استغفر الله العظيم
 
 

العودة   منتديات داماس > المنتديات العامة > استراحة بوابة داماس
 

Advertisement

 
06-05-2010, 09:06 PM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,404
دُعي الى: 243 موضوع
    #1  
استراحة بوابة داماس

آلة الزمن .. صنع في مصر .. ( قصة قصيرة )


الزمن قصيرة
الزمن قصيرة

مدخل للقصة ..

تدور أحداث القصة حول ثلاث أصدقاء .. على و حمادة والمنسي ..
على ( عبقرينو ) هو محور الأحداث حيث قام بصناعة آلة للتنقل عبر الزمن ..
تدور أحداث القصة بشكل كوميدي و أحيانا غامض و أحيانا مرعب ..
تبدأ الاحداث فى الوقت الحاضر
ثم ينتقل بالآلة عبر الزمن .. إلى المستقبل أو إلى الماضي ..

شخصيات القصة

على ... عبقرينو
حمادة ... الفيلسوف
المنسي .. واحد صاحبهم

في إحدى المناطق بمدينة الإسكندرية .. كان يسكن العبقري على .. وهو كان طالب نابغة .. ذكى ..
تخرج من كلية الهندسة بعد سبع سنوات .. ولم يحصل سوى على تقدير مقبول ..
لكنه كان يري أن الكلية ما كانت إلا طريق للمعرفة وفتح الأفق فقط .. فهو كان يريد المعلومات

وليس حفظ المعلومات ونص القوانين وغيرها من الأشياء التي لا تودي ولا تجيب ..

المهم .. كان على يخطط منذ أن كان بالعام الثاني في كلية الهندسة .. تصميم آلة زمن !!
كان يجمع الكتب من المكتبات ويبحث عن الأفكار عبر الانترنت وخاصة منتدى داماس .. !!

بدأ العمل بها ولم يتعاون معه فيها أي شخص سوي Magic-M .. حيث كان يقدم له الأفكار من وقت لآخر ..
وكلما احتاج إلى مساعدة وجده عونا له .. ولكن أصحابه حمادة والمنسي كانوا من وقت لآخر يمرون عليه ..
ويتشاورون حول الفكرة نفسها .. كلاهما لم يكن يفكر في أن صاحبهم عبقرينوا قد ينجح في مشروعه وفكرته ..
ولكنهم حاولوا ألا يحبطوه .. يكفى الظروف المحيطة به ..

الزمن قصيرة

بعد مرور عدة سنوات من بداية عمله في الآلة .. أخبر أصدقاءه عندما تخرج من الكلية
بأنه أوشك على الانتهاء من صنع الآلة .. التي ظل يعمل فيها أياما وأيام ..

وقد حان الوقت .. فقد نجح في تصميم الآلة .. واخبرهم بأنه سوف يجربها بعد كام ساعة كدة
حتى ينتهى من الإعدادات النهائية .. وأخبرهم بأن يأتوه في اليوم التالي في نفس الموعد تماما

.. فوافقا على ذلك ..

الزمن قصيرة
بمجرد خروجهما من الباب .. دخل عبقرينو إلى الآلة وقام بتشغيلها على الفور ... وقام بضبط الوقت

بحيث تنقله الآلة بعد يوما واحدا من الآن .. وبالفعل

انتقل يوما كاملا .. وخرج من الآلة .. وانتظر أن يدق الباب .. ولكن الجرس لم يرن ... استغرب عبقرينو على ما حدث ...
نظر إلى النتيجة ( التقويم ) وجد الورقة مكتوب عليها تاريخ نفس اليوم !!

بدأ الإحباط يتسلل إلى قلبه .. ولكن بعد قليل دق جرس الباب ..

الزمن قصيرة

افتح يا على .. يا على .. .. قام على وفتح الباب .. وجد صديقيه على الباب .. سألهم ..رجعتوا تانى ليه !!
.. قالوا له .. مش أنتا اللي قلتلنا تعالوا بكرة ..


