أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


25-10-2011, 06:41 PM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #1  

مسلسل يوميات مشرف


مسلسل يوميات مشرف

مسلسل يوميات مشرف ..
مسلسل يوميات مشرف

الموضوع عبارة عن
حلقات
متجدده من يوميات
بعض المشرفين فى منتدى
آخر ..
و مكون من 8 حلقات ..

الحلقة الاولى :

مسلسل يوميات مشرف

اول ما قام محمود
من النوم لقى الموبايل
مسلسل يوميات مشرف بتاعه بيرن

فلقى احمد Alex
الادمن بتاع المنتدى بيتصل
بيه

مسلسل يوميات مشرف

محمود : اصطبحنا واصبح الملك لله ....
صباح
الخير يا فندم
..

احمد : خير هييجى منين الخير يا سيدى

انت سايب قسمك ونايم .. الله يخرب بيت اللى شار عليا
الشورة السودة دى انى امسكك مشرف انت متنفعش حتى
تبقى عضو موقوف ..

محمود : ليه بس يا فندم دا انا حتى مغسلتش
وشى ودخلت على طول على المنتدى ..



احمد : عموما ادخل شوف قسمك ودا اخر انذار ليك ..

وانتهت المكالمه والمشرف طبعا مضايق
وبيقول انا ايه بس يا ربى اللى دبسنى التدبيسه
السودة
دى ما كنت عضو وميه ميه ..
المهم دخل على الرسايل الخاصه
مسلسل يوميات مشرف

بتاعته بقى لقى الرسايل دى ..
مسلسل يوميات مشرف


الرسالة الأولى

مسلسل يوميات مشرف ...ازيك مشرفنا .. بقولك أنا اضفت
موضوع بس معرفش شكله
نزل ثلاث مرات بالغلط
أحذف أي واحد فيهم .. اللي يعجبك أنت بس احذف

مسلسل يوميات مشرف

مسلسل يوميات مشرف


الرسالة الثانية

مرحب مشرفنا ..... بقلك شوف :
في عضو قاعدلي كل موضوع يرد عليا
ويهيني
قدام الأعضاء ... لو ماسكتوش هعمل حاجه محصلتش..
واقلبلكم المنتدى .. وقد
اعذر من بنجر ..

مسلسل يوميات مشرف

مسلسل يوميات مشرف


الرسالة الثالثة

ياااأبو الشبااااااااااااب ألحقني ...
كل ما
أدخل المنتدى يطلعني بره ... ومش راضي يدخلني
ايه الحكاية شكلها كدة الدخول .. بفلوس
..

مسلسل يوميات مشرف

مسلسل يوميات مشرف


الرسالة الرابعة

مشرفنا ... ممكن لو سمحت تعدل اسمي
من الحلوة الى ملكة جمال
المنتديات
مسلسل يوميات مشرف
<<<<< مصدقه نفسها ..


مسلسل يوميات مشرف


الرسالة الخامسة

هاي عمري ... يارب تكون مبسوط ..
بصراحة شخصيتك عاجباني ولك هيببة في المنتدى
بس ياريت يعني اذا
عملت موضوع تثبتهولي ..
على فكرة انا زعلانة محدش بيثبتلي مواضيعي ليه ..

مسلسل يوميات مشرف

وانا مال اهلى انا .. محدش بيثبتلك مواضيعك
متغورى انتى والمنتدى ..

( دا رده طبعآ )

مسلسل يوميات مشرف


الرسالة السادسة

يا عم هقلك على حاجة : مش هسلم عليك
ولا حاجة انت أصلاُ ماتستاهلش .. كل
ما اعمل موضوع
تحذفهولي .. عجيبة والله
...

مسلسل يوميات مشرف

مسلسل يوميات مشرف


الرسالة السابعة

مساك زي الفل يا سوبر ستار المنتدى ..
بصراحة انا مكسوف منك عايز أطلب طلب بسيط ..
يعني انا
عايز اعرف ازاي المشرف بيتعامل مع المواضيع
و ايه الطريقة يعني بالعربي الفصيح
..
عايز الباسوورد بتاعتك اذا تكرمت ..

