أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


15-06-2011, 01:42 PM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

استفسار بخصوص العدة و النفقة


استفسار بخصوص العدة النفقة

انا عاوزة اطلق من جوزي بسبب اهانته و ضربه ليا دايما بدون اي اسباب
هو مرتبه الاساسي 371 و بالحوافز وصل ل850 جنيه هو مدرس
انا معايا 3 اولاد بنتين 12 و 10 و ولد سنة و نص

اســــــــئلتـــــــي

ايه هي مستحقاتي عنده؟؟

و ازي بتتحسب نفقة المتعة و العدة ؟؟

و بتتحسب ع الاساسي و الا بالمرتب اللي بيقبضه؟؟

ووضعي في الشقة علما بانه واخد كل الاوراق و هي تمليك من والده و النور بس باسمه

ازاي اثبت احقيتي في الشقة ؟؟

لان ممكن اهله يغيروا العقد لانه غير مسجل بالشهر العقاري

ارجــــــــــوكم فيدوني

و انا كان مهري 7000 و مؤخري 1000 جنيه

فايه هي كل حقوقي اللي اطالبه بيها

و لكم جزيل الشكر





المواضيع المشابهه
الموضوع كاتب الموضوع المنتدى مشاركات آخر مشاركة
سؤال بخصوص النفقة وشهادة الشهود ارجو الرد سريعاااااا miss dody مُسْتَشارُكَ القّانُونيْ 3 12-04-2015 02:10 AM
النفقة ssamar مُسْتَشارُكَ القّانُونيْ 1 31-07-2012 01:12 AM
استفسار بخصوص احكام النفقة في السعودية ؟ واحد مظلوم مُسْتَشارُكَ القّانُونيْ 3 25-06-2011 02:57 PM
استفسار بخصوص ال WPI zoro779 برامج 6 11-04-2009 07:45 PM
استفسار بخصوص ABC محمد احمد تبادل الملفات: تـورنت 5 28-11-2004 11:30 AM
16-06-2011, 04:36 AM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #2  

النفقة عموما تحسب بما يقارب 25 % من دخل الزوج الشهري تقريبا
العدة من شهرين الى سنة
والمتعة قد تصل الى عامين

بالنسبة للضرب عليك استفزازه في مرة
وطبعا حيضربك ..
تطلبي النجده وتستغيثي بالجيران كشهود
واثبات حالة فورا
واذا كان هناك شهور لحالات اعتداء سابقة يبقى احلى واحلي
هو كده ربنا كرمه على الاخر

طبعا انت مش حتسجنيه عشان الولاد بس
اثبات حالة وورقة ضغط قوية عليه

بالنسبة للشقة اثبتيها في المحضر
ويكون معاكي اي ورق خاص بيها ولو وصل النور

وعموما هو ملزم بسكن حضانه او بديل نقدي عنه

ويجب عليك الاستعانه بمحامي ذو ثقة للمتابعة
ما دام الامر وصل للضرب والاهانه
عشان الخطة تكون واضحة المعالم

وربنا يهدي


هـــانــــى عــــادل
محام ومستشار قانوني بمحكمة الاستئناف المصرية العليا
ماجستير في القانون وباحث بدرجة الدكتوراه


hany.a.legalcounsel@gmail.com

16-06-2011, 03:08 PM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  

شكرا جداا لرد حضرتك يا استاذ هاني
يعني من كلام حضرتك افهم ان بيبقي من المرتب مش الاساسي
طيب الله يخليك
انا متجوزة من 14 سنة ممكن تحسب لي اد ايه بالظبط
و كمان نفقة الاولاد هتتقدر ازاي و كام بالظبط
و للاسف هو حاليا ساب البيت بس انا خايفة لانه كان مهددني قبل كده انه هيبيع الشقة و يرميني في قانون جديد علشان كده بسال حضرتك
انا معايا صورة من عقد الشقة هل ده يفيدني و كمان رقمي القومي و شهادات الولاد علي عنوان الشقة
بالله عليك سعدني ربي يجازيك الجنة
لاني مش عاوزة اخد خطوة الا لما اكون فاهمة كل شئ علشان يبقي موقف جامد
مش اعمل خطوة تنقلب ضدي

بالله عليك

و شكرا ع الاطالة

16-06-2011, 04:01 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #4  

شوفي يا سيدتي الفاضلة
النفقة امرين عموما
اما اتفاقية ...
بمعنى انه بالتراضي يتم الاتفاق على مبلغ اجمالي بينك وبينه
عن العدة والمتعة .. والنفقة الشهرية لك وللاولاد

او قضائية
بمعنى التوجه للمحاكم والمحكمة هي من تحكم بها
فيما لا يزيد شهريا عن ربع مرتب الزوج او الطليق
وهو حكم وقتي ....ازاي ؟؟
بمعنى انه النهارده اتحكم لك ب 100 جنية شهريا مثلا
ممكن بعد كام شهر يرفع هو دعوى تخفيض ل 50
وممكن حضرتك ترفعي دعوى فتصل النفقة الى 1000
ليه ؟
لانه حكم وقتي مؤقت يختلف باختلاف يسار وعجز الزوج
ومدى زيادة دخلة الشهري المجمل وليس المرتب فقط

بالنسبة للشقة
كما قلت لك يجب ان يسير معك محامي فعليا
للتمهيد لهذه المسألة كي لا يحاول ان يقوم
باللعب ببيعها لقريب مثلا
من خلال اجراءات ستكون اوضح على ارض الواقع
مثل اثبات حالة او الابلاغ في النيابة بعد حادثة ضرب مثلا
بعدم التعرض .. وانك مقيمة في الشقة
هناك العديد من الاجراءات

من خلال محامي من قبلك ذو ثقة
يساعدك في المسألة

تحياتي

16-06-2011, 04:23 PM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #5  

شكرا جدا لحضرتك

16-06-2011, 05:04 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #6  

تحت امرك وربنا يهدي النفوس

18-06-2011, 06:41 AM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #7  

طيب بجد بجد انا اسفة

ممكن تقولي لو عملت خلع ايه هي الاجراءت اللي اعملها

و كام تكلفة الخلع

انا اسفة و الله اني بطول عليك

18-06-2011, 03:20 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #8  

في حالة الخلع
ستتنازلي عن المهر وكل ما تم منحة باسم الزواج
وسينتهي الموضوع خلال اشهر

ولكني لا ارجح هذا الامر .. نظرا لانه سيكون فائده له
ويفضل كما قلت اتخاذ اجراءات حاسمة بسبب ضربه
واثبات حالة واستغلالها ضده

