أستغفر الله العظيم ... سبحان الله وبحمده



العودة   منتديات داماس > المنتديات العامة > منتدى الشعر العربي والخواطر والنثر


مواضيع مميزة  


آخر عشرة مواضيع المواضيع النشطة


21-11-2011, 11:26 AM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #1  

ومشى الامام (كتبت عندما زار اوباما القاهرة)


ومشى الإمام


يا شعب يا غايب.. قيام
كل ال حاضر وال غايب وال صاحى والنيام
كله.. قيام
كل الغلابة واليتامى والكبار ال ف أيديهم قوت شعوبهم
والمشايخ والكرام
قيام.. قيام
راح ييجى من البلد – الصديقة- رجل همام
دا مش كلينتون أو - عديم الذمة - بوش
قال ايه؟!! .. اوباما ..
قالوا هو دا الإمام !!!!

*****

ده جاى يشوف بلد الفراعنة الميتين
والخلق بيهم مبهورين
ويشوف حضارة شيدوها للسنين
ويشوف طريقنا ف السياسة والصناعة
.. والزراعة والعلوم
ويشوف إدارة – مستنيرة - للمشاكل والهموم
ويشوف - تقدمنا - العظيم
ونظير كدا.. ناخد التمن..
نطلب حاجات تكفى الزمن
الشعب يطلب والحكومة واى شئ !!
وبدل ما نشحت في المنح
وحياءنا دايما ينجرح
نطلب ما نبغى مل الإمام ..ال تعوزوه

*****
تعظيم سلام...
أيدكم وراكم .. عينكو على الأرض ...وسكوت
من غير كلام
غير بالأوامر... وال مش حيكون مؤدب ؟!!
يفتكر صوت الحزام
وف صف واحد ف الطابور
يمين شمال وشمال يمين
خطوة أمام خطوات ورا
وجلوس جميعا ع التراب
من غير زحام

*****
يقف الإمام .. رجل السلام
تحنوا الظهور
وتوطوا راسكم للأمام
علشان نحنن قلب مولانا الهمام
واحد ورا التانى يقف
ويقول بكل خشوع .... رجاه
إيه رغبته أو إيه مناه
كل ال نفسه ف الحياة ..
وبالنظام..

*****

جمعة الفقير : إيه رغبتك؟؟؟
أنا عندي دسته من الولاد
متشتتين بين البلاد زي الجراد
ومراتى تعبانه ورقاد
ومرتبي ماتين جنية
هيكفوا أبه ؟
أكل الولاد؟؟
أم الولاد؟؟
دوراني ع الرزق الحلال بين البلاد؟؟؟
عيزين يادوب كام كيلوا فول!!
وشوال طحين!!
والله يطول عمر أسيادنا الكبار
المسؤولين الطيبين!!!

******

عبدة الغفير: إيه رغبتك؟؟؟
يا بيه أنا بحرس يوماتى ف قريتي
العمدة وزريبته الكبيرة والبهايم والغنم
قاعد كدا زي الصنم
ولا عندي حتى حمار صغير أو خروف
ولا شبر ارض ودنيتى مليانه خوف
ليموت أبويا وينقطع عنا المعاش
واضيع أنا وأمي ببلاش
أنا نفسي لو فى - حمار- يا بيه
يركبها أبويا وهو رايح للمدينة ال بعيد
يصرف معاشه من البريد
والله يطول عمر أسيادنا الكبار .. المسؤولين الطيبين !!!

******

صابرة اليتيمة: عايزه إيه ؟؟؟
أنا بشتغل شغالة ف بيوت الكبار
ضهرى اتقطم م الشغل وياهم يا باشا ليل نهار
ما بشوفش زوجي وخلفتى.. لسه صغار
أنا نفسي تأمرهم يا بيه
لو يسمحولى - بوجبة حلوة- زيهم
يا رب حتى تبقى فاضله منهم
أنا بطنى دابت م المخلل والفلافل كل يوم
والله يطول عمر أسيادنا الكبار.. المسؤولين الطيبين!!!