(ماهو دا اللى ناقص)
مسلسل يوميات مشرف

مسلسل يوميات مشرف


الرسالة الثامنة

يا اخي انت زودتها ... شايف نفسك علينا
وكل مانكلمك ما تديناش وش
.. يا اخي الاشراف مش
يعني بقيت ملك ... اختشي على دمك بقى .. قال مشرف قاال ..
انت
أصلا خدام عندنا يعني تخدمنا ..
اقولك : روح هاتلي واحد شاااي
مسلسل يوميات مشرف
صحيح الى ميعرفش يقول عدس


مسلسل يوميات مشرف


الرسالة التاسعة

حبيب قلبى... ازيك حبي .. ؟؟
انا نفسى ابقى مشرف زيك وباسرع وقت..
واذا لزم الامر تعرفني عالادارة وملكش دعوة ..
مسلسل يوميات مشرف

مسلسل يوميات مشرف


الرسالة العاشرة
لو سمحت والنبى يا سعاده الباشا
فيه بنت موجوده على المنتدى
ياريت
تبقى تبعتلى ايميلها على ايميلى وليك الحلاوة طبعا


( ليه يعنى قالولك عليا فتحها عالم سمسم بوزع ايميلات )

مسلسل يوميات مشرف

مسلسل يوميات مشرف


الرساله الحادى عشر
(من المشرف العام)

مسلسل يوميات مشرف ..أخي ...الاحظ كثرة الشكاوي
من الأعضاء وكثرة المشاكل
أرجوا تهدئة الأمور بأسرع وقت ..
وان تفعل أي شي لمصلحة المنتدى ... وشكرا
..
مسلسل يوميات مشرف

مسلسل يوميات مشرف

بعدها الحمد لله محمود
اتجنن ..

مسلسل يوميات مشرف


مع احترامي طبعا لجميع المشرفين ..

منقول..

مسلسل يوميات مشرف

وحلقة اخرى ..





المواضيع المشابهه
الموضوع كاتب الموضوع المنتدى مشاركات آخر مشاركة
يوميات شاب روش طحن sadkmohmed المنتدى العام 3 22-11-2008 01:35 PM
يوميات مشرف مسكين عازف وتر صور - طرائف - الغاز - مسابقات - تسالي - مرح - نكت - فوازير 8 22-01-2007 01:40 PM
25-10-2011, 10:12 PM
جهاد ع غير متصل
عضوية الشرف
رقم العضوية: 325026
تاريخ التسجيل: Feb 2010
الإقامة: الاردن
المشاركات: 13,403
إعجاب: 1,304
تلقى 767 إعجاب على 287 مشاركة
تلقى دعوات الى: 1248 موضوع
    #2  

بعين الله

ارضاء الناس غاية لا تُدرك

مشكور اخي الكريم


سلامة القلوب بتقوى الله

25-10-2011, 11:20 PM
mishosea غير متصل
عضو ماسـي
رقم العضوية: 319928
تاريخ التسجيل: Jan 2010
الإقامة: مصر
المشاركات: 1,218
إعجاب: 49
تلقى 156 إعجاب على 67 مشاركة
تلقى دعوات الى: 406 موضوع
    #3  

مفيش حلاوه من غير نار


28-10-2011, 03:09 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #4  



شـكــ وبارك الله فيكما ـــرا لكما ...
ولكما مني أجمل تحية ...
وجزاكما الله خيرآ ..

واكرر ..
بان هذا المسلسل من نسج خيال المؤلف ,,
والشخصيات الرئيسية فيه وهمية ..
ولا علاقة لها بآى شخص او منتدى ..

والآ ن ننتقل الى الحلقة الثانية ..

28-10-2011, 03:27 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #5  




الحلقة الثانية


مدير عام المنتدى :
يا فتاح يا عليم يا رزاق يا كريم ..

أصبحنا وصبح الملك لله..
شغلانة ما يعلم بيها إلا ربنا..
إيدك معايا يا أحمد علشان نفتح المنتدى
الساعة داخلة على سبعة والنهار شقشق ..




مراقب : سمى انت وادخل يا محمود ..
أنا عايز أنام شوية ..!!