وبالنسبة للتكلفه تكون حسب الاتفاق مع المحامي

تحيايت

18-06-2011, 05:17 PM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #9  

الف شكرا يا استاذ مان لوك

طيب ممكن تقراه موضوعي ده و تساعدني بالله عليك لاني بجد محتارة في اخد القرار

عاوزة خلع علشان ارد كرامتي و في نفس الوقت عاوزة طلاق علشان حقوقي

بخبرة حضرتك ياريت تساعدني

دي معاناتي14 سنة انا حبيتة من قلبي و ضحيت علشانة كتير و هو امه اختارتني له علشان مش هكلفهم

حاجة لاني بنت وحيدة و عندي كل حاجة و اتجوزنا في 9 شهور كان بالنسبة لي الجنة اللي هعيشها بس

لاحظت شوية حاجات في الخطوبة كده يعني اهلي جابولي فستان الخطوبة قالولي مش مهم انتي فرحتنا

راحت امه و لقيتها جابت لي جزمة و قالت لي هي دي ماجتش مقاسي قولت لها ليه و ليه عطتني 30

جنية و قالت هما دول اللي عندي الكوافير هما 100 جنيه بس
طبعا و لاني كنت بحبه كان بابا يقولي

خلاص ابويا ده طيب اوووي و انا ماكنتش بفكر الا بقلبي
اتخطبنا بقيت احط له القرش ع القرش جه

موسم نزلت جبت طقم ملامين ب 180 ماكنش معاه الا 100 كملت انا ال80 و قولت مش مهم يكفيني

حبه و روحنا جبنا السخان معاه 200 كملت انا ال160
و الغسالة كانت ب1450 دفع البيه 800 و انا

دفعت الباقي طبعا الست والدته قالت مالكيش عندي الا غسالة عادية قولت مش مهم اشارك انا معاه و اهي


ترحمني انا
جينا لتجهيزات الفرح روحت جبت درابية الفرح اللي هي مفرش السرير بتاع الفرح ب500

جنيه و جيت ع الشقة و وريته لحماتي و انا فرحانة و اتجنت عليه
قولت لها انا جايباه من لوران و طبعا

الحاجات هناك غالية راحت بعتت اختها ووصفت هولها راحت اختها قالت لها ده ب300 جنيه دول

بيضحكوا عليكي بالرغم ان احنا اللي شرينه و بيبقي ع العروسة و قسما بالله كنت جايباه ب500 و انا

هضحك عليها ليه هو انا واخدة منها حاجة راحت قالت لخطيبي خلي بالك دول بيضحكوا عليك راح هو

المحل و شاف لاقاه بنفس ما انا جبته والتاني اقل في الخامة
روحت اجيب السجاد من عند النساجون

الشرقيون اللي في سيدي بشر ع البحر و كل الاسكندرانية اكيد عارفين اد ايه الحاجة هناك غالية و جبت

سجاد تحفة و جه خطيبي بالليل و شافه ليه و ليه ماخدهوش هو و امه معايا و انا بجيبه و ده مش حلو

بالرغم انه من 13 سنة كان ب3400 4 سجايد و مشاية طويلة و عتب صغير
المهم الست الوالدة اتصلت

و قالت السجاد مش عاجب ابني لازم يتغير قولت لها ده زوقي و انا مختاره كل واحدة بتفرش اللي نفسها

فيه قالت لي خلاص مافيش فرح و الفرح هيتاجل بعد ماكنا اشتريت كل حاجتي و حجزت الموبيليا و

كانت جت معايا هي و خطيبي و حمايا و كانوا دافعين مهر 7000 جنية و انا جايبة عفشي ب35000

جنيه
المهم بقيت اتحايل و اجيلب لها هدايا علشان تتهد و الفرح مايتاجلش و غيرت سجادتين و اخدت

البيه معايا و خلصت المشكلة و روحت فرشت الشقة و و خالاته انبهروا بالشقة
و بالعفش و السجاد و

سمعت خالته بتقوله جاتك خيبة انت و امك ده السجاد روعة ده اللي عملته عليه مشكلة انتم مفترين فطلعت

قولت لها ايه رايك قالت لي دول مابيفهموش
المهم عدي الفرح و الحمد لله و كانت ليلة من اجمل ليلة في

عمري وكنت حاسة اني ملكت الدنيا كلها و بابا عزمني انا و هو و اخواتي و ماما و لما روحنا سالتنا ايه

اللي اخرنا راح هو رد و قالها حمايا عزمنا علي جمبري و صبيط و اتعشينا راحت اتقمصت ان ازاي

نروح و محدش يعزمها و عدت الليلة و بعد شهر حسيت باعراض فحللت و طلعت الحمد لله حامل و

كانت الفرحة مش سيعاني و الكل بقي فرحان و نزل جوزي قال لحماتي فقالت له انتم لحقتم اوعي تكون

عملت حاجة قبل الفرح ( يااااااااااااانهااااااااااري )
فطلع هو بيضحك و بيقولي تصوري ماما بتقولي كده

فقولت له ازاي يعني قالي ماتخديش في بالك و بعدين باركت لي و قالت لي ازاي بالسرعة دي ده انا

قعدت سنتين لحد ماجبت جوزك قولت لها دي حاجة بتاعة ربنا محدش له دخل فيها
و عدي بعدها اسبوع

و كل مااقول اروح لدكتور تقولي لا ده ايده كبيرة لا ده غالي لا ده مش عارفة ايه
المهم جيت مرة من

عند اهلي و طلعت عليها و كنت متضايقة شوية فبقيت تتكلم معايا و انا متضايقة و تعبانة فلما جه جوزي

قالت له مراتك بكلمها و مش بترد عليا و بتطلع الكلمة بالعافية قولت لها انا تعبانة قالت اه مانتي

بتشوفيني بتتعبي فقولت لها ليه كده قالت لجوزي شايف قلة الادب دي عاوزة تتربي و انا و الله ماقولت

حاجة راح جوزي ضربني بالقلم و راح بقي يكرشني و ينزلني ع السلم روحت لاهلي و حكطيت لهم ع

اللي حصل مصدقوش ان ده السبب فبابا اخدني وروحني و قدمها نكرت و قالت ان انا عليت صوتي

عليها و انا و الله ماحصل و بابا صدقني بس قالي معلش ماتحطيش في بالك انتي لسه عروسة شهرين

