أستغفر الله العظيم ... سبحان الله وبحمده



العودة   منتديات داماس > المنتديات العامة > مُسْتَشارُكَ القّانُونيْ


مواضيع مميزة  


آخر عشرة مواضيع المواضيع النشطة


21-02-2010, 07:26 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #1  

ايه السن القانوني اللي يسمح للبنت انها تجوز نفسها منغير ولي الامر


السن القانوني اللي يسمح للبنت..
انا هدخل في الموضوع على طول لاني تعبت من التفكير ومش عارفه اعمل ايه..
انا متجوزه قبل سنتين بس بعقد عرفي ومش متوثق..
انا هدخل في الاسئلة على طول..
1ايه السن القانوني اللي يسمح للبنت انها تجوز نفسها منغير ولي الامر علما بأنه مش جواز اجانب ولا حاجه(احنا الاثنين مصريين واحنا الاثنين مسلمين والفرق في العمر 8 شهور)وبالنسبة للراجل هل في سن معين ليه هوه كمان؟؟
2هل توثيق عقد الجواز العرفي يقدر يمنع أهل الفتاة من انهم يرفعو دعوا ضد جوزها وياخدوني منه بالعافيه محاكم بقى وكدا؟؟
3في حالة لو كان السن القانوني 21 سنه زي ما بسمع..هل نقدر اننا نعمل عقد الجواز العرفي نوثقه يعني كحل مؤقت لغاية ما اكون 21 وبعدين نرجع نعمل عقد تاني شرعي؟؟
4ايه الاضرار اللي ممكن تواجهنا؟؟يعني هل فعلا جوزي ممكن يتحبس فيها لو وثقنا جوازنا؟؟
5هل ممكن نطلع بطاقات شخصية بعديها او أي حاجه تثبت اننا متجوزين؟؟يعني ايه الاجرائات اللي المفروض ناخدها والاحتيطات؟؟
6هل بس الاوراق اللي هنحتاجها للتوثيق هيه1بطاقه شخصية2شهادة ميلاد وبس ولا فيه حجات تانيه؟
7انا بطاقتي الشخصية اللي طالعالي في الامارات تنفع ولا لازم اعمل بطاقة في مصر؟
وفي الاخر انا اسفه اوي اني طولت اوي كدا بس احنا بجد مش عارفين نعمل ايه ياريت بليييييز اخد استشارت المحاميين او اي حد يعرف معلومات عن الموضوع دا بس انا عايزه اسمع من المحاميين اكتر عشان اعصابنا تهدا..بليييز ياريت تردو عليا لان ردكم عليا هيحسم حجات كتير اوي وقرارات مش عارفين ناخدها انا وهوه وهيحدد كمان اتكل على الله وانزل ونعمل الموضوع دا ولا لأ...ياريت اللي يردو عليا يكونو متأكدين مليون في الميه..لانه هوه كمان سأل محامي في الغردقة واعد يقولو حجات كتيره ومافهمتش حاجه لا انا ولا هوه وقفلها في وشنا وحسسنا ان الدنيا سودا..معلش انا اسفه كمان مره





المواضيع المشابهه
الموضوع كاتب الموضوع المنتدى مشاركات آخر مشاركة
هل عديت السن القانوني وادفع غرامه فقط ولا فيها حبس ؟ midohossny مُسْتَشارُكَ القّانُونيْ 1 05-04-2014 06:33 PM
السن القانوني لموعد التخلف عن التجنيد ادم الجندي مُسْتَشارُكَ القّانُونيْ 2 13-11-2011 01:44 PM
السن القانوني للتجنيد gubran مُسْتَشارُكَ القّانُونيْ 1 17-04-2010 01:25 AM
الموقف القانوني بخصوص الزواج في السن المبكر خريج-ثانوي مُسْتَشارُكَ القّانُونيْ 4 30-10-2009 07:28 AM
ماهو السن القانونى لرفع دعوى قضائيه lala123 مُسْتَشارُكَ القّانُونيْ 1 21-08-2009 02:57 PM
21-02-2010, 02:52 PM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #2  
عايزه اقول حاجه اخيره بس قبل ما حد من مستاشاريننا الكبار يرد عليا..انه اهلي واهلو عارفين بالموضوع غير انه تم إشهار جوازنا..من أول ما بدأنا في الموضوع دا بس مشاكل كتير حصلت بين الاهل..وصلت ان اهلي رفضوه كزا مرا..فلو سمحتو مع احترامي للكل بس مش عايزه أي تجريح من حد لأن ربنا هوه واحده اللي عالم بحالنا..وربنا يسترها مع الجميع ان شاء الله