المدير العام : يا جدع قوم بلاش كسل ..
المواضيع كتيرة ولسه على ما نقرأ ونفرز
ونشوف إيه اللى هنخليه وإيه اللى هنحذف منه
سلة المحذوفات فاضية بقالها اسبوع ..!!


المراقب : أهو بالوظة وفتكات و حلموس وحزلقون ..
جم أهم .. خليهم يبدأوا معاك على ما احلق دقنى ..




المدير العام : على فكرة يا جماعة الواد بالوظة
ده زهقنى من عيشتى .. أنا مش ملاحق عليه ..
ده تشوفولكم صرفه معاه ..


المراقب : أنا رأيى إن سيد ده نعامله معاملة فاقد الأهلية


المشرف : سيد مين .. انت مش معانا ولا إيه.!!
الدور والباقى على
بالوظة وفتكات و حلموس وحزلقون ..
مثقفين زيادة عن النسب المسموح بيها فى المنتدى..
كلام فى الدين شوية والسياسة شوية والإرهاب شوية
وابن لادن شوية والاثار شويه والازياء شويه
وعالم المرأه والمطبخ شويه لما الضغط ابتدى يعلى عليا..
انتم عارفين العنيين مفتحة علينا الأيام دى..
وعشان يلبسونا السلطنية .. تلاقيهم فجأة
نقلوا ع الموسيقى والفن التجريدى والالعاب الكتابيه
علشان ننسى الكلام التقيل ..




المدير العام : أنا شايف إن أخطرالموجودين على الإطلاق
فتكات..
عاملة ركن لسلطة بابا غنوج
فى باب المطبخ .. وسببت لى مشاكل فى البيت مع المدام


المراقب : وسع يا جدع أبو حميد وصل ..
صباحين وحته .. مين بس اللى مزعلكم ..
وانا احذفه من على خريطة المنتدى ..
بس شوفولكوا حل فى اللى بيقول
جواز عتريس من فؤادة باطل ..
ده هنسكت له ولا حنبقى رجالة ونقف وقفة رجالة
وكل ما حد مننا يشوفه يروح لازقه إنذار ..
لحد ما يزهق من عيشته ويخلع لوحده ..




المدير العام : انا معاكوا يا رجالة ..
لازم نقف لهم وقفة رجالة ..
اهم حاجة عتريس وبابا غنوج ملهمش دعوة
بفؤادة ..
يروحوا يقطعوا بعض فى طبق سلطة تانى ..
اقصد منتدى تانى ..


حلموس : أنا رأيى إن الفرخة وهيا بتعبر الطريق
داست على كل اللى قدامها ..
يبقى نتعلم من الفرخة يا جماعة مش عيب ..
اللى مش عاجبه قواعد الكتابة هنا ..
ندوس عليه أو أقل ما فيها ننتف ريشه ..




حزلقون : عفارم يا حلموس ..
هيا دى .. ننتف ريشه .. فكرة فى الجون ..
بعيد عن الإنذارات واللبش ..
ننتف ريشهم .. هيا دى ..

فتكات : أنا ضد العنف فى الحوار ياجماعة ..
مش كل ما نختلف مع واحد فى الرأى ننتف ريشه..
خلينا نتحاور معاهم حوار راقى يا نقنعهم يا نقنعهم ..!!


المشرف : يا فتكات معلش مع إحترامى ..
فيه كام واحد جايين جداد هنا ..
محتاجين شوية ترصيص وظبط زوايا
سيبوا الحكايه دى عليا ..




المدير العام : كفايه بقى كده ..
واقفلوا المنتدى النهاردة للصيانة ..






وحلقة اخرى ..

28-10-2011, 10:27 AM
جهاد ع غير متصل
عضوية الشرف
رقم العضوية: 325026
تاريخ التسجيل: Feb 2010
الإقامة: الاردن
المشاركات: 13,403
إعجاب: 1,304
تلقى 767 إعجاب على 287 مشاركة
تلقى دعوات الى: 1248 موضوع
    #6  

ههههههههههههههههه

مشكور اخي الكريم

حلقة ناجحة

31-10-2011, 01:30 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #7  

اثابك الله ..
وبارك لك ..