******
سكوت سكوت
فين الكبار
هو الإمام فاضي لسماع حبة صغار؟؟
عايزين بشر
حبة كبار يتكلموا
فين الكبار؟؟؟
خايفين يا بيه يتكلموا !!
بعد الإمام ما حيمشى دول يتكمموا !!
حتى الولاد يتيتموا
حيقولوا إيه؟؟
يا بيه خلاص دول سلموا !!
رفعم ايديهم للحكومة وتمموا !!
لا حيقدروا يعيبوا ويا دوب...
حيتمتموا !!!
******

مين ف الطابور غير الغلابة والكبار
عايزين يا بيه طوابير كتير؟؟
نص البلد ؟؟ ملايين كتير يتكلموا؟؟
روحوا المساجد والسجون!!
حتلاقوا خلق بجد ناس!!
هتلاقى ناس حطت هموما ف الصلاة
بين ايد اله
هو ال يقدر يكسر الظالم ويحمى المظلومين
هو ال يقدر يدى للفقرا الحياة
وتلاقى ناس حرة كريمة مقيدين
بين الزنازن بالحديد
زي العبيد
الدنيا ضاقت فوق رؤوسهم لما قالوا الحق فين؟!
والخير بتاع كل البلد بيروح لمين؟!
عيزين نعيش .. ونعيش منين؟!
مسدود طريقنا وفوق رؤوسنا الجزارين
راكبين علينا الجلادين
هتلاقى م الناس دول كتير
ملايين وعايشة ف الظلام
اصل الظلام هو المكان ال تعيش فيه بالأمان !!
من غير لجام !!

*****
ومشى الإمام
من غير سلام
لا سمع غلابة ولا كبار
ولا صوت جريء
بين السجون مظلوم بريء
ولا ناس ما يعرف غير تناجى ربهم
هو ال عالم سرهم
هو ال حيحقق مناهم.. حلمهم

*****

فضلت هموم الخلق ساكنه فى الضلوع
ماتت مناهم جف دمع العين..
ودبلت م الخضوع
مستنيين بين الرجا وبين الخشوع
حتى الجماعة المسؤولين
دول زيهم ناس مغلوبين !!
لكنهم متكممين!!
بس ال يفرقهم عن الناس الغلابة انهم
مدلعين !!
واخدين نصيبهم م البلد ومهيصين !!

*****

علشان كدا كل البلد مستنيين
يرجع إمام تانى من جديد
يمكن قريب أو بعيد
أو حتى م البلد الغريب
ويحقق الحلم العجيب
تعليم سليم
علشان نشوف .. إنسان كريم
الخوف مفيش .. والناس تعيش
يا دوب تعيش

*****


جمال نصير فى 29/5/2009





المواضيع المشابهه
الموضوع كاتب الموضوع المنتدى مشاركات آخر مشاركة
فندق كونراد القاهرة 5 نجوم 130 دولار كونراد القاهرة اسعار راس السنة هوتيل فور ارب السياحة في مصر 0 06-11-2014 10:04 PM
فندق جراند حياة القاهرة 5 نجوم 128 دولار جراند نايل تاور القاهرة هوتيل فور ارب السياحة في مصر 1 22-05-2014 05:18 PM
شركة القاهرة للاوناش انقاذ السيارات داخل و خارج القاهرة وووونش القسم الاعلاني المنوع 0 27-03-2014 01:12 PM
شقق ببرج القاهرة تقع فى اول شارع القاهرة - سيدى بشر قبلى mohamedzizo8 بيع وشراء العقارات والشقق والمحلات التجارية 0 01-07-2012 04:53 PM
شاهد : ماذا حدث عندما أخترقت طائرة فوق القاهرة حاجز الصوت ALAA صور - طرائف - الغاز - مسابقات - تسالي - مرح - نكت - فوازير 6 10-07-2011 01:08 AM
21-11-2011, 12:07 PM
khaled99 غير متصل
عضوية الشرف
رقم العضوية: 343614
تاريخ التسجيل: Aug 2010
الإقامة: مصر- المنيا - منشأة بدينى
المشاركات: 16,476
إعجاب: 3,609
تلقى 1,726 إعجاب على 624 مشاركة
تلقى دعوات الى: 1130 موضوع
    #2  
الله
الله
الله
رائعة بجد
تسلم اخى ويسلم قلمك
اسلوب مصرى ولا اروع فى التعبير
تحياتى اليك اخى الكريم


ادعوا لأخوانكم
فهم فى أمس الحاجة اليكم

21-11-2011, 04:22 PM
سعد الدين متصل
المسؤول الفني
رقم العضوية: 3
تاريخ التسجيل: Mar 2003
الإقامة: Türkiye
المشاركات: 40,791
إعجاب: 9,067
تلقى 15,567 إعجاب على 5,204 مشاركة
تلقى دعوات الى: 5078 موضوع
    #3  
والله من أجمل ما قرأت

