استغفر الله العظيم
 
 

العودة   منتديات داماس > المنتديات العامة > مُسْتَشارُكَ القّانُونيْ
 

Advertisement

 
21-04-2010, 11:46 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #1  
مُسْتَشارُكَ القّانُونيْ

استفسار للاستاذ جمال عن سقوط دعوي تبديد المنقولات الزوجية


استفسار للاستاذ تبديد المنقولات يا استاذ جمال
جلسة تبديد المنقولات تحدد لها جلسه يوم الخميس القادم
انقطع طليقي عن عمله وقدم اوراق تثبت ذالك في المحكمة وحكم بنفقة لابنتي ب100جنيه فقط و50اجر مسكن و25اجر رضاعة و 25اجرحضانه
حسيت ان القضية فشلت
بعدها من فتره لجأ طليقي للشيخ مصطفي العدوي لكي تنحل القضايا بطريقة ودية اهلي رحبوا بالفكرة لان قضية النفقة مش لاقية لها حل لانه اتنقل مكان تاني ومش عارفة اعرف مكان عمله الجديد لانه من محافظة تانية
فحكم الشيخ بشرع الله ولانه اعترف انه بيشتغل وياخذ مرتب 1500جنيه ارتضيت بصراحة حكم بنفقة لابنتي 350 ومعها اجرمسكن واتفقنا علي كل شئ جينا ليوم التنفيذ اعتذر الشيخ مصطفي لكثرة مشاغله وبعث مندوب عنه لقيته مش عاوز يمضي حاجة وبيساومني علي بنتي قال لي اكتبي تنازل في حالة زواجك اخد البنت مراتي تربيها قلت له لأ قال لي هشكك في حضانة والدتك
السؤال بقي
1-هل في شروط علي والدتي علشان حضانتها تسقط لابنتي انا والدتي عندها 56سنة هل هناك عمر معين؟
2-جنحة المنقولات الزوجية هل نيته انه يسجن هل لو سجن تسقط قضيتي وكده راحت عليه كل شئ القايمة كلها؟ لانه ناوي ميسلمنيش حاجة في المحكمة وفي نيته يسجن وخاله مستشار مساعده في كل حاجة ومش ناوي يسلم ابدا طيب لو سجن خاله ممكن يمحي الجنحة دي من الفيش بتاعه

3-اثبت ازاي لو نقل شغله بسال في شغله يقولوا هو اخد اجازة للسفر للخارج؟ بس هو حاليا مستقر طيب ممكن يكون عقد داخلي هنا في مصر طيب اثبت ازاي و شغله مش مساعدني بالمناسبة هو طبيب بشري
معلش استاذ جمال طولت عليك
جزالك الله كل خير
استفسار للاستاذ تبديد المنقولات






المواضيع المتشابهه
الموضوع كاتب الموضوع المنتدى مشاركات آخر مشاركة
استفسار من الخبراء حول تبديد المنقولات الزوجية برهامي1 مُسْتَشارُكَ القّانُونيْ 8 21-02-2014 10:18 PM
الادعاء المدني في تبديد المنقولات حبك حياه مُسْتَشارُكَ القّانُونيْ 2 29-05-2013 10:22 PM
قايمة المنقولات الزوجية modmod مُسْتَشارُكَ القّانُونيْ 11 31-03-2013 12:26 AM
الان دورة مهارات في الحياة الزوجية للاستاذ ثامرالهاشم ا طمووحه ومبدعه دورات تدريبية وجامعات ومعاهد ومراكز تعليمية والتعليم عن بعد 0 29-08-2010 03:06 AM
هل قايمة المنقولات الزوجية شرع ام عرف و هل بها اي ظلم للزوج؟ lilooo مُسْتَشارُكَ القّانُونيْ 1 05-08-2010 11:25 AM

22-04-2010, 12:37 PM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #2  
عليكم السلام

أختى الكريمة

لا أخفيكى سرا أن قضيتك مصورة فى صورة
مشكلة وأنها قضية كبيره .. وذلك على غير الحقيقة ...