عبقرينو : آه صحيح .. هوة فات يوم !!
المنسي .. باين عليك في غيبوبة وللا إيه
حمادة : احتمال يكون أتجنن ... هههههههه .. وبعدين أنتا ماشيلتش ورقة النتيجة ليه !!
عبقرينو : آه صحيح ..

( بدأت أعراض الذهول والفرحة تظهر على وجهه .. وابتسامة مجنونة !! )


ويقول بصوت عالي .. أنا نجحت .. نجحت .. المكنة اشتغلت .. اشتغلــــــــــــــــــــــــــــت ...


حمادة والمنسي لم يفهموا شيئا ..

الزمن قصيرة

إيه يابنى أنتا جربتها .. قال لهم أيوة جربتها .. جربتهااااااااااا واشتغلت

المنسي .. يا جامد يا جامد .. وروحت فين بقي !!
عبقرينوا .. جيت هنا ..
حمادة : جيت هنا ؟؟ .. يعنى إيه جيت هنا .. أنتا بتستهبل !!

عبقرينوا : لا والله .. إنا شغلتها بعد ما خرجتوا من شوية
وظبطها على يوم واحد .. ومجاش في بالى موضوع ورقة النتيجة .. فكنت فاكر المكنة مش شغالة ..


الحمد لله .. قلبي كان هيقف .. الحمد لله

الزمن قصيرة

حمادة : المهم يا جماعة بقي .. دلوقتي لازم نجربها بقي ..
المنسي : لا استنوا .. في حاجة لازم نعملها ضروري ..
عبقرينو : إيه دي ؟؟
المنسي : لازم نخليها ضد المية .. افرض وقعنا بيها في قاع بحر وللا حاجة وكمان لازم تكون مصفحة ..
عشان لو لقينا نفسنا في وسط حرب وللا حاجة نعرف نستخبي فيها !!

عبقرينو .. ودي حاجة تفوتني يا بني .. المكنة فعلا ضد المية ..
وإمبارح .. قصدي أول أمبارح بقى .. هههههههه .. عديت على الأسطى توتّى الميكانيكي .. وقلت له يركب فيها الغطا الصلب ده ..
وكمان جيبت زجاج مقاوم للرصاص للجزء الخارجي من عند الأسطى زين .. وأبو راشد جه ركبه ..
وجربناها تمام مش بتسرب ولا حاجة .. وكله تمام

الزمن قصيرة

آه كنت هنسي أقولكم .. أنا عملتها بتشحن بالحرارة أو بالنزين .. أو اى طاقة كهربية ..
وكمان الشحن يشغلها 4 أيام متواصلين ..
وركبت فيها مكان للـ MP3 بتاعك يا منسي .. وسماعات
المنسي : أهو كدة بيييييييييس يا ماو .. ده انا هنعنشكم

حمادة : ياااااااااه .. دى آلة زمن خمس نجوم يا علوة ...
المنسي : ده أحنا هندلع آخر دلع .. وهنشوف أيام زى الفل ..
عبقرينو : ولسة يا شباب .. انا كمان ركبتلها محرك بحري صغير كدة على أدها
علشان لو حظنا وحش ونزلنا في المية وللا حاجة نبقي نخرج بيها .. وكمان بص كدة من هنا ..
ده العجل .. وجبت إطارات هامر .. عشان مايبقاش في أي مشكلة تقابلنا ..

المنسي : مش بقولك جامد .. والله يا على أنتا طلعت واد عبقري آخر حاجة

الزمن قصيرة

حمادة : طب إيه مش هنركب وللا إيه .. !!

عبقرينو : استنوا لسة ماخلصتش ... أنا كمان عملت فيها مكان لثلاث اشخاص غيري ..

المنسي : ومين الرابع بتاعنا بقي ... مني !!
عبقرينو : ايوة طبعا .. هعدى عليها النهاردة وأفرحها ..
حمادة : أصل أمها هتسيبك تاخدها .. دى يابنى ممكن تديلك بالشبشب .. وان كنت ناسي أفكرك ..
عبقرينوا : لا ياعم ماتفكرنيش .. انا لسة مانسيتش أصلاً

ياللا بينا نروح نفطر الطبق المعتبر من عند أبو شريف ..

