أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


24-12-2011, 02:50 PM
MohamedYousri غير متصل
عضو جديد
رقم العضوية: 36878
تاريخ التسجيل: Mar 2006
المشاركات: 15
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

أستفسار بخصوص التجنيد و التأجيل المؤقت


أستفسار بخصوص التجنيد التأجيل المؤقت جميعا

موقفي هو كالتالي و اتمني اني اقدر اشرحه بطريقه واضحه و سلسله تسهل عليكم مساعدتي اللي اتمناها تكون سريعه ...

انا مواليد 1986 و لسه متخرج دور اكتوبر 2011 كنت بسقط في الكليه وواخد السنه في سنتين يعتبر ... والدي 63 سنه و أخويا لسه طالب في كليه الطب جامعه عين شمس في الفرقه الخامسه و مواليد 1990

رحت سألت في مكتب التجنيد الظابط اللي جوه قاللي أعمل الورق بتاع الابن الوحيد بس هتزود عليه شهاده إثبات قيد لأخوك الطالب في الكليه بتاعته ....

الحمد لله خلصت الورق كله و معايا القيد العائلي من السجل المدني , شهادات ميلاد كمبيوتر ليا و لأخويا و لوالدي و لوالدتي , قسيمه الزواج للوالد و الوالده قديمه و كمبيوتر , بطاقه 7 جند علشان لسه مش عارف اسحب الملف من الكليه واخد الـ6 جند

اللي انا عارفه اني هاروح الهايكستب هاخد تأجيل مؤقت ...

ده أول تأجيل أعمله لأني لسه متخرج السنادي ... التأجيل ده هيبقي مدته قد ايه ؟؟
و انتهاء السبب بالنسبه للتأجيل ده هو تخرج اخويا من الكليه ؟؟
يعني بمجرد ما يتخرج علي طول المفروض اني اروح اسلملهم نفسي ؟؟؟
و بفرض ان اخويا هيدخل الجيش ساعتها انا هيبقي موقفي ايه ؟؟ هل هاخد تأجيل تاني كوني العائل الوحيد للأسره برضه ؟
و بفرض انه أخد إعفاء لأنه مريض بأنيميا البقول ( أنيميا الفول ) هل ساعتها هيبقي هو عائل الاسره و انا اللي لازم هدخل ولا هتبقي برضه متعلقه بسماع الارجاء الخاصه بدفعتي وانا و حظي ؟؟
وهل اذا كان سني اقترب من الـ30 و لم اذهب بعد زوال السبب أعتبر هارب ولا اقدر ادفع الغرامه ؟ ولا الغرامه لمن لم يقدم نفسه الي التجنيد بأي حال من الاحوال سواء كان تأجيل مؤقت او خلافه ؟ وهل يعتبر هروب ؟؟ ولا الهروب ده في حاله انه يتم قبولي للتجنيد و اسلم نفسي بعد كده ما ارجعش تاني مثلا ؟؟؟

الفرق بين الهروب و فقدان الدفعه مش واضح و دايما فيه لبس ...


شكرا جزيلا و اتمني الرد علي النقاط دي في اسرع وقت جزاكم الله كل خير






المواضيع المشابهه
الموضوع كاتب الموضوع المنتدى مشاركات آخر مشاركة
هل استطيع الحصول على اعفاء مؤقت لهذا السبب ام هذا يتعارض مع الاعفاء الدراسي؟؟ muhammad. مُسْتَشارُكَ القّانُونيْ 3 22-08-2015 11:59 PM
هل كوني ولد وحيد لها يعني الاعفاء .. أم اعفاء لكونها مطلقة ؟ mohammedtaher112 مُسْتَشارُكَ القّانُونيْ 3 20-01-2015 12:41 AM
أستفسار بخصوص الأعفاء المؤقت للتجنيد AhmedRehim4 مُسْتَشارُكَ القّانُونيْ 4 11-10-2014 10:51 PM
هل شهادة التأجيل ستكون مدتها 3 سنين وبعد ذلك تجدد ؟ Gamgamm مُسْتَشارُكَ القّانُونيْ 5 28-02-2014 11:09 PM
سؤال بخصوص التأجيل المؤقت وسن الزواج الرسمي خريج-ثانوي مُسْتَشارُكَ القّانُونيْ 2 16-10-2009 11:54 PM
26-12-2011, 01:18 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #2  
اهلا بيك

لو اخوك دخل الجيش
حتستمر الاعفاء مدتها حتكون 3 سنين

ما دخلش يبقى زال السبب
ولازم تقدم نفسك

او انك ما تروحش وده حيبقى تخلف
وبمجرد ما تعدي الثلاثين سنه بيوم
تقدم نفسك للمحاكمة
وعادة بتكون غرامه باذن الله


تحياتي


هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com

26-12-2011, 01:18 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #3  
اهلا بيك

لو اخوك دخل الجيش
حتستمر الاعفاء مدتها حتكون 3 سنين

ما دخلش يبقى زال السبب
ولازم تقدم نفسك

او انك ما تروحش وده حيبقى تخلف
وبمجرد ما تعدي الثلاثين سنه بيوم
تقدم نفسك للمحاكمة
وعادة بتكون غرامه باذن الله


تحياتي

26-12-2011, 02:00 PM
MohamedYousri غير متصل
عضو جديد
رقم العضوية: 36878
تاريخ التسجيل: Mar 2006
المشاركات: 15
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #4  


شكرا جزيلا علي الرد و اتمني ان يتسع صدركم لاستفسار اخر ...

