أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


04-02-2010, 12:26 AM
أحلي بنوتة غير متصل
عضو مميز
رقم العضوية: 300749
تاريخ التسجيل: Jul 2009
المشاركات: 275
إعجاب: 69
تلقى 205 إعجاب على 69 مشاركة
تلقى دعوات الى: 2 موضوع
    #1  

هو وهى (حوار كوميدى على الكورنيش)



هو وهى يسيران على الكورنيش .. الجو حار .. الشمس محرقة .

هي : عطشانة .

هو : وأنا كمان .

هي : يعنى ... عايزة اشرب!

هو : أكيد مادام عطشانة يبقى عايزة تشربي .

هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟

هي : أنت طبعاً .

هو : منين ياحسرة .. ماانتى عارفة الكانز وغطاه .

هي : ماقلتش عايزة كانز .. كفاية إزازة صاروخ .

هو : طب لو هاتجيبى اعزمينى معاكى .

هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو : عندك الكورنيش كله .. اختاري الرصيف اللي يعجبك .

هي : قصدي تعزمنى في مكان شاعري .

هو : في الحر ده .. ماينفعش .

هي : بلاش دى .. نأخد مركب عالكورنيش .

هو : المراكب بتغرق اليومين دول .. خلينا ع البر أحسن .

هي : بلاش المركب تعالى نأكل ترمس .. أظن ده رخيص .

هو : إنتى تضمني منين إن الراجل غاسل إيده وغاسل الترمس .

هي : أعوذ بالله .. إنت مقفلها كده ليه ؟؟

هو : بصراحة معييش فلوس .

هي :يا سلام!! .. ماأنت كان معاك إمبارح .


هو : إمبارح دخلت سينما مع واحدة فالفلوس خلصت .

هي : واحدة؟؟!! وبتقولها في وشى .

هو : أكذب عليكى يعنى .

هي : لأ .. تحرق دمى أحسن .

هو : أنا مش شامم حاجة .

هي : يخرب بيت البرود .

هو : برود إيه ؟؟ ماهو الجو مولع أهو .

هي : إنت اللي بارد .

هو : بارد إزاى ؟؟ دا أنا بشُر عرق .

هي : بقولك إيه .. روحنى .

هو : أروحك ؟! هو إنتى ماتعرفيش تروحي لوحدك .

هي : آآآآه .. طب أنا ماشية .

هو : ليه يا حبيبتي؟؟

هي : حبك برص .

هو : الله يسامحك .. ميرسى .

هي : بجد كده كتير .

هو : كتير إيه ؟؟

هي : إرحمنى .. واضح إن الحر بيجى معاك بالعكس .. يا بارد .

هو : يعنى مصممة تمشى ؟؟

هي : أيوة وحالاً كمان .

هو : طب استني لما نوصل آخر الشارع .

هي : اشمعنى ؟؟


هو : أصل أنا ساكن هناك .. و مايرضكيش أروح لوحدى

هى : يا ناس الحقونى الواد ده بيعاكسنى

وكعادة الشعب المصري الشهم الناس كلها اتلمت عليه و .... الله يكون في عونه
(حوار كوميدى الكورنيش)(حوار كوميدى الكورنيش)(حوار كوميدى الكورنيش)





المواضيع المشابهه
الموضوع كاتب الموضوع المنتدى مشاركات آخر مشاركة
نهاية العالم بس كوميدي Mahmoud Abdo صور - طرائف - الغاز - مسابقات - تسالي - مرح - نكت - فوازير 1 26-11-2015 08:09 PM
كوميدى....هأ هأ هأ ommarime صور - طرائف - الغاز - مسابقات - تسالي - مرح - نكت - فوازير 19 01-05-2010 10:28 PM
الولد مع جدته حوار كوميدى هتضحك بجد أحلي بنوتة صور - طرائف - الغاز - مسابقات - تسالي - مرح - نكت - فوازير 4 08-02-2010 03:42 PM
04-02-2010, 01:47 AM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,396
إعجاب: 1,365
تلقى 670 إعجاب على 101 مشاركة
تلقى دعوات الى: 517 موضوع
    #2  
ممكن عنوان البنت دى لو سمحتى

اصل كدة الواد ده فركش ... ( البنت كدة فلسعته دون امكانية العودة )

يعنى عملتله شيفت ديليت

هههههههههههههههه


04-02-2010, 06:13 PM
أحلي بنوتة غير متصل
عضو مميز
رقم العضوية: 300749
تاريخ التسجيل: Jul 2009
المشاركات: 275
إعجاب: 69
تلقى 205 إعجاب على 69 مشاركة
تلقى دعوات الى: 2 موضوع
    #4  
عندك حق تطلب العنوان الله يكون في عون البنت بس
بالنسبة للعنوان فأنا مأعرفش العنوان
أما بالنسبة للبرود فهو فعلاً بارد
:big grin:

03-03-2010, 10:59 PM
جزيرة سي غير متصل
عضو مميز
رقم العضوية: 307734
تاريخ التسجيل: Sep 2009
المشاركات: 297
إعجاب: 93
تلقى 169 إعجاب على 55 مشاركة
تلقى دعوات الى: 0 موضوع
    #6  
جميلة جدا شكرا على نكت


04-03-2010, 04:24 AM
المطبعجى غير متصل
الوسـام الماسـي
رقم العضوية: 205092
تاريخ التسجيل: Jan 2009
الإقامة: مصر
المشاركات: 6,238
إعجاب: 2,257
تلقى 2,254 إعجاب على 350 مشاركة
تلقى دعوات الى: 148 موضوع
    #7  
هههههههه
تستاهل البنت دي أكتر من كده
والواد يستاهل الدبح
هههههههه
عشان يبطلوا صرمحة على الكورنيش

خالص تحياتي


05-03-2010, 12:37 PM
ommarime غير متصل
مجهودات عظيمة فى الركن العام والصور
رقم العضوية: 320630
تاريخ التسجيل: Jan 2010
المشاركات: 5,212
إعجاب: 997
تلقى 2,463 إعجاب على 543 مشاركة
تلقى دعوات الى: 0 موضوع
    #8  
دى كانت اتمشيت مع اخوها احسن على الاقل مش هيحرق دمها بس تستاهل


06-03-2010, 08:03 AM
Ahmed-Under غير متصل
عضوية الشرف
رقم العضوية: 84905
تاريخ التسجيل: Jun 2007
المشاركات: 19,155
إعجاب: 8,086
تلقى 10,351 إعجاب على 884 مشاركة
تلقى دعوات الى: 2591 موضوع
    #9  
هههههههههههههههههههههههههههههههههههههه حلوه


06-03-2010, 12:17 PM
max@max غير متصل
الوسـام الذهبي
رقم العضوية: 123671
تاريخ التسجيل: May 2008
المشاركات: 2,003
إعجاب: 634
تلقى 554 إعجاب على 148 مشاركة
تلقى دعوات الى: 0 موضوع
    #10  
هههه
جميل جدا شكرا ليك
على فكره انا الولد


 


هو وهى (حوار كوميدى على الكورنيش)

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.