31-10-2011, 03:20 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #8  



الحلقة الثالثة




مدير عام المنتدى :
يا جماعة أنا عايزكم تفتحوا عينيكم وتراقبوا الناس كويس ..
الفترة دى حرجة وحساسة فى تاريخ المنتدى ..
ودلوقتى تقدروا تتفضلوا على مكاتبكم جتكوا البلاوى



المشرف هامسا فى أذن المراقب :
إيه العبارة .. مال البيج بوس كارف علينا كده ليه ..
اللى يسمعه كده يفتكر إن احنا
بنعبى فى فلوس
من ورا الشغلانة دى ..
ده أنا الشغلانة دى لولا إنها عاملالى بريستيج ..
ولا كنت قبلتها .. إنت عارف إنى كان نفسى من زمان أبقى مشرف .. حتى لو على فرقة ..


( الم النقطة يعنى ..)


المراقب :
عارف يا محمود أنا زيك بالظبط
..
إنت عارف إنى كان نفسى أدخل كلية الشرطة ..
عشان تبقى فى إيدى سلطة بس مجموعى فى
الثانوية العامة
ماجابنيش ولا ودانى ..
وبعدين كمان مكنتش
حقبل فى الشرطة عشان مكلبظ ..




حلموس
:
ممكن نبطل رغى شوية ونشتغل شويتين..
الجدع اللى كاتب موضوع
(
إيه الفايدة من ورا المنتدى ده )
عايزين نحول أوراقه لفضيلة
المفتى



المشرف :
هوه المفتى فاضى لنا يا
حلموسى

المفتى بيحضر من دلوقتى علشان الحج ..
إحنا نصفى الجدع ده من
سكات..
فى العزومة الجاية فى المول يكون اسلام ومحمود راكبين موتوسيكل ومعاهم
حزلقون..
وأول ما يشوفوه داخل المول يصفوه ويهربوا



احمد نينجا :
وأنا عليا هجيب لكم صورته..
هخترق جهاز الكمبيوتر بتاعه
وأدعبس فيه على صورة له
يكون مخزنها على الجهاز
..


حزلقون:
أنا ضد التصفية الجسدية..
.. يعنى اللى زى ده لازم يكون على راسه بطحة ..
واللى بيته من قزاز ما يحدفناش بالطوب ..
فاحنا نعرفها ونبتزه ..
وناخد منه اللى فيه النصيب ..
ولا من شاف ولا من درى ..




فتكات :
تعالوا بسرعة.. الحقونى .. شوفتوا الموضوع دة ..


يجتمع المشرفون حول
فتكات
فى فزع متسائلين (موضوع إيه ؟؟)

فتكات :
ده موضوع مكتوب فى صفحة
الحوادث
فى ( الجريدة ) مش هنا فى المنتدى ..


المدير العام :
ممكن تتكلمى علطول ..
أقصر الطرق إلى الحقيقة هى طريق صلاح سالم



فتكات :
قصدك أقصر الطرق إلى السجن


ينتزع المدير العام الجريدة بقرف
من يد
فتكات قائلا :
يختى إنطقى إحنا ناقصينك


يقرأ
المدير العام المكتوب فى الجريدة بصوت مرتفع :
مقتل عامل نظافه بالمول ..
مسلحان يطلقان النار
عليه ويلوزان بالفرار على موتوسيكل ..
النيابة تعد بفك غموض الجريمة خلال ساعات ؟؟



حلموس :
يعنى بدل ما نصفى الجدع بتاع
( إيه فايدة
الكتابة فى المنتدى )
قتلنا العامل الغلبان دة ..



المشرف :
: إنت يا عم الغبى .. هو احنا لحقنا نعمل حاجة ..


حزلقون:
شئ غريب فعلا .. لازم ألاقى حل للغز ده ..



المدير العام
لغز إيه وهباب إيه .. الله يخيبكم ..
كنتوا هتودونا ف داهية ..

انا كان عندى استعداد انى احرم نفسى من العشا ..
علشان تستعشوا

احرم نفسى من الغطا .. علشان تستغطوا

انتوا اللى زيكوا مش لازم يعيش ليوم الثلاثاء
ولا الاربعاء ولا الخميس ..!!
ده أنا لو معين أرنوب بدالكم كان عمل شغل أنضف من كده ..
إنتم إيه مشرفين ولا اكياس جوافه ..