21-02-2010, 03:00 PM
abcman غير متصل
عضوية الشرف
رقم العضوية: 13021
تاريخ التسجيل: Aug 2004
الإقامة: Saudi Arabia, Jiddah
المشاركات: 7,508
إعجاب: 1,708
تلقى 1,706 إعجاب على 352 مشاركة
تلقى دعوات الى: 1 موضوع
    #3  
إن شاء الله يجيبك الأستاذ جمال على أسئلتك لكني فقط سأجيب على سؤال واحد إجابة شرعية إن كان الشرع والدين يهموكي إما إن كانوا لا يهموكي فاعتبريني لم أتكلم بشيء

لا يوجد سن معين تستطيع فيه المرأة أن تزوج نفسها بدون ولي فلا زواج إلا بولي والولي هو احد أركان صحة عقد الزواج (بجوار الإشهار والشهود والإيجاب والقبول) وبدونه يكون عقداً باطلاً

وإن شاء الله يكمل معكِ جمال

بالتوفيق


21-02-2010, 03:20 PM
maza غير متصل
عضو جديد
رقم العضوية: 317980
تاريخ التسجيل: Dec 2009
المشاركات: 21
إعجاب: 0
تلقى 0 إعجاب على 0 مشاركة
تلقى دعوات الى: 0 موضوع
    #4  
الله يكون في العونو ياريت تقدري ان الجواز يكون شرعي خوفا من الله


21-02-2010, 08:13 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1332 موضوع
    #5  
عليكم السلام ورحمة الله
أختى الكريمة
الاجابة على أسئلتك على الترتيب :
1-لا يوجد سن قانون للبنت تقدر تزوج نفسها
بدون ولى الأمر ( الا اذا كانت ثيبا-أى سبق لها الزواج ) .
والرجل يزوج نفسه وحده بدون ولى ابتداء من سن 18 سنة .
2-توثيق عقد الزواج العرفى لا يمنع الأهل من ابطال هذا الزواج
اذا كان لهم حجة شرعية أو قانونية فى ابطال هذا الزواج .
3-سن الزواج الرسمى فى مصر هو 18 سنة .
4-من يتزوج أقل من هذا السن يعرض نفسه للمحاكمة .
5-أوراق رسمية تثبت أنكم متزوجين - لم تتمكنوا من ذلك الا بحكم قضائى .
6-من الأشياء التى تحتاجونها الشهود بجانب الوراق الرسمية .
7- لازم بطاقة من مصر .


السـيد الـجمـل
المحامى
بـالنقض والإدارية والدستورية العليا
30 ش عنتر من ش الإنتاج من ش كريستال عصفور عزبة عثمان شبرا الخيمة
الإستشارات المجانية في المنتدى فقط !!
ت / 18303730 010
المعلومات القانونية في هذا المنتدى ملكية فكرية لبوابة داماس فقط فاعلم

22-02-2010, 08:36 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #6  
انا متشكرا اوي على رد حضرتك على اسالتي دا اولا... معلش انا عايزه استفسر على حاجه كمان اذا سمحت يعني احنا الاثنين سننا فوق ال١٨ هل دا معناه اننا كدا مش هنتعرض لمسائله قانونيه الا في حالت لو اهلي رفعو عليه دعوا وكدا? هل يقدرو يسجنوه يعني?حاجه تانيه...بعدين انا بسمع كتير عن مكاتب التوثيق في مصر للموضوع دا يعني هل لازم يكون في محكمه او قدام ماذون يعني مكاتب التوثيق دي مش لجواز المصريين ?بس لمختلفين الديانه او الجنسيه?طب في حالة لو رفعو دعوا علينا احنا ايه اللي نقدر نعمله?يعني هيكون موقفنا ضعيف الا اذا ولي امري وافق وكدا الموضوع يتحل?
طب نعمل ايه عشان الموضوع يتم...انا قريت مرا انه ينفع موضوع انو المتجوزين عرفي ينفع يطلقو في محكمه..طب لنفرض ان الموضوع دا عملناه هل كدا نقدر نتجوز تاني بس بعقد شرعي ?ولا ايه راي سياتك في الموضوع انا اسفه اني طولت اوي كدا بس واللهي احنا بقالنا هنكمل سنه ونص واحنا بندور وبنسال ومش عارفين نوصل لحاجه واهلي معاندين اوي وواخدنها تحدي فمش عارفين نوصل لحاجه غير اني انزل ونوصلها لمحاكم يا اما اعمل في نفسي حاجه عشان يرتاحو