الزمن قصيرة

( وبالفعل خرجا معا .. وذهبا إلى ابوشريف .. وطبق الكشري المعتبر
و أثناء تناولهم الطعام .. دار حوار بينهم على ما سوف يفعلونه بهذه الآلة .. )

الزمن قصيرة

المنسي : ياترى يا علوة أول ما نجرب الآلة هتروح الماضي وللا المستقبل ..
عبقرينو : ماضي إيه يابنى .. لا نرجع نلاقي الدنيا ابيض واسود وللا حاجة هههههههههه
حمادة : ابيض واسود ... هههههههه .. لا يا علوة .. بس مش هنلاقي لانشون ولا بيتزا ..
المنسي : إيه ده .. هو مكانش فيه لانشون !!
حمادة : طبعا يابنى !! أنتا عايش من امتى ههههههههههههه
عبقرينو : طب و الأندومى يا جماعة ؟؟
المنسي : اندومى إيه يا علوة .. دانا اللى قايلك عليه .. هوة أنتا تعرفه ولا أكلته قبل كدة ..
عبقرينو : لا .. بس كان نفسي اشوفه ..
المنسي : خلاص يا عم هبقى اجيبلك شوية .. المهم بقي

لازم نعمل مكان للأكل معانا عشان لو جوعنا وللا حاجة ..
عبقرينوا : ماشي يا شباب .. بس الآلة مافيهاش مكان ..
حمادة : خلاص يبقي تسيبك من "مني" ( شهرتها فتكات )
وفى المكان اللى عملتوا الرابع نحط فيه الأكل ..

عبقرينو: لأ .. كلوا الا منى .. انا ممكن اسيب واحد منكم واخدها
حمادة : إيه ! .. ولا على .. أنتا ناسي اللى ابوها عملوا فيك يوم التلات اللى فات ..
ده ايدو لسة معلمة على افاك .. وخالها اول أمبارح هزقك ..
عبقرينو : مش مهم .. وايه يعنى
المنسي : إيه يعنى !! أما أنتا واد معندكش دم ولا كرامة

طيب فاكر لما ابوها مارضيش يخليك تآكل عند أبو شريف الشهر اللي فات ..
لما كنت واقف بتآكل واخد من أيدك الطبق وقعد مكانك .. وهبره كله

عبقرينو : آه صحيح ..
حماد ة : وفاكر لما أمها قالتلك يا فاشل يوم ما أتخرجت !!
المنسي : آه شوفت .. ده أنا لو مكانك يا علوة .. ده أنا مكنتش أبص في وشها ولا في وش ابوها ده ..
عبقرينو : آه صحيح ..
حمادة : أنتا هتفضل تقولنا آه صحيح آه صحيح ... لازم تاخد موقف
لازم تبقي راجل وتوريلهم العين الحمرا ..
عبقرينو : آه صحيح ..
المنسي : بص يا علوة أنتا أحسن حاجة تروح تحدفهم بالطوب وتضرب البت فتكات دى
وأبوها وخالها .. وأمها كمان اللى قالتلك يا فاشل
عبقرينو : آه صحيح ... أنا ولا عايز البت دى ولا عايز أشوفها
ده ابوها دى حتى راجل تييييييييييت .. وانا مش عايز اعرفهم بعد كدة ..
و أمها دى .. أنا تقولى يا فاشل ... ده أنا هوريهم ..

المنسي : اهو كدة الرجولة وللا بلاش ...
عبقرينو: بس أما أشوف أبوها ده .. دانا هديلوا باللي فرجلي ..
أنا ياخد منى طبق الكشري .. ماشي .. أمّا أشوفه ..

الزمن قصيرة

( يمر أبوها أمامهم ... )

الزمن قصيرة

عبقرينو يخلع حذاءه ويرميه بعيد ..

المنسي : بتعمل إيه ...
عبقرينو : يا خسارة .. مش لابس حاجة في رجلي عشان أديلوا بيها !!

