أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


27-11-2010, 11:35 AM
helaal92 غير متصل
عضو جديد
رقم العضوية: 356584
تاريخ التسجيل: Nov 2010
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

موقف متزوج من التجنيد


موقف متزوج التجنيد


قبل الدخول ف الموضوع

انا عارف ان كلامي كتير و موضوعي طويل

اتمنى من الأخ الفاضل جمال انه يهتم بالموضوع

و يقراه كويس اوي قبل الرد

لان الوضع حساس جدا و صعب جدا

و انا كده هتضر جامد ف شغلي و مستقبلي

يا ريت يعرفني اعمل ايه بالظبط

انا مواليد 1-10-1985

خريج كلية هندسه دفعة 2008

والدي متوفي من 19 سنه

لي اخ واحد اصغر مني بـ سنه واحده

بيدرس في اخر سنه له بكلية اداب

انا متزوج من سنتين و نص

اول ما اتخرجت اتجوزت

طبعا رحت منطقة التجنيد بعد التخرج

انا خدت تاجيل غير محدد المده

و مكتوب في الشهاده السبب هو

العائل الوحيد لامه بعد ابيه المتوفي و اخوه الطالب بكلية الاداب

و بعد استخراج التاجيل ب 5 شهور سافرت السعوديه للعمل

ليا سنه و نص ف السعوديه

رجعت مصر مرتين خلال السنه و نص دول

و كل مره كنت بستخرج تصريح سفر طبعا

اخر مره كانت بعد العيد الصغير

قالولي ف منطـقة التجنيد

ده اخر تصريح سفر تاخده من عندنا

لان اخوك دي اخر سنه له ف الكليه

(اخويا دبلر (سقط) سنتين ف الكليه) عشان كده لسه مخلصش

انا عاوز اعرف ايه موقفي دلوقتي لو اخويا خلص السنه دي ؟

اخويا عنده -4 ضعف نظر

دلوقتي موقفي ف شغلي هنا متأزم جدا

لاني لو نزلت اجازه تاني مش هعرف ارجع لو دخلت الجيش

و طبعا لو مرجعتش هعتبر هارب و اخد حرمان سنه ع الاقل

و لو فسخت عقدي قبل ما أنزل هاخد حرمان

بس حرمان اشد شويه (3 سنين من دول مجلس تعاون الخليج كلها)

عشان البند ده مكتوب ف عقدي

و خايف افسخ عقدي و انزل مصر و اخد تاجيل تاني

ابقى خسرت شغلي على الفاضي

و معرفش ارجع على شغل غيره بسبب الحرمان

و تخيلو واحد متجوز و عندي بنت

و سنه و لا اتنين و لا تلاته يضيعو جيش

بدون دخل مادي للاسره بعد ما كنت شغال ف السعــوديه !

