أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


13-10-2011, 01:29 AM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #1  

سلسلة كبسولات قانونية – ما حدش يضحك عليك ويقولك اكتب لك عقد ايجار قديم


كبسولات قانونية – ما حدش يضحك عليك ويقولك اكتب لك عقد ايجار قديم


ضمن سلسلة مقالات الثقافة القانونية
بقلم المستشار ق/ هانى عادل


سلسلة كبسولات قانونية يضحك عليك
ببساطة وكل وضوح
ما فيش حاجة اسمها عقد ايجار قديم !!!!

@ازاي يا عم ؟
خلصت خلاص ..
واي حد ييجي يقولك حاكتب لك عقد ايجار
ونعمله بتاريخ قديم
او على ورق عقد ايجار املاك بتاع زمان الحلو ده .
عشان تقعد وتبرطع في الشقة براحتك .
وحتدفع بس قرشين كده .. كام ألف .. زي خلو رجل ..
بس اسمع .. حيتخصموا من الايجار ..
وكمان حاكتبه ليك مشاهره ..

ده واحد .. وانا أأأسف في اللفظ بيشتغلك ..


@بيشتغلني .. مش ممكن .. قول كلام غير ده .

اي عقد بعد 31-1-1996
هو عقد خاضع للقانون المدني ..
وخارج اطار ونطاق وحدود قانون الايجار الغير طبيعي وغير شرعي
المدعو
الايجار القديم ..

@ايه ده ؟ طب نعمل ايه يعني .
انا عارف انك عايز تدخل شقة وتلبد فيها ..
عشان تستقر.. وتعيش في تبات ونبات .. وتخلف كتاكيت وكتكوتات.


@الله ينور عليييييييك .
مش بقولك ..
اللي مطلوب منك اولا انك تستعين بعد الله بمحامي .. صاحبك قريبك .. خالك عمك ..
المهم حد بيفهم بجد في القانون .. وشغال في المهنه ..

@موجود.
وتشوف صاحب البيت .. عنده استعداد يأجر مدة طويله .

@ازاي بقه من غير عقد ايجار قديم ؟
يا عم اسمع بس ..
عقد الايجار الجديد ممكن يتكتب بأي مبلغ ..
وبأي مدة

@ايه ده ؟ بجد .. هوا مش تسع سنين بس ؟!
مين اللي قال كده يا عبقري .

@هوا . .
تسع سنين ده رقم .. محدد عند الشهر العقاري لاثبات تاريخ عقد الايجار ..

@واكتر من كده ما ينفعش..
لا .. ينفع .
بس باجراءات تانية .. عشان تسجل العقد .
المهم ..
انك تقدر تكتب في العقد الجديد مثلا 50 سنة .
والايجار بيزداد كل فترة بنسبه محدده ..
وتاخد عليه صحة توقيع ..
بعد ما تتأكد ان اللي مضى هو المالك الفعلي ..
يعني ما عندوش شركاء .. على المشاع مثلا ..
او ليه شركاء ..
وهو النسبه الحاكمة .


@بس صاحب البيت عايزني اطلع عواميد الشقة وابنيها كلها .
حبيب قلبي !!!
يا سلاااااااااااااااااااااااااااااااااااااا ااام
انت جيب على الحته اللي كان نفسي اسمعها منك .
خد دي .

@ابعت يا طيب .
اي مبلغ ..
واي اجراء ..
واي همسه ..
تنكتب في العقد .

@ازااااااي؟
زي الناس .. لو انت حتكمل الشقة او تبنيها او تصرف عليها في اي شئ ..
ينكتب في العقد .

@بس العقد ما فهوش مكان اكتب ده كله .
انا عارف اني حيجيلي شلل منك.
يا سيدي اكتب عقد كاااااااااااااامل على الكمبيوتر
العقد المطبوع ده اصلا مش المفروض يتباع ..
لان العقد لازم اللي يكتبه ويشرف عليه محامي .. وبدرجة ابتدائي على الاقل .