بس طبعا زعلت جدا من جوزي و بداء قلبي يشيل منه المهم بعد كام شهر كده كانت بتعمل ورق عنب و

قالت لي انزلي ساعديني علشان جوزك عاوز حلة هاتي حلة و تعالي نزلت و قعدت اعمل و امدح في

الخلطة و بلف و كنت اول مرة الف ورق عنب و هي مش مصدقة ان اول مرة فانا لفيت بطريقة و هي

بطريقة انا ع الوش و هي ع الضهر فقالت لي كده غلط قولت لها ماما بتعمله كده و انا كده سهل بالنسبة

لي و عيالها قالوه لها مافيهاش حاجة راحت مسكت التليفون لاختها و جارتها و حماة بنتها و قالت لهم ع

الوش و الا الضهر فيه اللي رجحني و فيه اللي رجحه فاتصلت بماما و سالتها راحت ماما قالت لها كله


بيتاكل وش او ضهر المهم طعم الخلطة و النفس طيييييب ليه كل ده و كل ما اعمل زيها الصوبع مش

بيتقفل تقولي انتي مش نافعة ياعيني عليك يا بني يقولها بالعكس دي نفسها حلو تقوله قصدك انها بتعمل

اكل احسن مني و عدي الموضوع
و طبعا مشاكل كتير لحد ماولدت و ربنا رزقني ببنتي و حبيبتي و بعد

مابنتي بقي عندها شهرين عملت حماتي عملية شالت حباية كانت في وشها و روحت انا و امي و بنتي

شهرين و اخوات حماتي و بعد ماخلصت و طلعت البيت كنا بعد العصر وصلناها البيت و طلعت بيتي و

سبتاها ترتاح هي و اخواتها و اجوازهم و ماما اخدتها عندي علي اساس ان ساعتين و ننزل لها فكنت

عاملة بسلة قبلها بيوم فراحت ماما جابت فراخ و سلقت بجانب البسلة و اتغدينا و نزلنا لاقينا البوز

شبرييين و جوزي مبوز فقلنا فيه ايه راح قالي ماما بتحسب اننا عاملين حفلة فوق قولت له حفلة اية؟؟؟


قالت لي اه تعزمي امك و تعملي اكل و انا هنا تعبانة قولت لها لا و الله راحت ماما قالت لها انا اللي جايبة

الفراخ قالت لها انا مكلمتكومش انا بعتب علي ابني ازاي يسيبني و يعزمكم فوق راحت ماما قالت لها لا

هي و لا ابنك لهم زنب الذنب نبي انا و حقك عليا و كسفت امي و احنا اللي معاها من الساعة 9 الصبح

المهم مشوا اخواتها و انا عاملة حسابي اني ابات معاها انا و جوزي فهي لما حست بكده قالت محدش

يبات معايا الابنتي قولت لها طيب ماانا بنتك انا حابات و خلي بنتك تذاكر فقالت لا انتي ماتباتيش فجوزي

قال لها ليه دي هي اللي طالبت مني انها تبات معاكي قالت له لربنا مايحوجني لها طبعا انا اتكسفت و

فضلت قاعدة فجوزي قالي يالا و طلعنا و البنت طول الليل مانيمتنيش الا الساعة 6 الصبح فقومت ع

الساعة 12 الضهر و نزلت جري فقولت لها عاملة ايه قالت انتي لسه فاكرة قولت لها و الله البنت مش

نيمتني قالت لي و الكاسيت اللي شغال من 9 الصبح ده قولت لها مش من عندي قالت انتي كمان كدابة

قولت لها و الله العظيم مش من عندي فدخل اخو جوزي قولت له الكاسيت بتاعي فين قالي جوه في

اوضتي قولت له هاته فجابه قولت لها اتفضلي يعني مش انا اللي مشغلاه اساسا الكاسيت ماكنش عندي

راحت سكتت فطلعت غيرت لبنتي و لبست علشان كانت رايحة تعمل عملية كانت مولودة و لسانها مربوط

و الدكتور قالي هاتيها تاني يوم و روحت بيها و كنت مرعوبة لان ابن خالتي كان كده و عمل العملية دي

و جاله دور سخونية و مات فانا كنت معتقدة ان بنتي هيجري لها كده فبعد ما الدكتور عملها في العيادة

قلبي كان هيقف و قولت لجوزي و ديني عند امي علشان مش اقدر ع البنت لوحدي و فعلا روحت لما و

تاني يوم روحت و طبعا جوزي راح لامه و عملت حكاية ازاي اروح لامي و اسيبها و هي عاملة عملية

بالرغم من انها حباية و الله في وشها و لما رجعت تاني يوم لقيت البوز منها و من جوزي و طلعت و

زعق لي و ضربني فقولت له طلقني راح قالي انتي طالق و اتصل ببابا و قاله تعالي خد بنتك انا طلقتها و

كانت دي اول طلقة ليا و جه عليا عيد جوازي الاول و انا مطلقة و معايا بنت عندها شهرين و قعدت


شهر في بيت اهلي و بعد كده رجعنا لبعض
طبعا حصلت بعض المنغصات بس انا و الله بحاول احكي لكم

باختصار قرب عيد ميلاد بنتي هو في شهر 5 فااخت حماتي اتوفت في شهر 12 قبل عيد الميلاد ب5

شهور و نص و جينا علي شهر 4 فتحل حلواني جنب البيت قالت لنا اسالوا علي اسعار التورت علشان

عيد ميلاد البنت انا هاجيب لها تورتة و فستان قولت لها كتر خيرك و بوستها و نزلت انا و جوزي و احنا

فرحانين و سالنا و اتفقنا انا و هو و حماتي و خلاص بعدها باسبوع كنت عند ماما و كنت عاملة حلة

محشي لحماتي و حلة لماما و روحت فحماتي اتصلت و قالت انها جاية فرحبنا بيها و بعدين قالت عيد

ميلاد البنت مش هيتعمل جوزي قالها ليه قالت له كده علشان اختي الميتة قالها دي عدي عليها 5 شهور

قولت لها و انتي قولتي انك هتجيبي التورتة احنا مااتكلمناش انتي اللي قولتي قالت لي مافيش و هي كلمة

او اعمليه هنا عند امك فجوزي زعق في بيتنا و قالها عيد الميلاد هيتعمل في بيتي انا فقالت له ورينا

هتعمله ازاي
و روحنا و انا طبعا بقيت زعلانة و طلعت علي طول و اتفقت مع جوزي ان دي بنتنا احنا

