أستغفر الله العظيم ... سبحان الله وبحمده



العودة   منتديات داماس > المنتديات العامة > صور - طرائف - الغاز - مسابقات - تسالي - مرح - نكت - فوازير


مواضيع مميزة  


آخر عشرة مواضيع المواضيع النشطة


04-02-2010, 12:17 AM
أحلي بنوتة غير متصل
عضو مميز
رقم العضوية: 300749
تاريخ التسجيل: Jul 2009
المشاركات: 275
إعجاب: 69
تلقى 205 إعجاب على 69 مشاركة
تلقى دعوات الى: 2 موضوع
    #1  

الولد مع جدته حوار كوميدى هتضحك بجد


الولد جدته حوار كوميدى هتضحك



الله أكبر الله أكبر..أذان الظهر..

-يارب.. يارب بحق ده الآدان تنجح يا سوسو يابن ابنى وأشوفك دكتور قد الدنيا
-ياجدتى بس أنا فى تجارة

-وماله يابنى هو يكتر على
ربنا...... ده ربنا قادر على كل شئ

-ياجدتى ونعم بالله بس اللى بيطلع دكتور لازم يكون فى كلية الطب مش التجارة

-ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

-ياجدتى التجارة اللى فى الوكالة حاجة واللى فى الكلية حاجة تانية

-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى
-ياجدتى ده ميت من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياجدتى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياجدتى دبلون إيه..أسمه البكالوريوس

-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد
الدبلون

-خلاص دبلوم دبلوم ياجدتى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان

-ياجدتى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياجدتى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ..... .......جدتى ماتطلعى البلكونة شويه ...ده الهوا
حلو بره


-ولا اقولك روحى المطبخ ...أهو زمان أمى خلصت الرز

-رز...رز إيه يابنى....هوأنا ليه سنان للرز...أناهطلع البلكونه أحسن

-طب أبقى خلى بالك م الهوى ياجدتى

-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها


ياترى أنا كان إسمى إيه؟؟ ياترى كان إسمى إيه؟؟





المواضيع المشابهه
الموضوع كاتب الموضوع المنتدى مشاركات آخر مشاركة
جديد ---------------- هتضحك ...يعني هتضحك sayed73 صور - طرائف - الغاز - مسابقات - تسالي - مرح - نكت - فوازير 6 01-09-2015 08:27 PM
مع شروق الامل هتضحك يعنى هتضحك شروق الامل صور - طرائف - الغاز - مسابقات - تسالي - مرح - نكت - فوازير 18 20-10-2014 03:18 PM
هتضحك يعنى هتضحك شروق الامل صور - طرائف - الغاز - مسابقات - تسالي - مرح - نكت - فوازير 2 07-09-2013 06:23 PM
كوميدى....هأ هأ هأ ommarime صور - طرائف - الغاز - مسابقات - تسالي - مرح - نكت - فوازير 19 01-05-2010 10:28 PM
هو وهى (حوار كوميدى على الكورنيش) أحلي بنوتة صور - طرائف - الغاز - مسابقات - تسالي - مرح - نكت - فوازير 9 06-03-2010 12:17 PM
04-02-2010, 01:53 AM
Magic-M غير متصل
الوسـام الماسـي
رقم العضوية: 213304
تاريخ التسجيل: Jan 2009
الإقامة: EGYPT
المشاركات: 3,396
إعجاب: 1,365
تلقى 670 إعجاب على 101 مشاركة
تلقى دعوات الى: 517 موضوع
    #2  
-يارب.. يارب بحق ده الآدان تنجح يا سوسو يابن ابنى وأشوفك دكتور قد الدنيا
طبعا كلية التجارة فيها دكاترة و عادى يعنى

بمعنى ان الواد يعنى ممكن يبقي شاطر ويجيب امتيازات و يبقي "معيد "
ثم يحضر شهادة الدكتوراه ويبقي دكتور فى كلية التجارة .. مفيش مشكلة

كان المفروض يتلم من الاول ويفهم الدعوة بدل الصداع ده
ايه الواد الغبي ده ...

و بالنسبة لموضوع الاسم ده .. فمستحيل حد ينسي يكتب اسمه

لييييييييييييييييييييييييييييييييييييييي ييييييييييه

لأن المراقب بيعدى على كل الطلبة ويلم ارقام الجلوس ويطابق البيانات
من واقع رقم الجلوس على ورقة الاجابة .. وكمان يوقع ( يمضي يعنى ) على الورقة بصحة البيانات

يبقى الواد ده اكيد غبي جدا جدا .. اكيد نسي حاجة تانية غير البيانات اللى على ورقة الاجابة


جاتو داهية ......... ههههههههه


07-02-2010, 06:04 AM
المطبعجى غير متصل
الوسـام الماسـي
رقم العضوية: 205092
تاريخ التسجيل: Jan 2009
الإقامة: مصر
المشاركات: 6,238
إعجاب: 2,257
تلقى 2,254 إعجاب على 350 مشاركة
تلقى دعوات الى: 148 موضوع
    #3  
المشاركة الأصلية كتبت بواسطة Magic-M 

طبعا كلية التجارة فيها دكاترة و عادى يعنى

بمعنى ان الواد يعنى ممكن يبقي شاطر ويجيب امتيازات و يبقي "معيد "
ثم يحضر شهادة الدكتوراه ويبقي دكتور فى كلية التجارة .. مفيش مشكلة

كان المفروض يتلم من الاول ويفهم الدعوة بدل الصداع ده
ايه الواد الغبي ده ...

و بالنسبة لموضوع الاسم ده .. فمستحيل حد ينسي يكتب اسمه

لييييييييييييييييييييييييييييييييييييييي ييييييييييه

لأن المراقب بيعدى على كل الطلبة ويلم ارقام الجلوس ويطابق البيانات
من واقع رقم الجلوس على ورقة الاجابة .. وكمان يوقع ( يمضي يعنى ) على الورقة بصحة البيانات

يبقى الواد ده اكيد غبي جدا جدا .. اكيد نسي حاجة تانية غير البيانات اللى على ورقة الاجابة


جاتو داهية ......... ههههههههه
يا ما جيكو الموضوع ظريف ودمه خفيف والله

ظريف والله وتسلم إيدك يا بنوتة

خالص تحياتي


 


الولد مع جدته حوار كوميدى هتضحك بجد

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.