أستغفر الله العظيم ... سبحان الله وبحمده



العودة   منتديات داماس > انظمة التشغيل والاوفيس > أنظمة و برامج الماك MacOSX & Apps


مواضيع مميزة  


آخر عشرة مواضيع المواضيع النشطة


26-07-2010, 04:12 PM
shaaw غير متصل
عضو جديد
رقم العضوية: 184412
تاريخ التسجيل: Nov 2008
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #1  

ضغطة واحدة للدخول الى عالم آبل


ده مقال كتبته لواحد صاحبى عشان مش عارف يشتغل ايه بويندوز وبرامجه ولا ايه، نفسه يغير بس مش عارف يغير لإيه، احنا الاتنين خريجين حاسبات ومعلومات قسم علوم حاسب

ضغطة واحدة للدخول عالم



آبل ماكنتوش

ضغطة واحدة للدخول عالم


أولا: كمستخدم


أى حد يحب يبقى متميز فى مجال الكمبيوتر ، وأنا بصراحه مش عارف مش لاقى نفسى مع مايكروسوفت،كورساتها كترت و أى واحد فى أولى جامعة ممكن مايكونش حاسبات اصلا يروح ياخد كورس إيه إس بى أو إم كاد ممكن يبقى أحسن منك خمسين مرة ،، طب وليه ، مانا طالما تعليم بتعليم وكده كده هاتعلم ، أتعلم حاجه جديده آخر تكنولوجيا ماحدش يعرف عنها حاجه، فرصتها تبقى أحسن
و خللى بالك من حاجه أساسيات الكمبيوتر خلاص انا عرفتها ، عرفت يعنى ايه براوزر،فلاش فايل،تكست فايل،فايروول، آنتى فيروس، كودك، ماسنجر
انا عارف كل ده و اللى ماتنكرش ان الويندوز ساعدنى فى تعلمه ، بس خلاص اتعلملته فأصبح دلوقتى هاشتغل على اى نظام تشغيل كأنه مجرد برنامج جديد نزلته من على النت و بشغله لأول مرة عشان اكتشفه، تقدر تقول حبيت أطلع من القمقم.



أنا جربت مرة أطلع و اتخنقت عشان جربت لينوكس وملاقيتش حاجات كتير بتشتغل وبما إنى مطور فأهم حاجه البرمجه و الآى دى إى و لاقيتهم فى لينوكس يرثى لهم .. ماحبيتوش.حسيت إن لازم أجمع من الشرق و الغرب و كل مايجى يحصل مشكلة أدوخ بقى فى النت انت بتستخدم انهو نظام لينكس ، وفى خمسين نسخه و كل واحده فيها كذا و مافيهش كذا،حاجات دوختنى، بس كان الاهم للتطوير وده اللى ماستلطفتوش فى اللينكس، ممكن يكون رائع لناس كتير بس مش ليا ، ده غير ان كل واحد نزلك لينكس عنده لام يجى يوريهولك امال ايه عشان يعرفك ان هو عبقرى و شغال بلينكس ، هههه، و انت سيادتك تشوفه و تتعقد و ما ينوبك الا الخديعه !!!


