أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


28-07-2011, 05:22 AM
sara fahmy غير متصل
عضو جديد
رقم العضوية: 350484
تاريخ التسجيل: Oct 2010
المشاركات: 16
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

انا هموت لو ماخدتش حقى


يا اساتذة يا محاميين ارجوكم قولولى اعمل ايه
عندى عمارة واغلب الشقق فيها ايجار قديم الشقة تمنها دلوقتى 500 الف وايجارها 8 جنيه
عندى شقة منهم عقدها باسم سمحية . سميحة دى اتجوزت وجابت المعدول جوزها يعيش معاها
وماتت سميحة والبيه جوزها راح اتجوز وجاب مراته التانية تعيش فى الشقة
ومات الراجل
يعنى الهانم اللى قاعدة فى الشقة دلوقتى تعتبر ورثت الشقة من ضرتها
هو فى واحدة بتورث ضرتها يا ناس
يعنى البيت بيتى والنصابيين يبيعو ويشترو فيا
والهانم بتقولى اضربى راسك فى الحيييييييييييط

الشقة التانية بقى
باسم واحد عنده ولحد الراجل مات وابنه كمان مات
وحاليا مرات ابنه بتيجى الشقة مرة كل شهر لانها من القاهرة واحنا فى اسكندرية
وسايبة النور طول الشهر مفتوح عشان تثبت انها موجودة فى الشقة
اتكلمت معاها عشان تاخد فلوس وتمشى قالتلى لاء على جثتى
يارب اقبل منها وخدها زى ماهى واخدة حقى

اعمل ايه
المحامى البيه اللى جبته قالى القضية بتاخد سنة ونص وسسنتين
لييييييييه ؟
هو انا رايحة محاكم دولية عشان ارض فلسطين
مع ان مفيش فرق بين المستأجرين دول وبين الصهاينة
كلهم مختصبيين حقوق
انا سؤالى دلوقتى اعمل ايه اجيب محامى تانى
ولا اخد حقى بدراعى وادخل الشقق دى اطلع العفش منها واكسرها واجيبها على الطوب كلها
؟
ارجوكم افيدونى قبل ما يجرالى حاجة فى مخى واعصابى
انا فى ضائقة مالية وغير بينعم بخيرى
يااااااااارب لا تهنيهم ابدا واجعل الشقق دى وبال عليهم ومحل نكد وفقر ومرض يحل على بدنهم يارب



المواضيع المشابهه
الموضوع كاتب الموضوع المنتدى مشاركات آخر مشاركة
كل مايختص بإصدار وندوز إكس بى .. تجدونه هنا عبير خلفيات فوتوشوب - فريمات وزخارف للفوتوشوب GFX 4 18-03-2005 07:31 AM
28-07-2011, 05:27 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,206
إعجاب: 2
تلقى 101 إعجاب على 66 مشاركة
تلقى دعوات الى: 1289 موضوع
    #2  

اصبري
وما صبرك الا بالله

هما طالعين طالعين
اللي بيحصل ده قلة ادب ..

ومخالف للدستور والشريعة والمواثيق الدولية
وكل شئ يحكم بالعدل ربنا خلقة

اعتبري انهم مش موجودين .. وما تتعبيش اعصابك .....

والقضايا فعلا بتاخد وقت طويل جدا .......
وممكن وغالبا لو المحامي ما ضبطش الاجراءات صح ..
لاقناع القاضي ....
والمسألة في النهاية اقناع ...... ؟!!!
حتكون النتيجة خسارة الدعوى
أو

انك تكسبي ... وتدخلي في استئنااااااااااااااف ..
وبعدين كمان نقض .
ياخد له 10 سنين تقريبا .. ممكن 9
انا عندي قضية لعيلتنا .. من قبل ما اتخرج من الجامعة اصلا .. بقالها اكتر من 16 سنة !!!!!

وبعدين الواحد .. يديكي طولة العمر .. يطلع عند ربنا ..
مبني له قصر في الجنة
يلاقيهم بردوا فوووووق .. اخدين فيهههههه اوضه ايجار قديم ..

ما تعرضيش عليهم فلوس ..
ولو تعبريهم ولا تاخدي منهم ايجار .. سيبيهم يتغرموا محامي ..
او مواصلات لايداع الايجار في المحكمة ..

ويومهم جاي باذن الله .. وكل واحد ياخد حقة

اهم شئ لو قررتي السير في القضية ...
تكون مضبطه صح .. بخلاف هذا ..
الاساليب الاخرى ممكن يعني ؟!!!!
تكون مجديه

تحياتي


هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com

29-07-2011, 03:53 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,948
إعجاب: 1,042
تلقى 429 إعجاب على 67 مشاركة
تلقى دعوات الى: 1368 موضوع
    #3  

هههههههههههههه

الله يضحك سنك يا أستاذ هانى ...