الأمر اهون من ذلك كما يلى :
حكم النفقة الذى معك ارفعى به حكم حبس (ان لم يدفع يحبس )
فى خلال أربعة شهور أصبح معكى حكم بالحبس - وهذا الحكم
يحمل فى حقيبتك أو حقيبة محاميكى عندما ترينه فى أى مكان
يتم تنفيذ الحكم عليه فورا !!!!!!!!!
سواء كان فى محكمة أو قسم شرطة أو فى بيته أو فى بيت صديقه
أو فى المطار او فى أى مكان فى مصر !!!!!!!!!!!!!!!!!
مجرد اظهار الحكم لحرس المحكمة يتم القبض عليه .

ومجرد معرفتك أنه فى مستشفى أو فى عيادته تذهبى بالحكم
الى قسم الشرطة المختص يتم القبض عليه .......
ولا يخلى سبيله الا بعد دفع المبلغ ............
ملاحظة هامة :
1- ما دام أنه طبيب بشرى فيمكنك الوصول اليه فى أقل من أربعة وعشرين ساعه .
2- يمكنك الحصول على أكثر من حكم بالحبس .........
3- يوجد تقصير من جانبكم واضح وجلى .

أما بالنسبة للتبديد فلا تحملى همها فلها فعل السحر بمثل هؤلاء الرجال !!!!
وهم غالبا ما يظهروا أنهم أقوياء وأن الأمر لا يفرق معهم ولكن اذا سارت
القضية اصبحوا فى خوف ورعب وقلق رهيب .
وسرعان ما يتم التقهقر والتراجع ..............

أما بالنسبة لحضانة والدتك فمن الصعب جدا اسقاط حضانتها ..........
فلا تعولى على هذا الكلام الآن ............................................

من خلال رسالتك أرى أن حكم النفقة ضعيف جدا جدا وأنكم لم تقوموا
بالواجب نحو هذه القضية !!!!!!
أو غالبا ما يمكن القول بأن قاضى أرياف هو الذى أصدر مثل هذا الحكم !!!

لم تذكرى شيئا عن استئناف حكم النفقة !!! . أم أن هذا الحكم أصبح نهائيا ...

عموما :
أنتى فى بداية الطريق فلا تستسلمى ولا تتهاونى فى حقوقك .
لأن الحق أحق أن يتبع .................................




السـيد الـجمـل
المحامى
بـالنقض والإدارية والدستورية العليا
12ش مدرسة الشهيد عبدالمنعم رياض الاعدادية
من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!!!!
ت / 18303730 010
الإستشارات المجانية في المنتدى فقط !!!!!
...... دخول متقطع هذه الأيام ..........

23-04-2010, 12:41 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #3  
salam
مشكلتي يا استاذ جمال تتلخص في:
اولا انا من محاتفظة تانية وطليقي انقطع عن العمل وبعدها قدم بعدها اجازة وافاد ان ملوش مرتب بورق رسمي ومختوم وسمعت بعدها انه بيشتغل بس مش عارفة فين بالظبط كل ما احاول اسال عنه بلاقي الكل يقول لي معرفش

النقطة التانية هو مستعد انه يتسجن وتسقط قضية المنقولات الزوجية لانه فعلا اتمسك و فضل في الحبس 3 ايام في السجن لغاية لما المحامي بتاعه عمل معارضة فهو عنده استعداد يتسجن بغض النظر عن كونه دكتور دخل في دايرة العند ومسنود من خاله المستشار هل فعلا ممكن تسقط لو اختار السجن؟
القاضي حكم بنفقة صغيرة لان اللي ادامه انه فقير جدا
المحامي بتاعي طواطئ معاه ضدي عرف يشتريه وعرف ازاي ينيم القضية وغيرت المحامي علي الفور بس مش لاقية حد يساعدني اعرف بيشتغل فين انا من محافظة تانية ومليش معارف عنده الا قليل وللاسف بيجاملوه ومش عاوزين يساعدوني انا عملت استئناف في قضية النفقة بس للاسف الورق اللي عندي مثبوت فيه انه منقطع ومش عارفة اثبت شغله حاولت اوصل للراجل الليس اشتري منه ارض علشان احطها في المحكمة علشان اثبت انه ثري صاحب الارض رفض يشهد معايا علشان ميخسروش وقال لي دي امانه
معلش استاذ جمال ان كنت طولت عليك او بتقل عليك




23-04-2010, 03:27 PM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #4  
أذكرى فى الاستئناف أنه يملك أرض
واطلبى التحرى عن طريق قسم الشرطة !!!
وفى الاستئناف سيتم زيادة مبلغ النفقة ...