وفى نفس الوقت اغلب المبرجين اللى بشفهم فى مصر اما بيخافوا يجربوا حاجه جديده أو بيسلموا أمرهم للى اتعلموه واللى الظروف حكمت عليهم ان هما يتعلموه ، فحبسوا نفسهم فى قمقم يحتوى مايكروسوفت ومنتجاتها انا مش ضد مايكروسوفت محدش يفهمنى غلط
انا كل شغلى تقريبا بويندوز ومنتجات مايكروسوفت وعملت مشاريع انا فخور انى عملتها منها مشروع تخرجى وحوالى 70 بالمئة من المشروع كان بأدوات مايكروسوفت من نظام التشغيل لبيئة التطوير ولغة البرمجة بس أنا اتعلمت ويندوز عشان ماحدش علمنى غير كده أو وانا صغير هو ده اللى كان فى البيت فلم يتم اتاحة الفرصه انى اختار لكن دلوقتى الواحد المفروش بتاع حاسبات يعنى مش بتاع ويندوز فالزامان لازم تعرف على الاقل كمان نظام تشغيل معاه حاجه تانيه سواء برمجة أو نظام تشغيل الحاجات دى علم ـ وعلم ده كلمة شاملة فأنا مش عايز اتعلم برمجة عشان ابقى مطور بس لمايكروسوفت
عايز أختار انا اشتغل بإيه وانا فعلا حابب ايه، مفيش مانع لو جربت انظمة تشغيل تانية ولاقيت الويندوز أكفأهم واحلاهم فى وجهة نظرى ارجعلة بس يبقى انا اللى رجعتله مقتنع بيه و بحبه مش مضطر اشتغل بيه عشان ببساطه مالاقيتش غيره !
نفس الكلام فى السى بلس بلس او السى شارب لازم اكتب بيها عشان انا بحبها ومقتنع بيها مش عشان السكشن كان لازم البرنامج بتاعه يتكتب بسى بلسبلس او التدريب الصيفى كنت مضطر أخده بالسى شارب، طيب عايز الواحد يعرف حاجه تانيه و باين كده مش لينكس طب إيه؟



هنا بقى فى آبل ماكينتوش حست أنهم بيوفرولك كل حاجه إنت محتاجها فى واحد، و أجل تفكيرك فى حاجات مايكروسوفت خالص دلوقتى
لاب توب آبل ماكنتوش و عليه النظام الخاص بآبل و دى حاجه عجبانى جدا بشكل شخصى، تحس انك معاك حاجه اوريجنال ، ده مش موجود فى مايكروسوفت ، آبل تيجى تعمل جهاز تعلمللة السوفت وير و نظام التشغيل بتاعه زى الآى ماك وده جهاز كمبيوتر مكتبى و المالك بوك و ده لاب توب و آىبود ود مشغل موسيقى رائع و آى فون و ده تليفون محمول وآى باد ده تقدر تقول تابلت بى سى ، كل دول ليهم النظام التشغيل بيتاعهم مخصوص و اللى مطوراه آبل.



نظام ماك اختصار ماكينتوش (آخر إصدار) سنو ليوبارد لأجهزة ولاب توب آبل نزل فى ابريل 2010- و ممكن تعمل بعض التعديلات على النسخة وتنزل على الكمبيوتر الشخصى العادى ببروسيسور إنتل كور 2 ديو، أما بالنسبة للآى بود تاتش ولآى فون والآى باد فمعموللهم نظام تغيل إسمه آى آوو إس حاجه تحفه.
مش مثلا تشوف نوكيا تعمل جهاز و تحط عليه نظام تشغيل من شركة تانيه مطوراه اسمه سبيمبيان،تيجى ساسونج تعمل موبايل تاتش أومنيا الجديد تحطله ويندوز موبايل ، وغيرهم وغيرهم. لكن الناس دى (آبل)بحس إن عندهم تكامل و إكتفاء ذاتى
ده طبعا غير التهديدات الأمنية من الاختراقات و الفيروسات الكتير اللى موجودة فى الويندوز و غير إن الواحد شاف ناس تقريبا بصمجية و بيشتغلوا على ماك !!
هما أحسن من أى حد مطور ؟؟؟ أكيد لأ ، بس الماك كنظام تشغيل كل أجمع بسهولته و قالوا لو جربته مش هترجع للويندوز وقرفه تانى.