@آآآآه .
الحمد لله ..
وتكتب العقد الجميل .. ويتظبط .. ويتراجع .. وتتفاهم .

@طب اعذرني .. ليه ده كله .. ما هو عقد وخلاص.
لا يا حلو
لان حييجي وقت .. في المستقبل .. انت او ولادك .
ويقولوا
كاااااااااااااان يا مكان .. في سالف العصر والاوان .. ابونا منه لله .. صاحب الملك ضحك عليه ..
وكان السبب في طردنا من البيت اللي صرفنا فيه فلوسنا .

@حيدعوا عليا ؟!!
طبعا .. مش انت اللي استهترت .
لازم تكتب كل فلوس بتدفعها .. وكل شئ اتفقتوا عليه ..

النفووووووووووووووووووووووس بتتغير
والورق ثابت .
وممكن بعد سنة اتنين عشره ..
ييجي صاحب الملك .. او اولاده ..
يقولك بره يا خفيف ..
او تدخل في قضايا تحرق دمك سنين .. وانت مهدد بالطرد من بيييييييييييتك .
افهم بقه يا سيدي الفاضل


@لا يا عم الحكاية كبيره باين .. انا أجيب محامي احسن يمشى في السكه دي معايا . ممكن تيجي معايا ..
مش فاضي الحقيقة .
(شكله حيتعب اعصابي)


==ارجو ان تكون الامور وضحت بشكل مبدئي للسادة القراء .. وقد آثرت وضعها في هذا الشكل كحوار .. ليكون اكثر
بساطه في الفهم للمواطن العادي ..

وأذكركم ان الرسول عليه الصلاه والسلام .. والقرآن قد أمرنا كل منهم ان نكتب العقود ولا نهمل فيها .

بالتوفيق باذن الله وشقة سعيده عليكم ..


احترامي

المستشار ق/ هانى عادل
محام أمام محكمة الاستئناف المصرية العليا
دراسات عليا في القانون
01112467627







هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com

المواضيع المشابهه
الموضوع كاتب الموضوع المنتدى مشاركات آخر مشاركة
من سلسلة كبسولات قانونية : قرووووووووووض البنوك Hany Adel مُسْتَشارُكَ القّانُونيْ 2 05-10-2012 02:55 PM
سلسلة كبسولات قانونية - ازاي استثمر في مصر اجنبي كنت او مصري - باختصااااااار Hany Adel مُسْتَشارُكَ القّانُونيْ 1 30-11-2011 11:06 PM
سلسلة كبسولات قانونية - زواج الاجانب في مصر .... المشكلة والحلول Hany Adel مُسْتَشارُكَ القّانُونيْ 1 09-11-2011 02:36 PM
سلسلة كبسولات قانونية – تهديد فتاة على الانترنت بصور فاضحة كاذبة أو مفبركه Hany Adel مُسْتَشارُكَ القّانُونيْ 1 20-10-2011 12:42 AM
ايجار قديم الولد كان يقيم فى شقة ايجار قديم وعقد الايجار باسمه ahmedalsafty مُسْتَشارُكَ القّانُونيْ 9 01-06-2010 07:03 PM
13-10-2011, 02:48 AM
Mr.HaZeM غير متصل
مشرف منتدى الفضائيات والستلايت
رقم العضوية: 364278
تاريخ التسجيل: Feb 2011
الإقامة: مصر
المشاركات: 3,106
إعجاب: 367
تلقى 1,178 إعجاب على 328 مشاركة
تلقى دعوات الى: 1847 موضوع
    #2  

ياكبير ياكبير .............انا كدة فهمت مع انى مش هاجر او مش ناوى اجر

بس والله العظيم الراجل دة بيقول كلام زى الفل


تسلم ايدك يامعلم هانى

(حلوة معلم دى ههههه )

الصراحة ياخى هانى كلامك جميل جدا ومقنع
بارك الله فيك )



