اللهم لك الحمد والشكر كما ينبغي لجـلال وجهك وعظيم سلطـانك وعلو مكـانك
 
 
العودة   منتديات داماس > برامج الكمبيوتر والانترنت > العاب كمبيوتر PC Games
 

Advertisement

 
07-03-2010, 06:31 PM
midomaneger غير متصل
عضو فعال
رقم العضوية: 323263
تاريخ التسجيل: Jan 2010
الإقامة: Egypt
المشاركات: 96
دُعي الى: 0 موضوع
    #1  
العاب كمبيوتر PC Games

محاكى البلاى ستيشن 2 الروعة Pcsx2 بالشرح والصور



محاكى البلاى ستيشن الروعة

لكل اللى نفسه يلعب العاب البلاى ستيشن 2 على الكمبيوتر النهارده ان شاء الله معانا

الحل الاكيد.

المهم ان فيه شوية حاجات لازم نتفق عليها قبل ما نبدأ موضوعنا:

العاب البلاى ستيشن 2 مش معجزة ولا معضلة ولا مستحيلة انها تشتغل على الكمبيوتر

بس فى نفس الوقت صعب انها تشتغل ناهيك عن انها تشتغل بكفاءة.

ايه الكلام ده؟ هاقول لحضرتك ممكن سيادتك يكون عندك جهاز حديث جدا يعنى زى

اللى موجودين اليومين دول فى السوق وبتلعب عليه احدث العاب الكمبيوتر وكمان

اللى نازله فى 2010 والجرافك بتاعها حكاية احسن من اللى فى البلاى ستيشن 2

مليون مرة وفى نفس الوقت تيجى تلعب لعبة بلاى ستيشن 2 عادية جدا تلاقى


اللعبة بطيئة وبتقطع ده لو جهازك قدر يشغلها وكان جهاز كويس زى ما قولنا.

طيب ايه المشكلة؟ اختلاف نظام معالجة البيانات فى البلاى ستيشن 2 عن الكمبيوتر

هو المشكلة بكل بساطة وهو ده اللى بيعمله المحاكى انه يهيأ جهاز الكمبيوتر ويحول

طريقة ونظام شغل البروسيسور العادى بتاعنا لطريقة شغل معالج البلاى ستيشن 2

وده بياخد وبيستحوذ تقريبا على طاقة البروسيسور بالكامل مش علشان معالج البلاى

ستيشن 2 حاجة ما حصلتش لا ابدا ولكن كل الحكاية الاختلاف الكلى والكمى فى طريقة

المعالجة بين الاتنين.

طيب ليه المقدمة الطويلة دى؟ كان لازم منها علشان كل واحد فينا يبقى عارف صعوبة

الموضوع وما نضحكش على بعض ونقول ان المحاكى هايشغل العاب البلاى ستيشن 2

بسرعة الصاروخ ولا حتى بالسرعة الطبيعية للبلاى ستيشن 2.

معلش هاقولكم على حكاية صغيره جدا حصلت معايا شخصيا.

كان عندى لعبة رزيدنت ايفل كود فيرونيكا لجهاز الدريم كاست بتاع شركة سيجا

المهم جيت العب اللعبة على جهازى بالمحاكى الموجود على النت للدريم كاست

كانت حاجة نيلا خالص وطبعا ما عرفتش العبها بعدها بسنه تقريبا نزل اصدار جديد من

المحاكى ده والحمد لله شغل اللعبة بكل بساطة وسهولة وعلى نفس امكانيات جهازى

ما تغيرتش.

أقصد من كده ان فيه امل طبعا وانا بصفتى متابع للمحاكيات وخصوصا البلاى ستيشن 2

أشهد انه حصل تطور مذهل جدا فى برمجة المحاكيات فى اقل من ثلاث سنوات.

واحنا النهارده معانا محاكى محترم جدا وبجد والله رائع ولكن بكره هيبقى فيه الاحسن

منه واللى ما قدرش يلعب العاب البلاى ستيشن 2 على جهازه النهارده اوعده

( وطبعا مش انا أقصد المبرمجين ههههههههه ) انه يلعبها قريب جدا على نفس الجهاز

طيب يعنى عرفنا من اللى فات ان البروسيسور هو اهم حاجة فى الموضوع.