و فرحتنا احنا احسن من التكاليف احنا نخرج و نتغدي بره و نتفسح و نفرح لوحدينا ببنتنا قالي لا بس ده

اول عيد ميلاد قولت مااحنا نجيب تورتاية و احنا مروحين فراح باسني و نمنا علي كده و جه تاني يوم

من الشغل و اتصل بيا من الديكتافون و قالي انا طالع و جايب هدية جميلة للبنت و كلمتين حلووين منه و

قالي حضري الاكل لحد ما اشوف امي قولت له ماشي و بعد15 دقيقة بالظبط الراجل اللي جاي و بيتكلم

بكل دلع و رومانسية طالع لي شيطان رجيم و قالي انتي ايه اللي انتي عملتيه قولت له ايه قالي انتي

مشغلة الكاسيت و بتغيظي في امي قولت له ابدا و الله ماشغلت حاجة و اشغل ليه و انا متضايقة اساسا

فقالي اهي دلوقتي هتاخدني عند المحامي و هتخليني اتنازل عن الشقة و نطلع بره البيت اقسمت له اني

ماعملتش حاجة و حلفت ع المصحف فراح اتصل بامي و قالها تيجي جت امي عند حماتي تحت و

حماتي قالت لها انا زعلانة من بنتك فقالت لها بنتي مااعترضيتش و اتفقوا خلاص انهم يعملو العيد ميلاد

هما الاتنين مع بنتهم و بس خلاص الحكاية خلصت في ايه تاني قالت لها يطلعوه بره البيت ( علي فكرة

الشقة كانت مكتوبة بعقد ايجار من حمايا لجوزي و حمايا ده راجل مالهوش اي كلمة نهائي )
فراحت ماما

قالت لجوزي ايه رايك قالها اتحرقوا انتم الاتنين فامه قالت له مين اللي يتحرق امك تتحرق لو مش

هتطلق مراتك دلوقتي لا انت ابني و لا اعرفك فراح قال لامي بنتك طالق طالق طالق
و كانت دي تاني

طالقة ن غير اي سبب اعمله
و روحت بيت اهلي و قعدت شهرين غضبانة هناك و عدي عيد ميلاد بنتي

و الاب يادوب في الشهرين بعت لها بس ستان عيد الميلاد و للاسف طلعت حامل و بلغت اخوه يبلغه اني

حامل في شهرين تصوراو لما اخوه راح بلغه امه تقوله انت متاكد انه منك قالها اه طبعا مني
حسبي الله و

نعم الوكيل
و رجعنا بعد شهرين و رجعت للمنغصات من تاني و اعدي و افوت و اكبر دماغي لحد

ماولدت بنتي التانية و لا حد فيهم جه و لا سال عليا و بابا اللي عمل لي السبوع و جوزي كابيجي كده سد

خانة و خلاص و لا في اي ولادة كان بيجيب لي زبادي حتي معاه طبعا تعليمات الست الوالدة
فلما جيت

روحت عطيتهم حمص السبوع و قالت و فين لخالاته و عمامه قولت لها مافيش قالت لي ليه معملتوش

حسابهم مردتيتش عليها و طلعت لاني كنت تعبانة لاني بولد قيصريو الفرق بين الولادتين سنة و نص و

عدي حوالي شهر طبعا هي مش مرتاحة فكنت انزل تقوم قافلة الباب في وشي و طبعا مافيش اي شاهد

عليها الا ربنا عملت معايا كده 3 مرات و كان قبل ليلة رمضان و جوزي قالي انزلي قولي لها كل سنة و

انتي طييبة قولت له ازاي دي بتقفل الباب في وشي المهم اتخانقت انا و هو فراح اتصل بامي و جابها و

طلعت حماتي في ايه فقالها مش عاوزة تنزللك تقولك كل سنة و انتي طيبة (طبعا هو كان كل اللي هموه

انها تديه فلوس في ليلة رمضان فعلشان كده كان مزلول لها و انا اللي كنت بتعاقب )
فقالت لي انتي مش

عاوزة تنزلي لي قولت لها انتي بتقفلي الباب في وشي قالت لي كدابة فمسكت المصحف انها عملت كده

فقالت الهي يتحرق قلبك علي عيالك و تدفنيهم بايدك و تتكوي بنارهم بصراحة انا ماتوقعتش و ثورت و

قولت لها لو انا عندي 2 انتي عندك 4 تلمي لحمهم من تحت القطار
حبيت اوريها اد ايه الدعوة بتالم

فقالت لجوزي مراتك دي صايعة و مااتربتش و قالت لي و حياتك لاجوزه ست ستك و هتبقي علي

سريرك و انتي هتبقي بره و اخدت سبع البرومبة معاها و امي مشيت و هو بات عند امه تحت و انا تاني

يوم مشيت بعيالي
و رجعني ابويا و خلاني اصالح حماتي و ابوس راسها و كانت دعوتها دي اللي

عمري ماهنساها ابدا
و طبعا مرت سنين مابين ضربه ليا و اهانته و انا كمان كان قلبي شال منه انه مش

الراجل اللي اتمنته و لا كان في يوم ضهر ليا كان دايما يقول هاعمل ايه علشان ترضي عليا لانها كانت

دايما تقوله بدعايا انا هتدخل الجنة طيب و دعوة المظلوم ليه مافكرش فيها ؟؟
و لو نشرت لازم تحط اي

حاجة علشان يبقي انا رميت علي الغسيل مايه و لو غسلت البلكونة ده حرام الميه في الشارع كانت قاعدة

ليا ع الواحدة في كل حاجة و استحملت كتير و مرة ارد و مرة اتعامل بكل بروود و اعمل هبلة و عبيطة

جربت كل حاجة ممكن تتخيلوها و اتجوزت بنتها و كنت مهدودة انا و امي نروح نجيب لها المنجد و امي

تنزل معاها تجيب السجاد و في عز الشتا و لان امي مش كانت عاوزاه لي مشاكل فكانت بتعدي و بتتنازل

كتير و حماتي كانت ايام فرح بنتها كانت كويسة اووي و بصراحة انا لما لاقيتها كده بقيت اعمل كل يوم

الاحسن علشان ارضيها هي و جوزي كان نفسي اعيش سنة و احدة بس من غير مشاكل ياااه كنت

فرحانة اوووي برغم الحمل الكبير اللي عليا بس كنت فرحانة و بعد مااتجوزت بنتها و خلاص هدت

حيلي اشتغلت تاني
و بعد مابنتها اتجوزت لما تعزمنا و اعمل اكل و جوز بنتها يقولها شوفي اتعلمي و