والله مانا فاتح المنتدى النهاردة ..!!






وحلقة اخرى ..


31-10-2011, 03:54 AM
المطبعجى غير متصل
الوسـام الماسـي
رقم العضوية: 205092
تاريخ التسجيل: Jan 2009
الإقامة: مصر
المشاركات: 6,240
إعجاب: 2,257
تلقى 2,254 إعجاب على 350 مشاركة
تلقى دعوات الى: 148 موضوع
    #9  

أسلوبك جميل وظريف وبيفكرني بواحد حبيبي غايب عن المنتدى
بقاله فترة طويلة (( ماجيكو ))
بالتوفيق

خالص تحياتي


03-11-2011, 04:18 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #10  

شـكــ وبارك الله فيك ـــرا لك ...
لك مني أجمل تحية ..

03-11-2011, 04:31 AM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #11  




الحلقة الرابعة


مدير عام المنتدى للمشرفين :
أنا كنت عايز أناقش معاكم فكرة كده



المشرف
:
خير اللهم اجعله خير



المدير العام :
هى قواعد الكتابة فى المنتدى حاليا كام
صفحة



المراقب :
حوالى 25 صفحة تحتوى على 3000 بند


المدير العام
:
لااااااااا دى كده تبقى بسيطة ..
أنا عايزكم تخلوها 100 صفحة ..
فيها على الاقل
50000 بند ..
ولو عرفتم تخلوها أكتر من كده يبقى
أحسن ..



المشرف :
مش كتير كده يا بوس ...
ده اللى مسجل
جديد على ما يقراها تكون سنانه وقعت ..



المدير العام
:
ماهوه ده المطلوب ياعم .. مش عايزين حد يقراها ..
وصلت الفكرة
يا زغللة ..!!



حلموس :
فكرة بمليون جنيه .. الكبيركبير يا بوس


احمد نينجا :
ما تفهمونا إيه العبارة يا خوانا ..


حلموس :
يعنى اللى هيسجل جديد لازم يوقع
إنه قرا قواعد الكتابة
فى المنتدى ووافق عليها .. تمام ..



فتكات :
طبعا لما يلاقى 100 صفحة تحتوى على خمسين ألف بند
هيروح موقع من غير ما يقرا
حاجة .. تمام ..





حزلقون :
لأ مش تمام .. مش فاهم حاجة ..!!


المشرف :
هو انت ديما كده مش فاهم حاجة ..
أى حد يكتب حاجة ما تعجبناش نروح لازقينه إنذار ..
ونقول له إجرى يلا روح إقرا قواعد المنتدى قبل ما تكتب ..
داهية فيك وفى أيامك السودة ..



حزلقون :
طب إفرض عضو غتيت
ورخم قرا القواعد كلها
قبل ما يوقع ..


المشرف :
من لم يمت بالسيف مات بغيره .. مين يعادينا .. هيه هيه ..




المدير العام
بيقول للمراقب :
نبه على جميع المشرفين إن فيه إجتماع هام
الساعة 3 فى قسم المشرفين .. الإجتماع مغلق وسرى للغاية ..


المشرف :
بخصوص إيه


حزلقون :
أنا عن نفسى معرفش يظهر إنه توب سيكرت ..
المدير العام حويط اوى ..
مش عايز حد من الأعضاء يشم خبر عن الإجتماع ..




وفى منتدى المشرفين الساعه 3 بدأ اجتماع مغلق
وسرى للغاية بحضور جميع المشرفين ..


المدير العام :
طبعا مستغربين أنا جمعتكم ليه النهارده ...
الموضوع باختصار إن فيه معلومات وصلت للقيادة السياسية
إن المنتدى فيه عدد كبير من الأعضاء بيسبحوا ضد التيار
وما بيعرفوش يعوموا .. وهيغرقوا ويغرقوا المنتدى معاهم ..
ووصلتنى معلومات مؤكدة
إنهم ندبوا لجنة حموم الانسان علشان تقوم بزيارة مباغتة
جدا للمنتدى ومعرفة مدى صحة المعلومات دى..
لازم نلملم نفسنا بسرعة ونستعد للزيارة المباغتة دى
واللى غالبا حتكون الأسبوع اللى جاى يوم السبت ..