اسلوب ساخر من اروع ما يكون

الله يسلم ايدك ونتمنى ان نقرأ المزيد من هذه المشاركات الجميلة جدا جدا جدا


22-11-2011, 08:15 AM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #4  
المشاركة الأصلية كتبت بواسطة khaled99 
الله
الله
الله
رائعة بجد
تسلم اخى ويسلم قلمك
اسلوب مصرى ولا اروع فى التعبير
تحياتى اليك اخى الكريم
اشكرك اخى الفاضل الف شكر على تشجيعك لى وتقبل جزيل شكرى وامتنانى

22-11-2011, 08:23 AM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #5  
المشاركة الأصلية كتبت بواسطة Damas 
والله من أجمل ما قرأت

اسلوب ساخر من اروع ما يكون

الله يسلم ايدك ونتمنى ان نقرأ المزيد من هذه المشاركات الجميلة جدا جدا جدا
اولا تقبل منى شكرى واعتزازى بتعليقك هذا على قصيدتى وثانيا انا لدى اكثر من 500 قصيدة كتبتها ولم يقراها الا القليل ولم اجد فرصة لنشرها او لاسماعها لاحد نظرا لظروفى الشخصية واتمنى ان استطيع نشرها فى مكان يضمن لى حقوقى والله المستعان

02-12-2011, 04:56 PM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #6  
الف الف شكر اخى العضو (لا تحاول هذا معى) ههههههههههههه على زيارتك للقصيدة واتمنى ان تكون اعجبتك

05-12-2011, 12:45 AM
medo2 غير متصل
عضو فعال
رقم العضوية: 351652
تاريخ التسجيل: Oct 2010
المشاركات: 38
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #7  
جميله اوي تسلم ايدك اخي

05-12-2011, 06:24 AM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #8  
المشاركة الأصلية كتبت بواسطة medo2 
جميله اوي تسلم ايدك اخي

شكرا اخى الفاضل على مرورك الكريم على قصيدتى وبارك الله فيك

06-12-2011, 04:03 PM
ابوخطار غير متصل
مشرف سابق
رقم العضوية: 331819
تاريخ التسجيل: Apr 2010
الإقامة: سوريا \ ادلب
المشاركات: 727
إعجاب: 173
تلقى 102 إعجاب على 53 مشاركة
تلقى دعوات الى: 2 موضوع
    #9  
صحيح أنا مش مصري لاكن عجبني كلامك بشكل كبير
تحياتي إلك


لا إله إلا الله ولا نعبد إلا إياه
له النعمة وله الفضل وله الثناء الحسن
لا إله إلا الله مخلصين له الدين ولو كره الكافرون

06-12-2011, 11:29 PM
جهاد ع غير متصل
عضوية الشرف
رقم العضوية: 325026
تاريخ التسجيل: Feb 2010
الإقامة: الاردن
المشاركات: 13,403
إعجاب: 1,304
تلقى 767 إعجاب على 287 مشاركة
تلقى دعوات الى: 1248 موضوع
    #10  
كلام يمثل واقع الحال

مشكور اخي الكريم اشجعك على نشر ما لديك بعد ان تضمن الادارة لك حقوقك الشخصية في القصائد


سلامة القلوب بتقوى الله

07-12-2011, 12:28 PM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #11  
المشاركة الأصلية كتبت بواسطة ابوخطار 
صحيح أنا مش مصري لاكن عجبني كلامك بشكل كبير
تحياتي إلك
لك كل الشكر اخى الكريم ابو خطار ويشرفنى ان اعرف جنسيتك وتقبل تحياتى

07-12-2011, 12:38 PM
جمال عبد العزيز م غير متصل
شُعراء البوابة
رقم العضوية: 391047
تاريخ التسجيل: Oct 2011
الإقامة: مصر
المشاركات: 263
إعجاب: 3
تلقى 89 إعجاب على 44 مشاركة
تلقى دعوات الى: 4 موضوع
    #12  
المشاركة الأصلية كتبت بواسطة جهاد ع 
كلام يمثل واقع الحال

مشكور اخي الكريم اشجعك على نشر ما لديك بعد ان تضمن الادارة لك حقوقك الشخصية في القصائد
اخى جهاد
لك كل الشكر على نصيحتك القيمة واتمنى ان يصلنى شئ من الادارة بهذا الخصوص كى استطيع ان انشر كل ما لدى من اعمال وتقبل تحياتى

 


ومشى الامام (كتبت عندما زار اوباما القاهرة)

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.