يقولي علميها طبعا كانت النار لحماتي بنتها فعملوه هما الاتنين حكاية حسبي الله و نعم الوكيل فكنت عند

حماتي في مرة من المرات و فجاءة بنتها قالت لها مش لاقيه خاتمي و بقيت ادور معاهم و قلبنا الدنيا و

جوزي معايا و انا ماتحركتش وربنا شاهد و طلعت انا وجوزي و تاني يوم الاقيها بتحسبن عليا وواخدين

مني جنب و الكل واخد مني جنب عارفين زي ما اكون انا سرقت الخاتم ايوه و الله العظيم هي دي كانت

نظراتهم ليا بس ماقالوش صراحة و بعدها بيومين اخويا الصغير كان جايب لي بنتي من الحضانة و نده

عليا من السلم علشان اقف للبنت و عملوها حكاية ازاي اخويا ينادي من السلم و جوزي قالي اخوكي ما

يجيش هنا قولت له ليه ده كان جايب البنت من الحضانة قالي كده علشان هما كانوا نايمين و صحوا علي

صوته قولت له بدل ما اقول لاخويا شكرا انه جاب البنتاقوله ماتجيش بيتي و اخويا ده كان وقتها عنده

12 سنة يعني عيل صغير و اتلكك لي جوزي و قالي انتي طالق و اتطلقت لتالت مرة و قعدت في بيتي و

محدش من اهلي حس بحاجة طبعا حماتي مش عجبها هي عاوزاني امشي راحت اتصلت بخالتي و قالت

لها بنتكم ابني طلقها و انتم سايبنها و هو مش عاوزها تعالوا خدوها جه ابويا و من غير مايعرف حاجة

دخل عندهم الاول طبعا قالوا هما اتخانقوا مع بعض و مش عارفين ايه السبب قالهم خلاص انا حاخد بنتي

و عندي شقة اخوها تقعد فيها لحد ما نشوف فين سبب المشكلة و كان ابويا كل اللي في باله من كده انه

ياخد عفشي و حاجاتي كلها بشويش و بالراحة لان ما كتبنا قايمة و لا شئ و طلع اخدني انا و عيالي و

قعدت 8 شهور جوزي ما بعت ليا جنيه واحد لا انا و لا للعيال و ابويا راح بيض شقة اخويا و قاله اعمل

المطبخ و الحمام فجوزي قاله مش معايا فلوس و رد حمايا قاله لا دي مش شقته علشان يعمل حاجة

فابويا كلفها 8 الاف جنية و اخدت حاجتي بشويش و بالراحة و جوزي اللي جايبها علي امل اننا نرجع

لبعض و انا رفضت الرجوع المهم بقي فيه مداولات لمدة شهر انه يرجع و انه هيبقي احسن من الاول و


ان امه السبب و بعدنا عن البيت هنبقي كويسين و مافيش مشاكل و اقنعني و اقنعوني قولت ماشي اجرب

علشان بناتي و اهو ابوهم هيبقي احن و احسن من جوز امهم لو اتجوزت لاني وقتها كنت لسه صغيرة و

قولت لو في البرد ابوهم هيغطيهم لو هما عريانين لكن جوز امهم ياعالم هيعمل ايه و علشان خاطر

عيالي وافقت و ابويا قاله و علشان تبقوا احسن و مافيش اي مشاكل اجر شقتك و خدوه ايجارها و انا مش

عاوز حاجة غير انكم تبقوا كويسين
و الحمد لله ايامنا كلها كانت جميلة ووقتها كنت حاسة اني عروسة و

ملكت الدنيا دي كلها بايدي و انا في حضن جوزي و كان شرطي اني ماليش دعوة بحماتي و لا هي لها

دعوة بيا لحد مافي مرة شيلنا 800 جنيه و كنا اول مرة نشيل المبلغ ده و راح قالهم قالوه له احنا

محتاجينهم علشان نعمل رخصة العربية علشان ماينفعش نفك الشهادات في البنك ( مع العلم انهم عندهم

شهادات و حسابات بالولار و الاسترليني و ماجرين 3 شقق في البيت و محل ) يعني دخلهم الشهري

5000 جنيه
و جه جوزي قالي قولت له يعني علشان الرخصة قالي اه قولت له لا لو لادوية او دكتور او

او اي مرض انا مش اديك ال800 ده انا ابيع لك دهبي بس علشان رخصة و احنا يبقي بيتنا فاضي

ماينفعش قالي انت و مالك لابيك قولت له لمايبقي فايض ده اللي يعوزه البيت يحرم ع الجامع و هما دول

اللي في بيتنا راح لم كل هدومه و قال ما هو علشان بيتك انا هسيب لك البيت و امشي و بقيت ماسكة فيه

و اعيط بس هو كان في ضميره ان انا السبب في المشاكل و يبراء اهله و يعرف الناس ان اهله مش

بيعملوه مشاكل علشان كل خلاته بقوا يلومه امه و يقوله لها مرات ابنك مشت منك و من عمايلك
و مشي

و الكل غلطه و رجع و بقينا كويسين ورجعنا من تاني
و مع كل مشكلة صغيرة يسيب البيت و يمشي و

مايسيب و لا مليم للبيت و مرة طلبت من خالته تبلغهم اني عاوزة فلوس رفض روحت اخدت البنتين و

انا قلبي بيتقطع و عطيتهم لخالته انه ياخدهم يصرف عليهم و كان قلبي بيتقطع بس كنت عارفة ان لا هو

و لا امه هيقدروا عليهم و فعلا مجرد نزلت من عند خالته بعد ساعة لقيت حماتي و عاملة نفسها بريئة و

حمايا و خالته جم و عطوني العيال و عطوني فلوس و صلحوا الموضوع طبعا علشان تبقي هي بتصلح و

المشاكل بيني انا و جوزي بس طبعا هو نجح انه يعمل كده
و مرة كنا في العيد الكبير و هو كان نايم و

قولت يابت قومي اتمكيجي و عيد بقي و لبست قميص نوم جديد و بصحيه بقوله ايه رايك تخيلوه ايه اللي

حصل مسكني عطاني علقة موووت منه لنفسة و الله و قالي انتي طالق و الله ماكان بينا حاجة اتصلت

بابوه و اخوه قولت لهم يجوا يخدوه من هنا و جم اخدوه و كانت الطلقة الرابعة و روحنا دار الافتاء و