بالمناسبة

جوجل وبشكل رسمى أقلعت عن الوينوز و بدأت تتحول للماك واللينكس
ولاقيت تقريبا كل البرامج اللى الواحد محتاجها فى منها نسخ بتشتغل هناك زى الفلاش و اكروبات و منتجات أدوبى عامة و سكايب و فايرفوكس وغيره وغيره ، ده انا حتى لاقيت برنامج اسمه
Parallells Desktop
زى الفيرشوال بى سى لو تعرفه ميزة البرنامج ده تسطب ويندوز اكس بى وهمى جوه الماك ، حاجه بهدله


البرنامج والشرح من هنا





Mac OS X Snow Leopard 10.6.3 نظام ماك أبريل2010

ضغطة واحدة للدخول عالم





اسيبك مع لينكات التحميل نسخة المالك وفيديوهات تعلييمية

ضغطة واحدة للدخول عالم




أربع سيرفرات مختلفة لتحميل الاسطوانة من هنا - حوالى 6 جيجا ونص


مئات مقطوعات الفيديو لبعض الاساسيات فى الماك من موقع آبل - فى وسط الصفحه الجزء الأيمن


إسطوانة رائعة للمبتدئين فى نظام ماك حوالى 400 ميجا

وصله إضافية


شرح طريقة تنزيل الماك على الكمبيوتر الشخصى العادى -

مصدر آخر للشرح يختلف عن الاول


أختبر لينكات التحميل قبل ما تبدأ تحميل من هنا



ثانيا : كمطور

إعرف لغة واحدة و اعمل بيها برامج لكله ، كما هو الحال فى الجافا
Objective C دى اللغة معمول بيها نظام الماك و نظام الآى أوو إس اللى هو نظام تشغيل الآى بود تتش و الآى فون و الآى باد
انا كنت فاكر انها صعبه بس بعد كمية الشروحات الرهيبه الموجودة على النت بتخللى للبرمجه معنى تانى سهل و بسيط وهايف
تخللى فعلا طفل عنده 9 سنين يعمل برنامج للاى فون و يتعملله داونلود 4000 مره فى اسبوعين ،

إقرأ الخبر فى رويترز!!!
الموضوع مش صعب خالص بس عايز الواحد يعرف يبدأ منين و ايه الادوات اللى يشتغل بيها.


حاجه تانية آبل بتعمل مؤتمر للمطورين كل سنه بتقول وبتعرض فيه الحاجات الجديده، مؤتمر بجد مش زى التعبان المهرتل بتاع مايكروسوفت اللى كنت باحضره ،
المؤتمر ده كان فى منتصف 6 على ما اعتقد بتذكرة قيمتها ألف و سبعمائة دولار
وكل اللى راحوه بيأكدوا انه يستاهل الفلوس و آبل بتقوللك لو مش فاضى تحضر ممكن تنزله من

برنامج آى تونز بلاش ، كل جلسات المؤتمر

من هنا، حاجه فعلا رهيبه ، السيشنات دى كنووووز على النت
لو فرضا فرررررررضا يعنى لاقيت مركز تدريب بيدرب على الحاجات دى هتلاقى الكورس مش اقل من عشر ألاف دولار
و اصلا على ماتنزل هنا فى مصر وتحس بيها قدامك عشر ألاف سنه، طبعا هانكون متنا عشان كده هاغير قريب ان شاء الله


World Wide Developer Conference

ضغطة واحدة للدخول عالم




بيئة التطوير ولغة البرمجه IDE

برنامج إسمه

Xcode IDE آبل هيه اللى عاملاه عشان تقدر تعمل اى تطبيقات تحبها ببساطه زى الفيجوال ستوديو، و اللى الاسطوانات التعليميه هاتعرفك تشتغل عليه ازاى
اعمللك حساب فى

موقع مطورى آبل عشان تقدر تتعامل مع منتجاتهم

من هنا اعمل الحساب المجانى ، و على فكره ممكن تكون Certified Apple Developer
بعد ما تعمل حساب و تتدفع 99 دولار ساعتها تقدر تبيع برامج فى موقع آبل بشكل رسمى و قانونى بنفسك.


