أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


31-07-2011, 10:35 AM
المصمم احمد غير متصل
عضو فعال
رقم العضوية: 362658
تاريخ التسجيل: Feb 2011
المشاركات: 125
إعجاب: 15
تلقى 57 إعجاب على 9 مشاركة
تلقى دعوات الى: 1 موضوع
    #1  

أفضل طريقة للمذاكرة



بسم الله الرحمن الرحيم

الطريقة دي لقتها وانا بتصفح في احدى المنتديات وعجبتني وحبيت انقلها لكم حتى تستفيدوا منها


1- قراءة الدرس أو الموضوع قراءة شاملة
يعني إية بقا قراءة شاملة ! ؟
يعني ما تحاولش تفهم أي حاجة من الموضوع في الخطوة دي
(كإنك بتقرأ جريدة بالظبط )
يا جدع هوا في حد بيركز وهوا بيقرا الجريدة
المهم الدرس أو الموضوع كلو اتقرا قراية سريعة
ودا طبعاً ما ياخدش منك عشر دقايق علي بعض
طب إية الغرض من الخطوة دي طالما أنا مش هفهم حاجة ! ! !
بكل بساطة الغرض هوا إنك تلم إلمامة بسيطة بمحتوي الموضوع
( يعني عشان تعرف الموضوع بيدور حوالين إية )
وأقسم بالله إنك في الخطوة دي ممكن تستوعب أكتر من 20 % من الدرس
نتنقل للخطوة التانية



2- تحديد النقاط الأساسية للموضوع
( يعني العنواين الجانبية يا كابتن )
ونقدر بردوا نسمي الخطوة دي بإسم تاني وهو
تقسيم الدرس إلي فقرات
ونلاحظ إن في الخطوة دي إحنا بنسهل علي نفسنا كتير أوي أوي
لأنك بتخلي الدرس الكبير أصبح عدة فقرات قصيرة يسهل مذاكرتها

تمام كده يا عم الحاج نخش بقا علي اللي بعدها


3- التلخيص
في الخطوة دي بقا حضرتك هتستوعب 50% من الدرس
تبدأ في تلخيص الدرس ودا بيخليك تقلل حجم الدرس أوي
وطبعاً هيسهل المذاكرة عليك كتييير

لحد كدة والله يبقي 100 100

4- استخدام الألوان في المذاكرة
وفي مذاكرة الثانوية العامة الألوان مهمة أوي في المذاكرة
طب لية ؟
عشان معظم الجمل اللي حضرتك هتحددها بالألوان هتفتكرها بسرعة
هتفتكرها بقا سواء كنت في الإمتحان أو لو جيت تراجع مرة تانية في نهاية الأسبوع
والمراجعة مهمة جداً جداً
يا عم الباش مهندس ما تجننيش المراجعة كمان مهمة !!!!!!!!!!!!!!!!
أيوة يا باشا مهمة أوي عشان أساساً إحنا ربنا سمي كل واحد فينا بإسم ((( الإنسان )))
والكلمة دي مشتقة من ((( النسيان )))
وعشان كدة يبقي مافيش حد في الدنيا دي ما بينساش
وطبعاً إحنا بعد مجهود المذاكرة دا كلو مش محتاجين ننسي بسرعة
وعشان نفضل فاكرين يبقي عليك وعلي المراجعة يوم الجمعة
(( ولازم تراجع علي كل الدروس اللي ذاكرتها قبل كدة ))
يا رب أكون أقنعتك

وبعد الألوان والكلام دا كلو نروح للخطوة الخامسة


5- تنويع أسلوب المذاكرة
يعني إية ؟
يعني في المذاكرة ما تستخدمش القراءة بس
أو الكتابة بس
لا ... لا ... لا
حضرتك لازم تشغل أكبر قدر من الحواس بتاعتك
يعني تقرأ اللي بتكتبوا
وبكده تكون إستخدمت :
النطق
الكتابة
والسمع ( ما انتا هتسمع اللي بتنطقوا )
والنظر ( ما انتا طول ما انتا بتذاكر عينك في الكتاب )

ننتقل للخطوة السادسة


6- التدريبات
بعد ما تذاكر يا عم وتخلص الدرس كلو
عليك وعلي تدريبات كتاب الوزارة الأول
( بيجي منو نص الامتحان رأفة بالطلاب اللي مامعاهمش يجيبوا كتب خارجية )
وبعدين تبدأ تحل بقا من الكتب الخارجية وياريت ما تسبش سؤال إلا لما تحلوا
( السؤال اللي ما تعرفهوش إرجع للدرس علي طول وشوف هوا موجود في أنهي جزء من الدرس وذاكر الجزء دا تاني )
وما تنساش تحل السؤال بردو ,.. ههههههه

وبكدة تكون الخطوات بتاعة المذاكرة خلصت
ندخل بقا علي بعض النصائح الشخصية
( دي من تجربتي الشخصية والله )


بعض النصائح اللي تساعد علي الفهم الجيد أثناء المذاكرة :

1- لازم يا مان توفر الجو المناسب قبل ما تذاكر
( يعني الحجرة متروقة حواليك والترابيزة نضيفة وأدامك الكتاب اللي هتذاكر منوا والكشكول اللي هتذاكر فيه والكام لون اللي قولنا عليهم )