الشيخ قال وقع الطلاق علي فكرة في الطلقة التالتة برضه روحنا دار الافتاء و كان فيه طلقة مش اتحسبت

علشان كده رجعنا
المهم بعض الطلقة الرابعة و الشيخ لما قال ماينفعش رجوووع هو بقي مااااشي يعيط و

انهار لكن انا كنت فرحانة اني خلصت منه و اني مش هشيل ذنب عيالي و صبرت لاخر لحظة مع ابوهم

علشانهم و عمل محاولات كتير و راح لشيوخ كتير و اجمعوا انا مااتحسبتش و قالوه له خلي بالك لك

واحدة و خلاص
و رجعت تاني علشان اللي كسرين وسطي اللي هما البنات كنت اقول ازاي هيتجوزا و

امهم مطلقة و بنتي كمان الكبيرة كانت دخلت المدرسة و بدات تشوف زمايلاها و معاملة ابائهم لهم و

تقولي نفسي امشي انا و انتي و بابا و اختي كان كلامها بيقطع فيا
ورجعنا من تاني و كانت بتحصل

خلافات مابينا مش عاوزة اطول عليكم و الله بحاول اختصر علي اد ما اقدر
المهم و بعد حوالي 6 سنين

كان الحمد لله ربنا هداه و مابقيتش المشاكل زي الاول و انا بقيت احمد ربنا لحد ما حط بدماغة موضوع

السفر و فعلا جات له التاشيرة و بيني و بينكم كنت اشتاقت للخلفة بعد ما كنت بسقط نفسي اكتر من 5


مرات كنت حملت فيهم مكنتش عاوزة اجيب منه عيال لاني كنت بقول حرام اظلم اطفال مع اب زي ده

لكن مع حكاية سفره دي قولت احمل و الحمد لله ربنا كرمني و يوم سفره كنت حامل في شهر و ماالوكمش

مدي فرحته كانت اد ايه لانه كان نفسه في ولد و يوم سفره كان يوم صعب عليا و عليه المهم سافر و

كان اخويا خطب و عاوز يتجوز اخويا اللي انا قاعدة في شقته و اتصلت بجوزي انهم حددوا ميعاد الفرح

بعد 6 شهور و لازم ننقل لشقتنا لاننا كنا متفقين اننا نرجع شقتي اللي في بيت حماتي و كانت حماتي

علاقتي بيها الحمد لله كويسة نوعا ما فكان هو لسه ما اشتغلش و ربنا ماوفقهوش في كام شغلانة المهم

قولت له خلاص انا هابيع دهبي و اوضب الشقة قالي لا قولت له مش مشكلة هاعتبر انه اتسرق او وقع

مني و انتا تبقي تعوضه فقالي طيب استني سال امه معاكي فلوس علشان الشقة لان مراتي هتبيع دهبها

قالت له ربنا يقويها فقالي خلاص اتصرفي فعلا روحت بعت دهبي و كان الحمام و المطبخ لا يطاقوه من

المنظر من الناس اللي كانت ماجرة المهم روحت جبت ناس و كسروا المطبخ و الحمام و و ابويا الله

يخليه كان واقف جنبي و كنت وقتها حامل بالشهر الخامس و مع التكسير لقيت تليفون من حماتي بتقولي

تعالي حالا قولت لها فيه ايه قالت الناس اللي انتي جايباهم هيهدوا البيت علينا قولت لها و الله انا تعبانة

جداا لو في حد يطلع لهم لاني بجد تعبانة اوووووي لاني كنت واقعة قبلها ع السلم فراحت قايله لي لو

ماجيتيش دلوقتي راح اروح القسم و اعمل لك محضر انا سمعت الكلمة دي صوووعقت لبست عبايتي و

بقيت زي المجنونة و روحت لقيت العمال يادوب بيكسروا و مافيش سقف وقع و لا اي حاجة روحت

ناديت علي اخو جوزي و سالته السقف وقع عندك قالي لا مافيش اي حاجة و الناس شغالة كويس بقيت

اصرخ و اقوله يعني بدل ماتقفوا جنبي و تقوله لي محتاجة ايه و عاوزة ايه امك تقولي هاعمل محضر

المهم حمايا كمان طلع علي صريخي و عياطي بجد ماتوقعتش ان ده يحصل و قالولي لا هي غلطانة و


هدوني و روحت البيت لقيت تليفون منها بتقولي انتي ليه ما استئذنتيش قبل ما تعملي حاجة قولت لها انا

قولت لجوزي و هو قالك فقالت لي كنتي الاول تستاذني قولت لها انا بعمل في شقتي يبقي استاذن ليه

اتفتحت و قالت لي ده بيتي انا و ولا انتي و لا جوزك داخلين فيه ووريني هتدخليه ازاي و قفلت السكة و

اتصلت باخو جوزي و قولت له هي الشقة دي ليا الحق فيها و الا لا قالي اعملي و كملي دي شقتك و

شقة ولادك و اتصل بيا جوزي و لاقاني مننهارة و حكيت له كل اللي حصل و لا ول مرة يجي بصفي و

اتصدم هو كمان من كلمة محضر في القسم و سال ابوه و اخوه و اتاكد ان كلامي مظبوط
و طبع لانها

المرة دي غلطانة و الكل غلطها فمكنش طبعا عاجبها و كانت ناوت لي علي نية و فعلا بس الحمد لله جه

وصل الكهربا و دفعت للبيت كله و جت علي وصل شقتي و قالت للمحصل انزل بيه لمطعم ابويا انا و

فعلا الراجل سمع كلامها و اخويا دفع لي الوصل و لقيت جوزي بالليل بيتصل بيا انتي بعد كده ماتدفعيش

وصل الكهربا و مالكيش دعوة بالحاجات دي هما يتصرفوه فقولت له ع اللي حصل و بهدلني اتاري



الست الوالدة قالت له ان مراتك مش عاملة لنا اي صفة و قابلت المحصل و دفعت هي الوصل و خلعتنا

من كل حاجة و عيطت طبعا فروحت فعلا تاني يوم الصبح استنيت المحصل و سالته مين اللي قالك

تحصل الوصل من المحل قالي الحاجة اللي فوق هو انا يامدام اعرف منين ان الوصل ده تبع المحل

فطلعت اخويا لحمايا مع المحصل و المحصل واجه حماتي فطبعا حمايا عرف الحقيقة و اني مظلومة و



اتصلت بجوزي و حكيت له اللي حصل و الحمد لله ربنا كان واقف جنبي و عملت شقتي و خلصتها و