My Facebook
for any help




13-10-2011, 08:44 PM
elfares_elzahby غير متصل
عضو ماسـي
رقم العضوية: 364431
تاريخ التسجيل: Feb 2011
المشاركات: 1,440
إعجاب: 123
تلقى 161 إعجاب على 57 مشاركة
تلقى دعوات الى: 17 موضوع
    #3  

المشاركة الأصلية كتبت بواسطة Hany Adel 
كبسولات قانونية – ما حدش يضحك عليك ويقولك اكتب لك عقد ايجار قديم


ضمن سلسلة مقالات الثقافة القانونية
بقلم المستشار ق/ هانى عادل



ببساطة وكل وضوح
ما فيش حاجة اسمها عقد ايجار قديم !!!!

@ازاي يا عم ؟
خلصت خلاص ..
واي حد ييجي يقولك حاكتب لك عقد ايجار
ونعمله بتاريخ قديم
او على ورق عقد ايجار املاك بتاع زمان الحلو ده .
عشان تقعد وتبرطع في الشقة براحتك .
وحتدفع بس قرشين كده .. كام ألف .. زي خلو رجل ..
بس اسمع .. حيتخصموا من الايجار ..
وكمان حاكتبه ليك مشاهره ..

ده واحد .. وانا أأأسف في اللفظ بيشتغلك ..


@بيشتغلني .. مش ممكن .. قول كلام غير ده .

اي عقد بعد 31-1-1996
هو عقد خاضع للقانون المدني ..
وخارج اطار ونطاق وحدود قانون الايجار الغير طبيعي وغير شرعي
المدعو
الايجار القديم ..

@ايه ده ؟ طب نعمل ايه يعني .
انا عارف انك عايز تدخل شقة وتلبد فيها ..
عشان تستقر.. وتعيش في تبات ونبات .. وتخلف كتاكيت وكتكوتات.


@الله ينور عليييييييك .
مش بقولك ..
اللي مطلوب منك اولا انك تستعين بعد الله بمحامي .. صاحبك قريبك .. خالك عمك ..
المهم حد بيفهم بجد في القانون .. وشغال في المهنه ..

@موجود.
وتشوف صاحب البيت .. عنده استعداد يأجر مدة طويله .

@ازاي بقه من غير عقد ايجار قديم ؟
يا عم اسمع بس ..
عقد الايجار الجديد ممكن يتكتب بأي مبلغ ..
وبأي مدة

@ايه ده ؟ بجد .. هوا مش تسع سنين بس ؟!
مين اللي قال كده يا عبقري .

@هوا . .
تسع سنين ده رقم .. محدد عند الشهر العقاري لاثبات تاريخ عقد الايجار ..

@واكتر من كده ما ينفعش..
لا .. ينفع .
بس باجراءات تانية .. عشان تسجل العقد .
المهم ..
انك تقدر تكتب في العقد الجديد مثلا 50 سنة .
والايجار بيزداد كل فترة بنسبه محدده ..
وتاخد عليه صحة توقيع ..
بعد ما تتأكد ان اللي مضى هو المالك الفعلي ..
يعني ما عندوش شركاء .. على المشاع مثلا ..
او ليه شركاء ..
وهو النسبه الحاكمة .


@بس صاحب البيت عايزني اطلع عواميد الشقة وابنيها كلها .
حبيب قلبي !!!
يا سلاااااااااااااااااااااااااااااااااااااا ااام
انت جيب على الحته اللي كان نفسي اسمعها منك .
خد دي .

@ابعت يا طيب .
اي مبلغ ..
واي اجراء ..
واي همسه ..
تنكتب في العقد .

@ازااااااي؟
زي الناس .. لو انت حتكمل الشقة او تبنيها او تصرف عليها في اي شئ ..
ينكتب في العقد .