آبل فيها ميزة كمان عجبانى جدا متقدرش تشترى برنامج لماك أو لأى فون من على أى موقع على الانترنت كده عشوائى لازم من

متجر آبل وبكده تتضمن ان البرنامج اللى تنزله مش برنامج فيه مشاكل و اى واحد مش لاقيله شغلانه عمله كهاو.
بمجرد ماتعمل الحساب وتتدفع الاشتراك السنوى تقدر تعمل برامج وتحطها عندهم ، بيبجربوها و لو تمام بيبلغك بعدها باسبوع وبتلاقى البرنامج بتاعك فى المتجر و دة اللى عمله الواد البليه ابو 9 سنين، ولو فرضا فى مشكله فى البرنامج بتاعك بيبلغوك بالمشكله هههههههه تخيل !!! آبل هيه اللى بتجرب برنامجك ببلاش - اى بمعنى اصح 99 دولا فى السنه - و بعد ما تتصلح المشكله تقدر تبعتهلهم تانى و تالت ورابع.


حمل من هنا آخر إصدار للـ Xcode 3.2.3 بتاريخ 21 يونيو 2010 + الـiphone SDK version 4




* Download Xcode 3.2.3 and iPhone SDK 4


لو معملش داونلود معاك علطول يبقى عشان انت مش داخل بيوزر نيم وباسورد

Register From

Here
Login From

Here
Download From

Here
ضغطة واحدة للدخول عالم




المكتبات Software Development Kit - SDK
دى الـlibraries اللى هاستخدمها عشان اعمل أى برنامج و هو عامل زى الـDot net framework
الـXcode 3.2 نازل معاه الـSDK بتاع الـiphone والـSDK بتاع الـMac


بالمناسبة نظام التشغيل اللى على الآى فون 3.2 عشان كده اسم الآى فون 3.2 و الـSDK بتاعه إصدار3.2
نزل النهاره 24 يونيو 2010 الآى فون 4 يعنى اللى بيستخدم iOS v4 يعنى الـSDK آخر إصدار دلوقتى 4 اللى هو بتاع الـiPhone 4
و طبعا البرامج اللى هاتعملها للآى فون تشتغل على الآى باد لانهم نفس نظام التشغيل


الاسطوانات التعليميه والشرح بالفيديو من أكبر الشركات

الاسطوانات دى منها اللى موجود فى شركاتها المنتجة واللى طبعا غالية جدا ومنها اللى مبقاش موجود خالص فأنا بذلت مجهود خرافى عشان اقدر اجيب لينكات تحميل شغاله لده كله
إضغط على اسم الاسطوانة عشان يفتحلك الإسطوانة فى موقع شركتها
أضغط على mirror عشان تفتحلك صفحه بلينكات التحميل
فيهم اسطوانات نازلة السوق مبقالهاش شهر




Ultimate Mac - iPhone - Cocoa - Objective C Collection

ضغطة واحدة للدخول عالم

Ultimate Mac - iPhone - Cocoa - Objective C Collection -- 11.71 GB



Mirror 1


Mirror 2




ضغطة واحدة للدخول عالم


VTC - Objective C and XCode Essential Training
HF --228mb
291MB -- Release Date: 22-02-2010


Mirror 1


Mirror 2





ضغطة واحدة للدخول عالم


VTC.com Game Development For iPhone iPad Using Unity iPhone
Author: Efraim Meulenberg -- Duration: 5.5 hrs / 79 tutorials
Release Date: 2010-04-29
Genre: Video Training -- Size: 317 MB


Mirror 1




ضغطة واحدة للدخول عالم


Lynda.com iPhone and iPod Touch Essential Training
Size 1.10 GB l HF + FS Links(1,182,270,498 bytes )