احمد نينجا :
إحنا جاهزين يا بوس ... لازم نبتدى نلملم كل المواضيع
اللى رافعة الشراع ونغرقها ..




المشرف :
تمام ونخلى المواضيع اللى عايمة ع الوش ..


حلموس :
مفيش مواضيع كويسة غير الموضوع بتاع جرجاوى
( المية تروى العطشان .. )


المدير العام :
مين جرجاوى ده ؟


المشرف :
ده بيبيع جرجير .. فى اول المنتدى .. وغاوى رش مية ..

حزلقون :
عايزين نستعد للموضوع ده بكل جدية يا جماعة..
زيارة لجنة حموم الانسان للمنتدى شئ مش بسيط ..

المدير العام :
ندخل على النقطة اللى بعدها فى جدول الأعمال ..
تنظيم موكب رئيس اللجنة


المشرف :
أنا رأيى إن الموكب يدخل من باب المنتدى العام
ولو زحمة يبقى من باب الأسرة والطفل ..


فتكات :
مش هنرش المنتدى يا بوس


المدير العام :
إيه المناسبة ..


فتكات :
علشان نطرى القاعدة ..


المدير العام :
إنتى مين يا بنتى ...إنتى بقالك كتير معانا هنا


حلموس :
فعلا .. أول ما تخش اللجنة ندلق عليهم جردل ميه ..


المدير العام بيتكلم مع المراقب :
أول لما الزيارة دى تتم على خير الطقم ده كله لازم يتغير!!


المراقب:
ويا ترى هنقدرنعوض العباقرة دول تاني يا بوس




وانتهى الاجتماع على خير..





وحلقة اخرى ..

09-11-2011, 08:44 PM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #12  



الحلقة الخامسة



المدير العام بيقول للمراقب :
متنساش تجيب الديجيتال كاميرا العهدة بتاعة المنتدى
اللى بنصور بيها الأعضاء الجداد وش وقفا وهما بيسجلوا
عندنا هنا أول مرة يوم الزيارة علشان تاخدولى كام صورة
مع لجنة حموم الانسان دى ..


المراقب :
أمرك يا بوس .. ونتكلم دلوقتى عن التنظيم ..
انا بقترح إننا كلنا نلبس بدل اسموكن سودا وبابيون أحمر ..



المشرف :
بس شكلنا كده حنبقى زى السفرجية يا كنج ..
أنا بقول يعنى بلاش نلتزم كلنا بنفس اللبس ..
يعنى اللى عايز ييجى ببدلة ييجى .. اللى عايز ييجى بجينز
وتى شيرت ييجى .. وكده يعنى !!


حلموس :
فكرة حلوة يا موشى التى شيرت دى .. إحنا نلبس كلنا
تى شيرت واحد عليه صورة المدير العام كرمز للمنتدى
وبنطلونات شورت زى بتاعة الكشافة وجزم اديدز..
وشرابات طويلة لغاية الركبة ..


احمد نينجا :
ياعم شورتات إيه بس وشرابات طويلة ..
أهم حاجة نلبس كلنا نضارات سودا ونحط سماعات فى ودانا ونقعد نتلفت حوالينا وورانا ونبص لبعض كل شوية
نظرات قبيحة ومريبة فى نفس الوقت..
ولازم نبقى على إتصال مع بعض باللاسلكى أثناء الزيارة ..
مهم جدا اللاسلكى ده علشان ننبه بعض لو عضو من إياهم
حاول التسلل أثناء الزيارة .


حزلقون :
لازم نحبس الأعضاء أثناء الزيارة اللى إحنا متأكدين
من عدم ولائهم لينا... بس المشكلة إننا لو عملنا كده
مش حيتبقى غير تلاته أربعة ومش حنعرف نجيب أعضاء
نوقفهم قدام أبواب المنتدى علشان يهتفوا ويرحبوا باللجنة ..