عموما

يمكنك الحصول هلى حكم طرد للحالة الأولى
بكل تأكيد وبسرعة ان شاء الله ....
ولا خلاف فى ذلك ........

الشقة الثانية أيضا تحتاج الى تفصيل
بخصوص تاريخ وفاة الأب وتاريخ
وفاة الإبن . وهل يوجد للإبن أبناء من عدمه
وتاريخ تحرير عقد الايجار .


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

06-08-2011, 01:09 AM
sara fahmy غير متصل
عضو جديد
رقم العضوية: 350484
تاريخ التسجيل: Oct 2010
المشاركات: 16
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #4  

يعنى ايه اصبرى
هو اكل اموال الناس بالباطل فيه صبر ؟
يعنى انا وجوزى يالكاد نعرف نعيش وغيرنا عايش فى خيرنا ؟
لو قانون الدولة مش هيجيب حقى
يبقى مفيش غير قانون الدراع
بس السؤال بقى لو استخدمت القوة مع الناس دى وكسرت الباب وطلعت العفش كلو برة
ايه موقفى القانونى ؟؟؟؟؟؟؟؟؟؟

06-08-2011, 02:48 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,206
إعجاب: 2
تلقى 101 إعجاب على 66 مشاركة
تلقى دعوات الى: 1289 موضوع
    #5  

حيتهموكي بسرقة ذهب وياقوت والماظ .. لانها طبعا مغارة على بابا .
وبدل ما الشقة كانت جاية باذن الله جايه
تروحي انت والشقة فوق البيعه

او
يتم تطبيق قانون البلطجة عليكم
وده سكه تاااااااااااااانيه خالص

ما كانش حد غلب
انا عندي في بيت العيله شقة فضلت مقفوله اكتر من 17 سنه!!!!!!
وما سابهاش الا عشان خاطري
وبفلوووووووووووووووووس بردوا
رغم ان عندهم عمارة كاملة بتاعتهم ومقفولة واولادهم في امريكا والسعودية
ب 4 جنية في الشهر يا بلاش

المهم بلاش العنف .. عشان ما تخسريش كتير
نمشى قانوني احسن وباذن الله يتكلوا على الله

واصبري وما صبرك الا بالله

02-04-2012, 09:34 AM
sara fahmy غير متصل
عضو جديد
رقم العضوية: 350484
تاريخ التسجيل: Oct 2010
المشاركات: 16
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #6  
يا اخى الشقة الاولى اللى سالتك عنها انا غيرت المحامى ومن يوم ما جه البيت وقعد ما زوجى وحماتى واتكلمونا كلنا معاه من ساعتها مرفعش قضية . وبيقولنا اصل هى رافعة قضية عشان تثبت حقها فى السكن . يعنى الحرامية اللى سارقة الشقة بتسبق . والمحامى بيقولى هنضم القضيتين على بعض ..
قولتلوا طيب فين القضيين .. فين قضيتنا اصلا انت مرفعتهاش قالى لا ما انا هضمها على قضيتها \ايه التهريج ده ...
وكمان هى سابت الايجار فى المحكمة وكل يومين جوابات من مكتب المحامى بتاعها وانذارات . والمحامى بتاعها شغال الله ينور .
انا بفكر اهد الحيطة االلى بين شقتى وشقتها
ايه رايك ؟؟؟؟؟؟؟؟؟؟؟

03-04-2012, 02:24 AM
مينا اوذو غير متصل
عضو جديد
رقم العضوية: 373259
تاريخ التسجيل: Apr 2011
المشاركات: 11
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #7  
الحالة التانية زي اللي عندي بس ضيفي عليها ان اخته كمان قاعده معاها....يعنى مراة ابن المستاجر اللي مات وعيالها وكمان اخته قاعده معاهم...بالرغم ان اخته جت بعد مامات.........انا مش عارف هو القانون ده مفيش فيه حاجة تنصف المالك خالص....المالك بقي اقل من المستاجر ف الحياة الاجتماعية وكمان بيتهان من المستاجر واحيانا بيتشتم وكمان بيتقفل الباب ف وشه ....من الاخر المالك مرمطور عند المستاجر وف الاخر الايجار6ج ....يعنى المذلة دي كلها ع الايجار الهلس ده....ههههههههه


 


انا هموت لو ماخدتش حقى



English

Powered by vBulletin® Version
Copyright ©2000 - 2018, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.