مجردحجزه ثلاثة أيام ... هذه مسألة بسيطة .
ولكن

السجن 6 شهور او سنة مسألة غير بسيطة !!!
على أى مخلوق .....................

أى قريب لك يسافر ويسأل عنه وعن عيادته أو عمله
بالتأكيد سيصل اليه ....
فقط حاولى ..............




24-04-2010, 02:09 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #5  
استاذ جمال معلش طيب في استفسار تاني

انا عملت تمكين للشقة قام هو باع الشقة بتاريخ قديم لزوجته التانية والجيران شهدوا انه باعها لها 3 جيران شهدوا ان الشقة دي طول عمرها فاضية وباعها لمراته الجديدة لما تزوجها جار واحد بس اللي شهد اني كنت متزوجة في الشقة دي وانه برده باعها
لما هقول انه عنده ارض علي طول هيبيعها لمراته الجديدة بتاريخ قديم وهو حاليا منقطع عن العمل استانفت القاضي مرضيش يبص لمفردات مرتبه لانه منقطع عن العمل الاستئناف بتاع النفقة جاي قريب هقول ان عنده ارض طيب لو باعها هعمل ايه؟
معلش هكرر تاني عنده استعداد يتسجن بجد بايع بايع لاني سمعت ان سجن المطلقين عادي جدا والسابقة دي مش هتكون في ملفه الجنائي والفيش ومطمئن ان خاله يقدر يمحيها من ملفه علشان ماخدش حاجة منهلا انا ولا بنتي هل فعلا خلاص ماخدش حاجة




24-04-2010, 05:50 PM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #6  
لاتقلقى ننتظر حكم الاستئناف
ولعله خير ان شاء الله ....

وبالنسبة للبيع فهذا جيد !!!!!!!!
فقط خذى صورة من هذا المحضر
الذى ذكر فيه أنه باع الشقة وقدميه
لمحكمة الاستئناف انه يبيع شقق .. !!!


وماتقوليه أنتى هنا معناه انه لا يوجد
معكى محامى يبين لك الأمر ..........

ما تقولينه هنا يا سيدتى ليس له علاقة
أبدا بواقع العمل فى المحاكم !!!!!!!!!

هناك تحرى من جهةالعمل.......... للموظفين .
وهناك تحرى من قسم الشرطة ..... لغير الموظفيين !!!

يعنى تفتكرى لو زوجة عملاق البناء فى مصر ( عثمان أحمد عثمان )
رفعت عليه دعوى نفقة ها تجيب له تحرى من جهة عمله !!!!!!!!!!!!
بالطبع لا ...... لأنه ليس موظفا عند أحد . بل أمة من الناس تعمل فى
شركاته هو وأبناؤه .. وفاتحين بيوت أسر مصرية كثيييييييييرة ...

اذن هناك خلل فى قضيتك ولم تقومى فيها بمتطلباتها !!!!!!!!!!!!!!!!

والأن يمكنك معالجة الأمر باللجوء الى محامى جيد الآن قبل فوات الآوان !!!