فعلا ودى حقيقة وجربتها بنفسى هههههه معلش استحملونى وخدوا القصة القصيرة

دى كمان:

عندى نفس اللعبة اللى قولتلكم عليها بس للبلاى ستيشن 2 وطبعا على البلاى

ستيشن 2 بيبقى الجرافيك احسن من الدريم كاست المهم جيت اشغلها عندى

بامكانيات جهازى ( 3 جيجا بروسيسور سيليرون "تعبان يا جماعة" ورامات 2 جيجا وكارت

شاشة خارجى واحد جيجا جى فورس 9400 "متوسط" ) كانت على الامكانيات دى تقيلة

بس ممكن تتلعب المهم جربت نفس اللعبة بنفس المحاكى على جهاز المعالج بتاعه

AMD أثلون ورامات 2 جيجا وكارت داخلى ايه تى آى 750 ميجا بسم الله ما شاء الله

اللعبة كانت شغالة كانك قدام جهاز بلاى ستيشن 2 تماما بس الجرافيك كان تعبان شوية

وده عيبه معروف عشان الكارت الداخلى.

وده دليل واقعى غير اللى المبرمجين نفسهم منبهين عليه ان اهم حاجة قوة المعالج.

طيب بكده احنا عرفنا احنا عايزين ايه علشان نستمتع بالعاب البلاى ستيشن 2 على

اجهزة الكمبيوتر.

وللعلم انا جربت المحاكى ده مع تلات العاب كود فيرونيكا وكانت تقيلة زى ما قولتلكم

و لعبة المصارعة الجميلة Tekken 4 و Tekken 5 واشتغلوا الى حد ما كويس وقفلتهم

كمان وخصوصا تكن 5 مع كاسر السرعة اللى فى البرنامج بتبقى سريعة وكويسة.

ومعنى كلامى ان ما تتوقعوش ان كل الالعاب هتشتغل بنفس الكفاءة هيبقى فيه وفيه.

نيجى بقى لموضوعنا واللى أكيد انتوا نسيتوه دلوقتى !!!!

المحاكى اللى معانا النهارده هو:


PCSX2

تاريخ الاصدار:

6 سبتمبر 2009

النوع:

Beta تجريبى وسبحان الله اشتغل معايا احسن من الاصدار الرسمى اللى قبله.



محاكى البلاى ستيشن الروعة

أول ما نفتح البرنامج هنلاقيه بالشكل ده:


محاكى البلاى ستيشن الروعة


ودلوقتى نيجى لخطوات ضبط البرنامج وهى خطوات سهلة ان شاء الله وهانمشيها

واحدة واحدة:

- ندوس زى ما فى الصورة اللى قدامنا بعد ما نفتح البرنامج.


محاكى البلاى ستيشن الروعة


- هاتظهرلنا الصورة دى واللى فيها الاعدادات اللى عايزينها.


محاكى البلاى ستيشن الروعة


- نبدأ فى الاعدادات وأول حاجة هانعملها هى ضبط الجرافيك ونختار زى ما فى الصور.


محاكى البلاى ستيشن الروعة


محاكى البلاى ستيشن الروعة


محاكى البلاى ستيشن الروعة


- بعد كده نضبط الصوت وبرده زى ما فى الصور.


محاكى البلاى ستيشن الروعة


محاكى البلاى ستيشن الروعة


محاكى البلاى ستيشن الروعة



- دلوقتى هانضبط أزرار اللعب علشان نعرف نتحكم فى اللعبة لما تبدا ونلعبها.


محاكى البلاى ستيشن الروعة


محاكى البلاى ستيشن الروعة


محاكى البلاى ستيشن الروعة


محاكى البلاى ستيشن الروعة




- بعد كده نحدد اللعبة اللى هانلعبها الاول ونحدد للبرنامج مكانها على الجهاز زى

ما فى الصور قدامنا.


محاكى البلاى ستيشن الروعة


محاكى البلاى ستيشن الروعة


محاكى البلاى ستيشن الروعة



- بعد كده نضبط البايوس للبرنامج زى ما فى الصورة.


محاكى البلاى ستيشن الروعة


- وبعدين نقوله أوك.


محاكى البلاى ستيشن الروعة


كده البرنامج جاهز للتشغيل بس فيه حاجتين هانعملهم الاول علشان تبقى العمليه

فى السليم:


- أول حاجة نضبط الميمورى كارد علشان نعرف نسيف الالعاب بتاعتنا براحتنا.