Mirror 1


Mirror 2


Mirror 3






ضغطة واحدة للدخول عالم


Video2brain: Objective-C 2.0 (GER/2010)-- RAR 1.7 Gb


Mirror 1


Mirror 2











Programming in Objective-C 2.0 LiveLessons, Part I: Language Fundamentals and Part II: iPhone Programming and the Foundation Framework
Programming in Objective-C 2.0 LiveLessons Part I: Language Fundamentals
Part II: iPhone Programming and the Foundation Framework
Part I is included in first download
Additional Part I download Links


Mirror 1










MyCodeTeacher.com iPhone SDK Tutorials Basic Apps & Fundamentals -- 4.09 GB
Included in first download
Additional seperate download links


Mirror 1


Mirror 2


Mirror 3_2.6GB


Mirror 4_1.6 GB


Mirror 5_176_MB


Mirror 6_176_MB


Mirror 7_176_MB





iPhone View Controllers Part I
Included in first download






iPhone View Controllers Part II
Included in first download




Coding in Objective-C 2.0
Included in first download




Becoming Productive in Xcode
Included in first download






Creating a Compelling User Interface with Core Animation
Included in first download




Writing Your First iPhone Application
Included in first download

==
وبمناسبة الحديث عن الـIDE والتطوير تحت أنظمة آبل
عندى2 بيئة تطوير عايز اعرفك عليهم

دلفاى بريزم Delphi Prism

بخصوص بورلاند دلفاى
Embarcadero بعد مانفصلت مجموعة كود جير عن بورلاند إتباعت كود جير لشركة
وحلفت لتنزل بيئة تطوير حكاية وحصل من 3 أسابيع

فى 3 يونيو 2010

أعلنت إمباركادرو عن إصدار بيئة التطوير المتكاملة بريزم 2011

و من أحلى الحاجات اللى عجبتنى فيه إن سعتك ممكن تكتب البرنامج ويشتغل على لينكس وويندوز و ماك .... حاجه مجرمة
دى صوره من النسخة البيتا بتاعة الإمباركادرو ستوديو مش النهائيه البريزم بتبين مختلف انظمة التشغيل اللى يشتغل عليها التطبيق

ضغطة واحدة للدخول عالم





له مميزات كتير جامده جدا منها
-بيدعم الدوت نت 4
-إتنين آى دى إى فى واحد فيه الفيجوال ستوديو و المونو ديفيلوب
-واخد الشيل بتاعة الفيجوال استوديو ،،،، تخيل يعنى شكلة شكل الفيجوال ستوديو
-بيحول كود السى شارب لدلفاى
بيعمل برامج للآىفون والآى بااااااااااااااااااااااااااااد .. رحمتك يا رب-



اكتشف انت الباقى هنا



تحميل الآى دى إى

ضغطة واحدة للدخول عالم
لو انت اصلا معاك آى فون أو آى باد هتفرق أوى



مونو ديفيلوب
ضغطة واحدة للدخول عالم

و دة بيئة تطوير متكاملة ببلاش مفتوحة المصدر من شركة نوفيل ، و هو صمم خصيصا للبرمجة بالسى شارب و جميغ لغات الدوت نت على اى نظام تشغيل تحب تشتغل عليه. مونو ديفيلوب بيمكن الموطورين من انهم بسرعه يعملوا تطبيقات مكتبية و مواقع بالإيه إس بى على اللينكس او الويندوز أو حتى ماك
فبيسهل للمطورين انهم بينقلوا تطبيقات دوت نت اتعملت بفيجوال ستوديو لللينكس ويعدل اللى هو عايزة تحت أى منصة تشغيل ، ادخل على

موقع مونو ديفيلوب

تم بحمد الله اصدار النسخة الثابته وليس البيتا من النظام فى 17 يونيو الحالى 2010 و التصريح الرسمى

هنــا
الشهر دة ملئ بالأحداث البرمجية مش كده ؟ هههه بس مين يعرف !!!



