أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


04-11-2011, 05:19 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,134
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #1  

سلسلة كبسولات قانونية - زواج الاجانب في مصر .... المشكلة والحلول


>>>> سلسلة كبسولات قانونية - زواج الاجانب في مصر .... المشكلة والحلول

ضمن سلسلة مقالات الثقافة القانونية
بقلم المستشار ق/ هانى عادل

مسألة زواج الاجانب والحديث عنها كثر جدا .. في الاونة الاخيره ..
ربما نظرا للانفتاح الرهيب على العالم الخارجي في مصر ..
وثوره وسائل الاتصال .. مما سمح لنشوء علاقات بين الجنسين .. وتعارف وتجاذب ..

او ربما رغبه عادة من الشباب المصري سواء أكان شاب او فتاة .. في انه يطفش !!!!
من الوطن العزيز .. مصر .

@جيت ع الوجيعه يا متر .
ايه ؟ عايز تتجوز اجنبية ..
@أدامي كذا اوبشن .
حلوه قوى اوبشن دي الحقيقة . ع العموم شوف عايز تعرف ايه وانا اقولك .

@في ف الخليج .......
.. إنسى .
@سيبني بس أكمل .. في الخليج واحده ..
...... من غير ما تكمل .. انسى . الخليج .. وبالذات النساء ..
غير مسموح ليهم بالزواج من رجال أجانب .. وعليهم قيود متوحشة متعلقة بالمسالة دي .
@لا ما انا حأجيبها مصر واتجوزها .
يا حبيبي ..
اصل هم مش عارفين كدا يعني في حكومة بلدها .

@ايه ده ؟ يعني مش حتيجي اتجوزها ف مصر .
تيجي وتنور وتشرف .. اهلا وسهلا . .
لكن المشكلة انك عشان تتجوزها .. بالاضافة لشوية ورق .. وصور .. ورسوم ..
ومحامي يخلص لك الاجراءات .
فيييييييييييييييييييييييييييييه .. طوبه كبيره سده باب جوازكم .
@طوبة ؟
آه .
@وكبيره ؟!!!
ان شاء الله .
@ايه هيه ؟ دي .
دي طوبة خطاب اسمة عدم ممانعه .
@انا ما حدش يقدر يمنعني .. بأحبها وحأتجوزها يا ناااااااااااااااااااااااس. الحب اقوى من كل شئ .
بتحب مين .. يا عم أوبشن انت .
انت أخرك عقد عمل .
@تصدق فعلا .
بص .. فيه ناس فعلا بتحب .. ومعاهم فلوس .. والنصيب غلب .. انها تكون من بلد تانية .
لكن انت .... لأ .
المهم عدم الممانعه ده .. لازم يطلع من سفارة بلدها .. عشان هيه تقدر تتجوز .
@طب ما طلعش الجواب ده .
هوا اصلا مش حيطلع طبيعي .. طبعا ..
وطبعا الشهر العقاري قسم زواج الاجانب .. مش حيجوزك . لان الورق ناقص .

@خلاص سيبك منها .. خش ع الاوبشن التاني .. واحده .. امريكيه .
جميل جدا ..
الاوروبية او الامريكية حاليا .. حسب اخر معلومات .
@عايزه خطاب عدم ممانعة من السفارة بردوا .
لا ..
الجواب ده حقوق الانسان .. نجحوا انهم يلغوه .. لانه ضد حق الانسان في الزواج.

