذا وراح اشوفها المنايه...
طب عليها بخنجر والعين مليانه غضب,,,
شافهه تسجد تصلي شــــــــافهه تجود بآيه...
تقره سورة مريم بحسها الحزيــــــــــن ,,,
عيني يا اعجب صدف عيني يا اعجب كنايه...
ما كدر يقترب منهـــــــــــــا حس بعيد ,,,
كال روحي ذبلت ويصعب مشايه...
التفتت وكالت يبوي عيني اسم الله عليك,,,
هاك اشرب ماي زمزم اشرب وارتوي بمايه....
حس عليهــــــــــــا فتحت عينه وشاف,,,
شاف شمس بنور تضوي شافهه بنور النبايه....
شهك حسره وكـــــــــال ياوسفه عليج ,,,,
يل عســـــــــــــاني ميــــــــت بنعشي عسايه.....
شلون خنتي هلشرف وشلون ما كلبج نطاج ,,,,
يلي جــــــــــــــــــان الشرف بيج احلى هدايه.....
دمعت عين البنت سكتت خجل,,,
ودنكت هلراس تبجي والله ما تحمل خطايه....
صدك بوسواس مرتــــــــــــه بالـــــعقل,,,,
كلمة البايدة شرف كـــــل ساعه جايه....
حط بديه الخنجر وكــــــــــــام ونظـــــر ,,,
دج كلبها وكــــــــال مــــا احـــــــمل كفايه...
اني رابي ويه الشــــرف واكبر واشيب ,,,
وبيدي اموته العــــــــــار لو حته بنسايه....
وهو مــــــــا يدري البريئه شلون ماتت,,,
صدك بكلمه انكلت ذولي الوطايه...
عجبه هاي النــــــــــاس معدومة شرف,,,
وعجبه اشـــــراف التـــصدك هلوشايه....
هي دنيه ..هي دنيه وتلكه بيها الطيبين ,,
وتلكه بيها الحقد مزروع بخفايــــــــــه...
وتلكه بيها الصــــــــاحب واصله شريف ,,,
وتلكه بيها الصاحب المـــــاعنده وفايه...
هلكــــــــــــــــــــــــلام تفصل بواقع خيال,,,
وبالخيـــــــال انرسمت حروف الحكايه....
هلروايه انكتبت بمعنى الحزن ,,,
وبالحزن تبقه وتخلص للنهايه.....
وبالحزن تبقه وتخلص للنهايه.....

وشكراً : عادل الشاعر





ويمكنكم سماع الشعر بألقائي على هذا الرابط :



http://www.4shared.com/mp3/bpUwpNTJ/...zn_rwaya.html?







المواضيع المشابهه
الموضوع كاتب الموضوع المنتدى مشاركات آخر مشاركة
حالة يأس ........ تأليف عادل الشاعر عادل ماجد منتدى الشعر العربي والخواطر والنثر 2 19-04-2012 03:00 AM
الصداقه ...... تأليف عادل الشاعر عادل ماجد منتدى الشعر العربي والخواطر والنثر 0 19-04-2012 01:28 AM
من اول مره شفتك ......... عادل الشاعر عادل ماجد منتدى الشعر العربي والخواطر والنثر 1 19-02-2012 06:57 PM
المرأه هاي امي ....شعر من تاليف عادل الشاعر عادل ماجد منتدى الشعر العربي والخواطر والنثر 0 18-02-2012 07:54 PM
حبيتك ...... تاليف عادل الشاعر عادل ماجد منتدى الشعر العربي والخواطر والنثر 0 18-02-2012 07:50 PM
 


احزن روايه ... شعر من تاليف عادل الشاعر



English

Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.