انا سمعت ان لما اخويا يخلص هنروح سوا التجنيد

و واحد فينا يدخل احنا و نصيبنا

بس كده اخويا مش هيدخل سبب عينه

انا موقفي ايه ؟؟؟؟؟؟

سمعت برضو ان لازم يكون هو قادر على الكسب

طيب هل دي تعني انه يكون شغال ولا القصد انه سليم و يقدر يشتغل ؟

و اثبت ازاي انه غير قارد على الكسب ؟

سمعت كمان ان اي حد بياخد تاجيل لكون عائل

و يتخلف عن دفعته بسبب التاجيل ده

بيلبس جيش لما يرجع لهم

يا ريت اعرف ايه موقفي لو اخويا خد اعفاء

هل انا هدخل جيش و هو يكون عائل لوالدتي بدالي ؟

ام انا كده كده العائل و مش هدخل جيش

و ايه الموقف لو هو مخدش اعفاء مين فينا هيدخل

ملحوظه مهمه

انا عندي اصابه في كتفي اليمين

وقعت من سنتين و كتفي اتخلع و حصل شرخ ف راس عضمة الذراع

و بعد عمل اشعة رنين مغناطيسي

تم اكتشاف انه في وتر داخلي مقطوع في اربطة الكتف

و ده بيتسبب في ان حركة الكتف غير كامله

في حركات معينه او اوضاع معينه مقدرش اعملها

هل الاصابه دي تطلعني من الجيش ؟

الاصابه دي مش بتكون واضحه ف اشعة x العاديه

و انا معايا اشعة الرنين المغناطيسي بتاعة كتفي

هل دي ممكن يعتمدوها ؟

و لو لم يتم اعتمادها هل هما هيعملو ليا رنين مغناطيسي ؟

لانها اتكلفت 500 جنيه

يا ريت يتم القراء للموضوع كامل

شكرا مقدما على الاهتمام





المواضيع المشابهه
الموضوع كاتب الموضوع المنتدى مشاركات آخر مشاركة
موقفي ايه من التجنيد.. اخ متزوج و لديه اسرة و ام مطلقة Adhamhassany مُسْتَشارُكَ القّانُونيْ 1 24-01-2016 09:26 PM
الموقف من التجنيد لعائل الآم المطلقة و أخ أكبر متزوج ويقيم بالخارج Muhammadaziz مُسْتَشارُكَ القّانُونيْ 2 18-01-2016 07:41 AM
استفسار بخصوص موقف التجنيد وتجديد جواز السفر- موقف معقد - ارجو المساعدة جزاكم الله خيرا medomoo مُسْتَشارُكَ القّانُونيْ 2 22-09-2014 07:23 PM
متزوج من اجنبية وابنى يحمل اكثر من جنسية ومتخلف عن التجنيد mostafa86 مُسْتَشارُكَ القّانُونيْ 4 21-01-2014 10:20 PM
امى مطلقة طلاقة بائنا واخى الاكبر متزوج - استفسار اخر عن التجنيد وائل حسن مُسْتَشارُكَ القّانُونيْ 1 01-10-2010 12:19 AM
27-11-2010, 06:22 PM
ddsf غير متصل
عضو مميز
رقم العضوية: 138992
تاريخ التسجيل: Jul 2008
المشاركات: 322
إعجاب: 1
تلقى 2 إعجاب على 2 مشاركة
تلقى دعوات الى: 0 موضوع
    #2  

اسمحلى اخوى اشاركك الموضوع لان حالتك قريبة نوعا ما واحب ان افيدك بما لدى واعانك الله على هذا الامر

انت لديك مشكلة انك مازلت صغير 25 سنة فقط يعنى هل تقدر تقعد فى الخارج لحد ال 30 وترجع تدفع الغرامة وينتهى الامر تمااما

-اخوك عندما يتم دراسته سيتقدم للتجنيد لو دخل جيش هتقدر تمد انت الاعفاء بتاعك كمان سنة ويمكنك السفر خلالها

-لو مادخلش يتوجب عليك انك تقدم نفسك للتجنيد وانت وحظك ممكن تطلع فى الطبى غير لائق وتبقى من عند ربنا او ممكن تطلع فى الارجاء ولا يصيبك الدور

-لو مسلمتش نفسك فى المعاد سواء بعد اخوك ميدخل جيش ويخلص او مدخلش خالص هتبقى لابس لابس الا اذا كان هناك عذر طبى غير لائق

-اخوك طالما خلص كليه وجيش يعتبر فى نظرهم انه قادر على الكسب ما لم تقدم تقرير طبى يثبت عجزه او نحو ذلك عافاه الله بعد الشر طبعا

-البند المكتوب فى عقدك بالحرمان من دول الخليج 3 سنوات بصراحة اول مرة اسمع به فى السعودية واعتقد انه شىء صورى فقط لا يطبق فى الواقع

ذكرت لك كل ما لدى وكل الاحتمالات المطروحة والقرار فى يدك واعانك الله


27-11-2010, 11:41 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,948
إعجاب: 1,042
تلقى 429 إعجاب على 67 مشاركة
تلقى دعوات الى: 1334 موضوع
    #3  

يا سادة

والله رد أخونا ddsf
زين وتمام التمام ........

ولكن :
مسألة المنع من الدخول لثلاث سنين
نرجع فيها لاخواننا بالسعودية لافادتنا ...


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

28-11-2010, 03:22 AM
helaal92 غير متصل
عضو جديد
رقم العضوية: 356584
تاريخ التسجيل: Nov 2010
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #4  

بس كده ! !