الحمد لله فرشت كل حاجة و روحت ولدت و كان نفسي اسمع صوت جوزي قبل ما ادخل العمليات لكن

ربنا ما اراد و بعد ماطلعت من العمليات لاني بولد قيصري سمعت صوت حماتي اتاري جوزي اتصل

بيها فقالت و الله ده ابني اللي اتصل و حلفني لازم اروح اطمن علي الولد و شافت الولد و لا قالت لي

حمد الله ع السلامة و لا اي شئ و طلعت علي بيت امي اسبوعين ماكلفت خاطرها تتصل تسال ع الولد

حتي وكده كده خلال مدة سفر جوزي مارفعت سماعة تليفون و لا زيارة حتي لا في عيد و لا رمضان و

لا اي شئ نهائي حتي حمايا و كانوا يقولوا لجوزي مراتك بعدا العيال عننا و يتصل و يزعق للعيال برغم

انهم صغيرين و في رمضان اتحايلت علي حمايا و حماتي انهم يجوا يفطروا مع الولاد قالت لي ابدا طول


ماابني مش موجود ما ادخل البيت روحت انا عملت الفطار في بيتي السمك و السلطة و الرز و صينية

بوري و العيش و العصير و كله حاجة وروحت بيهم بس للاسف مابيطمرش
المهم رجع جوزي من السفر

و بقي الوضع كما هو عليه هما في ناحية و انا في ناحية و رجع جوزي مديون و قولت مش مهم اهم

حاجة انه يكون وسط الولاد و كمان الولد اللي هو ماشفهوش و عدت الايام بينا جميلة كنا ناكل طبق الفول

احسن من الخروف حمدت ربنا ان جوزي في حضني و في حضن ولادة
و بدانا من تاني امه تودود له و

تعزمه ع الغد و تنادي عليه المهم تقرفني و خلاص بقي يتلكك ليا مرة يكسر لي الدنيا و مرة يشتم المهم

يسمعها لانها بقت تديله كل شهر 300 جنيه مساعدة و علشان ياخدهم لازم يفرحها باي حاجة فيا كده كل

شهر
المهم جه عيد ميلاد ابني و ابويا قام بكل حاجة و عزمت اخواتي و مراتتهم و يوم عيد الميلاد لقيت

جوزي بيقولي نفسي لو تتصلي بامي قولت له حاضر و اتصلت بيها و عزمتها و طلعت و عزمت لي

الدنيا و عاوزة طبق لفلان و طبق لعلان ماهي هيصة و مش دافعين حاجة و عدي الموضوع و بقيت انا

برضه علي موقفي اني ماانزلش تحت سلام من بعيد لبعيد علشان المشاكل و هو وافقني عللي كده و انزل

لها كيك او اي اكلة حلوة و خلاص
المهم عدي علي كده شهرين و روحت عند امي يومين عامة بروح



الخميس و اجي الجمعة و يوم السبت اللي حصل بقي اننا اتغدينا و هو دخل نام الساعة 4 و الساعة 7 و

نص اتصلت بيا خالتي تسال عليا و بكلمها فهو نده علي بنتي انها تديه الولد و الولد راح و طلع من عنده


اخته شالته بقي يعيط قام وزعق للبنت و كسر التليفون و ضربني و انا اقوله فيه ايه بس علشان الولد و

موتني من الضرب مع الشتيمة بافظع الالفاظ اللي مش ممكن حد يتخيل ان راجل يقول كده لمراته بجد

مش ممكن و طلع ابوه و اخوه و ضربني ادامهم و يشتم و يقول لهم لازم تنزل و انا قسما بالله مارديت

باي كلمة الا لما قال دي كانت عاوزة واحد عربجي قولت له العربجي انا اخدته خلاص و نزلوه و طلعت

الست الوالدة و ابوه تاني و قالوا انتم لازم تتطلقوه فاتصلت باهلي و طلبت منهم ماذوون حالا يطلقني و

جم اهلي و اخواتي و لاقوني ميتة من الضرب و اتعاملوا مع الموضوع بكل هدوء و طلبوا الحل من اهله

فقالوا خلاص يلم هدومه و ينزل عندنا لحد ما يهدوا لان هو بيقول انها مدت ايدها عليه الاول فحلفت

ابوه و قولت له انت قدرت عليه قالي لا قولت يبقي ازاي انا هضربة و لو هو يقبل علي نفسه كده يبقي انا

ضربته
و بقيت مصممة ع الطلاق و طلع اخد هدومة و كان هيشد مع ابويا و نزل و النهاردة بقالنا

شهرين هو تحت و انا فوق
بالله عليكم تنصحوني بايه انا خلاص مش قادرة اتحمل الاهانات دي كلها و

طلاق و ضرب غلبت و اهلي غلبوه و كنت عاوزة ارفع قضية خلع ابويا قالي علشان بناتك محدش هيتقدم

لهم لما يعرفوا ان امهم خلعت ابوهم و انتي اللي هتجني علي بناتك هو مقرف بس هتبقي انتي السبب في

نظر بناتك
و علي العلم انه قسما بالله انه مابيجيب ليا هدوم و لا اي طلبات غير اكلي و بس و يقولي انتي

عاوزة ايه تاني و لما يقعد ادام اي حد علشان يطلع نفسه برئ يقول لهم مش باخد حقوقي الزوجية طبعا

اثبت ازاي انه بياخد حقوقه لان دي حاجة خاصة بيني و بينه و ما يعلمها الا الله
و حتي لو مش بياخد

حقوقه ماهو من معاملته ليا اززاي يشتم و يسب و اخده في حضني لدرجة البنات دلوقتي بالفاظ مش

محترمة خالص خالص عيب انها تطلع من اب لبنات واحدة عندها 13 سنة و التانية 11 سنة
و لبرغم انه

مدرس

18-06-2011, 05:23 PM
زوجة مقهورة غير متصل
عضو جديد
رقم العضوية: 379641
تاريخ التسجيل: Jun 2011
المشاركات: 8
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #10  