محاكى البلاى ستيشن الروعة


- تانى حاجة ودى جديدة مش موجودة فى الاصدار الرسمى وهى كاسر السرعة.

وده بيديك سرعة اضافية وشغالة كويس جدا مع بعض الالعاب وهانضبطها زى ما فى

الصور بالضبط .


محاكى البلاى ستيشن الروعة


محاكى البلاى ستيشن الروعة



- وبكده نقدر نشغل البرنامج زى ما فى الصورة قدامنا.


محاكى البلاى ستيشن الروعة



طبعا البرنامج محتاج اخر التحديثات للدايريكت اكس Directx من مايكروسوفت

وانا جبتلكم التحديث معايا جاهز للتحميل وكمان فيديو فيه طريقة ضبط البرنامج

للى عايز يحمله ويحتفظ بيه وكل ده والحمد لله تم رفعه على اربع سيرفرات.

اضغط على رابط التحميل ثم اختار السيرفر المناسب لك.

وأسيبكم بقى مع روابط التحميل بس لازم نفتكر اننا لازم نسطب تحديث الدايركت اكس

الاول قبل ما نشغل البرنامج.



تحميل تحديثات الدايريكت اكس Directx Updates

97 ميجا بايت


محاكى البلاى ستيشن الروعة


تحميل الفيديو التعليمى

6 ميجا بايت


محاكى البلاى ستيشن الروعة


تحميل المحاكى Pcsx2-r1736

14 ميجا بايت


محاكى البلاى ستيشن الروعة



واخيرا ارجوا من الله انى اكون وفيت طلبات اخواتى وحبايبى وان شاء الله يكون

فى الموضوع افاده ليكم واى استفسار انا تحت امركم.






Rampo


ملحوظة:

جميع مواضيعى من رفعى الخاص وأى استفسار مرحب به.






المواضيع المتشابهه
الموضوع كاتب الموضوع المنتدى مشاركات آخر مشاركة
محاكي pcsx2 الإصدار الجديد 1.0.0 مع الشرح والتحميل Spirit-789 العاب بلاي ستيشن Playstation 7 01-03-2014 07:33 PM
برنامج تشغيل العاب البلاى ستيشن 1 من الألف للياء بالصور وأكتر من لعبة بلاى ستيشن معاه هدية midomaneger العاب كمبيوتر PC Games 25 01-11-2010 09:05 PM
محاكي بلاي ستيشن 2 al-mobrmg العاب كمبيوتر PC Games 4 20-01-2010 10:15 AM
PEPSI MAN لعبة البلاى ستيشن التى يبحث عنها الكثيرون, بدون برامج بلاى ستيشن maged2010 أرشيف المواضيع المخالفة والمحذوفة 1 18-01-2010 03:25 AM
هل استطيع تنزيل العاب البلاي ستيشن2 من الانترنت وتشغيلهم على جهاز البلاي ستيشن ؟! بو شاكيرا العاب كمبيوتر PC Games 5 25-11-2004 10:38 AM

08-03-2010, 04:10 AM
raedms غير متصل
الوسـام الماسـي
رقم العضوية: 81535
تاريخ التسجيل: May 2007
المشاركات: 16,128
دُعي الى: 162 موضوع
    #2  
ألف شكر لك 0 ألف شكر لك 0 ألف شكر لك

على مجهودك الكريم






سبحان الله وبحمده سبحان الله العظيم

16-04-2010, 12:30 AM
moseba غير متصل
الوسـام الماسـي
رقم العضوية: 164154
تاريخ التسجيل: Sep 2008
الإقامة: DamasGate
المشاركات: 5,153
دُعي الى: 4 موضوع
    #4  
ألف شكر يا جميل على الشرح الوافى المفصل

تسلملى يا غالى





18-04-2010, 12:43 AM
يوسفباشا غير متصل
عضو مميز
رقم العضوية: 324868
تاريخ التسجيل: Feb 2010
الإقامة: nasr city
المشاركات: 386
دُعي الى: 0 موضوع
    #5  
اولا:انا عندى البرنامج ده بس 100 ميجا هل لازم ده؟

ثانيا:عايزين روابط لبعض العاب البلايستشن 2 زى سماك داون
ثالثا:مشكور جدا جدا




فضل ......... وليس امر............