@بس العقد ما فهوش مكان اكتب ده كله .
انا عارف اني حيجيلي شلل منك.
يا سيدي اكتب عقد كاااااااااااااامل على الكمبيوتر
العقد المطبوع ده اصلا مش المفروض يتباع ..
لان العقد لازم اللي يكتبه ويشرف عليه محامي .. وبدرجة ابتدائي على الاقل .

@آآآآه .
الحمد لله ..
وتكتب العقد الجميل .. ويتظبط .. ويتراجع .. وتتفاهم .

@طب اعذرني .. ليه ده كله .. ما هو عقد وخلاص.
لا يا حلو
لان حييجي وقت .. في المستقبل .. انت او ولادك .
ويقولوا
كاااااااااااااان يا مكان .. في سالف العصر والاوان .. ابونا منه لله .. صاحب الملك ضحك عليه ..
وكان السبب في طردنا من البيت اللي صرفنا فيه فلوسنا .

@حيدعوا عليا ؟!!
طبعا .. مش انت اللي استهترت .
لازم تكتب كل فلوس بتدفعها .. وكل شئ اتفقتوا عليه ..

النفووووووووووووووووووووووس بتتغير
والورق ثابت .
وممكن بعد سنة اتنين عشره ..
ييجي صاحب الملك .. او اولاده ..
يقولك بره يا خفيف ..
او تدخل في قضايا تحرق دمك سنين .. وانت مهدد بالطرد من بيييييييييييتك .
افهم بقه يا سيدي الفاضل


@لا يا عم الحكاية كبيره باين .. انا أجيب محامي احسن يمشى في السكه دي معايا . ممكن تيجي معايا ..
مش فاضي الحقيقة .
(شكله حيتعب اعصابي)


==ارجو ان تكون الامور وضحت بشكل مبدئي للسادة القراء .. وقد آثرت وضعها في هذا الشكل كحوار .. ليكون اكثر
بساطه في الفهم للمواطن العادي ..

وأذكركم ان الرسول عليه الصلاه والسلام .. والقرآن قد أمرنا كل منهم ان نكتب العقود ولا نهمل فيها .

بالتوفيق باذن الله وشقة سعيده عليكم ..


احترامي

المستشار ق/ هانى عادل
محام أمام محكمة الاستئناف المصرية العليا
دراسات عليا في القانون
01112467627



شكرااااا على المجهود الرائع
نرجووووووو المزيد ......


*************************************
لا إله إلا أنت سبحانك إني كنت من الظالمين
**************************************


13-10-2011, 08:58 PM
AboMo3aZ غير متصل
VIP
رقم العضوية: 221545
تاريخ التسجيل: Feb 2009
الإقامة: مصر
المشاركات: 6,039
إعجاب: 2,795
تلقى 3,258 إعجاب على 475 مشاركة
تلقى دعوات الى: 3250 موضوع
    #4  

ههههههههههههههههههه

حلو السيناريو والحوار ده

فين دلوقتي يا متر اللي بيرضي يأجر اكتر من سنتين وزي ميكون بيتبرعلك بكليته

وكمان مافيش وصل للايجار ولو طلبته منه يزعل وميرضاش يجددلك

اصحاب الملك بقوا غيلان يا بويا


أشهد أن لا إله إلا الله وأن محمداً رسول الله

اللهم اغفر للمسلمين والمسلمات الاحياء منهم والاموات

اللهم احفظ مصر وسائر بلاد المسلمين من شر الفتن ما ظهر منها وما بطن

14-10-2011, 11:41 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,948
إعجاب: 1,042
تلقى 429 إعجاب على 67 مشاركة
تلقى دعوات الى: 1334 موضوع
    #5  

سلمت يداك يا غالى

والله النصب شغال هذه
الأيام على حكاية الإيجار
القديم .
وللأسف الكثير بيفرحوا
بهذا الأمر وسرعان ما
يكتشفوا الحقيقة ولكن
بعد فوات الأوان ........


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

 


سلسلة كبسولات قانونية – ما حدش يضحك عليك ويقولك اكتب لك عقد ايجار قديم

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.