احمد نينجا :
مش مشكلة .. نجيب كومبرس على إنهم الأعضاء..
كمان هيلزمنا حتتين سلاح.. لازم أوصل البلد عندنا أشترى
كام فردة واجيب أنفار ..



فتكات :
واجب برضه نشترى شوية بالونات وبمب والعاب هوا ..
نسينا كمان نعمل قسم جديد فى المنتدى نسميه ( الاستحماية ) علشان اللجنة تفتتحه .. ولازم كمان نحط شريط سوليفان
على كل باب من أبواب المنتدى علشان اعضاء اللجنة
يقصوهم .. لازم ياجماعة كل واحد يقص له شريط على الأقل.. ولوإتبقت شرايط بعد كده أقصهم أنا ..


تعالت أصوات المشرفين إحتجاجا على رغبة فتكات
بأن تقص ما تبقى من شرائط ..


حلموس :
وليه مقصهمش أنا


المشرف :
محدش حيقص غيرى ..


حلموس :
طب يمين على يمينك محد هيقص إلا أنا ..
ثم تنتابه نوبة من البكاء الشديد ..
وتدور الدنيا به وتظهر أمام عينيه دوامات كأنه يتذكر
أيام الطفولة والماضى المنيل بنيله ..
ويتمدد حلموس على الأرض ويتجمع المشرفين من حوله..


يقوم المراقب بعمل تدليك سريع للقلب لحد مافاق
وبدأ يروى لهم قصته مع الإشراف



حلموس :
زمان وانا عمرى 7 سنين كنت بروح مع أبويا الدكان
كل يوم جمعة بعد الصلاة .. كان عندنا محل أقمشة فى الدرب
الأحمر .. كانت متعتى إنى أشوف العامل اللى فى المحل وهوه
بيقص القماش للزباين.. كان عنده مقص كبير قوى طوله يجى
نص متر .. مره سهيته وخدت المقص وخبيته فى جيب القميص
بتاعى لكن أبويا شافه ونزل فيا ضرب بالإقلام والشلاليت وإنضم
له كل العمال فى الدكان.. لحد ما سخسخت..
ومن ساعتها وأنا أى حاجة بشوفها ببقى عايز أقص منها.!!


حزلقون :
أمال لو حكيتلكم حكايتى حتقول إيه



المدير العام طيب ..
ندخل فى البند اللى بعده والخاص بالمأكولات
التي ينبغي ان نوفرها لاعضاء اللجنة
ممكن أسمع أرائكم؟


احمد نينجا :
بـــس أنا جتلي فكرة جهنمية ، منها نعمل حاجة تشرفنا قدام الناس دي ومنها نوفر


المدير العام :
قول يا ابو النصاحة إحنا سامعين


احمد نينجا :
أنا انزل السوق أشترى كرومباية على 2 ك بتنجان أبيض
وحزمة ملوخية خضرا و 4 ك لحمة ضاني ونخلى المشرفات
يعملوا حلتين محشي و ملوخية وناكل كلنا ونهيص ..


المراقب:
ممكن يا اخ نينجاوى تطلع بره شويه وهانندهلك لما نخلص


احمد نينجا :
حاضر .. بس ليه يا كنج ؟




09-11-2011, 08:45 PM
moamen5005 غير متصل
عضو مميز
رقم العضوية: 150300
تاريخ التسجيل: Aug 2008
المشاركات: 370
إعجاب: 0
تلقى 32 إعجاب على 12 مشاركة
تلقى دعوات الى: 0 موضوع
    #13  


المدير العام :
يا اخ نينجا بنقولك حاجة تشرفنا .. تقولنا محشي ،
يا اخي عيب كده .. ده كان إستهلال لابد منه ..
هـــــا يا سادة انا عايز مشاركين لا متفرجين


حزلقون :
بس وجدتها .. إحنا نعمل علب وجبات وكل وجبة فيها
سندوتش جبنة رومي وحتت جاتوة ..