@الحمد لله ضمنا الجوازه و ......
استنىىىىىىىى بس ..
@مش مرتاح لك .
بكده ان شاء الله ممكن تتجوز .. لو السفاره بردوا ما رخمتش بخصوص اي ورق ..
@طب ايه المشكلة دلوقتي .
المشكلة انها حتقعد في مصر .
@لا انت مش فاهم .. انا حاخدها واخد حبنا واخلع على بره .. اوروبا يا سلااااااااااااااام.
مصر يا سلاااااااااااااااااااااام
@فيه ايه تاني ؟
بعد الجواز بتبقى عندك مشكلة لما تحب تسافر معاها ف التأشيره .
@ده انا جوزها .. حبيبها .. شريك عمرها.
ما يعرفوش الكلام ده .
تيجي تسافر .. لازم تأشيره .
وغيره كده .. هم اصلا بيبصوا على اي جواز من مصرية واجنبيه ..
على انه جواز مصلحة مطلق .. ومؤكد .
الى ان يثبت العكس.
@واقعد انا اصرف عليها يعني والا ايه .
مش مراتك ! حبيبتك ! شريكه حياتك !!!!!
@بس يا عم .. ده انا حعيط .. طب ما فيش حل لاوبشن الخليجية .
....
.....
.....
......
@يا استاذ .. انت هنا ؟!
فيه .
@الحقني بيه .
قضية .
@ايه ده ؟ اعمل لها محضر ؟!!!
محضر ايه .. انت غريب.
دي قضية بتترفع عشان رسمي تؤكد جوازك منها ..
وحكم القاضي يعادل بل اكبر من توثيق الشهر العقاري.
@حلو ده .
لا مش حلو .
@حرااااااااااااااااااااااااااااااااااااا اااااااااام بقه .
العيب الاساسي ف طول المدة .. بتاخد تقريبا شهرين او تلاته ...
ولازم تعمل هيه توكيل لحد تبعك .. او محامي .. عشان يتولى القضية عنها .
@مش مهم نصبر.
ولازم اجراءات القضية تمشى صح .. عشان ما تعدش م الاول ..
باجراء ناقص .. او ورق مش مضبوط . وعقد الجواز يبقى تمام .

@المهم ارفع قضية يعني؟
عندك 3 انواع من القضايا .. تختار واحده منهم حسب الظروف ..
وحسب تقدير المحامي اللي معاك .. وبيخلص لك الاجراءات من الالف للياء.
ولو المشكلة من مصر ..
يعني هيه من جنسية مثلا فيها مشكلة مع مصر .. ومصر اللي رفضا الجوازه.
بتبقى فيه قضية بعدها طوالي .. على الحكومة نفسها.
بس خد بالك

@ايه ؟ طوبه تانية ؟
خد بالك .. ان فيه كتير من الاجنبيات مصابات بأمراض خطيره .. اكثرها انتشارا الايدز ..
وممكن لا قدر الله .. يتنقل لك المرض .

@فال الله ولا فالك ..حرام عليك .. ده انا لسه طفل برئ ؟!
انا قولت وعملت اللي عليا .

@المهم فيه أمل ف أي حاااااااااااااااااااااااااجة .
انت عايز تمشى وخلاص.
حضر ورقك .. واتفق مع الاوبشن .. وتوكل على الله .. وانت ونصيبك.
(همس)انا مش عارف عاجبهم فيك ايه اصلا.

@بتقول حاجة !!!


شكرا لكم .. وبالتوفيق للجميع باذن الله










هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com

المواضيع المشابهه
الموضوع كاتب الموضوع المنتدى مشاركات آخر مشاركة
من سلسلة كبسولات قانونية : قرووووووووووض البنوك Hany Adel مُسْتَشارُكَ القّانُونيْ 2 05-10-2012 02:55 PM
سلسلة كبسولات قانونية - ازاي استثمر في مصر اجنبي كنت او مصري - باختصااااااار Hany Adel مُسْتَشارُكَ القّانُونيْ 1 30-11-2011 11:06 PM
سلسلة كبسولات قانونية – تهديد فتاة على الانترنت بصور فاضحة كاذبة أو مفبركه Hany Adel مُسْتَشارُكَ القّانُونيْ 1 20-10-2011 12:42 AM
سلسلة كبسولات قانونية – ما حدش يضحك عليك ويقولك اكتب لك عقد ايجار قديم Hany Adel مُسْتَشارُكَ القّانُونيْ 4 14-10-2011 11:41 PM
زواج الاجانب - افضل محامى فى انهاء اجراءات زواج الاجانب hanylawyertop بيع وشراء منتجات ومقتنيات وبضائع 0 03-07-2011 07:08 AM
 


سلسلة كبسولات قانونية - زواج الاجانب في مصر .... المشكلة والحلول

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.