بعد الاعفاء المؤقت و زوال السبب و هو انهاء اخي للتعليم و تقديمي للورق بتاعي دون اي تخلف و في فتره الشهر المحدده بعد زوال السبب ...

هل لازم لازم لازم ادخل الجيش ساعتها ولا بيتم معاملتي كأني مستجد تماما له كل الحقوق و الاحتمالات بالحصول علي اعفاء طبي او تأجيل او دخول الجيش ؟؟؟

و هل ليها علاقه بموقف اخويا التجنيدي ساعتها ولا لأ لأنه ساعتها هيكون في سنه الامتياز و دي تأجله هو التجنيد لكن انا بمجرد ظهور نتيجه الفرقه السادسه و حصوله علي البكالوريوس المفروض اقدم علي ورقي ده الكلام اللي اتقاللي النهارده ان سنه الامتياز ما تدنيش انا تأجيل كبير عائله تاني


29-12-2011, 12:41 PM
MohamedYousri غير متصل
عضو جديد
رقم العضوية: 36878
تاريخ التسجيل: Mar 2006
المشاركات: 15
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #5  


اللي حصل كالآتي ...

رحت الهايكستب قدمت الورق و بعد الانتظار حتي الساعه 2.30 لقيت العسكري بينادي علي اسمي و قاللي ان الورق بتاعي وقف بسبب شهاده إثبات القيد بتاعت اخويا اللي معموله في الكليه لأنه مكتوب فيها انه مقيد في العام الدراسي 2010/2011 في الفرقه الخامسه و بالنسبالهم العام الدراسي ده خلص خلاص...

في حين انه في الواقع و في الكليه هو لسه هيدخل الامتحان الاسبوع اللي جاي و النتيجه تطلع في يناير لو نجح يبدأوا في سنه سادسه في اخر شهر يناير لأن الفرقه الخامسه و السادسه في طب عين شمس متصلتين ببعض و مش باينلهم اول من آخر و ينفع يعمل تأجيل للأمتحانات و مالهاش اي علاقه بالسنين الدراسيه الطبيعيه في كل كليات مصر !... هي الكليه نظامها كده لكن مش قادرين يقتنعوا بيه في الهايكستيب ..

دلوقتي انا اسمي عندهم علي الكمبيوتر ضمن طلبات الحصول علي اعفاء عائل الاسره لكن إصدار الشهاده متوقف علي اني اجيبلهم شهاده إثبات قيد من الكليه يقتنعوا بيها في الهايكستيب و عايزنها تبقي للعام الدراسي 2011/2012 و دي عمر ما الكليه هترضي تطلعهالي لأنه مقيد عندها في العام الدراسي 2010/2011 اللي لسه ما انتهاش !!!

لو انا ما رحتش خالص ولا قدمت الورقه ولا غيره ولا عملت اي حاجه تاني في الهايكستب ... موقفي الحالي يبقي ايه بالظبط ؟؟!!

29-12-2011, 12:57 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #6  
لازم تثبت حقك
وما تضيعوش
انت كده تبقى متخلف عن التجنيد في ميعادك

وما لكش تأجيل لو دفعتك اخدت تأجيل

ما فيش مشكلة جنائية حاليا
لكن ممكن اي لجنه تشك فيك يسأل عن موقفك من التجنيد

تحياتي

29-12-2011, 03:30 PM
MohamedYousri غير متصل
عضو جديد
رقم العضوية: 36878
تاريخ التسجيل: Mar 2006
المشاركات: 15
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #7  
المشاركة الأصلية كتبت بواسطة Hany Adel 
لازم تثبت حقك
وما تضيعوش
انت كده تبقى متخلف عن التجنيد في ميعادك

وما لكش تأجيل لو دفعتك اخدت تأجيل

ما فيش مشكلة جنائية حاليا
لكن ممكن اي لجنه تشك فيك يسأل عن موقفك من التجنيد

تحياتي
ما هو ده اللي انا عايز اعمله ان ليا حق و عايز اخده لكن المشكله انهم مش قادرين يفهموا ان السنتين الدراسيتين الخامسه و السادسه في طب عين شمس سنين ممتده و مالهاش اي علاقه بباقي الدنيا

انا فكرت اني اروح يوم السبت الهايكستب و اطلب مقابله اي حد مسئول هناك و افهمه الموقف علشان علي الاقل اعرف اجيبلهم الشهاده اللي هم عايزينها علي مزاجهم و فكرت برضه اني اخدلهم نسخه من جدول الامتحانات علشان يصدقوا ان السنه الدراسيه 2010/2011 لسه هتخلص في 19/1/2012 !! لو نجح هينتقل للفرقه السادسه اللي هتبدأ في فبراير 2012 و تنتهي في مارس 2013 لكن هيبقي اسمها 2011/2012 !!!

في نفس الوقت لو حبيت اقدم الورق عادي مش هلحق دفعتي طبعا و ساعتها هبقي داخل داخل و هيبقوا هم اللي ضيعوا حقي في التأجيل او سماع الارجاء كمان ...

انا بتكلم علي الوضع الحالي دلوقتي .. انا اسمي عندهم اه لكن لا اخدت تأجيل ولا انا دخلت و طلعت الـ110 جند ولا عملت اي حاجه من اجراءات التجنيد العاديه ... هل هنا لما ابقي 30 سنه اعتبر متخلف و ادفع الغرامه و خلاص ولا هيعتبروني هارب

 


أستفسار بخصوص التجنيد و التأجيل المؤقت

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.