صلى على نبى الرحمه

18-04-2010, 01:33 AM
midomaneger غير متصل
عضو فعال
رقم العضوية: 323263
تاريخ التسجيل: Jan 2010
الإقامة: Egypt
المشاركات: 96
دُعي الى: 0 موضوع
    #6  
أهلا بيك أخى الحبيب يوسف ، لو البرنامج اللى عندك 100 ميجا يبقى مش هو ده والبرنامج اللى هنا اخر حاجة نزلت وكمان الشرح ده معمول عليه هو وانصحك انك تحمله وهو كله 14 ميجا بس فعال جدا وعن تجربة وبالنسبة لالعاب البلاى ستيشن 2 من عنيا حاضر بس امهلنى شوية لانى مشغول حبتين واتشرفت بمرورك الطيب




18-04-2010, 01:58 AM
يوسفباشا غير متصل
عضو مميز
رقم العضوية: 324868
تاريخ التسجيل: Feb 2010
الإقامة: nasr city
المشاركات: 386
دُعي الى: 0 موضوع
    #7  
الف شكر على التفاعل مشكور حقا وارجوا ان يثبت الموضوع لانه رااااااااااائع بس ياريت تستعجلى شويه فى حكاية العاب البلايستيشن 2 بس مش اوى يعنى براحتك بس متنسانيش وشكرا على الموضوع مره تانيبه




18-04-2010, 11:23 AM
midomaneger غير متصل
عضو فعال
رقم العضوية: 323263
تاريخ التسجيل: Jan 2010
الإقامة: Egypt
المشاركات: 96
دُعي الى: 0 موضوع
    #8  
أهلا بك اخى يوسف ولا شكر على واجب وبالنسبة لالعاب البلاى ستيشن 2 احضرت لك موقع هايل ان شاء الله تجد كل اللى نفسك فيه هناك وهو موقع متخصص فى العــاب الكونسول ، ادخل الموقع ولو احتاج تسجيل سجل واختار من على الشمال تحميل الايزو وبعدين اختار قسم البلاى ستيشن 2 واستمتع بالعاب غاية فى الروعة.

ده غير ان معظم التحميلات مباشرة من على الموقع.

اتفضل الموقع اهوه:

www.emuparadise.org/




21-04-2010, 08:05 PM
يوسفباشا غير متصل
عضو مميز
رقم العضوية: 324868
تاريخ التسجيل: Feb 2010
الإقامة: nasr city
المشاركات: 386
دُعي الى: 0 موضوع
    #12  
الف الف الف الف الف شكر بس انا لو قدرت انزل الالعاب من البلايسشن 2 للكمبيوتر ها تشتغل؟ وبعدين كنت عايز اسال سوال هو الالعاب اللى بصيغة الايزو بتشتغل بالبرنامج ده لو نزلتها؟اصل فى العاب يقولك بصيغة الايزو انزلها ولا مش ها تشغتل؟




21-04-2010, 08:13 PM
midomaneger غير متصل
عضو فعال
رقم العضوية: 323263
تاريخ التسجيل: Jan 2010
الإقامة: Egypt
المشاركات: 96
دُعي الى: 0 موضوع
    #13  
لا شكر على واجب أخى يوسف وأظن ان الالعاب الخاصة بجهاز البلاى ستيشن 2 ستعمل جيدا على الكمبيوتر ما دامت بصيغة ايميج مثل img, iso, bin وغيرهم وبالطبع الايزو من افضل الصيغ وهذا البرنامج يدعم جميع الصيغ الموجوده لألعاب البلاى ستيشن 2 ، يعنى نزل الايزو وتوكل على الله




26-04-2010, 11:26 PM
mnhamedm غير متصل
عضو جديد
رقم العضوية: 332130
تاريخ التسجيل: Apr 2010
المشاركات: 1
دُعي الى: 0 موضوع
    #14  
الف شكرااااااااا بس انا مش عارف انزل البرنامج يا جدعان



28-04-2010, 05:32 PM
يوسفباشا غير متصل
عضو مميز
رقم العضوية: 324868
تاريخ التسجيل: Feb 2010
الإقامة: nasr city
المشاركات: 386
دُعي الى: 0 موضوع
    #15  
انا مش لاقى ولا الصور ولا اى حاجه الحقنى بعد لما نزلت اللعبه مش لاقى البرنامج ولا الصور اللى انت حاطتتها الحقنى





rss  rss 2.0  html   xml  sitemap 

Powered by vBulletin® Version
Copyright ©2000 - 2014, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.