فتكات :
إيه نظام الأفراح البلدي ده ؟ عايزين أفكار محترمة يا أخوانا


حلموس :
ممكن أقول رأيي ؟


المدير العام :
أيوه وماله من حقك


حلموس :
زي مانتوا عارفين أنا عندي مزرعة في الكيلو 923
وانا مربي هناك كام دكر بط على فرختين عتاقي ،
فأنا بأقترح إننا ندبح البط ده جنب الفراخ
مع شوية برتقان بصرة من بتوع المزرعة ونمشي الليلة


حزلقون :
والله شكلكوا هاتكسفونا مع المحشي والبط والكلام ده
واللجنة هاتيجي تغلق المنتدى بسببكم ،
يا جماعة الناس اللي جايه فيهم ناس كبيرة في السن يعني
بالتأكيد عندهم السكر والضغط والكوليسترول والكلام ده .. عايزين حاجات خفيفة وصحية وعلى رأي المثل
" صحي ومفيد "
( قال يعنى ده مثل )


المراقب :
شكرا يا سادة .. بعد ما أستمعنا إلى جميع الآراء
بشكل ديمقراطي ديماجوجي ..
احب أقوللكم إن انا والمدير .. إتفقنا من الاول إننا نتصل
بمطعم مكسيم عشان يبعت لنا وجبات جاهزة
وتبقى حاجة محترمة قدام اللجنة ..


فتكات:
يحيا العدل هي دي الديمقراطية .. الله ينور عليك بس
عدم اللامؤخذه إنتوا كنتوا جايبنا ليه وسمعتوا أرائنا ليه ؟


المراقب :
ممكن تسكتى؟


المدير العام :
ننتقل للبند اللي بعده ... المشروبات ...
ولو سمحتوا اللي هاشاور عليه هو بس اللي يتكلم
مش عايزين فضايح ..
أيوه أتفضل يا اخ حلموس


حلموس :
ربنا يخليك لنا يا بوص ده أحنا من غيرك ولا حاجة
وناقصنا كام مليون حاجة


المشرف :
هايشتغل بقى في الاغاني الحمضانة بتاعت شادية
ومصر اليوم في عيد وهاينكش لنا القصة بتاعته ..
الشغل ده أنا عارفه


المدير العام :
مش اناقولت ماحدش يتكلم إلا اللي أشاور عليه ..
عمومآ خلاص خلاص..
انا قررت انا و المراقب أساسا إننا نقدملهم يانسون




فتكات :
برافو عليك .. أنا بحب جدا الحاجات النيتشورال اللي زي دي

واهى منها مهدئات .. ربنا يهدهم يارب





المدير العام بيقول للمراقب :
مهدئات !! هى البت دى بتشتغل فى صيدلية
بعد المنتدى واحنا ما نعرفش !!

عمومآ .. اقفل عليهم المنتدى لما الليلة دى تعدى على خير ..





واتقفل الاجتماع على خير..





وحلقة اخرى ..


10-11-2011, 01:57 AM
moseba غير متصل
الوسـام الماسـي
رقم العضوية: 164154
تاريخ التسجيل: Sep 2008
الإقامة: DamasGate
المشاركات: 5,149
إعجاب: 1,525
تلقى 977 إعجاب على 185 مشاركة
تلقى دعوات الى: 7 موضوع
    #14  

هههههههههههههههههههههههه
أضحكتنى كثيراً من القلب
بارك الله فيك
ومنتظرين بقية الحلقات


10-11-2011, 03:24 AM
ابوخطار غير متصل
مشرف سابق
رقم العضوية: 331819
تاريخ التسجيل: Apr 2010
الإقامة: سوريا \ ادلب
المشاركات: 727
إعجاب: 173
تلقى 102 إعجاب على 53 مشاركة
تلقى دعوات الى: 2 موضوع
    #15  

لا يا عم هذا المسلسل لازم نوقف عرضو حالا
أنا شخصيا رح أرفع طلب لوزارة الإعلام والإذاعة والتلفزيون 00000000 حتى يوقفو عرض هذا المسلسل
إحنا تهزءنا يا اخوانا
ههههههههههههههه


لا إله إلا الله ولا نعبد إلا إياه
له النعمة وله الفضل وله الثناء الحسن
لا إله إلا الله مخلصين له الدين ولو كره الكافرون

 


مسلسل يوميات مشرف

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.