حمادة يهمس في أذن المنسي : الجبن سيد الأخلاق .. هههههههه

بعد ذلك انتهيا تماما كل منهم من طبق الكشري .. وقاما بشراء كمية من الفول بالخلطة ... وكام علبة كشري ..
ثم مروا على عم سعيد واشتروا فلافل .. وراحوا جابوا جبنه قريش من عند أبو لبنى ..
وشوية لوازم كده معاهم للأكل ..

ورجعوا البيت عند عبقرينو .. وقاموا بوضع الطعام بثلاجة صغيرة داخل الآلة ..
بعد أن أقنعوا عبقرينو بألا تأتى معهم فتكات ..

دخل الثلاثة إلى الآلة .. و حتى الآن لم يحددوا وجهتهم ..

الزمن قصيرة

عبقرينو : اربطوا يا شباب الأحزمة ..
المنسي : استنى .. أنتا عملتلنا فيها ميكروويف !!
عبقرينو : ايوة طبعا .. وكمان في هنا سخان شاي عشان لو حبينا نسلق بيض وللا نعمل شاي .. ما تقلقش كل حاجة متظبطة ..

الزمن قصيرة

حمادة : على .. أنا في حاجة كدة في دماغى كدة عايز أعرفها قبل ما نسير على بركة الله
عبقرينو : قول ..
حمادة : مش ممكن واحنا راكبين الآلة دى .. يأتى شخص ما ويطرق الباب .. ويلاقينا موجودين داخل الآلة ..
والزمن طبعا بالنسبة لنا سريع .. وبالنسبة له عادى .. فيفتكرها بايظة وللا حاجة ويكسرها علشان يخرجنا !!
المنسي : أيوة صح .. وممكن لما الزمن يمر البيت يسقط عليها ونموت !!

عبقرينو : لا يا شباب .. الآلة مش بتسرع الزمن .. الآلة بتنتقل داخل الزمن ..
لأن الزمن عبارة عن مسارات متقاربة من بعضها ..
والآلة تنتقل من زمن لآخر .. ولا تظل في مكانها .. لذلك لن يحدث أيا من هذا ..

حمادة : الحمد لله .. ربنا يطمنك .. سمّى وابدأ ..
عبقرينو : سوف نذهب إلى المستقبل يا شباب ..
المنسي : سير على بركة الله ..
الزمن قصيرة
الألة : 10 – 9 – 8 – 7 – 6 – 5 – 4 - - - -
الزمن قصيرة
حمادة : في إيه .. العداد وقف ليه !!
عبقرينو : مش عارف .. استنوا نشوف ..

( يقف عبقرينو أمام العداد ويضغط على زر الإقلاع ...
وعلى الرغم من ذلك لم تعمل .. فيتأكد من التوصيلات .. يجدها كلها سليمة .. )


المنسي : خير ؟؟ في إيه !!
عبقرينو : اصبر بقي ... منا لسه مجربها

عبقرينو يخلع حذاءه ويضرب الآلة من الأسفل بجوار العداد
فيبدأ العداد في استكمال العد 3 – 2 – 1 وتعمل الآلة

وبعد 10 ثواني تتوقف ..

الزمن قصيرة

عبقرينو : وصلنا يا شباب .. مرحبا بكم في المستقبل ..

( يذهبون الثلاثة الى باب آلة الزمن ويقومون بفتح الباب .. فإذا هم يرون شيئا غير متوقع !!
وينظرون فى ذهول .. ودهشة لما يروه )


الزمن قصيرة

المنسي : إيه ده !!
عبقرينو : مش عارف !!
حمادة : طب هنعمل إيه ؟؟

الزمن قصيرة

أنتظرو قريبا الجزء الثانى ..


أتمنى أن يكون الجزء الأول نال رضاكم ..