تنصحني بايه بالله عليك و الموضوع الاخير ده عدي عليه لحد دلوقتي شهرين و كل اسبوع بيبعت لي 300 جنيه شامل كل حاجة
بحتاج بامبرز للولد ب 20 جنيه
و كطيلو لبن يوميا الكيلو ب 6 و نص في الاسبوع ب 45 جنيه
و مصروف العيال 3 جنيه في اليوم يعني 18 جنيه في الاسبوع
ده غير ان كل اسبوع عاوزة كيلو مسحوق اتوماتيك ب 15 جنيه
و كل حاجة انا بجيبها ماعدا الكهربا و الميه بس هو اللي بيدفعها
و الولاد عاوزين لبس بيقول مش معايا و الولد الصغير مافيش لبس خالص و يقول مش معايا
اعمل ايه انا خلاص تعبت و اهله حطين ايديهم في الميه الباردة فكرك اخد اجراء و الا اعمل قاعدة الاول و الا اعمل ايه
اسفة و الله اسفة اني بطول علي حضرتك
بس بجد مقهورة و نفسي اخد حقي

18-06-2011, 05:40 PM
Hany Adel غير متصل
محامى ومستشار قانوني
رقم العضوية: 369504
تاريخ التسجيل: Apr 2011
المشاركات: 2,139
إعجاب: 2
تلقى 93 إعجاب على 59 مشاركة
تلقى دعوات الى: 1254 موضوع
    #11  

طبعا واضح انك متضايقة جدا
وربنا يكون في عونك

والماضى ليس لنا يد فيه ولن يتغير
ولكن الامر يتعلق بالحاضر والمستقبل باذن الله

فعليك حفاظا على الاسرة محاولة الصلح مرة أخرى
غير هذا امامك عدة اختيارات

رفع دعوى نفقة زوجية .. ونفقة للصغار ..
وسيكون هذا الامر تهديدا له بمجرد الانذار وقبل رفع الدعوى ..
او طلب الطلاق للضرر ..
او الخلع .. وستخسري اي حقوق لك من نفقة وغيره .. وسيبقى حق الحضانه ..
ونفقة الصغار والمسكن ..

هذا هو الامر باختصار
وربنا يهدي النفوس

27-06-2011, 04:05 PM
mona ahmed غير متصل
عضو مميز
رقم العضوية: 47731
تاريخ التسجيل: Jul 2006
المشاركات: 260
إعجاب: 2
تلقى 22 إعجاب على 14 مشاركة
تلقى دعوات الى: 1 موضوع
    #12  

اختى الكريمة الافضل ليك حاليا هو الصبر على هذا البلاء والدعوه ان يشكفه الله عنك ويفرج همك ان شاء الله تعالى
اكثرى من الدعاء والاستغفار وربنا يكون فى عونك


والصلاة والسلام على الحبيب المصطفى الأمين
ولا حول ولا قوة إلا بالله العظيم الحليم

إخواني وأخواتي ....
هناك (( قلوب صابرة محتسبة ))من الذي يجازيها ؟
وما هو جزاءها؟قال الله جل وعلا ((إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ)) الزمر -10
فعليك أخي المؤمن أن تتذكر هذا الجزاء العظيم من الجواد الكريم ، وعليك أن تصبر ولا تتضجر وتحتسب أجرك على الله حتى تلقى الخير الكثير ..
واعلــــــــــــم ...
إن الله إن أخذ منك شيئاً فهو ملكه ...
وإن أعطاك شيئاً فهو ملكه ...

فكيف تسخط إذا اخذ منك ما يملكه هو ؟!!
(( فإن لله ما أخذ وله ما أعطى ))
فعليك إن أخذ منك شيئاً محبوبـــــاً لك أن تقول هذا لله له أن يأخذ ما يشاء وله أن يعطي ما يشاء ..
فاصبر ... وارض ... واستلذ بقضاء الله وقدره ... وثِق بحكمته وتدبيره .
وما أنت إلا عبد من عباده
واصبر يا أخي على طاعة الله
وعن معصية الله
وعلى أقدار الله
ولا بد أن تحتسب هذا الصبر وتتذكر أنه رافع لدرجاتك ... ومكفر لخطاياك
ولا تحزن .. فما أشـــقاك الله إلا ليسعـدك
وما حرمك إلا ليتفضل عليك
وما أخـذ منك إلا ليعطيـــــك
وما كان الله ليؤذيك بل لأنه يحبك ...
وفي الحديث (( إن الله إذا أحب قوماً ابتلاهم ، فمن رضي فله الرضى ومن سخط فله السخط )) رواه الترمذي و قال حديث حسن
فهذه بشرى لك إن صبرت .. ((وعظم الجزاء من عظم البلاء )) رواه الترمذي و قال حديث حسن
فتذكر هذا وضَعه نصب عينيك
فالبلاء السهل له أجر يسير
والبلاء الشديد له أجر كبير

فائدة قيمة لسماحة الشيخ ابن عثيمين – رحمه الله ، من كتاب رياض الصالحين
قال رسول الله صلى الله عليه وسلم (( .... الصلاة نور ، والصدقة برهان ، والصبر ضياء ... )) رواه مسلم
قال الشيخ ((وأما الصبر فقال ( إنه ضياء ) أي فيه نور لكن نور مع حرارة كما قال الله تعالى ((هُوَ الَّذِي جَعَلَ الشَّمْسَ ضِيَاء وَالْقَمَرَ نُورًا)) يونس -5
فالضوء لا بد فيه من حرارة و هكذا الصبر لا بد فيه من حرارة وتعب لأن فيه مشقه كبيرة ولهذا كان أجره بغير حساب ، فالفرق بين النور في الصلاة والضياء في الصبر أن الضياء في الصبر مصحوب بحرارة بما في ذلك من التعب القلبي والبدني في بعض الأحيان )) . انتهى كلامه رحمه الله

فيا عبد الله لا يكن في صدرك حرج على أقدار الله بل ارض بها واعلم أن الدنيا ليست طويلـــــــة !
فلا تنكص على عقبيك في وسط الطريق وتقول أنت لست بملزوم بالصبر
وأنت إن تعبت وأوذيت ... فهذه الحياة ما هي إلا أيام وتزول
فاصبر حتى يأتي الله بأمره
واستمسك بدينك .. واثبت على الطريق .. واستعن بالله الواحد الأحد .قال الله جل وعلا ((يَا أَيُّهَا الَّذِينَ آمَنُواْ اصْبِرُواْ وَصَابِرُواْ وَرَابِطُواْ وَاتَّقُواْ اللّهَ لَعَلَّكُمْ تُفْلِحُونَ)) آل عمران - 200الصبر عن المعصية والمصابرة على الطاعة والمرابطة على كثرة الخير وتتابعه والتقوى يعم ذلك كله .

جعلنا الله وإياكم من الموحدين الصابرين المتقين ...
والحمدلله رب العالمين


 


استفسار بخصوص العدة و النفقة

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.