2- لازم تكون إنتا مرتاح نفسياً يعني رايق من الأخر
( حاول وإنتا بتذاكر ما تشغلش نفسك بأي حاجة غير المذاكرة ولو حصل والشيطان رمالك فكرتين كدة ولا تلاتة عشان يشغلك حاول تخلص منهم بسرعة وترجع تاني لمذاكرتك )

3- كتر بقا وانتا بتذاكر من السوائل
( زي المياه والعصير وكدة يعني )

4- بعد كل ساعة أو ساعة ونصف كدة خدلك قسط من الراحة
( بس ماتطولش أوي يا معلم أصل أنا عارف المصريين ما بيصدقوا يعني هما 10 دقايق كدة ولا ربع ساعة حتي وبعدين إرجع للمذاكرة تاني )

5- أحسن وقت بقا تذاكر فيه بعد الفجر
( يا سلالالالالالالالالالالام علي بعد الفجر دة الواحد بيبقا حاسس إنوا عايش لوحدوا في الدنيا دي والله يا جدع )

6- لما تيجي تحفظ فقرة في المواد اللي بتتحفظ دي
( راجع علي الفقرة كذا مرة وحاول وانتا جاي تقولها تالت مرة كدة تقولها بالبلدي دا ممكن يثبت الحفظ شوية )

7-مافيش مانع إنك تقوم تتمشي وإنتا جاي تحفظ حاجة ( المشي بيساعد علي الحفظ بردوا )

8- وإنتا بتذاكر كدة ماتنساش تحط سؤال أو سؤالين علي كل فقرة 0 أصل دا بيساعد علي تثبيت الفهم بردوا

9- لو شعرت بالتعب أو الملل من المذاكرة يبقي هِسسسسسسسسسسس يا عم الحاج
( معلش علي كلمة هِس دي أنا بهزر )
أنا قصدي يعني يبقي خلاص بطل مذاكرة وقوم كدة إتوضا وصلي ركعتين وبعدين إرجع للمذاكرة تاني


10- لو هتذاكر كذا مادة يبقي لازم تبدأ بالمواد اللي بتحبها الأول وتسيب الرخم للأخر

11- ما تذاكرش بالليل ( أصل السهر مش حلو علشانك يا كوتوموتوا )
ولو حصل وذاكرت بالليل ( ما تفضلش بقا طول الليل تئربع في شاي وقهوة عشان طاقة حضرتك )
( وعشان ما تبقاش مدمن يا كابتن )
( أنا طبعاً قصدي مدمن شاي وكافيين أصدي قهوة )


12 - وأخر نصيحة ليا هي إنك تصاحب شلة كويسة كدة تيجي تنده عليك عشان الدرس والمدرسة والصلاة
مش عشان السايبر والنت واللعب والكووورة





وأرجوا ان أنا أكون افدتكم
وبردوا لو أي حد عندوا طريقة تانية حلوة للمذاكرة
أو عندوا أي تعليق علي كلامي
يتفضل وأنا عمري ما بعزل من حد لأن ما فيش حد ما بيغلطش

وأفضل طريقة للمذاكرة وبركاته


الموضوع منقول للأمانة

لاتنسونا من صالح دعواتكم

وكل عام وانتم بخير







المواضيع المشابهه
الموضوع كاتب الموضوع المنتدى مشاركات آخر مشاركة
ماهي أفضل طريقة لحفظ تنشيط Office 2010 ؟ .... طريقة ما تخرش المية ومجربة 100% faris اسئلة ونقاشات واستفسارات ودروس وشروحات الاوفيس 10 02-01-2014 12:51 AM
أساليب للمذاكرة pheonix2500 المنتدى العام 1 27-01-2009 10:47 PM
ممكن صور للمذاكرة او الامتحان يوجد مثال emadhamdy2002 خلفيات فوتوشوب - فريمات وزخارف للفوتوشوب GFX 0 05-01-2009 03:33 PM
ما هي أفضل طريقة للتنصيب الصامت الجنرال أبوطوني المنتدى العام لتصميم الأسطوانة 4 22-07-2008 12:42 AM
الأسلوب الأمثل للمذاكرة والتفوق loool المنتدى العام 2 08-01-2004 10:18 PM
31-07-2011, 03:00 PM
khaled99 غير متصل
عضوية الشرف
رقم العضوية: 343614
تاريخ التسجيل: Aug 2010
الإقامة: مصر- المنيا - منشأة بدينى
المشاركات: 16,471
إعجاب: 3,608
تلقى 1,726 إعجاب على 624 مشاركة
تلقى دعوات الى: 1132 موضوع
    #2  

جزاك الله خيرا أخى على المعلومات القيمة
وكنت أفعل بعض ما نصحت به أثناء فترات المذاكرة الجميلة
ربنا يوفق كل طلاب المسلمين


ادعوا لأخوانكم
فهم فى أمس الحاجة اليكم

31-07-2011, 05:58 PM
منى غير متصل
مجهودات طيبة فى الركن العام وركن الصور
رقم العضوية: 312413
تاريخ التسجيل: Oct 2009
الإقامة: الاسكندريه
المشاركات: 3,172
إعجاب: 1,709
تلقى 416 إعجاب على 76 مشاركة
تلقى دعوات الى: 113 موضوع
    #3  

جزاك الله خيراً وبارك فيك اختى
الآن فترة أجازة لكن إن شاء الله ينتفع بها الطلاب


 


أفضل طريقة للمذاكرة

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.