22-02-2010, 09:08 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #7  
انا متشكرا على تفاعل بعض الاعضاء الكرام معايا بس كنت حابه ارد بس على حاجه يا جماعه انتو ماتعرفوش ظروفي ايه ولا احنا عملنا ايه ولا فكرنا اصلا ازاي عشان تحكمو احنا بنخاف ربنا ولا لاء ربنا واحده اللي يشهد علينا وعلى اللي في قلبنا ساعتها وهوه ادرا بعباده..

22-02-2010, 10:20 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #8  
معلش انا نسيت اسأل سؤال كمان...هيه اجرائات اني اطلع بطاقه شخصيه في مصر بتاخد وقت طويل يعني بالايام؟طب لو بتاخد وقت طويل ينفع يكون ليها بديل زي الباسبور مثلا للتوثيق؟؟
وكمان انا كنت كاتبه لحضرتك موضوع بس كنت كاتباه ضمن الردود مع موضوع تاني لان مشاركتي ساعتها كانت لسه ما اتفعلتش بس رأي حضرتك يهمني فيه اوي...

جوزي هيتم ال21 سنه في شهر 7 دا ان شاء الله...خلص دراسة ثناويه عامه في الامارات وبعدين رجع مصر ودخل جامعه اعد فيها سنة واحده بس وبعدين سابها..هوه المفروض يقدم دلوقتي على الجيش بس مراحش ولا قدم..وهوه دلوقتي بيشتغل في الغردقه انا فهمت من حضارتكو ان لو وضع زي كدا في حكم هارب من الخدمه ولو قدم نفسه دلوقتي حيتحبس دا غير ان فترة تجنيده هتزيد سنه...وتقريبا اتمسك مرتين وربنا سترها معاه لان ليه قرايبه ساعدوه وطلعوه مش عارفه ازاي..انا فكرت انه يكمل دراسته ويرجع تاني للجامعه على السنه الجديده ان شاء الله عشان موضوع الجيش دا..هل لو نفع الموضوع دا يقدر ياخد إعفا مؤقته من الجيش لحد ما يخلص دراسته؟؟
انا طبعا طول عمري عايشه بره وماعرفش اي حاجه في قوانين العسكريه في مصر ف انا مش عارفه لو ينفع الموضوع دا ولا لاء؟؟؟
ياريت تفيدوني لاننا ربنا عالم بحالنا وقد ايه على اعصابنا خصوصا انا لانه في مصر وانا اعدا في الامارات مع اهلي ..نتصرف ازاي؟؟خصوصا ان وضعنا دلوقتي ماينفعش خالص انه يسلم نفسه للجيش لاننا في بداية حياتنا وبنكون نفسنا لسه ...لو سمحتو اي حد عندو فكره عن الموضوع ياريت يرد عليا وياريت الاستاذ/جمال هوه اللي يتفضل عليا ويديني الجواب الشافي
وأسفه على الاطاله....

22-02-2010, 10:37 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #9  
وكمان ايه الحجج القانونيه او الشرعيه اللي يقدرو يمسكوها ضدنا في وضعنا الحالي؟؟
واخيرا انا اسفه موووووووووت اني بسأل كتير اوي كدا..بس بصراحه انا ما صدقت الاقي حد اقدر اسأله ومتمكن من الموضوع وعارف كل حاجه واثق في معلوماتو وفيه شخصيا..ومتشكراااا اوييييي واسفه كمان مره لاني كل شويه ادخل واكتب سؤال انا كنت ناسياه (بحاول على قد ما اقدر اني اكون ملمه بالموضوع عشان اقول لجوزي كمان ونكون عارفين كل الزوايا),,,,,,,

22-02-2010, 10:22 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1332 موضوع
    #10  
المشاركة الأصلية كتبت بواسطة madam engy 
انا عايزه استفسر على حاجه كمان اذا سمحت يعني احنا الاثنين سننا فوق ال١٨ هل دا معناه اننا كدا مش هنتعرض لمسائله قانونيه الا في حالت لو اهلي رفعو عليه دعوا وكدا?
نعم لن يسألكم أحد الا إذا رفع أهلك دعوى ضدكم .


