أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


06-12-2011, 01:36 PM
tarek nour غير متصل
عضو جديد
رقم العضوية: 387224
تاريخ التسجيل: Sep 2011
المشاركات: 9
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

حكاية بس شيقة !!


حكاية شيقة

تحياتي للقائمين على المنتدى ، داعياً الله تعالى ن يجعل عملهم هذا خالصاً لوجه الكريم وأن يجزيهم عنا خير الجزاء

وزي ما العنوان واضح كده ،، حكاية بس شيقة فعلاً وليا إستفسار في نهايتها

- توفى الله والدي من حوالي 12 سنة عام وكنت في ثانوي عام ،، المهم كان مريض قبلها بحوالي 9سنوات وأحيل إلى المعاش وكان معاشه تقريباً 165 ج ،، المهم قعدنا حوالي سنتين نجري في إجراءات وحوارات المعاش لحد ماتم تحديد معاش لينا ولجدتي لوالدي اللي كانت عايشة في الوقت ده ، وتم تحديد معاش لأسرتي اللي هي أمي وأنا وإخواتي الثلاثة ، وتم تحديد معاش لجدتي بحكم إنها وريثة وفقاً لإعلام الوراثة اللي كان صادر أنذاك -- المهم جدتي لوالدي لإنها عايشة في بلدنا في الصعيد جت قالت لا ياجماعة أنا موش عايزة حاجة وكتبت تنازل بالمعاش لينا ، وعليه ابتدينا نقبض معاشنا عادي من سنة 2001 لحد دلوقتي طبعا مع الزيادات اللي كانت من من ساعة ما إتحدد لها معاش اللي كان حسني مبارك بيحددها كل سنة في عيد العمال ،، واتوفت جدتي من حوالي 10 شهور .

المهم إنخرطنا في حياتنا بشكل عادي جداً ، وجيت من حوالي شهرين أنا وإخواتي روحنا التأمينات علشان نخرج من المعاش وناخد منحة قطع المعاش ،، وفجأة لقينا إن جدتي ماكنتش بتصرف وإن المعاش كان بيروح لها لحد البلد وماكنتش بتصرف وقعد 3 شهور والتأمينات وقفته عندها وبقى شهر على شهر على شهر ،، لحد ماروحنا ناخد منحة القطع اللي بتكلم عنها دي .

قالولنا فين الست دي ، قولنا والله ياجماعة هي إتوفت ، قالو تعملوا لنا إعلان وفاة وتجيبوا شهادة وفاتها علشان نضيف نصيبها من المعاش على معاش والدتي ، فقلت لهم طب والفلوس اللي ماكانتش بتصرفها من زمان دي حكايتها إيه ، قالولي تجيبوا إعلان شرعي من المحكمة اللي حدثت في دايرتها الوفاة " ودي في قنا " ، وتجيبوا صور بطاقات الورثة بتوعها ، اللي هما والدي الله يرحمه وليا عمين تانين ،، وفعلا كلمت عمي اللي ف الصعيد واتحرك وطبعا قعد يقولي ازاي ده إحنا متنازلين وكده ، فقلت له ياعمي اللي فات مات ، وخلينا ف النهاردة ، فقالي انا هاعمل لكم توكيل تصرفوا نصيبي لو طلع شيكات ، وفعلا راح المحكمة وابتدى في إجراءات إعلام الوراثة ، وعمل التوكيل لوالدتي باستلام الشيكات وصرفها من التأمينات ومش على نفس المنهج عمي اللي ساكن معانا هنا في القاهرة وعمل بالفعل تنازل لوالدتي وعمل لها توكيل باستلام الشيكات من التأمينات برده زي عمي اللي في البلد،، .

في هذه الأثناء توفي عمي التاني اللي عايش معانا في القاهرة ، ولما راح عمي اللي في البلد اللي بيعمل الإعلان الشرعي للمحكمة علشان يعدل بقى صيغة الإعلان الشرعي ويسجل وفاة عمي التاني ، قالوا له إن مردود الإعلان الشرعي بيكون للورثة اللي كانوا موجودين في تاريخ وفاة صاحب الإعلان ، وموش هاينفع نغير اي بيانات والإعلان الشرعي بكده منتج لأثاره ،، يعني شغال عادي

يعلم ربنا الفلوس دي جاية في وقتها ، وقد ايه إحنا اتفتحت لنا طاقة من السما علشان جهاز أختي لإنها مخطوبة ومحتاجين نجوزها

السؤال

ياهل ترى ، موقف الأعلان الشرعي ده إيه ... ؟ وهل أنا لو قدمت الورق ده كله للتأمينات عادي جدا وماقولتش عمي إتوفي هايكون فيه مشكلة ،، أنا موش عايز أدخل في دوامة أوراق وحوارات تاني أحنا بقالنا 4 شهور بنجري في الورق ده كله ، وأولاد عمي اللي متوفي جديد ده كلهم مسافرين خارج البلاد ، وشغلانة تانية علشان يعملوا لنا توكيلات فضلاً عن الإعلان الشرعي لعمي

أسف جدا للإطالة ، لكن حبيت يكون الأمر بين إيديكم ،، سامحوني لكن انتظر ردكم





المواضيع المشابهه
الموضوع كاتب الموضوع المنتدى مشاركات آخر مشاركة
حكمة فى حكاية ma7m0ud المنتدى العام 3 15-11-2013 02:35 PM
صدقة: (خذ من أموالهم صدقة تطهرهم) rmithi المنتدى الاسلامي 2 21-03-2013 11:37 AM
حكاية قلب أمة الودود المنتدى الاسلامي 2 01-11-2009 10:28 PM
حكاية موظف!!!!!!!!!!!!!!!!!!!!!!!!!!!!!!! قمرالشام صور - طرائف - الغاز - مسابقات - تسالي - مرح - نكت - فوازير 7 23-04-2009 11:14 AM
حكاية جواب alamosha صور - طرائف - الغاز - مسابقات - تسالي - مرح - نكت - فوازير 5 19-11-2007 10:45 PM
07-12-2011, 11:45 AM
tarek nour غير متصل
عضو جديد
رقم العضوية: 387224
تاريخ التسجيل: Sep 2011
المشاركات: 9
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #2  
فضلاً ياحضرات

موضوعي ضاع في التوهة

أرجو الرد

شكراً لكم

07-12-2011, 08:05 PM
tarek nour غير متصل
عضو جديد
رقم العضوية: 387224
تاريخ التسجيل: Sep 2011
المشاركات: 9
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
للدرجة دي سؤالي صعب للدرجة اللي معاها حضراتكم بتردوا على موضوعات لسه مسجلة ، متجاهلين سؤالي !!!


أسف لو كنت اخدت من وقت حضراتكم

21-12-2011, 12:10 AM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,948
إعجاب: 1,042
تلقى 429 إعجاب على 67 مشاركة
تلقى دعوات الى: 1334 موضوع
    #4  
لا مؤاخذه يا غالى

الموضوع بسيط جدا

لأن اعلام الوراثة للجدة شغال وزى الفل .
ولكن
الأفضل أن يتم اعلام وراثة آخر لعمك
ولن تحتاج الى أى توكيلات من أولاده فى الخارج .
ستحتاج فقط الى شهادة وفاته واثنين شهود معك
وينتهى الموضوع .....
لأن هذا هو الصحيح ............


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

 


حكاية بس شيقة !!

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.