طبعا هو نازل بإمكانيات كتير برده منها
-إيه إس بى دوت نت
زى الفيجوال ستوديو Debugger
مونو تاتش _ اللى بيعمل تطبيقات الاى فون
لمشاهدة مساعدات تعليمية و كيفية عمل برنامجك الاول على الاى فون بالمونو ديفيلوب _هاللو وورلد_

من هنـــا
ماك أو إس اللى بيعمل تطبيقات ماك
ومميزات غيرهم كتير شوفهم

من هــنــا

ضغطة واحدة للدخول عالم

زى ما قولت هو بيئة تطوير مجانية فلو عايز تنزل هو مساحته مش كبيرة خالص يمكن بالكبير 40 أو 50 ميجا


اختر نظام التشغيل و إبدا تحميل من هنا ولو عايز تشوفله

صور أكتر من هــنا


بخصوص المواد التعليمية واى تحميلات فى الايميل ده فى حاجات كتير نزلت بواسطة اصدقائى كل الحاجات اللى فى الايميل ان شاء الله تكون عندى
واللى شايف نفسه فيه المؤهلات الكافية عشان يطور تحت أنظمة آبل ممكن ينضم على

الفيس بوك جروب

برجاء التثبيت ولا تنسونا من صالح دعائكم


مهندس/ محمد حمدى






المواضيع المشابهه
الموضوع كاتب الموضوع المنتدى مشاركات آخر مشاركة
أداة صغيرة ومهمة تقوم بحذف فيروسات autorun.inf من السستم والهارد وال USB بمجرد ضغطة واحدة adel mahmood برامج الحماية 152 19-05-2016 04:15 AM
ضغطة واحدة ونظف جهازك وبدون تنصيب .. OneClick CleanUp 10.45 Portable oneman اسطوانات برامج 13 03-11-2007 09:15 PM
Right Click Image Converter 2.2.0 ضغطة زر واحدة غير صيغ الصور lllBassam80lll برامج 1 13-07-2006 10:37 PM
ضغطة واحدة تولد barcode لى isbn ومجانى Alhamda-me برامج 4 16-01-2005 03:12 PM
ضغطة واحدة واحدة وتتعرف على سيرفر البريد ZINGER برامج 9 13-12-2003 04:11 AM
27-07-2010, 05:38 AM
mac os VIP غير متصل
عضو مشارك
رقم العضوية: 342236
تاريخ التسجيل: Jul 2010
المشاركات: 28
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #2  
الله يعطييييك العافية ماااقصرت موضوع في قمه الروعة تحياتي


27-07-2010, 02:33 PM
shaaw غير متصل
عضو جديد
رقم العضوية: 184412
تاريخ التسجيل: Nov 2008
المشاركات: 3
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #3  
أشكرك على المرور أخى الكريم
ونأسف لعدم إستخدام العربية الفصحى

09-08-2010, 03:58 PM
3abdo_13 غير متصل
عضو جديد
رقم العضوية: 272790
تاريخ التسجيل: May 2009
المشاركات: 16
إعجاب: 1
تلقى 2 إعجاب على مشاركة واحدة
تلقى دعوات الى: 0 موضوع
    #4  

تسلم إيدك يا أستاذ
بصراحة إنت كفيت ووفيت

أنا عندى سؤال بعد إذنك ، وهو / هل أبدأ تعلم البرمجة من خلال بيئة الماك أم من خلال بيئة الويندوز ؟
مع العلم أنى ولله الحمد مستخدم جيد للكومبيوتر وعلى دراية كافة بمشاكل الكومبيوتر وإصلاحها والبيوس وال EFI وغيره ، وإنجليزيتى فوق المتوسط والحمد لله .

وآسف إذا كنت طرحت السؤال بموضوعك ، ولكن الأمر لا يتطلب موضوع منفرد ، كما ويبدو أنك مررت بكلا البيئتين ( ويندوز وماك ) ولهذا أحببت أن أوجه السؤال لك بالتحديد

جزاك الله كل خير


 


ضغطة واحدة للدخول الى عالم آبل

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.