المشاركة الأصلية كتبت بواسطة madam engy 
هل يقدرو يسجنوه يعني?
سجن لا . ولكن يمكن إبطال عقد الزواج من جانب أهلك .

المشاركة الأصلية كتبت بواسطة madam engy 
بعدين انا بسمع كتير عن مكاتب التوثيق في مصر للموضوع دا يعني هل لازم يكون في محكمه او قدام ماذون يعني مكاتب التوثيق دي مش لجواز المصريين ?بس لمختلفين الديانه او الجنسيه?
المأذون الشرعى ............ للمصريين .
مكاتب التوثيق .............. لغير المصريين .
المحكمة .................... للمصريين وغير المصريين .


المشاركة الأصلية كتبت بواسطة madam engy 
طب في حالة لو رفعو دعوا علينا احنا ايه اللي نقدر نعمله?يعني هيكون موقفنا ضعيف الا اذا ولي امري وافق وكدا الموضوع يتحل?
هذه دعوى شرعية لأهلك حجتهم ولكم حجتكم
والقاضى هو الذى سيفصل بينكم على حسب
رأى الشرع والقانون فى هذا الزواج .....

إذا اقر ولى أمرك هذا الزواج فلا مشكلة ...


المشاركة الأصلية كتبت بواسطة madam engy 
طب نعمل ايه عشان الموضوع يتم...انا قريت مرا انه ينفع موضوع انو المتجوزين عرفي ينفع يطلقو في محكمه..طب لنفرض ان الموضوع دا عملناه هل كدا نقدر نتجوز تاني بس بعقد شرعي ?ولا ايه راي سياتك في الموضوع
المتزوجون عرفيا يمكنهم - اذا توافرت الشروط الشرعية الأخرى- أن
يتم زواجهم من جديد بموجب وثسقة زواج رسمية على يد مأذون ...
ولا يشترط أن يتم طلاق الأول من الزواج العرفى ثم الزواج
بل سصح الزواج مباشرة بطريقة سليمة وشرعية .....

المشاركة الأصلية كتبت بواسطة madam engy 
انا اسفه اني طولت اوي كدا بس واللهي احنا بقالنا هنكمل سنه ونص واحنا بندور وبنسال ومش عارفين نوصل لحاجه واهلي معاندين اوي وواخدنها تحدي فمش عارفين نوصل لحاجه غير اني انزل ونوصلها لمحاكم يا اما اعمل في نفسي حاجه عشان يرتاحو
ربنا يهديكم الى الحل الصحيح إن شاء الله ...
وسكون بعد العسر يسرا ان شاء الله .........


المشاركة الأصلية كتبت بواسطة madam engy 
يا اما اعمل في نفسي حاجه عشان يرتاحو
ورجاء أن تستغفرى الله عز وجل عن هذه العبارة ....
والجأى الى الله عز وجل أن يفرج عنك هذا الأمر ....
وسيجعل الله بعد عسر يسرا .........................

22-02-2010, 10:34 PM
gamal gamal غير متصل
محامى ومستشار قانوني
رقم العضوية: 12890
تاريخ التسجيل: Aug 2004
المشاركات: 12,952
إعجاب: 1,042
تلقى 429 إعجاب على 67 مشاركة
تلقى دعوات الى: 1332 موضوع
    #11  
المشاركة الأصلية كتبت بواسطة madam engy 
معلش انا نسيت اسأل سؤال كمان...هيه اجرائات اني اطلع بطاقه شخصيه في مصر بتاخد وقت طويل يعني بالايام؟طب لو بتاخد وقت طويل ينفع يكون ليها بديل زي الباسبور مثلا للتوثيق؟؟
نعم يمكن لجواز السفر أن يحل محل البطاقة .
ولكن بشرط ؟
أن يكون جواز السفر جديد ( كمبيوتر ) ومذكور فيه الرقم القومى .
فإن لم يكن :
وكان الجواز ورقيا من النوع الفديم وما زال ساريا :
أن يرفق معه مستخرج رسمى من شهادة الميلاد كمبيوتر ...

والبطاقة الشخصية تحتاج الى :
شهادة ميلاد .
شهادة المؤهل الدراسى .
الموقف من التجنيد (للذكور)
عقد الايجار ثابت التاريخ .


