أستغفر الله العظيم ... سبحان الله وبحمده



العودة   منتديات داماس > المنتديات العامة > المنتدى العام


مواضيع مميزة  


آخر عشرة مواضيع المواضيع النشطة


06-01-2010, 12:36 PM
abu_mada غير متصل
عضوية الإمتياز
رقم العضوية: 34078
تاريخ التسجيل: Feb 2006
الإقامة: JEDDAH
المشاركات: 1,695
إعجاب: 10
تلقى 3,655 إعجاب على 308 مشاركة
تلقى دعوات الى: 12 موضوع
    #1  

كلااااام جميييييييل وواقعي باللهجه الحجااااازيه




اللهم آت نفسي تقواها , وزكها , أنت خير من زكاها , أنت وليها ومولاها



حقــــــــــــــــــــــــــــــوق المرأه

الدكتورة :ليلى صالح‏باللهجه الحجازيه الجميلة


ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟

بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا

وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ...

الإنتخابات البلدية ليه ما نشارك فيها؟ وليه ما نروح هناك ونرقع بالصوت؟



يا أختي حلال عليكم البلدية كلها .. يعني إيش تبغوا تسووا؟

تحطوا ضوابط إصدار الرخص لمحلات الحلاقة مثلا؟

والا تناقشوا سفلتة الشارع اللي يودي على بيت أم إبتسام؟

والا ليه الشارع الفلاني ما فيه كوفيرة مغربية وكل اللي فيه مصريات؟

يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ..
. عشان تناقشي مشروع إنتخابي؟ هادا من تمام الفضاوه..

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر
المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.

مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر
التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...

إن الثور يحس؟ .....لايمكن.

لكن هل يمكن يحصل هادا في السعودية؟ أبدا ..

واللي يبغى يجرب.... الطريق قدامو .... يا عمي العملية كلها دلع حريم في دلع حريم ..
. رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟

وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة .. قال.


منظرعام


رجال محترمين زي الورد واقفين أمام صراف في بنك .. وتِجي أختنا في الله

)اللي يقولو إنها مهضومة الحقوق)

تتقدم للصراف (ِATM)مباشرة ولا على بالها من الطراطير اللي واقفين من ساعات ..

وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني ...
وخمسين سعودي... واثنين معقبين معاهم شوية فواتير مقاس إكس لارج

.. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال

.... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس !

ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه ....
يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة..
.إنت ما عندك أهل ...((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم
على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هههه!


اقتصاديا


شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل،
ويحضر بها عزايم وزواجات، ويقابل بها كبار المسؤولين، الخ، الخ، الخ...

والمرأة بسلامتها .. بقيمة أدوات مكياجها فقط ...

تقدر تفتح محل خياطة رجالي محترم . ويا ريت تحط من مكياجها في البيت.. لأ.

دا بَس للخروج ... وقيمة صباع روج والا علبة بودرة تساوي قيمة جوال جوزها

.. وكمان ازيدك من الشعر قصر .. مو بيت .. من حقوقها فستان لكل فرح. و مكياج.

وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية.
واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.(

قال إيه! حقوق المرأة.



نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..

ويعني إيه عنده مشاكل في العمل؟! والا أقساط متأخره؟! والافواتير؟! والا مقاضي ما يعرف كيف يجيبها؟!

مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف
مع نانسي عجرم .. ((مجرد مثل .. تف .. بره وبعيد(( ....

والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك)
طفَّشوني .. إيش رأيك نغير غرفة النوم؟ التلفون ما فيه حراره ...

جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو
..لازم يبقى رومانسي.

بينما هي وبكل سهولة تصحى بسلامتها في الظُهر...وتجد الكارثة الكبرى....يوه ... ما عندنا صلصه .
..وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا ..

حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس.

ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

.

وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان
....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ...
والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان،
وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو
بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو
عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في
السوق .. أحد قال لك لا تشتري؟

قال إيه؟ ... حقوق المرأة.


شرعا


المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها

.. والراجل مطالب إنو هواللي يصرف عليها مهما كان عندها فلوس.وثانيا: الرجال لازم

يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم

يروحوا ..


. بينما الست تصلي تحت المكيف ... في غرفتها... وأجرها زي الرجال تماما ....

ياعيني .. يا عيني ..والله الإسلام أعطاكم كتير .... وياريتو يِبان فيكم






المواضيع المشابهه
الموضوع كاتب الموضوع المنتدى مشاركات آخر مشاركة
ابدى رأيك من منظور علمى وواقعى "قصر الفتوى على المؤسسات الرسمية‏" ضيف البوابة المنتدى العام 7 16-09-2015 11:59 AM
كيف يمكنك استغلال وقتك علي الانترنت لتحقيق ربح حقيقي وواقعي ؟ Arablandnews شركات استضافة المواقع والتصميم والبرمجة وتطبيقات الجوال 1 30-08-2014 08:32 PM
06-01-2010, 12:47 PM
قمرالشام غير متصل
الوسـام الماسـي
رقم العضوية: 206891
تاريخ التسجيل: Jan 2009
المشاركات: 7,011
إعجاب: 1,299
تلقى 3,511 إعجاب على 936 مشاركة
تلقى دعوات الى: 2 موضوع
    #2  
موضوع جميل جدا لهجةً ومناقشه ومعنى
وكلام سليم100%
بس بدي اسألك
هلئ هيك لهجة الحجازيه حلوه كتير
تسلم ايدك
في الحقيقه اللهجه جعلت الموضوع أكثر جاذبيه

وينك يا ابو رائد شوف هالموضوع
عم نستنى تعليقاتو الجميله عليه


06-01-2010, 01:19 PM
@طلال@ غير متصل
الوسـام الذهبي
رقم العضوية: 126936
تاريخ التسجيل: May 2008
الإقامة: المدينة المنورة
المشاركات: 1,774
إعجاب: 1,102
تلقى 773 إعجاب على 166 مشاركة
تلقى دعوات الى: 1296 موضوع
    #3  
بارك الله فيك بو مدى
فينك بو مدى كيفك كيف البزورة ان شاء الله تمام
يابوي من زمان متورينى موضيعك الحلوه ديا
واذا حب يتضارب
قال يبوي والله لكسر راسك با العجرةديا بابوي
واحل مافي الحجاز الترتيل الحجازي شي عجيب
زي الشيخ زكي داغستاني الله يرحمة
ولا الشيخ محمد ايوب الله يحفضة
تحياتي لك


07-01-2010, 02:44 AM
أبو حمزة الأثري غير متصل
الوسـام الماسـي
رقم العضوية: 101036
تاريخ التسجيل: Dec 2007
الإقامة: رفح-فلسطين
المشاركات: 2,398
إعجاب: 452
تلقى 32 إعجاب على 3 مشاركة
تلقى دعوات الى: 0 موضوع
    #4  
بارك الله فيك أخي الحبيب أبو مدى و جزاك الله خير
و بارك الله في الدكتورة ليلى صالح
أنها أنصفت الرجال ...
احنا كنا خايفيين يضل شبح حقوق المرأة ورانا
حتى يجي يوم و نصير نطالب بحقوق الرجل !!!



 


كلااااام جميييييييل وواقعي باللهجه الحجااااازيه

English

Powered by vBulletin® Version
Copyright ©2000 - 2017, Jelsoft Enterprises Ltd.
The owner and operator of the site is not responsible for the availability of, or any content provided.
Topics that are written in the site reflect the opinion of the author.
جميع ما يُطرح من مواضيع ومشاركات تعبر عن رأي كاتبها ولا تعبر عن رأي مالك الموقع أو الإدارة بأي حال من الأحوال.