محدش رد على اصابة كتفي

و محدش رد على الاشعه الرنين المغناطيسي

محدش قال لي انا كده اعتبر متخلف ولا لأ

و هتعامل زيي زي اي واحد مقدم ف الارجا

ولا هتعامل معامله خاصه عشان انا رايح متاخر عن دفعتي ؟

محدش قال لي ممكن انا ادخل جيش و هو يكون عائل ولا لازم الكبيره و العائل

و هل لو اخويا راح و انا خارج مصر ممكن ياخدوه و انا لأ ؟

ام انه هيكون العائل عشان انا مسافر

و هل -4 دي حاليا ياخد فيها اعفاء فعلا و لا لأ ؟

يا شباب انا عاوز شويه اهتمام

الموضوع كله على بعضه مش هياخد دقيقتين قرايه

28-11-2010, 04:34 AM
ddsf غير متصل
عضو مميز
رقم العضوية: 138992
تاريخ التسجيل: Jul 2008
المشاركات: 322
إعجاب: 1
تلقى 2 إعجاب على 2 مشاركة
تلقى دعوات الى: 0 موضوع
    #5  

اخى الكريم هناك حديث الرسول صلى الله عليه وسلم ((لا تحقرن من المعروف شيئا ولو أن تلقى أخاك بوجه طليق))

لقد رديت عليك بما يرضى الله وبكل اهتمام وبكل ما اعلم من واقع تجاربى لتوضيح الصورة امامك ويعلم الله انى لى حالة مشابهه وربنا يفك كرب الجميع

وعموما انا ارد عليك من واقع تجاربى الشخصية ولست مستشار او محامى وكما يقال اسال مجرب ولا تسالش طبيب
وصدق على كلامى الاستاذ جمال

عموما بخصوص استفساراتك
1-اى شىء طبى لا احد يقدر يجزم به غير القومسيون الطبى العسكرى
2-انت لا تعتبر متخلف طالما لم تتخلف عن موعدك فى التقدم المكتوب فى شهادة الاعفاء وهو زوال السبب المذكور
3-سفرك بالخارج لا يعطى الحق لاخوك ان يكون العائل بدلا منك وسيتقدم فورا بعد انتهاء دراسته لتحديد موقفه التجنيدى لو دخل جيش انت هتجدد شهادتك لحد اخوك ما يخلص جيش ومش شرط انك تنزل تجدد الشهادة بنفسك ممكن تعمل توكيل لحد ف مصر يعملهالك
4- بعد اخوك ميخلص جيش يجب عليك فورا تحديد موقفك والا اعتبرت متخلف عن موعدك
5- الافتراض الاسوا لو اخوك مدخلش جيش يبقى انت كدة متخلف لانك لم تقدم نفسك فى معاد الشهادة الاصليه وهو انتهاء دراسه اخوك

والله اعلى و اعلم

تقبل تحياتى

03-12-2010, 05:16 AM
helaal92 غير متصل
عضو جديد
رقم العضوية: 356584
تاريخ التسجيل: Nov 2010
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #6  

شكرا على اهتمامك يا غالي

و اسف لو كان التعبير خانني

بس انا كنت بحاول الفت الانتباه للنقط الي محدش رد عليها

و اتمنى محدش يزعل مني

سؤال اخير

لما اخويا يخلص دراسه

بيقدم هو ف الجيش و لو اترفض انا بقدم ؟

ولا بنقدم سوا مع بعض ؟

03-12-2010, 11:24 AM
ddsf غير متصل
عضو مميز
رقم العضوية: 138992
تاريخ التسجيل: Jul 2008
المشاركات: 322
إعجاب: 1
تلقى 2 إعجاب على 2 مشاركة
تلقى دعوات الى: 0 موضوع
    #7  

المفترض ان اخوك يقدم ف الجيش ولو لبس انت تاخد تاجيل عليه

لكن افترض معى مثلا ان اخوك ملبسش هتكون انت متخلف لانك لم تقدم نفسك فى موعدك وهو نهاية دراسة اخوك وعدم وجود سبب اخر يستدعى تاخيرك او تجديد التاجيل..... هذه النقطة لست متاكد منها لانها لم تحدث معى

ماحدث معى ان اخويا كان ف طب فكنت متاكد انه لابس لابس لكن بصراحة فى حالتك هذه انا لا اضمن لك والافضل ان تقدم نفسك بعد انتهاء السبب المذكور ف شهادتك اذا كنت تضمن انك مقدم فى موعدك او تظل بالخارج حتى تتم ال 30 عام

والله اعلم

 


موقف متزوج من التجنيد

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.