المشاركة الأصلية كتبت بواسطة madam engy 

جوزي هيتم ال21 سنه في شهر 7 دا ان شاء الله...خلص دراسة ثناويه عامه في الامارات وبعدين رجع مصر ودخل جامعه اعد فيها سنة واحده بس وبعدين سابها..هوه المفروض يقدم دلوقتي على الجيش بس مراحش ولا قدم..وهوه دلوقتي بيشتغل في الغردقه انا فهمت من حضارتكو ان لو وضع زي كدا في حكم هارب من الخدمه ولو قدم نفسه دلوقتي حيتحبس دا غير ان فترة تجنيده هتزيد سنه...وتقريبا اتمسك مرتين وربنا سترها معاه لان ليه قرايبه ساعدوه وطلعوه مش عارفه ازاي..انا فكرت انه يكمل دراسته ويرجع تاني للجامعه على السنه الجديده ان شاء الله عشان موضوع الجيش دا..هل لو نفع الموضوع دا يقدر ياخد إعفا مؤقته من الجيش لحد ما يخلص دراسته؟؟
انا طبعا طول عمري عايشه بره وماعرفش اي حاجه في قوانين العسكريه في مصر ف انا مش عارفه لو ينفع الموضوع دا ولا لاء؟؟؟
ياريت تفيدوني لاننا ربنا عالم بحالنا وقد ايه على اعصابنا خصوصا انا لانه في مصر وانا اعدا في الامارات مع اهلي ..نتصرف ازاي؟؟خصوصا ان وضعنا دلوقتي ماينفعش خالص انه يسلم نفسه للجيش لاننا في بداية حياتنا وبنكون نفسنا لسه ...لو سمحتو اي حد عندو فكره عن الموضوع ياريت يرد عليا وياريت الاستاذ/جمال هوه اللي يتفضل عليا ويديني الجواب الشافي
وأسفه على الاطاله....
يمكنه الرجوع الى الدراسة مرة أخرى
ما دام أنه لم يترك الجامعه أكثر من سنة .
وبشرط أن يراجع شئوون الطلبة فى ذلك الأمر
حتى يكون على بينة أكثر .

23-02-2010, 07:58 AM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #12  
المتزوجون عرفيا يمكنهميتم زواجهم من جديد بموجب وثسقة زواج رسمية على يد مأذون ...
ولا يشترط أن يتم طلاق الأول من الزواج العرفى ثم الزواج
بل سصح الزواج مباشرة بطريقة سليمة وشرعية .....

دا كلام حضرتك...دلوقتي انا قولت كدا عشان يبقى اسمي مطلقه وينفع نتجوز تاني منغير ولي أمري بس بعقد شرعي ورسمي..ولا برده مش هينفع؟؟؟


حاجه تانيه..احنا الورقه اللي كانت تثبت اننا متجوزين والدي اخدها مني ومش عارفه عمل فيها ايه؟وعايزين نعمل ورقه تانيه..بس تكون شبه رسميه اكتر..نعملها عند اي محامي ولا في محاميين معينين؟ولو حابين نوثقها نوثقها فين ولا برده مش هينفع؟وبنسبة للحجات اللي هنحتاجها(بالنسبالي هيكون جواز سفري وشهاده ميلادي صور ولا الاصليين؟وبالنسباله هوه معاه بطاقته الشخصيه..بس انا مافهمتش يعني ايه عقد الايجار ثابت؟يعني تأجير شقه ولا ايه ؟ وطبعا الشهود)

واخيرا اعذرني على اسألتي الكتيرا اوي اوي دي..ربنا يا رب يجازيك كل خير يا رب ويوفقك ومتشكرا جداااااااا على صبر حضرتك عليا وسعة صدرك

24-02-2010, 01:18 PM
madam engy غير متصل
عضو جديد
رقم العضوية: 325692
تاريخ التسجيل: Feb 2010
المشاركات: 22
إعجاب: 0
تلقى إعجاب 1 على مشاركة واحدة
تلقى دعوات الى: 0 موضوع
    #13  
ياريت حضرتك ترد عليا عشان الموضوع يوضح اكتر من كدا بالنسبالي ...و اسفه على الازعاج

 


ايه السن القانوني اللي يسمح للبنت انها تجوز نفسها منغير ولي الامر

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.