بسم الله الرحمن الرحيم
"ما اتخذ اللهُ من ولدٍ وما كان معهُ منْ إلهٍ إذا لذهب كُلُ إلهٍ بما خلق
ولعلا بعْضُهُمْ على بعْضٍ سُبْحان الله عما يصفُون " المؤمنون91
صدق الله العظيم

ــــــــــــــــــــــــــــــــــــــــــــــــــــــــ
جهاز لمراقبة وتأمين سيارتك و التحكم بها من اى مكان فى مصر .. شركات وأفراد
بدون برامج حول من وورد الى PDF و افتح ملفات OFFICE 2007 على OFFICE 2003
MINI XP الإصدار العربي .. فقط 40 ميجا .. يقلع من الـ CD مباشرة
أفضل طريقة لإزالة الديب فريز Deep Freeze بدون أى مشاكل

المواضيع المتشابهه
الموضوع كاتب الموضوع المنتدى مشاركات آخر مشاركة
رسائل قصيرة عمر ابو الليل المنتدى العام 3 09-11-2013 10:59 PM
قصص قصيرة kinoo بيع وشراء منتجات ومقتنيات وبضائع 0 07-04-2012 04:19 PM
خمس قصص قصيرة جدا اكاسيا بيع وشراء منتجات ومقتنيات وبضائع 0 07-02-2011 06:14 PM
قصة قصيرة - ذهب رجل إلى الحلاق wajdinet المنتدى الاسلامي 1 08-09-2009 09:57 PM
قصة قصيرة جدا .. بضع جمل aboahmedsy المنتدى الاسلامي 4 07-05-2008 12:31 AM

06-05-2010, 10:43 PM
PrinceOfPersia متصل
مجموعة الإدارة و مدير العلاقات العامة
رقم العضوية: 60620
تاريخ التسجيل: Dec 2006
الإقامة: الكويت
المشاركات: 3,408
دُعي الى: 233 موضوع
    #6  
انت عارف ان البنت لو دخلت بين شباب ممكن تعمل ايه

ههههههههههههههه

شوف الجزء التاني تخلي يسعد صباحك في القصة وكمان أم أنس
بس لو فيه أكل زيادة حط اسمي معاهم




06-05-2010, 11:02 PM
moseba غير متصل
الوسـام الماسـي
رقم العضوية: 164154
تاريخ التسجيل: Sep 2008
الإقامة: DamasGate
المشاركات: 5,154
دُعي الى: 5 موضوع
    #7  
الكشرى ملعلع معاهم
وكمان الأندومى هو أهم حاجة يا معلم

ههههههههههههههههه





07-05-2010, 05:51 AM
المطبعجى غير متصل
ملك الصور
ملك الصور يمتاز بالنشاط العالي فى ركن الصور والطرائف
رقم العضوية: 205092
تاريخ التسجيل: Jan 2009
الإقامة: مصر
المشاركات: 6,260
دُعي الى: 66 موضوع
    #10  
أكمل يا ماجيكو
القصة أعجبتني كثيراً وجذبتني
والأسلوب سلس وغير ممل
ومتشوق للبقية

خالص تحياتي




* سبحان الله وبحمده .. سبحان الله العظيم *
* سبحان الله والحمد لله ولا إلاه إلا الله والله أكبر *
* اللهم صل وسلم وبارك على سيدنا محمد النبي الأمي وعلى آله وصحبه وسلم *

17-06-2010, 05:50 PM
meto_meto غير متصل
عضو ماسـي
رقم العضوية: 330464
تاريخ التسجيل: Apr 2010
الإقامة: mansora
المشاركات: 1,407
دُعي الى: 1 موضوع
    #13  
فينك يا ماجيكو وفين الجزء التاني
أنت دخلته الآله ولا ايه
بإنتظار الجزء الثاني





18-06-2010, 02:40 AM
morn in sky غير متصل
عضو ماسـي
رقم العضوية: 151021
تاريخ التسجيل: Aug 2008
المشاركات: 1,371
دُعي الى: 0 موضوع
    #15  
قصة جامدة جداااااا تشويق اثارة اكشن رعب كله في داماس موجود


في انتظار الجزء الثاني




ملف الأجوبة تحت الميكروسكوب (شرح كل كبيرة وصغيرة)
http://www.damasgate.com/vb/t170675/

( نقطة ومن أول السطر ) برنامج التعديل علي شاشة التحميل 7 BOOT SCREEN

http://www.damasgate.com/vb/t228599/#post1731352



Powered by vBulletin® Version
Copyright ©2000 - 2014, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.