25-04-2010, 06:31 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #7  
salam
ممكن يا استاذ جمال ترشح ليه محامي كويس من محافظة دمياط لاني بجد زهقت من المحامي بتاعي وبدات اشك انه بيماطل في قضيتي ولا باعها لطليقي الله اعلم




27-04-2010, 11:17 PM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #8  
عذرا أختى الكريمة
لعدم معرفتى بمحامين فى هذه المحافظة
فعليكى التوصل الى محامى محترم وجيد

فى عمله ..... وبالتأكيد ستجدى بغيتك ...
وبالتوفيق




30-04-2010, 11:34 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #9  

salam و رحمة الله و بركاته
معلش يا استاذ جمال بتقل علي حضرتك
عندي استفسار
دي الوقت قضية المنقولات الزوجية حكم عليه بسنة سجن تمام هو سافر السعوديه محرم مرافقة زوجة جاب لها عقد عمل وهو سافر معاها محرم

الان هثبت ازاي مفردات مرتبه الجديده لانه قدم قبل ذالك انه منقطع واخلي من عمله
هعمل ايه في قضية النفقة وقضية المنقولات الزوجية والمؤخر ونفقة المتعه كل ده هعمل فيه ايه استعوض ربنا فيه ولا فيه حل
انا ما اخدتش اي شئ من حقوقي
بالله عليك ايه العمل ؟؟؟؟؟؟؟؟؟؟؟




01-05-2010, 12:51 AM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #10  
يكفيكى ان تطلبى من المحكمة
التصريح باستخراج شهادة من الجوازات
أنه سافر الى السعودية للعمل ....
وتطلبى تفويض القاضى فى الحكم بمبلغ النفقة ......
أو تطلبى تحديد الراتب عن طريق التحقيق بمعرفة النيابة ...


وبالنسبة لباقى الحقوق . خذى عليه أحكام واذهبى لمكتب النائب
العام بالقاهرة لادراج اسمه على قوائم الممنوعين من السفر وقوائم
ترقب الوصول ......... وساعتها سيأتى الفرج ...........




01-05-2010, 11:17 PM
الصابرة. غير متصل
عضو جديد
رقم العضوية: 329167
تاريخ التسجيل: Mar 2010
المشاركات: 15
دُعي الى: 0 موضوع
    #11  
salam
استاذ جمال دي الوقت انا سألت انهاردة علي موضوع سفره لقيت انه سافر مرافقة زوجة
دي الوقت امام القانون هو قاعد في البيت ومراته اللي يتشغل اثبت ازاي انه بيشتغل ؟ اكيد هيشتغل مش هيعد في البيت هو لازم يوثق العقد في السفارة طيب لو موثقش العقد هاخد حقي منين؟ معلش يا استاذ جمال طمني




02-05-2010, 03:31 PM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #12  
هذا الكلام لا تعرفه المحكمة !!!
المهم أنه مسافر خارج البلاد !!!
وعموما هذا عمل المحامى وليس
عملك أنتى ...
فقط الجأى الى محام وهو سيتولى الموضوع !!!!

رفعت الجلسة .............




11-01-2011, 01:47 AM
الطفل الفصيح غير متصل
عضو جديد
رقم العضوية: 300664
تاريخ التسجيل: Jul 2009
المشاركات: 2
دُعي الى: 0 موضوع
    #13  

فى حالة عدم امكنيه الزوج من رد المنقولات وتنفيز حكم السجن يكون ملزم بالرد ام يكون السجن مقابل الدفع...وهل يمكن السداد على اقصاط شهريه



11-01-2011, 01:56 AM
الطفل الفصيح غير متصل
عضو جديد
رقم العضوية: 300664
تاريخ التسجيل: Jul 2009
المشاركات: 2
دُعي الى: 0 موضوع
    #14  

فى حالة عدم امكنيه الزوج من رد المنقولات وتنفيز حكم السجن يكون ملزم بالرد ام يكون السجن مقابل الدفع...وهل يمكن السداد على اقصاط شهريه ...ارجو من سيا د تكم الافا ده ولكم خالص الشكر.....



12-01-2011, 01:39 AM
gamal gamal متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 11,133
دُعي الى: 58 موضوع
    #15  

السجن أولا يا غالى
ثم المطالبة بقيمة قائمة المنقولات
مع التعويض بعد ذلك ..........

والتقسيط ممكن ولكن على دفعات

معقولة .... قلاقة أو أربعة اقساط ....






Powered by vBulletin® Version
Copyright ©2000 - 2014, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.